GENESIS 44 - Ottawa New Testament Penteteuch and Psalms 1874

¹ Oogeguhnoonaun dush enewh ganuhwanduhmenejin oowegewaum, oo‐oo keënaud, Mooshkenuhtuhmowh egewh enenewug oomushkemoodahwaung ewh meejim menik kakushkoonduhmoowaud, kuhya ahtoon anduhchewaud ooshooneyahmewaun emuh oomushkemoodahwaung.

² Ahtoon dush nemenequahjegun, ewh shooneyah‐uhyeëe, emuh oomushkemoodaung owh mahyahmuhwe ahgahsheïd, kuhya oobuhquazhegune‐shooneyahmun. Keëzhechega dush debishkoo kahegood Josephun.

³ Uhpe dush wuhyahbunenig, kemahjenahzhahwahwug egewh enenewug, kuhya oomamaungishaëmewaun.

⁴ Uhpe dush kahsahguhumoowaud oodanaung, kah muhshe wahsuh duhnezesegwahbun, Joseph oo‐oo oogeënaun enewh ganuhwanduhmenejin oowegewaum, Umba noopenuzh egewh enenewug; uhpe dush keühdemüdwah, oo‐oo kegahenaug, Wagoonan kahoonjemujje‐doodahgayag ahnahweengoo kemenoo‐doodahgooyag.

⁵ Kahnuhween oo‐oo ahwunsenoon ewh nindoogemaum ayood manequajin, kuhya ewh wanjeäunwahjegad? kagate kegemujje‐ezhechegam kahezhechegayag.

⁶ ¶ Oogeühdemaun dush kuhya oogeënaun oonoo ekedoowinun.

⁷ Oo‐oo dush oogeëgoon, Wagoonan nindoogemaumenaun wanjeëkedood oonoo ekedoowinun? Kahween tahezhewabussenoon kebuhmeetahgunug ewh akedooyun cheëzhechegawaud:

⁸ Benuh nayaub kegepeetahgoo owh shooneyah, kahmekahwungidebun emuh nemushkenoodahnaung uhpe Canaaning wanjemahjahyaung: ahneen dush kaëzhekeemoodeyaungebun shooneyah gamuh kuhya oozahwah‐shooneyah emuh kedoogemaum oowegewauming?

⁹ Ahwagwan kamekummoowahwindan, mahnoo tahneboo, kuhya nenuhwind ningahbuhmeetahwahnaun nindoogemaumenaun.

¹⁰ Oo‐oo dush keëkedoo, Mahnoo tahezhewabud debishkoo akedooyag: ningahbuhmeetaug owh kamekuhmoowind; kenuhwah dush kahween gagoo kegahezhewabezeseem.

¹¹ Waweeb edush anduhchewaud egewh enenewug oogeneswabenahnahwah oomushkemoodahwaun metushkuhkummig, kuhya anduhchewaud oogepahkenahnahwaun oomushkemoodahwaun.

¹² Kenundoonega dush kemahjetaud emuh uhyahnid enewh saseekezenejin, keïshquahtah dush emuh uhyahnid enewh agahsheënejin: oogemekaun edush ewh menequahjegun emuh Benjamin oomushkemoodaung.

¹³ Oogepeegoobetoonahwah dush oodahgwewinewaun, kuhya nayaub oogeöomboondahahwaun oomamaungeshaëmewaun ooduhyeëmewaun, keëzhekewawug dush emuh oodanaung.

¹⁴ ¶ Judah dush kuhya wekahnisun kepeëzhahwug emuh Joseph oowegewauming; kayahbe mah emuh duhnezegoobun Joseph: kepungeshinoog dush emuh metushkuhkummig anahsuhmeenid

¹⁵ Joseph dush oo‐oo oogeënaun, Wagoonan suh oo‐oo ezhechegawin kahezhechegayag? kahnuhween kegekekanduhsenahwah neen kache‐ähpetandahgoozeyaun kushketooyaun cheäunwahjegayaun?

¹⁶ Judah dush oo‐oo keëkedoo, Wagoonan kaënungid nindoogemaumenaun, ahneen kaëkedooyaung? Wagoonan kaëkedooyaung kaöonjekekandahgoozeyaung dush ewh menooezhewabezeyaung? Kesha‐Muhnedoo suh oogemekaun oomujje ezhewabezewinewaun kebuhmeetahgunug: benuh kebuhmeetahgunug nindahwemin, nenuhwind kuhya owh kahmekahmahwind menequahjegun.

