GENESIS 43 - Ottawa New Testament Penteteuch and Psalms 1874

¹ Kekeche‐pukkuddakummegud dush emuh uhkeeng.

² Uhpe dush kahkedahmoowaud kuhkenuh ewh buhquazhegun kahoondenuhmoowaud emuh Egypting, oo‐oo oogeëgoowaun enewh oosewaun, Mahjaug menuhwah ahwekishpenuhtooyook punge meejim kameejeyung.

³ Judah dush oogeguhnoonaun oo‐oo keënaud. Keche wawane ningeguhnoonegoonaun owh enene oo‐oo keëzheyungid, Kahween kegahwahbunduhsenahwah nindangwuhy kishpin peenahsewag keshemaëwah.

⁴ Kishpin enanduhmun cheweejeweyummingid neshemaënaun, ningahezhahmin cheähwekishpenuhtooyaung buhquazhegun:

⁵ Kishpin dush ween enanduhsewun cheweejeweyummingid, kahween niugahezhahsemin: oo‐oo mah ningeëgoonaun owh enene, Kahween kegahwahbunduhsenahwah nindangwuhy, kishpin peenahsewag keshemaëwah.

⁶ Israel dush oo‐oo keëkedoo, ahnishwin kemujjedoodahweyag keweenduhmahwag owh enene ewh kayahbe ahynd pazhig keshemaëwah?

⁷ Oo‐oo dush oogeënahwaun, Wawane ningekuhgwajemegoonaun, owh enene azhewabezeyaung, kuhya azhewabezewaud nindenuhwamahgunenahnig, oo‐oo keëkedood, Kayahbe nuh bemahdeze koosewah? keduhyahwahwah nuh menuhwah pazhig kekahnesewah? ningeweenduhmahwahnaun dush ewh kahezhekuhgwajemeyummingid: ningekekandahmin enunga ewh weëkedood, Peenik keshemaëwah.

⁸ Judah dush oo‐oo oogeënaun oosun Israelun, puhgedenuhmahweshin owh ooshkenuhwa chemahjewenug, ningahpuhsegwemin dush kuhya ningahmahjahmin; cheöonjebemahdezeyung, kuhya cheneboosewung; nenuhwind, kuhya keen, kuhya kenejahnesenahnig.

⁹ Ninguhuhpuhzenuhaun suh neyowh oonje owh; oonje neneenjeeng kegahnunduhwanemah: kishpin peeduhmoose-noowaun kuhya ahsahsewug anahsuhmeyun, kegahmujjeënanim kahgenig:

¹⁰ Kishpin suh peähsewungidebun, ahzhe neezhing nindahgetapiskahbemin.

¹¹ Oo‐oo dush oogeëgoowaun oosewaun Israelun, Kishpin suh nanduhwandahgwudoogwan ahbitakummig oo‐oo cheëzhewabuk oo‐oo ezhechegayook; oodahpenuhmook emuh kedoonahgunewaung kache‐oonesheshingin meenewinun emuh uhkeeng wanjegingin, mahjetuhwik dush owh enene ewh meegewawin, punge mushkeke, kuhya punge ahmoo‐sinsebahquud, menoomahgoojegunun, kuhya puhgaunun, kuhya keche-puhgaunun.

¹² Kuhya oodahpenik neezhing menik shooneyah; kuhya owh shooneyah kahpeenag emuh kemushkemoodahwaung, nayaub kewawenik; koonemah kewuhnechegam:

¹³ Kuhya oodahpenik keshemaëwah, puhsegweeg edush, menuhwah ezhahyook owh enene:

¹⁴ Mahnoo dush Kesha‐Muhnedoo muhyahmuhwe‐mushkuhwezid kegahshahwahnemegoowah anahsuhmeed owh enene, cheöonjepuggedenaud pazhig kekahnesewah, kuhya Benjaminun. Kishpin makummegoowaunan nenejahnesug, ahneesh nemuhkummegoo.

¹⁵ ¶ Egewh dush enenewug oogeöodahpenahnahwah ewh meegewawin, kuhya oogeöodahpenahwaun neezhing menik shooneyaun emuh ooneenjewaung, kuhya oogeöodahpenahwaun Benjaminun; kepuhsegwewug dush, keëzhahwug dush Egypting, kuhya kenebahwewug anahsuhmeed Joseph.

¹⁶ Uhpe dush Joseph kahwahbuhmaud Benjaminun weeje-wahnid wekahnesine, oo‐oo oogeënaun enewh ganuhwanduhmenejin oowegewaum, Ezheweezh oogoo enenewug ewede andahyaun, kuhya netahgan, kuhya chebahquan; nahwuhquag mah ningahwedoopuhmigoog oogoo enenewug.

¹⁷ Owh dush enene keëzhechega debishkoo kahegood Josephun; owh dush enene oogeëzheweenaun emuh Joseph oowegewauming.

