GENESIS 46 - Ottawa New Testament Penteteuch and Psalms 1874

¹ Israel dush kemahjah kemahjedood kuhkenuh ooduhyeëmun, ketuhgwishin dush emuh Beershebaïng, kïuhya oogesuhsahgewenaun enewh waKesha‐Muhnedoomegoojin oosebuneen Isaacun.

² Kesha‐Muhnedoo dush oogeguhnoonaun Israelun magwah tebekudenig, oo‐oo keëkedood, Jacob, Jacob. Oo‐oo dush oogeëgoon, Oomah nindahyah.

³ Oo‐oo dush keëkedoo, NeKesha‐Muhnedowh, ningeöo-Kesha‐Muhnedoowemig koosebun: kagoo sagezekan weëzhahyun ewede Egypting duhzhe uhkeeng; ewede mah kegahenahkoonin chekeche‐meshenooyun:

⁴ Kegahuhneweejewïn ezhahyun Egypting; kagate kuhya kegahpekewawenin: Joseph dush oogahuhtoonun ooninjeen keeshkinzhegoong.

⁵ Jacob dush kepuhsegwe oonje Beershebaing: Israel dush oogwissun oogepemewenahwaun enewh oosewaun Jacobun, kuhya tebenuhwa oonejahnesewaun, kuhya oowedegamahgunewaun, emuh ootahbahning enewh Pharaoh kahezhenahzhah-uhmahgoowahjin chepemewenegoowaud.

⁶ Oogeöodahpenahwaun dush oodahwahkaunewaun, kuhya ooduhyeëmewaun, kahoondenuhmoowaud ewede Canaaning, kepeëzhahwug dush emuh Egypting, Jacob, kuhya kuhkenuh oonejahnissun.

⁷ Oogwissun, kuhya oogwissun oogwissine, oodahnissun, kuhya oogwissun oodahnissine, kuhya kuhkenuh oonejahnissun oogeëzhewenaun emuh Egypting.

⁸ ¶ Mesuh oonoo oodezhenekahzoowinewaun Israel oonejahnisun, kahpeëzhahnid emuh Egypting, Jacob kuhya enewh oogwissun; Reuben, Jacob oonetumoozhaunun.

⁹ Kuhya oogwissun owh Reuben; Hanoch, kuhya Phallu, kuhya Hezron, kuhya Carmi.

¹⁰ ¶ Kuhya oogwissun owh Simeon; Jemuel, kuhya Jamin, kuhya Ohad, kuhya Iachin, kuhya Zohar, kuhya Shaul kahoogwissëmegood enewh Canaaning duhzhe equan.

¹¹ ¶ Kuhya oogwissun owh Levi; Gershon, Kohath, kuhya Merari.

¹² ¶ Kuhya oogwissun owh Judah; Er, kuhya Onan, kuhya Shelah, kuhya Pharez, kuhya Zarah: Er dush ween kuhya Onan keduhpenawug emuh Canaaning duhzhe uhkeeng. Kuhya oogwissun owh Pharez, me suh Hezron kuhya Hamul.

¹³ ¶ Kuhya oogwissun owh Issachar; Tola, kuhya Phuvah, kuhya Job, kuhya Shimron.

¹⁴ ¶ Kuhya oogwissun owh Zebulun; Sered, kuhya Elon, kuhya Jahleel.

¹⁵ Mesuh oonoo oogwissun owh Leah, enewh kahnegetuhmahwahjin Jacobun emuh Padan‐araming, kuhya enewh oodaunun Dinah: kuhkenuh oogwissun kuhya oodahnun kenesemeduhnuhwawun ahshe‐neswe.

¹⁶ ¶ Kuhya oogwissun owh Gad; Ziphion, kuhya Haggi, Shuni, kuhya Ezbon, Eri, kuhya Arodi, kuhya Areli.

¹⁷ ¶ Kuhya oogwissun owh Asher; Jimnah, kuhya Ishwah, kuhya Issui, kuhya Beriah, Kuhya Serah, oodahwamahwaun: kuhya oogwissun owh Beriah; Heber, kuhya Malchiel.

