GENESIS 8 - Ottawa New Testament Penteteuch and Psalms 1874

¹ Kesha‐Muhnedoo dush oogemequanemaun Noahun, kuhya kuhkenuh bamahdezenejin; kuhya kuhkenuh ahwahkaunun kahweejewegoojin emuh nahbequauning: Kesha‐Muhnedoo dush keënahkoonega chekeche‐nooding emuh uhkeeng, keühneïskutta dush;

² Kekebejewunoon dush enewh wanjejewungin enewh nebeen emuh keche‐kechegummeeng, kuhya gezhegoong duhzhe wahsachegunun kekebahquah‐egahdanoon kuhya kepoone-besah gezhegoong koo oonje kemewungebun.

³ Ahpena dush ashkum keühneïskutta emuh uhkeeng: kahningoodwauk ahshe nemeduhnuh duhsoo‐goonahguk keïskutta.

⁴ Uhpe nauzhwahsoo‐keziswahguk, uhpe kehmetahsoo ahshe nsezhwahsoogoonuhgezid keezis, me ewh uhpe kepahgoosing nahbequaun emuh Ararat wahjewing.

⁵ Ahpena dush ashkum keühneïskutta peenish matausoo‐keziswahguk: ewh kezheguk uhpe matausoo‐keziswahguk, uhpe washke‐ahgoojing keezis, kesahsahgebewun enewh wahjewun kacheishpuhdenaugin.

⁶ ¶ Kepuhgummeähyahmahgud dush kahnemeduhnuh‐duhsoogoonuhguk, Noah oogepahkahkoonaun ewh wahsachegun kahoozhetoopun emuh nahbequauning:

⁷ Oogesahgejenahzhahwaun dush pazhig kahgahgewun, kepahbahmesawun kuhya dush kebahbiskahbesawun, nahnauzh egoo wahweenga keïskuttanig emuh uhkeeng.

⁸ Kuhya keche‐oomeemeen oogesahgejenahzhahwaun, chewahbunduhmenid kishpin ahzhe kahiskuttagwan emuh metushkuhkummig;

⁹ Owh dush keche‐oomeemee, uhpe makunsig ningooche chepoonepun cheäunwabid, kebiskahbesa emuh nahbequauning, oonje kenebekahnig emuh anegookookummegaug uhkeeng: me dush kesahgenekanid, oogetuhkoonaun dush, kuhya oogepeendegawekoobenaun emuh nahbequauning.

¹⁰ Kayahbe neezhwahsoogoon kebeeöo; menuhwah dush oogesahgejenahzhahwaun keche‐oomeemeen oonje nahbequauning;

¹¹ Menuhwah dush wanahgooshenig nayaub oogepenaunzekahgoon eewh keche‐oomeemeen; benuh dush, oogepetahquunandaun ewh oliveähgahwunzhe ahneebeesh kahmahmundah‐moogoobunan: mesuh Noah kahoonjekekandung ewh keïskuttanig emuh uhkeeng.

¹² Menuhwah neezhwahsoogoon kepeöo; medush kesahgejenahzhahwaud enewh keche‐oomeemeen; kah dush menuhwah kebishkahbesasewun.

¹³ ¶ Kepuhguhmeähyahmahgud dush ewh kekenoonoowin uhpe kahningoodwauswauk dusoo‐pepoon‐uhgezid Noah ahshe pazhig, nangookeziswahguk, ewh kezheguk uhpe washke ahgoojing keesis, ahpeche keïskutta emuh uhkeeng: Noah dush oogebahkahbuhquanaun nahbequan, keënahbe dush, kuhya oogewahbundaun pangookummegaug uhkee.

¹⁴ Nauzhookeeziswahguk, kahneezhtuhnuh ahshe neezhwahsoogoon‐uhgezid keezis, ketapangookummegah uhkee.

¹⁵ ¶ Kesha‐Muhnedoo dush oogeguhnoonaun Noahun oo‐oo keëkedood;

¹⁶ Nahbequauning oonje sahguhun, keen, kuhya keweedegamahgun, kuhya kegwissug, kuhya kegwissug ooweedegamahgunewaun kegahweejewegoog.

¹⁷ Sahgejeweezh dush kuhkenuh bamahdezejig wahjewikig, wahyahsewejig, penasewug, kuhya ahwahkaunug, kuhya kuhkenuh pabahmoodajig emah uhkeeng; chekeche‐oonejah-nesewaud emuh uhkeeng, chemeshenooëdewaud, kuhya chebahtuhyenoowaud emuh uhkeeng.

¹⁸ Kesahguhum dush Noah, kuhya enewh oogwissun kuhya ooweedogamahgunun, kuhya oogwissun ooweedegamahgunene:

¹⁹ Kuhkenuh ahwaseyug, kuhkenuh babahmoodajig, kuhya kuhkenuh pababmesajig, kuhya pabahmoodajig emuh uhkeeng anduhsoo‐dawezewaud, kesabguhumoogoonje nahbequauning.

²⁰ ¶ Noah dush oogeöozhetuhmahwaun sahsahgewejegun‐ahbik enewh Jehovahun; kuhya anduhchenid pahnezenejin ahwaseyun, kuhya anduhchenid pahnezenejin penashewun, oogeöodahpenaun ahnind, kuhya oogepuggedenahmahwaun chahyahgedagin sahsahgewejegunun enewh Jehovahun.

²¹ Jehovah dush keweeshkoobemaunjega; oo‐oo dush keëkedoo owh Jehovah emuh oodaïng, kahween menuhwah ningahkuhgwahnesugganduhseen uhkee oonje enene oodezhewabezewin; kuhkenuh mah enene oodenanduhmoewinun anandungin emuh oodaïng uhpena mujje‐ezhewabudoonatuh pahahkoo‐ooshkenegid; kah dush menuhwah ningahpukketawahseeg kuhkenuh bamahdezejig, debishkoo ahzhe kahezhechegayaun.

²² Menik kaühkeewung, kah wekah tahpooneëzhewabussenoon chedebishkoosag chepuggedenuhming menekaun kuhya chekeeshkushkizhegang, chekesinaug kuhya chekezhahtag, cheneebing kuhya chepepoong, chekezheguk kuhya chetebekuk.