GENESIS 42 - Ottawa New Testament Penteteuch and Psalms 1874

¹ Uhpe dush Jacob kahwahbundung buhquazhegunekahnig emuh Egypting, Jacob oo‐oo oogeënaun enewh oogwissun, Ahnishwin nahnahgahduhwahbundeyag?

² Oo‐oo dush keëkedoo, Benuh ningenoondum buhquazhegunekaug emuh Egypting: ezhaug ewede, kuhya ewede kishpenuhtoog kameejeyung; cheöonjebemahdezeyung, cheneboosewung dush.

³ ¶ Metahswe dush wekahnisun owh Joseph keëzhahwun cheühwekishpenuhtoonid buhquazhegun emuh Egypting.

⁴ Benjamin dush ween, Joseph ooshemayun, kahween oogepuggedenegooseen Jacobun cheweejewaud enewh oosuhyayun: Koonemah gagoo kuhya ween tahezhewabeze, keëkedoowun suh oosun.

⁵ Oogwissun dush Israel kepeëzhahwug chekishpinuhtoowaud buhquazhegun, oogebeweejewahwaun suh ahnind kahbeëzhahnejin: kepukkuddakummegud mah emuh Canaaning duhzhe uhkeeng.

⁶ Joseph dush oogeöogemahkundaun ewh uhkee, ween dush keähwe kahahtahmaud kuhkenuh enewh ahnishenahban emuh uhkeeng; wekahnisun dush oogepeshahgushkeetahgoon.

⁷ Joseph dush oogewahbuhmaun enewh wekahnisun, oogenesittuhwenaun dush, mayuhgezingin dush oogeühyindooduhwaun, kuhya oogenishkahje‐guhnoonaun; oo‐oo dush oogeënaun, Ahneende wanjebahyag? Oo‐oo dush‐oogeëgoon, Canaaning suh nindoonjebahmin chekishpinuhtooyaung buhquazhegun ninpeöonzekahmin.

⁸ Joseph suh oogenesittuhwenuhwaun enewh wekahnisun, kah dush oogenesittuhwenahgooseen.

⁹ Joseph dush oogemequandaunun enewh enahbunduhmoowinun kahenahbundungebun, oo‐oo dush oogeënaun, Kenunduhwahtoom; chewahbunduhmag uhkee azheketemahguk kepeöonzekaum.

¹⁰ Oo‐oo dush oogeënahwaun, Kahween nindoogemaum, chekishpinuhtooyaung meejim mesuh pahoonzekahwaud kebuhmeetahgunug.

¹¹ Pazhigoo noosenaun; nequuhyuk‐enenewemin, kahween nenundahwahtoosewug kebuhmetahgunug.

¹² Oo‐oo dush oogeënaun, Kahween; chewahbunduhmag azheketemahguk uhkee kepeöonzekaum.

¹³ Oo‐oo dush keëkedoowug, Metahswe ahshe neezhewug wahkahnesindejig kebuhmeetahgunug, pazhigoo noosenaun emuh Canaaning, owh muhyahmuhwe uhgahsheïd neshemaënaun ooweejewaun noosenaun noongoom, pazhig dush kahween kayahbe bemahdezese.

¹⁴ Joseph dush oo‐oo oogeënaun, Mesuh kahenenuhgoog, oo‐oo keëkedooyaun, Kenunduhwahtoom.

¹⁵ Mesuh oomah kaöonjekekandahgoozeyag: Oonje oobemahdezewin owh Pharaoh kahween oomah kegahoonjemahjahseem, kishpin keshemaëwah peëzhahsig oomah.

¹⁶ Ezhenahzhahook pazhig kenuhwah, chenahnaud keshemaëwah, kenuhwah dush kegahkebahquahegahzoom, cheöonje‐puggukkandahgwuk kedekedoowinewah, kishpin duhyabwawagwan gamuh goo kah; kishpin dush oo‐oo ezhechegasewag, netuhgoo‐weendaun oobemahdezewin Pharaoh, kagate egoo kenunduhwahtoom.

¹⁷ Oogekebahquahwaun dush kuhkenuh emuh pazhig kebahquahoode‐weguhmigoong nesoogoon.

¹⁸ Joseph dush oo‐oo oogeënaun nasoogoonuhgudenig, Oo‐oo ezhechegayook, kegahbemahdezeem dush; nekoosah mah Kesha‐Muhnedoo:

¹⁹ Kishpin quayukenenewewagwan, mahnoo tahtuhkoobezoo pazhig kekahnisewah emuh kebahquahoode‐weguhmigoong: kenuhwah dush mahjaug, mahjetuhwik kenejahnesewaug buhquazhegun chepukkuddasigwah:

²⁰ Nahnik dush keshemaëwah ahpeche agahsheïd; mesuh kaöonjekekandahgwuk kedekedoowinewah dabwamahguk, kah dush kegahnebooseem. Medush ewh kahezhecheganid wekahnisun.

