GENESIS 4 - Ottawa New Testament Penteteuch and Psalms 1874

¹ Adam dush oogekekanemaun oowedegamahgunun Eveün; me suh keünjegoonid, kuhya kenegeähnid Cainun, oo‐oo dush keëkedoonid, Jehovah ningemeenik enenewun.

² Kuhya menuhwah oogenegeäun ooshemaëne Abelun: Abel dush kemahnishtahnishe‐wenenewe, kuhya Cain keketega‐wenewe.

³ Bahnemah dush ningooding Cain oogepeetoonun enewh mahyahjegingin emuh uhkeeng chemeenaud Jehovahun.

⁴ Abel dush kuhya ween oogepeenaun ahnind natum‐negenejin oomahnishtahnesheensemun kuhya wahnenoonejin. Jehovah dush oogeminwanemaun Abelun kuhya oomeegewawinene.

⁵ Kah dush ween oogeminwanemahseen Cainun kuhya oomeegewawinene. Cain dush kekeche‐nishkahdeze, kuhya kenishkaujeengwa.

⁶ Jehovah dush oo‐oo oogeënaun, Ahnishwin nishkahdezeyun? ahnishwin kuhya nishkaujeenggwayun?

⁷ Kishpin manoochegawunan, kahnuhween kegahminwanemegoose? Kishpin dush manoochegasewunan, me suh mujjeëzhewabezewin kabishkahgamahguk. Kegahnahdanemik, kuhya kegahoogemahkunduhwah.

⁸ Cain dush oogeguhnoonaun Abelun wekahnesun: keëzhewabud dush magwah ketegauning keähyahwaud, Cain kequaushkoonoodahwaud Abelun wekahnesun, kenesaud edush.

⁹ ¶ Jehovah dush oo‐oo oogeënaun Cainun, Ahneende keshema Abel? Oo‐oo dush oogeëgoon enewh. Kahween nekekanduhse, Neen enuh negunuhwanemah neshema.

¹⁰ Oo‐oo dush keëkedoo Kesha‐Muhnedoo, Ahneen kahezhechegayun? nepepahgemegoon keshema oomisqueem oonje uhkeeng.

¹¹ Benuh suh kekahgwahnesuhgandahgooz emuh uhkeeng kahtahwanemahguk cheöodahpenung keshema oomisqueem kahoonjegahtuhmahwud.

¹² Uhpe kategahduhmunin ewh uhkee, kahween kegahmeenegoose oomushkahwezewin; kemeweneneeng kuhya pabahoozhemood kegahezheähyah emuh uhkeeng.

¹³ Cain dush oo‐oo oogeënaun Jehovahun, Oonzaum sunnuhguk nekooduggeëgoowin, kahween nekushkoondunsee.

¹⁴ Benuh, kegesahgejenauzh noongoom kezheguk oonje anegookookummegaug uhkee; kah dush ningahwahbunduhse kedangwy; ningahkemewenenewh kuhya ningahpahbahkete-mahgiz emuh uhkeeng; tahezhewabud dush, ahwagwan kamekahwegwan ningahnesik.

¹⁵ Me suh dush oo‐oo kahënaud Jehovah enewh Cainun, Ahwagwan suh kanesahgwan Cainun, neezhwahching menik tahahzhittah‐doodahwah. Jehovah dush oogekekenoowahjeäun Cainun, cheöonjenesegoosenig ahweyah makahgoojin.

¹⁶ ¶ Kesahgahum dush Cain oonje emah kahduhzheguhnoonegood Jehovahun, keduhnuhkee dush emuh Nod aduhming uhkee, wahbunoong anuhkayah Edening.

¹⁷ Cain dush oogekekanemaun enewh oowedegamahgunun; keünjegoowun dush, kuhya oogenegeäun Enochun: oogeöozhetoon dush oodanah, Enoch dush oogeëzhenekahdaun oodanah debishkoo azhenekahzoonid enewh oogwissun.

¹⁸ Kuhya dush owh Enoch kenegetuhmahwah Iradun; kuhya Irad oogeöogwissenun Mehujaelun; Mehujael dush kuhya ween oogeöogwissenun Methusaelun: kuhya Methusael oogeöogwissenun Lamechun.

¹⁹ ¶ Lamech dush oogeöodahpenaun neezh equawun; pazhig Adah keëzhenekahzoowun, kuhya menuhwah pazhig Zillah keëzhenekahzoowun.

²⁰ Adah dush oogenegeäun Jabalun: me suh owh kahooyoosemegood enewh abetuhmenejin wegewaumen, kuhya enewh wadahwahkaunemenejin.

²¹ Jubal dush keëzhenekahzoowun wekahnesun: me suh owh kahooyoosemegood kuhkenuh mahtwayahbeguheganejin.

²² Zillah dush kuhya ween oogenegeäun Tubal Cainun, me suh owh kahkekenooähmahwaud kuhkenuh enewh anookeetuhmenejin oozahwahbik kuhya pewahbik: ooduhwamaun dush owh Tubal Cain Naamah keëzhenekahzoowun.

²³ Lamech dush oo‐oo oogeënaun enewh oowedegamahgunun, Adahun kuhya Zillahun, Noonduhmook nindinwawin; kenuhwah wahwemenag Lamech, bezinduhmooweshig nindekedoowin; Ningenesah enene oonje nemahkeëgoowin, kuhya ooshkenuhwa oonje nemujje‐doodahgoowin.

²⁴ Kishpin neezhwahching menik wahahzhittah‐doodahwindan owh kanesaud Cainun, kagate neezhwahse meduhnuh ahshe neezhwahching menik tahahzhittah‐doodahwah owh kanesaud Lamechun.

²⁵ ¶ Adam dush menuhwah oogekekanemaun oowedegamahgunun; oogenegeäun dush quewezansun, Seth dush oogeëzhenekahnaun: Kesha‐Muhnedoo mah, keëkedoo, ningemeenig bakahnezenejin oonje Abel kenesegood enewh Cainun.

²⁶ Seth dush kuhya ween kenegetuhmahwah oogwissun; Enos dush oogeëzhenekahnaun: Me suh ewh uhpe enenewug kemahjenuhnaundoomahwaud Jehovahun.