GENESIS 41 - Ottawa New Testament Penteteuch and Psalms 1874

¹ Kepuggummeähmahgud dush kahneezhoo‐pepoonahguk Pharaoh keënahbundum: benuh dush chegeseebe kenebahwe.

² Benuh dush seebeeng keöonjeühgwahtahwug neezhwahswe equa pezhekeewug manwahbuhmenahgoozejig kuhya wahnenoojig; kewesenewug dush mushkootang.

³ Benuh dush neezhwahswe pakahnezejig equa‐pezhekewug oogenoopenuhnahwaun emuh seebeeng keöonjeühgwahtahwaud, muhyahnahdezejig kuhya waskunezejig; kuhya oogeweejekah‐bahwetuhwahwaun enewh equa‐pezhekewun netum kahpeähyahnejin emuh tetebaöo.

⁴ Egewh muhyahnahdezejig kuhya waskunezejig equa‐pezhekewug oogeäumwahwaun enewh neezhwahswe manwahbuhmenahgoozenejin kuhya wahnenoonejin equa‐pezhekewun. Mesuh kekooshkoosid Pharaoh.

⁵ Menuhwah dush kenebah, kuhya menuhwah keënahbundum: benuh dush neezhwauswe nesahkooseeg kebeühyahwug emuh pazhig buhquazhegunushkoong, manwahbuhmenahgoozejig kuhya mamaundidoojig.

⁶ Benuh dush neezhwahswe nesahkooseeg muhyahnahdezejig kuhya kahbahnahjëegoojig ewh wahbune‐noodin kebeühyahwug kahuhyahwaud egewh netum.

⁷ Egewh dush neezhwahswe muhyahnahdezejig nesahkooseeg oogekedaumwahwaun enewh neezhwahswe manwahbuhmenahgoozenejin kuhya mamaundidoonejin nesahkooseen. Pharaoh dush kekooshkooze, benuh dush enahbunduhmoowin ewh.

⁸ Kahkuhkezhabahwuhgudenig dush kemegooskahdandum; oogenundoomaun dush kuhkenuh enewh mahmaunjechega-wenenewun emuh Egypting duhzhe uhkeeng, kuhya kuhkenuh enewh nebwahkah‐wenenewun emuh ayahnejin: Pharaoh dush oogeweenduhmahwaun oodenahbunduhmoowin; kah dush ahweyah oogekushketooseen cheweenduhmahwaud Pharaohun azhenesittootahgwudenig oodenahbun‐duhmoowinun.

⁹ ¶ Me dush uhpe kekedood owh keche segenega‐wenene, oo‐oo keënaud Pharaohun, Noongoom kezheguk nemequandaunun nemujje‐ezhechegawinun.

¹⁰ Pharaoh oogenishkanemaun oobuhmeetahgunun, kuhya ningekebahquahoogoonaun, neen kuhya owh keche buhquazheguneka‐wenenebun, emuh menesenoo oogemah oowegewauming.

¹¹ Nuhyazh dush ningeënahbundahmin ningooding tebekuk, neen kuhya ween; ningeënahbundahmin papazhig debishkoo azhenesittootahgwukkin, nindenahbunduhmoowinenahnin.

¹² Ningeähyahwahnaun dush pazhig ooshkenuhwa, Hebrew, oobuhmeetahgunun owh menesenoo oogemah; ningedebahjemootuhwahnaun dush kahenahbunduhmaung, ningeweenduhmahgoonaun dush azhenesittootahgwuk; anduhchid enene debishkoo azhenesittootahgwudenig oodenahbunduhmoowin mesuh kahezheweenduhmooweyungid.

¹³ Kepuggummeähyahmahgud dush, kahezheweenduhmuhweyungid me ewh kahezhewabuk neen nayaub ningeahsig emuh nebuhmeetahgawining oogeähgoonaun ween enewh.

¹⁴ ¶ Me dush keähnookeed Pharaoh chenundoomemind Josephun, waweeb edush oogepeenahwaun Josephun oonje kebahquahoode‐weguhmigoong Joseph dush kekaushkebahzoo, kuhya keäunzekoonuhya, oogepeendeguhwaun dush Pharaohun.