²¹ ¶ Oo‐oo dush keühyedewug, Kagate kegemujje‐doodahwahnaun keshemaënaun: kegewahbuhmahmenahbun mah keche‐kootuggandung uhpe pagoosanemenung, kah dush kegebezindahwahsenaun; mesuh wanjeöodissegooyung maunduh ahnemezewin.

²² Reuben dush oogeguhnoonaun enewh, oo‐oo keënaud, Kahnuhween oo‐oo kegeënesenoonimwahbun, Kagoo mujje‐doodahwahkagoon owh quewezanse; kah dush kegebezinduhweseem? mesuh oomisqueem wanjekooduggeëgooyung noongoom.

²³ Kah dush oogekekanemahsewaun nesittootummenid Josephun; keähnekuhnootahmuhwahwun muh kekuhnoonegoowaud.

²⁴ Kequake‐kahbahwe dush, kuhya kemuhwe; nayaub edush oogenaunzekahwaun, kuhya oogeguhnoonaun, oogeöodahpenaun dush Simeönun, kuhya oogetuhkoobenaun anahsuhmeähyahnid.

²⁵ ¶ Joseph dush keëkedoo chemooshkenahtuhmahwindwah oomushkemoodahwaun buhquazhegun, kuhya nayaub cheühchegahzoonid ooshooneyahmewaun emuh oomushkemoodahwaung, kuhya nuhwuhpoowin chemeenindwah Mesuh oo‐oo kahdooduhwaud enewh.

²⁶ Oogeöomboondahahwaun dush oomamaungeshaëmewaun ewh buhquazhegun, ewede dush keöonjemahjahwug.

²⁷ Uhpe dush pazhig kahpahkenung oomushkemood cheähshummaud oomamaungeshaëmun emuh ahshunde‐weguhmigoong, oogewahbuhmaun ooshooneyahmun; benuh suh emuh oomushkemoodaung keähbewun.

²⁸ Oo‐oo dush oogeënaun enewh wekahnisun, Neshoonëaum nayaub keühchegahzoo emuh nemushkemoodaung; kesagezewug dush, oo‐oo keëzheguhnoonedewaud, Wagoonan oo‐oo kahdoodoonung Kesha‐Muhnedoo?

²⁹ Ketuhgwishenoog dush emuh ahyahnid oosewaun Jacobun emuh Canaaning, oogeweenduhmahwahwaun dush kuhkenuh kahdooduhwindwah; oo‐oo oogeënahwaun.

³⁰ Owh enene, wagemahkundung ewh uhkee ningenishkahje‐guhnoonegoonaun, kuhya nanduhwahtoojig ningeënanemegoonaun.

³¹ Oo‐oo dush ningeënahnaun, Ninquuhyuk‐enenewemin; kahween nenunduhwahtoosemin:

³² Nemetahswe‐ahsheneezhemin wawekahnesindeyaung, nindoogwissemegoonaun pazhig enene; pazhig kahween bemahdezese, owh dush ahpeche agahsheïd ooweejewaun noongoom noosenaun emuh Canaaning.

³³ Owh dush enene, wagemahkundung ewh uhkee ningeguhnoonegoonaun, oo‐oo keëzheyummingid, Mesuh maunduh kaöonjekekanemenuhgoog quuhyuk‐eneneweyag; nahnik pazhig kekahnesewah oomah anduhzhe‐ahyahyaun, oodahpenuhmook dush ewh meejim kameejewaud egewh pakuddajig andahyag, mahjaug edush.

³⁴ Kuhya nahnik ahpeche agahsheïd keshemaëwah: Medush chekekandahgoozeyag nanduhwahtoojig ahwesewag, quuhyuk atuh eneneweyag: kegahpuggedenuhmoonenim dush kekahnisewah, kegahpekishpenuhchegam kuhya emuh uhkeeng.

³⁵ ¶ Kepuggummeähyahmahgud dush magwah shegoonuh-moowaud oomushkemoodahwaun, anduhchewaud enenewug ooshooneyahmewaun keähbewun emuh oomushkemoodahwaung; uhpe dush wenuhwah kuhya oosewaun kahwahbuhmahwaud enewh takoobezoonejin shooneyaun, kesagezewug.

³⁶ Oo‐oo dush oogeëgoowaun Jacobun oosewaun, kegemukkummim nenejahnesug: kahween ahyahse Joseph, kah kuhya ahyahse Simeon, kewemahjewenahwah dush Benjamin: kagate nekeche‐megahnegoonun kuhkenuh oonoo uhyeëen.

³⁷ Reuben dush oogeguhnoonaun enewh oonun, oo‐oo keënaud, Nesheh nuhyazh ningwissug, kishpin menuhwah peduhmoosenoowaun: puggedenuhmahweshin, nayaub dush ningahpeenah.

³⁸ Jacob dush oo‐oo keëkedoo, Kahween kegahweejewegoosewah ningwis, keneboowun mah oosuhyayun, ween dush nezhekaweze: kishpin gagoo ezhewabezid emuh meekunaung aneëzhahyag, kegahpungeseduhwim newahbequaunun emuh chebaguhmigoong kaäpeeche‐kushkanduhmaun.