¹⁸ Mesuh oonoo oogwissun owh Zilpah, enewh Laban kahmeenaud enewh oodaunun Leahun, mesuh oonoo kahneegetuhmoowahjin Jacobun, kemetahchewun ahshe ningoodwahswe.

¹⁹ Oogwissun owh Rachel Jacob oowedegamahgunun; Joseph, kuhya Benjamin.

²⁰ ¶ Joseph dush kenegetuhmahwah Manasseh kuhya Ephraim, emuh Egypt duhzhe uhkeeng, me enewh kahnegetuhmahgoodjin, Asenathun, oodaunun owh Potipherah Oning duhzhe sahsahgewejega‐wenene.

²¹ ¶ Kuhya oogwissun owh Benjamin, mesah Belah, kuhya Becher, kuhya Ashbel, Gerah; kuhya Naaman, Ehi, kuhya Rosh, Muppim, kuhya Huppim, kuhya Ard.

²² Mesuh oonoo oogwissun Rachel kahneegetuhmahwind Jacob: kemetahchewun ahshe‐newin.

²³ ¶ Kuhya oogwissun owh Dan; Hushim.

²⁴ ¶ Kuhya oogwissun owh Naphtale, Jahzeel, kuhya Juni, kuhya Jezer, kuhya Shillem.

²⁵ Mesuh oonoo oogwissun owh Bilhah, enewh Laban kahmeenaud oodahnissun Rachelun, oogenegetuhmahwaun dush Jacobun oonoo: kenezhwahchewun suh.

²⁶ Kuhkenuh enewh kahweejewegoojin Jacob emuh Egypting, enewh wanejahnesejin, keningoo‐dwahsemeduhnuhwawun ahshe ningoodwahswe, kahween uhgemahsewun Jacob oogwissun oowedegamahgunene:

²⁷ Keneezhewun Joseph oogwissun kahnegenejin emuh Egypting: kuhkenuh egewh dabandahgoozejig emuh Jacob oowegewauming, kahpeëzhahjig emuh Egypting, keneezhwahse‐meduhnuhwawug.

²⁸ ¶ Oogenegaunenahzhahwaun dush Judahun chenaunzekahwahnid Josephun, chenuhquashkahgood emuh Goshening; ketuhgwishenoog dush emuh Goshening.

²⁹ Joseph dush oogewahwazheäun oodootahbaun, kuhya oogeähwenuhquashkahwaun Israelun oosun, ewede Goshening, oogewahbuhmegoon dush; kepungeshin dush emuh ooquagunauning, kuhya kenooazh kemuhwe emuh ooquagunauning.

³⁰ Israel dush oo‐oo oogeënaun Josephun, Mahnoo suh dush ningahnib, ningewahbundaun mah kedangwuhy, kayahbe mah kebemahdiz.

³¹ Joseph dush oo‐oo oogeënaun enewh wekahnisun, kuhya enewh dabandahgoozenejin emuh oosun oowegewaumening, ningahezhah, kuhya ningah‐weenduhmahwah Pharaoh, oo‐oo dush ningahenah, ningebenaunzekahgoog nekahnesug, kuhya egewh dabandahgoozejig emuh noos oowegewauming, ewede Canaaning anduhnuhkeepuneeg;

³² Mahnishtahnishe‐wenenewewug dush egewh enenewug, mesuh oodahnookewinewah cheguhnuhwanemahwaud ahwahkaunun; oogepeenahwaun dush oomahnishtahnishemewaun, kuhya oopezhekeemewaun, kuhya kuhkenuh enewh ahyahmoowahjin.

³³ Uhpe dush Pharaoh nundoomenag, oo‐oo kuhya enenag, Ahneen anuhnookeeyag?

³⁴ Oo‐oo kegahenahwah, Kebuhmeetahgunug oo‐guhnuhwanemahwaun ahwahkaunun pahahkoo ooshkenegeyaung nahnauzh egoo noongoom, nenuhwind, kuhya nooseminahbuneeg; cheöonjeduhnuhkeeyag emuh Goshening; egewh mah Egyptianug oosheenganemahwaun kuhkenuh mahnishtahnishe‐wenenewun.