¹⁵ Pharaoh dush oo‐oo oogeënaun Josephun, Ningeënahbundum suh pazhig enahbunduhmoowin, kah dush ahweyah ookushketooseen cheweenduhmahwid azhenesittootahgwuk; ningenoondum dush keen netuh‐kekanduhmun azhenesittootahgwuk kedenahbunduhmoowinun.

¹⁶ Joseph dush oogenuhquatuhwaun Pharaohun, oo‐oo keënaud, Kahween neen netebanduhseen: Kesha‐Muhnedoo suh oogahmeenaun Pharaohun menoo‐nuhquatuhmoowin.

¹⁷ Pharaoh dush oo‐oo oogeënaun Josephun, Emuh nindenahbunduhmoowining benuh ningenebow chegeseebe.

¹⁸ Benuh dush kepeühgwahtahwug oonje emah seebeng neezhwahswe equa‐pezhekeewug wahnenoojig kuhya manwahbuhmenahgoozejig, kewesenewug dush mushkootang.

¹⁹ Benuh dush neezhwahswe bakaunezejig equa‐pezhekeewug kahuhgwahtahjig oogenoopenuhnahwaun enewh, mahyahnahdezejig kuhya waskunezejig kah suh wekah newahbuhmahseeg pezhekeewug emuh anegookookummegaug Egypting cheëzheöoskunezewaud debishkoo oogoo kahezheöoskunezewaud.

²⁰ Egewh dush waskunezejig kuhya muhyahnahdezejig equa‐pezhekeewug oogekedaumwahwaun enewh netum neezhwahswe wahnenoonejin equa‐pezhekeewun.

²¹ Uhpe dush kahkedaumwahwaud enewh, kahween kekekandahgoozesewug keäumwahwaud; kayahbe suh kemahnahdezewug debishkoo wuhyashkud. Mesuh kekooshkoozeyaun.

²² Kuhya ningeënahbundum emuh nindenahbunduhmoowining, benuh dush neezhwahswe nesahkooseeg kebeahyahwug emuh pazhig buhquazhegunushkoong manwahbuhmenahgoozejig kuhya wanesheshejig.

²³ Benuh dush neezhwahswe nesahkooseeg naboobwuhgeshingig kuhya kahbuhnahjeëgoojig ewh wahbune‐noodin, nahguj kebeühyahwug.

²⁴ Egewh dush mahyahnahdezejig nesahkooseeg oogeäumwahwaun enewh neezhwahswe wanesheshenejin nesahkooseen; ningeweenduhmahwaug edush egewh mahmaundahwejega‐wenenewug: kahween dush ahweyah ningeweenduhmahgoose azhenesittootahgwuk.

²⁵ ¶ Joseph dush oo‐oo oogeënaun Pharaohun, Pazhigwunene Pharaoh oodenahbunduhmoowin: Kesha‐Muhnedoo oogewahbunduhaun Pharaohun ewh wahezhechegad.

²⁶ Egewh neezhwahswe wanesheshejig equa‐pezhekeewug neezhwahwe kekenoonoowinun ahwewug; kuhya egewh neezhwahswe wanesheshejig nesahkooseeg neezhwahswe kekenoonoowinun ahwewug: pazhigwun suh ewh enahbunduhmoowin.

²⁷ Kuhya egewh neezhwahswe waskunezejig kuhya muhyahnahdezejig equa‐pezhekeewug seebeeng kahoonjeuhgwahtahjig neezhwahswe kekenoonoowinun ahwewug; kuhya egewh neezhwahswe shegoo‐nesahkooseeg kahbahnahjeëgoojig ewh wahbunenoodin, mesuh neezhwahswe kekenoonoowinun chepukkuddakummeguk.

²⁸ Mesuh oo‐oo kahezheguhnoonug Pharaoh: Kesha‐Muhnedoo oowahbunduhaun Pharaohun ewh wahezhechegad.

