GENESIS 47 - Ottawa New Testament Penteteuch and Psalms 1874

¹ Joseph dush oogepeweenduhmahwaun Pharaohun, oo‐oo keënaud, noos kuhya nekahnisug, kuhya oomahnishtahnishemewaun, kuhya oopezhekemewaun kuhya kuhkenuh ooduhyeemewaun, kepëoonjebahwug Canaaning; benuh dush Goshening ahyahwug.

² Oogeöodahpenaun dush ahnind wekahnisun, nahnun enenewun, kuhya oogepeendeguhnaun emuh ahyahnid Pharaohun.

³ Pharaoh dush oo‐oo oogeënaun enewh Joseph wekahnissun, Ahneen anuhnookeeyag? Oo‐oo dush oogeënahwaun Pharaohun, Mahnishtahnishe‐wenenewewug kebuhmeetahgunug, nenuhwind, kuhya nooseminahbuneeg.

⁴ Menuhwah dush oo‐oo oogeënahwaun Pharaohun, Cheduhnuhkeeyaung oomah uhkeeng nimbeöonjeëzhahmin: kahmah kebuhmeetahgunug oodahyaunsenahwah kameejenid oodoowahkaunewaun; keche‐pukkuddakummegud mah emuh Canaaning: mahnoo kepahgoosanemegoo puggedenuhmow kebuhmeetahgunug cheähyahwaud emuh Goshening.

⁵ Pharaoh dush oogeguhnoonaun Josephun, oo‐oo keënaud Koos kuhya kekahnisug kegepenaunzekahgoog:

⁶ Anahsuhmeyun duhgoomahgud Egypting duhzhe uhkee; mahnoo kegahduhnuhkeeäug koos kuhya kekahnisug emuh oonesheshenenig uhkee; emuh Goshening mahnoo tahduhnuhkeewug: kishpin dush kekanemudwah ahnind netuhahnookeewaud, mahnoo oogahoogemahkundahwahwaun nindoowahkaunemun.

⁷ Joseph dush oogepeendiguhnaun oosun Jacobun, kuhya oogeähsaun anahsuhmenid Pharaohun: Jacob dush oogemenoo‐guhnoonaun Pharaohun.

⁸ Pharaoh dush oo‐oo oogeënaun Jacobun, Ahneen anduhsoo‐pepoon‐uhgezeyun?

⁹ Jacob dush oo‐oo oogeënaun Pharaohun, Ningoo‐dwauk ahshe nemeduhnuh duhsoo pepoon nepahbahduhniz oomah uhkeeng: pungeshawuggudoon kuhya mujjeëzhewabudoon nekezhegudoomun, kah dush nintabemahdizese menik kahbemahdezewaud noosebuneeg uhpe kahpahbahduhnezewaud oomah uhkeeng.

¹⁰ Jacob dush oogemenoo‐guhnoonaun Pharaohun, keühnesahguhum dush oonje emuh anduhzhe ahyahnid Pharaohun.

¹¹ ¶ Joseph dush oogeähsaun oosun kuhya wekahnisun ewede, kuhya oogemeenaun uhkee emuh Egypting, emuh keche‐oonesheshing uhkee, emuh Rameses azhenekahdag uhkeeng, debishkoo kahekedoogoobunan Pharaoh.

¹² Joseph dush oogeähshumaun buhquazhegun enewh oosun, kuhya wekahnisun, kuhya kuhkenuh dabandahgoozenejin emuh oosun oowegewaumening, debishkoo anduhchenid.

¹³ ¶ Kah dush kebuhquazhegunekahsenoon mezewa emuh uhkeeng; kekeche‐pukkuddakummegud mah, kuhkenuh dush anduhnuhkeejig emuh Egypting kuhya emuh Canaaning kenoondashinoog oonje kepukkuddahummegudenig.

¹⁴ Joseph dush oogemahwunjeaun kuhkenuh shooneäun emuh Egypting, kuhya emuh Canaaning, oonje ewh buhquazhegun kahpekishpenuhtoowaud ahnishenahbag: Joseph dush oogepeëzhewenaun enewh shooneaün emuh Pharaoh oowegewauming.

¹⁵ Uhpe dush kahchahgenegahzood shooneyah emuh Egypting, kuhya emuh Canaaning, kuhkenuh egewh Egyptianug oogepenaunzekahwahwaun Josephun, oo‐oo dush keënahwaud, Meezheshenaun buhquazhegun: Wagoonan suh kaöonjenebooyaungebun emuh anahsuhmeyun, kechahgenegahzoo suh shooneäh.

¹⁶ Joseph dush oo‐oo keëkedoo, Meezheshig kedoowahkaunewaug; kegahmeenenim dush buhquazhegun oonje kedoowahkaunewaug kishpin kahchahgenegahzoogwan keshooneyahmewah.

¹⁷ Oogepetuhmahwahwaun dush Josephun oodoowahkaunewaun: Joseph dush oogemeenaun buhquazhegun mashquod oopapazhegoogunzhemewaun, kuhya oomahnishtahnishemewaun, kuhya oopezhekeemewaum, kuhya oomamaungeshaemewaun: oogeähshummaun dush buhquazhegun ewh pepoong oonje kuhkenuh oodoowahkaunewaun.