¹⁸ Kesagezewug dush egewh enenewug, oonje keëzhewenindwah emuh Joseph oowegewauming? oo‐oo dush keëkedoowug, oonje suh owh shooneyah kahuhchegahzood emuh kemushkemoodauwaung netum kedoonjepeendeguhnegoomin; oonunduhwandaun suh gagoo kaöonjeuhwuhkahneënung, kenuhwind kuhya kemamaungeshaëmenahnig.

¹⁹ Oogenaunzekahwahwaun dush pashoo enewh ganuhwanduhmenejin Joseph oowegewaum, kuhya oogeguhnoonahwaun emuh ishquandamewung wegewaum.

²⁰ Oo‐oo dush oogeënahwaun, Nindoogemaum kagate chekishpenuhdooyaung meejim ningepeöonzekahmenahbun netum:

²¹ Anekewayung dush uhpe tagwishenaung emuh ahshunde‐weguhmigoong, ningebahkenahnahnin nemushkemoodahnahnin, ningemekahwahnaun dush neshooneyahmenaun anduhcheyaung emuh nemushkemoodahnaung, menik anduhchepun: nayaub dush ningepeenahnaun emuh neneenjenaung.

²² Pakaunezid kuhya shooneyah ningepeenahnaun emuh neneenjenaung chekishpenuhtooyaung meejim: kahween nekekanduhsemin ahwagwan kahahsahgwan neshooneyahmenaun emuh nemushkemoodahnaung.

²³ Oo‐oo dush oogeëgoowaun, Pezaun‐ahyaug, kagoo sagezekagoon: ke‐Kesha‐Muhnedoomewah, kuhya oo‐Kesha‐Muhnedoomun owh koosewah, kegemeenegoowah shooneyah emuh kemushkemoodahwaung: neen suh nindahyahwahbun keshooneyahmewah. Oogebeduhmahwaun dush Simeonun.

²⁴ Owh dush enene oogeëzhewenaun enewh enenewun emuh Joseph oowegewauming, kuhya oogemeenaun nebee, kekesebegesittawun dush; kuhya oogeähshummaun oomamaungeshaëmene.

²⁵ Oogewuhwazhetoonahwah dush ewh meegewawin wahmeegewawaud nuhyahwuhquag uhpe tagwishing Joseph: kenoonduhmoobuneeg mah chewesenewaud emuh.

²⁶ ¶ Uhpe dush Joseph puhkewad, oogepeendiguhtoonahwah oomeegewawinewah emuh wegewauming, kuhya oogeshahgushketuhwahwaun metushkuhkummig enuhkayah keënahbewaud.

²⁷ Oogekuhgwajemaun dush azhebemahdezenid, oo‐oo keënaud Menoobemahdeze nuh koosewah, owh uhkewanzee kahduhzhemagoobun? Kayahbe nuh bemahdeze?

²⁸ Oogenuhquatuhwahwaun edush, menoo‐bemahdeze suh kebuhmeetahgun noosenaun, kayahbe suh bemahdeze. Kenuhwuggequanewug dush kuhya keshahgushkeetahwug.

²⁹ Oogeöombenaunun dush ooshkeenzhegoon, kuhya oogewahbuhmaun ooshemayun Benjaminun, oogebuneen oogwissine, oo‐oo dush keëkedoo, Menuh mahbuh keshemaewah nahwuj agahsheid kahduhzhemagoobun kedebahjemootuhweyag? oo‐oo dush keëkedoo, Pagish Kesha‐Muhnedoo shahwanemik, ningwissa.

³⁰ Joseph dush kewaweebetah; kemegooskahjeähyahmah-gudenewun mah oonuggisheen kahahpeech keche‐sahgeäud ooshemaün oogenunduhwandaun dush, emuh kaduhzhe-muhwid; kepeendega dush emuh ahbenahsoowining kemuhwe dush emuh.

³¹ Kekeseebeengua dush kesahguhum dush, kah dush gagoo keëkedoose, me atuh oo‐oo kahëkedood, buhquazhegun uhtooyook.

³² Oogeähtuhmuhwahwaun dush enewh netum chenezheka‐wesenenid, kuhya wekahnesene‐ningooche pukkaun chewesenenid, kuhya enewh Egyptianun kahweedoopuhmegoojin, pukkaun ningooche chewesenenid: kah mah puggedenuhmahwahsewug Egyptianug chewedoopuhmahwaud Hebrewun; Egyptianug mah ookuhgwahnesuggandahnahwah ewh.

³³ Kenuhmuhduhbewug dush anahsuhmeenid Josephun, owh saseekezid debishkoo apeetandahgwudenig oosuhseekezewin, kuhya owh agahsheid debishkoo apeetandahgwudenig oodahgahsheëwin: kekeche mahmahkahdanduhmoog dush egewh enenewug kahenuhbeïndwah.

³⁴ Oogeëzhenahzhahahmoowaun dush oonahgunun mwaushkinanig meejim, ween tebenuhwa oodoodoopoowiningoogeöon-dinahnun: nahnun dush oonahgunun oogeëzhenahzhahahmoowaun Benjaminun. Kemenequawug dush, oogeweejemoojegezemahwaun kuhya.