²⁹ Benuh neezhwahsoo‐pepoon tahbahtuhyenud meejim emuh anegookookummegaug Egypting duhzhe uhkee:

³⁰ Keneezhwahsoo‐pepoonahguk dush tahpukkuddakummegud neezhwahsoo‐pepoon; kahween tahmequanjegahdasenoon ewh kebuhtuhyenuk meejim emuh Egypting duhzhe uhkeeng, tahbahnahdud dush uhkee kaähpeech‐pukkuddakummeguk.

³¹ Kahween tahkekanjegahdasenoon ewh kebahtuhyenuk meejim emuh uhkeeng kaähpeech‐pukkuddakummeguk; tahkeche‐kuhgwahnesuggud mah.

³² Ewh dush neezhing keënahbundung owh Pharaoh; mesuh ewh Kesha‐Muhnedoo keminjemoosittood, kuhya Kesha‐Muhnedoo wuhyebah wetebishkoosittood.

³³ Mahnoo dush Pharaoh oogahwuhwanahbuhmaun nabwahkahnejin enenewun, oodahenahkoonaun dush cheguhnuhwanduhmenïd Egypting duhzhe uhkee.

³⁴ Mahnoo oo‐oo tahezhechega Pharaoh, kuhya oogahahnoonaun oodoogemaunsemun emuh uhkeeng chemahwunjetoonid emuh Egypt duhzhe uhkeeng ahnind buhquazhegun enewh neezhwahswe kekenoonoowinun uhpe chebahtuhyenuk meejim.

³⁵ Mahnoo oogahmahwunjetoonahwah kuhkenuh ewh meejim, magwah bahtuhyenuk meejim, kuhya oogahahtahsoonahwah emuh ooneenjening Pharaohun, kuhya oogahahyahnahwah meejim emuh kuhkenuh oodanaung.

³⁶ Tahahtamahgud dush ewh meejim emuh ahtahsoo‐weguhmigoong uhpe pakuddakummeguk neezhwahsoo‐pepoon emuh uhkeeng, emuh Egypt duhzhe uhkeeng; cheöonjebahnahduhsenook uhkee oonje pukkuddakummeguk.

³⁷ Pharaoh dush oojeminwahbundaun ewh, kuhya kuhkenuh enewh oobuhmeetahgunun.

³⁸ Pharaoh dush oo‐oo oogeënaun oobuhmeetahgunun, Nindahmikahwah nuh ahweyah enene azhewabezid debishkoo mahbuh azhewabezid, oodahyahwaun mah oojechaugwun owh Kesha‐Muhnedoo?

³⁹ Pharaoh dush oo‐oo oogeënaun enewh Josephun, Oonje Kesha‐Muhnedoo kewahbunduhik kuhkenuh oo‐oo, Kahween ahweyah ezhenebwahkahse debishkoo keen azhenebwahkahyun:

⁴⁰ Kegahoogemahkundaum newegewaum, kuhya debishkoo kaëkedooyun mesuh kaëzheoogemahkunduhwindwah kuhkenuh nindahnishenahbamug: emuh atuh nindoogemahwandah-goozewining ahwahshema neen ningahahpetandahgooz keen dush ween.

⁴¹ Pharaoh dush oo‐oo oogeënaun Josephun, Benuh kegeähnoonin cheöogemahkunduhmun kuhkenuh anegookookummegaug Egypting duhzhe uhkee.

⁴² Pharaoh dush oogekechegoobedoon ootetebeneenjebezoowin emuh ooneenjeeng, kuhya oogeühtuhwaun Josephun emuh ooninjeenig, kuhya oogepesekoonaun wanesheshing puhpuggewuhyauneginoo‐puhpeensekoowahgun, kuhya oogenahbekoonaun oozahwah‐shooneyah nahbekahwahgun;

⁴³ Kuhya keënahkoonega chepahbahmetahbahnind emuh kechetwah‐ootahbauning gagah debishkoo kahahpetandahgoozenid enewh dush tebenuhwa ween kahuhwaud; ahnind dush oogenegauneähwaun kahpepahgenid, oo‐oo kahëkedoonid, Shahgushketahyook: Oogeähnoonaun dush cheöogemahkunduhmenid anegookwaug Egypting duhzhe uhkee.