¹⁷ Joseph dush oo‐oo keëkedoo, Kahween tahezhewabussenoon oo‐oo cheëzhechegayaun: owh atuh kahmekuhmoowaud ewh menequahjegun ningahbuhmeetaug; kenuhwah dush ween emuh pezaunezewining ezhahyook koosewah.

¹⁸ ¶ Judah dush pashoo oogeëzhahnun, oo‐oo keëkedood, Oh nindoogemaum, mahnoo kepahgoosanemin kebuhmeetahgun tahekedoo pazhig ekedoowin emuh ootuhwugaung nindoogemaum, kagoo nishkanemahkan kebuhmeetahgun: debishkoo mah apeetandahgoozid Pharaoh keen kedahpeetandahgooz.

¹⁹ Nindoogemaum oogekuhgwajemaun oobuhmeetahgunun, oo‐oo keëkedood, Kedooyoosem nuh, gamuh nuh kedooshemaïm?

²⁰ Oo‐oo dush ningeënahnaun nindoogemaumenaun, nindooyoosemahnaun uhkewanzee, kuhya oodahyahwaun agahsheënejin quewezansun, kahneegenejin uhpe kakaud; keneboowun dush oosuhyayün, ween dush atuh ishkoonah kahnegeëgood enewh oogeen, oosahgeëgoon dush oosun.

²¹ Oo‐oo dush kegeënaug kebuhmeetahgunug, nahnik chewahbuhmug oomah nishkinzhigoon ahyooyaun.

²² Oo‐oo dush ningeënahnaun nindoogemaumenaun, owh ooshkenuhwa kahween ootahkushketooseen chenuhguhnaud oosun: kishpin mah nuhguhnahpun oosun, tahgeneboowun oosun.

²³ Oo‐oo dush kegeënaug kebuhmeetahgunug, Kishpin peweejewesenoowag keshemaëwah, kahween menuhwah keguhwahbuhmeseem.

²⁴ Uhpe dush tagwishenaung emuh uhyaud kebuhmeetahgun noosenaun ningetebahjemootuhwahnaun kuhkenuh kahekedood nindoogemaunenaun.

²⁵ Oo‐oo dush keëkedoo noosenaun, Menuhwah ezhaug, ahwekishpenuhtoog punge meejim kameejeyung.

²⁶ Oo‐oo dush ningeëkedoomin, Kahween nindahezhahsemin: kishpin atuh weejeweyungid ahpeche agahsheïd neshemaënaun, ningahezhahmin; kah mah nindahwahbuhmahsenaun owh enene; kishpin pwahweejeweyungid ahpeche agahsheïd neshemaënaun.

²⁷ Oo‐oo dush ningeëgoonaun kebuhmeetahgun noosenaun, Kekekandahnahwah newedegamahgunebun kenegetuhmahwid neezh quewezansun:

²⁸ Pazhig dush kesahguhum oonje emuh ahyahyaun, oo‐oo dush ningeëkid, kagate oogenesegoodooganun mujje‐ahwaseün; kah dush menuhwah nindoonjewahbuhmahse:

²⁹ Kishpin dush mahjewenag kuhya mahbuh, gagoo dush ezhewabezid, kegahpungesedoonahwaun newahbequaunun emuh chebagummigoong kaähpeech‐kushkanduhmaun.

³⁰ Uhpe dush öodisug kebuhmeetahgun noos, kekanemeneyungid dush kepeenahsewungid owh quewezanse; kekanduhming ewh tuhgwuhpedanig oobemahdezewin emuh oobemahdezewining owh quewezanse;

³¹ Tahezhewabud suh uhpe wahbundung ahyahwahsewunwungid owh quewezanse chenebood: kebuhmeetahgunug dush oogahpungesedoonahwaun oowahbequaunun owh kebuhmeetahgun noosenaun emuh chebagummigoong kaäpeech kushkandung.

³² Kebuhmeetahgun mah oogeühpuhzenuhuhmahwaun noosun oonje enewh quewezansun, oo‐oo keëkedooyaun, Kishpin nayaub peenahsewug, mahnoo ningahmujje‐ënanemig.

³³ Mahnoo suh dush kepahgoosanemin, oomah tahduhneze mashquud kebuhmeetahgun, kah dush ween owh ooshkenuhwa cheöobuhmeetahgunemegood nindoogemaumun; mahnoo dush owh quewezanse oogahuhneweejewaun enewh wekahnesun.

³⁴ Ahneen suh kaëzhekushketooyaumbaun cheëzhahyaun noos ahyahwahsewug dush owh quewezans? koonemah suh ningahwahbundaun ewh mujje‐uhyeëweezh kapuhgummishkahgood noos.