GENESIS 45 - Ottawa New Testament Penteteuch and Psalms 1874

¹ Joseph dush kahween oogekushketooseen chemuhwesig anahsuhmenid kuhkenuh enewh waujekahbahwetahgoojin; anegook dush kekekedoo, oo‐oo keëkedood, Mahnoo kuhkenuh tahsahguhuhmoog oonje emuh ahyahyaun. Kah dush ahweyah enenewun oogeweejekahbahwetahgooseen, magwah Joseph waunduhmahwaud wekahnesun ewh uhyahwid:

² Kekezhewa dush kemuhwid: kenoonduhmoog dush egewh Egyptianug kuhya egewh dabandahgoozejig emuh Pharaoh oowegewauming.

³ Joseph dush oo‐oo oogeënaun enewh wekahnisun, Nindow suh Joseph; kayahbe nuh bemahdeze noos? Kah dush kekushketoosewun wekahnisun chenuhquatahgood; kemegooskahdanduhmoon mah ween oonje.

⁴ Joseph dush oo‐oo oogeënaun enewh wekahnisun, Pashoo peëzhahyook kepahgoosaneminim: Pashoo dush kepeëzhahwun. Oo‐oo dush keëkedoo, Nindow Joseph keshemaëwah kahahtahwayag chepeëzhewenegooyaun oomah Egypting.

⁵ Kagoo dush kushkandunkagoon, kagoo kuhya nishkanindezookagoon, ewh keähtahwayag neyow oomah chebeëzhe-wenegooyaun: ningeëzhenahzhahoog mah Kesha‐Muhnedoo oomah chebwah kenuhwah tuhgwishenag, cheöonjebemahjeëwayaun.

⁶ Zhuhyegwah suh neezhoopepoonuhgud akoo‐pukkudda-kummeguk emuh uhkeeng: kahyahbe dush tahnahnoo‐pepoo-nuhgud, menik kapemeboojegaseeng kuhya kakishkushkezhegaseeng emuh uhkeeng.

⁷ Kesha‐Muhnedoo dush ningeëzhenahzhahoog oomah chebwah kenuhwah tuhgwishenag cheöonje‐bemahdezewaud kenejahnesewaug emuh uhkeeng, kuhya chebemahjeënuhgoog kechebemahjeëgooyag:

⁸ Kahween kenuhwah kegepeëzhenahzhahooseem oomah, Kesha‐Muhnedoo suh: ningepuggedenuhmaug dush cheöoyoosemid Pharaoh, kuhya cheöogemahkunduhmaun anegookwahnig Pharaoh oowegewaum, kuhya anegookookummegaug Egypting duhzhe uhkee.

⁹ Waweeb mahjaug, ezhahyook noos, oo‐oo dush enik, Oo‐oo ekedoo kegwis Joseph, Kesha‐Muhnedoo ningeënahkoonig cheöogemahkunduhmaun anegookookummegaug Egypting duhzhe uhkee: penaunsekahweshin, kagoo kenooazh ewede duhnezekan:

¹⁰ Kegahduhnuhkee dush emuh Goshening, cheguhyëe ahyahyaun kegahduhniz, keen, kuhya kenejahnesug, kuhya koosheshaüg, kuhya kemahnishtahnishemug, kuhya kepezhekeemug, kuhya kuhkenuh ayahwudjig.

¹¹ Ewede dush kegahahshummin; kayahbe mah nahnoo‐pepoon tahpukkuddakummegud; koonemah keen, kuhya egewh emuh kewegewauming dabandahgoozejig, kuhya kuhkenuh ayahwudjig, kedahketemahgezeem.

¹² Benuh dush kishkinzhegoon ahyooyag, kuhya neshema Benjamin ooshkinzhegoon ahyood, kewahbundahnahwah neen nindoon guhnoonegooyag.

¹³ Kegahtebahjemootuhwahwah suh noos kuhkenuh azhekechetwahwandahgoozeyaun oomah Egypting, kuhya kuhkenuh uhyeëen kahwahbunduhmagoon; kegahwaweebetaum chenahnag noos.