⁴⁴ Pharaoh dush oo‐oo oogeënaun Josephun, nindow suh Pharaoh, keen dush enahkoonegasewun kahween ahweyah oogahoombenunseen ooneenj gamuh oosit emuh anegookookummegaug Egypting duhzhe uhkee.

⁴⁵ Pharaoh dush oogemeenaun Josephun oo oo ezhenekahzoowin, Zaphnath‐paaneah; oogemeenaun dush equawun kaweedegamahnid Asenathun oodahnesun owh Potipherah Oning duhzhe sahsahgewejega‐wenene. Joseph dush kepahbahmahdeze emuh anegookookummegaug Egypting duhzhe uhkeeng.

⁴⁶ ¶ Joseph dush kenesemeduhnuh‐duhsoo‐pepoon‐uhgeze uhpe nahbahwid anahsuhmid owh Pharaoh Egypting duhzhe keche‐oogemah. Joseph dush keöonjesahguhum emuh anahsuhmid Pharaoh, kuhya kepahbahmahdeze emuh anegookookummegaug Egypting duhzhe uhkee.

⁴⁷ Neezhwahsoo‐pepoong dush kekeche‐mekoogemahgud uhnooj gagoo emuh uhkeeng naningootoobahnaneenj emuh pazhig buhquazhegunushkoong.

⁴⁸ Neezhwahwahoo‐pepoon edush oogemahwunjetoon kuhkenuh ewh mejim, kahahtag emuh Egypting duhzhe uhkeeng, kuhya oogeähtahsoonun buhquazhegunun emuh oodanaung; ewh kahoonjegemahguk emuh ketegauning kewetahöodanah oogeeähtasoon emuh oodanaung.

⁴⁹ Joseph dush oogemahwunjetoon nebewuh buhquazhegun nagowing keëshenuk ewh tetebaoo kechegummeeng atag, kahween ketaähginjegahdasenoon.

⁵⁰ Joseph dush kenegetuhmahwah neezh oogwissun chepwah pukkuddakummeguk, me enewh kahnegetuhmahgoojin, Asenathun oodaunun owh Potipherah Oning duhzhe sahsahgewejega‐wenene.

⁵¹ Joseph dush Manasseh oogeëzhenekahnaun enewh netumoozhaunun: oo‐oo mah keëkedoo, Kesha‐Muhnedoo ningeshahwanemig kewuhnanduhmaun dush kuhkenuh nesunnuge‐ahnookeewin, kuhya kuhkenuh noos oowegewaum.

⁵² Enewh dush menuhwah pazhig Ephraim oogeëzhenekahnaun: Kesha‐Muhnedoo mah ningemeshenooïk emuh uhkeeng kahduhzhe‐ahnemezeyaumbaun.

⁵³ ¶ Keïshquahsamahgudoon dush enewh neezhwahswe kekenoonoowinun uhpe kahbahtuhenuk meejim emuh Egypting duhzhe uhkeeng.

⁵⁴ Medush kepuhgummeähyahgin enewh neezhwahswe pukkuddawine kekenoonoowinun, debishkoo kahekedoogoobunan Joseph: kepukkuddakummegud emuh anegookookummegaug uhkee; Emuh dush ween Egypting kemeejimekah.

⁵⁵ Uhpe dush kuhkenuh kahpukkuddawaud emuh Egypting duhzhe uhkeeng, egewh ahnishenahbag oogepepahgemahwaun Pharaohun cheähshummegoowaud buhquazhegun: Pharaohun dush oo‐oo oogeënaun kuhkenuh enewh Egyptianun, Ezhahnik Joseph, ezhechegayook dush ewh kaënenag.

⁵⁶ Kepukkuddakummegud dush emuh anegookkookummegaug uhkee: Joseph dush oogenesahkoonaunun kuhkenuh enewh ahtahsoo‐weguhmigoon, kuhya oogeähtahmaun enewh Egyptianun; ashkum dush kekeche‐pukkuddakummegud emuh Egypting duhzhe uhkeeng.

⁵⁷ Ahnooj edush anduhnuhkeejig uhkeeng oogepenaunzekahwahwaun Josephun emuh Egypting chekishpinuhtoowaud buhquazhegun; oonje kekeche‐pukkuddakummegaug uhkee.