GENESIS 49 - Ottawa New Testament Penteteuch and Psalms 1874

¹ Jacob dush oogenundoomaun enewh oogwissun, oo‐oo keënaud, Mahwunjeëdeyook cheweenduhmoonenuhgoog ewh kadezhewabezeyag nahguj.

² Mahwunjeëdeyook, kuhya bezinduhmook, kenuhwah wanejahnesemenag Jacob; kuhya bezinduhwik Israel koosewah.

³ ¶ Reuben nenetumoozhaun kedow, nemushkahwezewin, kuhya wanjemahjesing nemushkahwezewin, kekeche‐ahpetandahgooz, kuhya kekeche‐mushkahwiz:

⁴ Debishkoo nebeeng kedezheähyah, kahween kesoongezese, kahween kegahnegaunandahgoozese; oonje keëzhahyun emuh koos oonebahguning; kegeweenetoon ewh uhpe: keëzhah emuh nenebahguning.

⁵ ¶ Wekahnesindewug Simeon kuhya Levi; mujje‐doodahga‐uhnookahzoowinun duhgoomahgudoon emuh andahwaud.

⁶ Ninjechaug, kagoo nunduhkekandungan ookeemoodeze-winewah: emuh anduhzhe‐mahwunjeëdewaud, kagoo peendegakan nekechetwahwezewin: magwah mah nishkahdezewaud oogenesahwaun enenewun, kuhya oonje wenuhwah keënanduhmoowaud weëzhechegawaud oogepegoopetoonahwah wahkahegun.

⁷ Kuhgwahnesugandahgwudene oonishkahdezewinewah, kemujje‐ezhewabudene mah; chachuhchebaun ningahahsaug emuh Jacobing, kuhya ningahsuhswashkuhwaug emuh Israeling.

⁸ ¶ Judah, keen suh kegahwahwezhanemegoog kekahnesug; kegahsuhgegwanaug egewh shaunganemikig; kegahshahgushketahgoog koos oonejahnesun.

⁹ Meshebesheens ahwe Judah: emuh kahkeöosayun kedöonjebah ningwissa; keshahgushkeshin debishkoo meshebesheeng debishkoo keche‐meshebesheeng; ahwanan kaähmudenaud.

¹⁰ Oogemah‐suhkuhoon kahween tahmahjahmahgussenoon emuh Judah uhyaud, kah kuhya owh tabahkoonegad emuh oojeengwuning, peenish tuhgwishing Shiloh; mesuh wuhowh kapenaunzekahgood enewh ahnishenahban.

¹¹ Oogahtuhkoobenaun enewh oopapazhegoogunzheensemun emuh pahtukkezoonid shooweminahgahwunzheen, kuhya oomahmaungeshansemun emuh pahtukkezoonid kache‐oonesheshenejin shooweninahgahwunzheen: oogekesebegenaunun oodahgwewinun emuh shooweminahboong, kuhya oopuhpeensekoowahgun emuh shoowenine‐misqueeng:

¹² Tahmiskooshkeenzhegwa oonje shooweminahboo, kuhya webittun tahwahbishkahmahgudene oonje doodooshahboo.

¹³ ¶ Zebulun tahduhnuhkee emuh kechegummeeng duhzhe uhgoomoowining; mesuh ewh uhgoomoowin emuh cheähgwindagin nahbequaunun; peenish dush Zidoning tahooduhkeeme.

¹⁴ ¶ Issachar ezheähyah debishkoo mashkahwezid mamaungesha shagushkeed nesuhwuhyeëe uhtagin neezh bemewunaunun.

¹⁵ Oogewahbundaun dush öonesheshinenig aunwabewin, kuhya minwahbuhmenahgwuk ewh uhkee; kuhya keshuhgushketah chepemewunad, kebuhmeetahgunewe kuhya chetebahahmahwaud oogemaun ooshooneähmene.

¹⁶ ¶ Dan oogahtebahkoonaun enewh oodahnishenahbamun, debishkoo pazhig oodoogemahmewaun egewh Israelitug.