¹⁸ Uhpe dush kahishquah-pepoong, oogepenaunzekahwahwaun menuhwah papoonenig, oo‐oo dush oogeënahwaun, Kahween ningahkahduhmoowahsenaun nindoogemahmenaun, ewh kechahgenegahzood neshooneyahmenaun; nindoogemahmenaun kuhya oodahyahwaun nindoowahkaunenahnin; kah dush gagoo ishkoonegahdasenoon emuh anahsuhmeed nindoogemahmenaun, me atuh neyowenahnin, kuhya ninduhkeemenaunin:

¹⁹ Wagoonan kaöonjenebooyaung emuh anahsuhmeeyun, nenuhwind kuhya ninduhkeemenaun? kishpenuhzheshenaum kuhya ninduhkemenaun oonje buhquazhegun nenuhwind dush kuhya ninduhkeemenaun ningahbuhmeetuhwahnaun Pharaoh: kuhya meezheshenaum menekaun, cheöonjebemahdezeyaung, cheneboosewaung dush, puhgwuduhkummig azhenahgwuk cheëzhenahgwussenoog oomah uhkeeng.

²⁰ Joseph dush oogekishpenuhtoon kuhkenuh anegookekummegaug uhkee emuh Egypting chedebanduhmenid Pharaohun; egewh mah Egyptianug oogeähtahwanahwah anduhchewaud ooduhkeemewaun, oonje keshahgoocheëgoowaud ewh pukkuddawin: medush Pharaoh kedebandung ewh uhkee.

²¹ Oogeëzhekoozeäun enewh ahnishenahban emuh oodanaung, wahyaquahuhyahnig ewh Egypt keöonjemahjewenaud keëzhewenaud dush nuhpauj enuhka.

²² Ooduhkeemewah atuh egewh sahsahgewejega‐wenenewug kahween oogekishpenuhtooseen; egewh mah sahsahgewejega‐wenenewug oogeähshummegoowaun Pharaohun, kuhya oogemeejenahwah ewh kahahshummegoowaud Pharaohun: mesuh kahoonjahtahwasigwah ooduhkeemewaun.

²³ Joseph dush oo‐oo oogeënaun enewh ahnishenahban, Benuh kegekishpenuhninim noongoom kezheguk kuhya ningekishpenuhtoon keduhkeemewah chedebandung Pharaoh: benuh kemeenenim menekaun, chesuhswawabenuhmag emuh uhkeeng.

²⁴ Uhpe dush netahweging ewh kahpuhgedenuhmag, ahnind kegahmeenahwah Pharaoh, kuhya ahnind kenuhwah kegahahyahnahwah, kaöonjeöomenekahnemeyag uhpe weketegayag kuhya kaöonjeöomeejimemeyag, kenuhwah kuhya egewh dabandahgoozejig emuh kewegewaumewaung, kuhya kenejahnesewaug.

²⁵ Oo‐oo dush keëkedoowug, Kegebemahjeïmin: mahnoo ningahminwandahgoozemin emuh ooshkeenzhegoong nindoogemahmenaun, ningahbuhmeetahwahnaun dush Pharaoh.

²⁶ Joseph dush keënahkoonega ewh cheëzhewabuk emuh anegookookummegaug Egypting duhzhe uhkee nahnauzh egoo noongoom, ahnind chedebandung Pharaoh menik natahweging emuh uhkeeng; sahsahgewejega‐wenenewug atuh ooduhkemeewah kahween Pharaoh oogedebanduhseen.

²⁷ ¶ Israel dush keduhnuhke emuh Egypt duhzhe uhkeeng emuh Goshen duhnuhkewining; kedebandahsoowug dush emuh, kuhya ashkum kekeche‐bahtuhenoowug.

²⁸ Jacob dush keduhnuhkee emuh Egypting metahswe ahshe neezhwahsoo‐pepoon: Jacob dush keningoo‐dwauk duhsoo pepoon‐uhgeze ahshe nemeduhnuh ahshe neezhwahswe.

²⁹ Gagah dush zhegwuh keöojechesane uhpe chenebood Israel: oogenundoomaun dush oogwissun Josephun, oo‐oo dush keënaud, Kishpin kahmekahmoowaunan minwandahgoozewin emuh anahsuhmeyun, ahtoon keneenj, kepahgoosanemin, emuh ahnaumeë nebwauming kuhya shahwanemeshin kuhya dabwatuhweshin; kagoo puggedanemeshekan emuh Egypting kepahgoosanemin:

³⁰ Ningahshingeshin suh emuh ahyahwaud noosebuneeg, kegahsahgejeweezh dush oonje Egypting, kuhya kegahpuggedanim emuh kepuggedanemindwah noosebuneeg. Joseph dush oo‐oo keëkedoo, Ningahezhechega ewh akedooyun.

³¹ Oo‐oo dush oogeëgoon Jacobun, Mushkahwe‐wahweenduhmahweshin. Oogemushkahwe‐wahweenduhmahwaun dush. Israel dush keshahgushketah emuh oogïjuhyeëwung ewh nebahgun.