GENESIS 48 - Ottawa New Testament Penteteuch and Psalms 1874

¹ Kepuggummeähyahmahgud dush kahishquah‐ahyaugin oonoo, ahweyah oo‐oo oogepeëzheweenduhmahwaun Josephun, Benuh ahkoose koos: oogemahjewenaun dush nuhyazh oogwissun, Manassehun kuhya Ephraimun.

² Kedebahjemootuhwah dush Jacob oo‐oo keënind, Benuh kepeöodissig kegwis Joseph: Israel dush kemushkahwezeëdezoo, kuhya kenuhmuhduhbe oogijuhyeëe nebahguning.

³ Jacob dush oo‐oo oogeënaun Josephun, Ningewahbuhmah Kesha‐Muhnedoo mahyahmahwe‐mushkahwezid ewede Luzing emuh Canaaning, kuhya ningeshahwanemig.

⁴ Oo‐oo dush ningeïg, Benuh kegahpuggedenuhmoon chebahtuhyenoowaud kenejahnisug, kuhya kegahmeshenooïn, kuhya ningahenahkoonega chebahtuhyenoowaud kedahnishenahbamug; kuhya ningahmeenaug kenejahnesug kaähneka‐bemahdezejig maunduh uhkee kahgenig cheöoduhkeemewaud.

⁵ ¶ Benuh dush neen nedebanemaug nuhyazh kegwissug, Ephraim kuhya Manasseh, kahahyahwudjig oomuh Egypting chepwah penaunzekoonaun emuh Egypting; debishkoo azhedebanemugwah Reuben kuhya Simeon, ningahezhedebanemaug.

⁶ Egewh dush kenejahnesug menuhwah kaähyahwudjig keen kegahdebanemaug, kuhya azhenekahzoonid wekahnesewaun tahezhenekahzoowug emuh ooduhkeemewaung.

⁷ Neen dush ween, uhpe Padaning wanjebahyaun, Rachel keduhpena emuh Canaan duhzhe uhkeeng emuh muhyahwekunah kagah zhegwuh tagwishenaun ewede Ephrathing; ningeäh sah dush ewede emuh meekunaung Ephrathing uhneëzhaung; me suh ewh Bethlehem.

⁸ Israel dush oogeguhnuhwahbuhmaun nuhyazh oogwissine enewh Josephun, oo‐oo dush keëkedoo, Ahwananug oogoo?

⁹ Joseph dush oo‐oo oogeënaun enewh oosun, Mesuh oogoo ningwissug Kesha‐Muhnedoo kahmeezhid oomah uhkeeng. Oo‐oo dush oogeëgoon Jacobun, Peetuhweshin kepahgoosanemin, ningahshahwanemaug dush.

¹⁰ Benuh dush uhgahwah kewahbe Israel oonje kekaud, kah dush keminwahbese. Pashoo dush Joseph oogepeetuhwaun; Jacob dush oogeöojeemaun, kuhya oogeminjemenaun.

¹¹ Israel dush oo‐oo oogeënaun Josephun, Kahween ninguhwahbuhmahse kegeënaneminenahbun: benuh dush Kesha‐Muhnedoo ningewahbunduhig kuhya egewh kegwissug.

¹² Joseph dush emuh oogedigooning oogeöonjeöodahpenaun; kuhya keshahgushketah metushkuhkummig enuhkayah keënahbid.

¹³ Joseph dush oogeöodahpenaun nuhyazh, Ephraimun emuh ookecheneenjeeng. Israel oonuhmuhjeneenjeeng enuhguhkayah, kuhya Manassehun emuh oonuhmunjeneenjeeng, Israel ookecheneenjeeng enuhkuhkayah, pashoo dush oogepetuhwaun.

¹⁴ Israel dush keshebenekane ookecheneenj, kuhya oogetaungenaun Ephraimun emuh ooshtequaunening, ahnooween‐goo ahgahsheënid, kuhya oogetaungenaun Manassehun emuh ooshteqwaunening oonuhmunjeneenj keühyood, oonjedah oo‐oo kedoodum; Manasseh mah kesuhseekeze.

¹⁵ ¶ Oogemenoo‐guhnoonaun dush Josephun, oo‐oo keëkedood, Kesha‐Muhnedoo owh emuh anahsuhmeed kahpuhbahmoosawaud noosebuneeg Abraham kuhya Isaac owh Kesha‐Muhnedoo kahuhshuhmid menik buhbemahdezeyaun nuhnauzh egoo noongoom.

¹⁶ Owh Angen kahmedahgwanuhmuhwid kuhkenuh mujje‐uhyeëewish, ooguhshahwanemaun enewh quewezansun, mahnoo kuhya oogahuhyahnahwah nindenoozoowin, kuhya ewh oodenoozoowinewah noosebuneeg Abraham kuhya Isaac; mahnoo kuhya ashkum tuhbahtuhenoowug nahwuhyeëe emuh uhkeeng.

¹⁷ Uhpe dush Joseph wuhyahbundung ketaungenahnid Ephraimun ookecheneenje keühyoonid, kewuhsittahwandum: oogeöombenuhmahwaun dush oosun ooneenjene, chetaungenahsenid, Ephraimun ooshteqwaunening chetaungenahnid atuh Manassehun emuh ooshteqwaunening.

¹⁸ Joseph dush oo‐oo oogeënaun enewh oosun, Kagoo ewh doodungan, noosa: mesuh mahbah saseekezid; taungenuhmow ooshteqwaun kekecheneenj uhyooyun.

¹⁹ Oogeähgoonwatahgoon dush oosun, oo‐oo keëgood, Nekekandaun ningwis, nekekandaun: kuhya ween oogahahyahwaun nebewah ahnishenahban, kuhya tahkechetwahweze: kagate dush ween ahwahshema tahkechetwahwezewun ooshemaün, tahkeche‐bahtuhyenoowun oonejahnesun.

²⁰ Oogemenoo‐guhnoonaun dush ewh kezheguk, oo‐oo keëkedood, Mesuh keen kedenoozoowin kaweenduhmoowaud egewh Israelitug uhpe manoo kuhnoonindewahjin, oo‐oo cheëdewaud, Mahnoo Kesha‐Muhnedoo kegahpuggedenuhmaug cheëzheähyahyun debishkoo azheähyaud Ephraim kuhya debishkoo azheähyaud Manasseh: nahwuj edush oogekechetwahweäun Ephraimun Manassehun dush ween.

²¹ Israel dush oo‐oo oogeënaun Joshephun, Benuh nenib: kegahweejewig dush Kesha‐Muhnedoo, kuhya nayaub kegahezhewenig emuh ooduhkeemewaung egewh koosebuneeg.

²² Nahwuj edush nebewah uhkee kegemeenin kekahnissug dush ween, ewh kahmuhkuhmug owh Amorite nindahzhahwashk keähyooyaun kuhya nemetikwaub.