¹⁷ Dan tahahwe kenabig emuh meekunaung, owh mujje‐kenabig emuh muhyahwekunah taquumaud papazhegoogunzheen emuh oodoonduhnahning, cheöonjeahzhapungeshing owh pamoomegood.

¹⁸ Ningebeetoon kebemahjeëwawin O Jehovah.

¹⁹ ¶ Gad, oogahmahmauzheëgoon enewh waqueenoonejin: gaguhpe dush tahmahmauzheëwa.

²⁰ ¶ Ewh meejim Ashering kaöonjebahmahguk, mesuh kuhya owh kaöondenuhmahgad keche‐oogemah‐menoo‐wesenewin.

²¹ ¶ Naphtali ahwe wahwaushkashe ahyahbahegahzood: ookekedoonun wanesheshingin ekedoowinun.

²² ¶ Joseph ahwe mahkoogemuhguk wahtikwun, ewh mahkoogemahguk wahtikwun cheguhyeëe oondahebauning; wahtikwunun puhgejesinenewun emuh wahkaheguning:

²³ Oogekeche‐kooduggeëgoon enewh bamoojeganejin, kuhya oogepemoogoon, kuhya oogesheenganemegoon:

²⁴ Kemushkahwezemahgudene dush ween oometikwahbeen, kuhya oonikaung oogemushkahwezeëgoon enewh mashkahwezenejin oo Kesha‐Muhnedoomun owh Jacob; (mesuh emuh wanjebaud owh mahnishtahnishe‐wenene, oodahsinemun owh Israel;)

²⁵ Enewh koos oo Kesha‐Muhnedoomun, mesuh owh kaweedookook; kuhya enewh mahyahmahwe‐mushkahwezenejin, mesuh owh kashahwanemik ishpeming duhzhe shahwanjegawinun, kuhya akoo demeeg wanjebahmahgukkin shahwanjegawinun, doodooshing kuhya oopuhyowing wanjebahmahgukkin shahwanjegawinun:

²⁶ Nahwuj mushkahwezemahgudenewun koos ooshahwanjegawinun ooshahwanjegawinewaun dush ween noosebuneeg peenish wuhyaquah‐ahyaugin enewh kahgega‐wahjewun: emuh ooshtequauning Joseph tahahyahmahgudoon, emuh ooshtequauning owh kahwabenegood enewh wekahnesun.

²⁷ ¶ Benjamin tahmukkundwa debishkoo maheenguning: kekezhabahwahgudenig oogahaumwaun enewh kanesahjin, kuhya tebekudenig oogahmahdahookeen ewh kamahmood.

²⁸ ¶ Mesuh oogoo metauswe ahshe neezh papukkaun azheweenzoojig Israelitug: mesuh kuhya oo‐oo kahegoowaud oosewaun, kuhya kahezheshahwanemegoowaud debishkoo anandahgwudenig ooshahwanemegoowaun.

²⁹ Oogekuhgaunzoomegoowaun dush, oo‐oo keëgoowaud, Zhuhyegwah suh nindezhahnug nindahnishenahbamug: puhgedanemeshig emuh kepuhgedanemindwah noosebuneeg emuh weembahbikaug emuh ooduhkeenseming owh Ephron owh Hittite,

³⁰ Ewede waumbahbikaug emuh Machpelah ketegauning, ewh atag emuh anahsuhme‐ahyaug Mamre, emuh Canaaning, ewh kahkishpenuhtuhwaud Abraham kuhya ewh uhkeens enewh Ephronun Hittiteün chedebandung chebaguhmig emuh chepuggedaninding.

³¹ Me emuh kepuggedanemind Abraham kuhya ooweedegamahgunun Sarahun: me emuh kepuggedanemindwah Isaac kuhya oowedegamahgunun Rebeccahun; emuh kuhya ningepuggedanemah Leah.

³² Oonejahnesun owh Heth keähtahwawun ewh uhkeens kuhya ewh waumbahbikaug emuh.

³³ Uhpe dush Jacob kahishquahkuhgaunzoomaud enewh oogwissun, oogequuhyukkesittoonun enewh oosittun emuh nebahguning, medush keïshquahnahmood, kuhya keëzhaud enewh oodahnishenahbamun.