¹⁴ Oogenuhwuhdenaun dush Benjamin ooshemaün, kemuhwe dush; kuhya oogenuhwuhdenegoon Benjaminun, kemuhwenid emuh ooquagunaung.

¹⁵ Kuhya oogeöojemaun kuhkenuh wekahnesun, kuhya kemuhwe uhpe nawuhdenaud: nahgujeesh dush oogeguhnoonegoon wekahnisun.

¹⁶ ¶ Kenoondahwahwug dush Pharaoh oowegewauming egewh oo‐oo kahekedoojig, Ketuhgwishenoon Joseph wekahnisun: keminwandum dush Pharaoh kuhya oobuhmeetahgunun.

¹⁷ Pharaoh dush oo‐oo oogeënaun Josephun, Oo‐oo kegahenaug kekahnisug Oo‐oo ezhechegag; pemoonduhik kedoowuh-kaunewaug, ezhaug edush ewede Canaaning duhzhe uhkeeng;

¹⁸ Kuhya oodahpenik koosewah kuhya egewh ayahjig kewegewaumewaung, penaunzekahweshig dush: kegahmeenenim dush enewh wanesheshingin emuh Egypting duhzhe uhkeeng, kegahmeejenahwah dush ewh kache‐weeninoowung emuh uhkeeng.

¹⁹ Noongoom suh dush kekuhgaunzoomegoom oo‐oo cheëzhechegayag; oodahpenuhmahzooyook tatebesa‐ootahbaunun emuh Egypting duhzhe uhkeeng chenahnindwah dush kenejahnesewaug, kuhya nahnik koosewah peëzhaug dush.

²⁰ Kagoo kuhya buhbahmandunkagoon keduhyeëmewaun; anahsuhmeyag mah duhgoomahgud anegookwaug Egypting duhzhe uhkee.

²¹ Medush oo‐oo kahezhechegawaud Israel oonejahnesun: Joseph dush oogemeenaun ootahbaunun, debishkoo kahekedoogoobunan Pharaoh, kuhya oogenuhwuhpoonaun.

²² Kuhkenuh anduhchenid enenewun oogemeenaun ahgwewinun kaöonjeähyaunjekoonuhyanid, oogemeenaun dush ween Benjaminun niswauk‐dus‐wahbik shooneaun, kuhya ahgwewin nahning menik cheäunjekoonuhyanid.

²³ Oogeëzhenahzhahuhmahwaun dush oosun oonoo; metauswe mamaungishaün pamoonduhmenid wanisheshingin emuh Egypting, kuhya metauswe equa‐mamaungishaün pamoonduhmenid mundahmin kuhya buhquazhegun oosun kameejenid uhpe buhbahmahdezenid.

²⁴ Me dush kemahjenahzhahwaud enewh wekahnisun, kemahjahwun dush: oo‐oo dush oogeënaun, aungwahmezeg suh chekekaundesewag emuh meekunaung kaneëzhahyag.

²⁵ ¶ Egypting dush keöonjemahjahwug, ketuhgwishenoog dush emuh uhyahnid enewh oosewaun Jacobun emuh Canaaning duhzhe uhkeeng.

²⁶ Oogeweenduhmahwahwaun dush, oo‐oo keënahwaud, Kayahbe bemahdeze Joseph, oodoogemahkundaun dush kuhkenuh anegookwaug Egypting duhzhe uhkee. Keüngoooguhna dush Jacob, kahmah oogedabwatuhwahseen.

²⁷ Oogeweenduhmuhwahwaun dush kuhkenuh oodekedoowinun owh Joseph, kahegoowaud: uhpe dush kahwahbuhmaud enewh ootahbaunun kahpeëzhenahzhahuhmahgoojin Josephun emuh ween chepoozid, nayaub kemenoodaä Jacob.

²⁸ Israel dush oo‐oo keëkedoo, Me menik, ningwis Joseph kayahbe bemahdeze: ningahahwewahbuhmah chepwah nebooyaun.