GENESIS 35 - Ottawa New Testament Penteteuch and Psalms 1874

¹ Kesha‐Muhnedoo dush oo‐oo oogeënaun Jacobun, Puhsegween, ezhaun ewede Betheling, duhnuhkeen dush ewede: kuhya oozhetoon ewede oosashahgewejegun‐ahbikoom Kesha‐Muhnedoo, owh kahwahbuhmud uhpe kahoozhemud kekahnis Esau.

² Me dush Jacob oo‐oo kahenaud enewh emuh oowegewauming ayahnejin, kuhya kuhkenuh kahwejewegoojin, Wabenik egewh mayuggezejig muhnedoog ayahwagoog, kuhya peneëdezooyook, kuhya aunzekoonuhyag:

³ Umba dush puhsegwedah, kuhya ezhahdah ewede Betheling: ewede dush ningahoozhetuhmahwah sahsahgewejegun‐ahbik owh Kesha‐Muhnedoo kahnuhquatuhwid kahahnemezeyaun, kuhya kahweejewid emuh meekunaung kahneëzhahyaun.

⁴ Oogepuggedenuhmahwahwaun dush Jacobun kuhkenuh enewh mayuggezenejin oomuhnedoomewaun ayahwahpuneen, kuhya kuhkenuh oonahbeshabezoonewaun; Jacob dush oogekahdoonun enewh ahnahmeyeëe emuh pahdukkezood metigoomeezh cheguhyeëe Shechem.

⁵ Keühnemahjahwug dush oogekoosigoowaun dush kuhkenuh kewetuhyeëe wahdatoonejin oonje Kesha‐Muhnedoon, kah dush Jacob oogwissun oogenoopenuhnegoosewaun enewh.

⁶ ¶ Jacob dush ketuhgwishin emuh Luzing, emuh Canaaning duhzhe uhkeeng anduhgoog, mesuh ewh Bethel, ween kuhya kuhkenuh enewh wahjewegoojin.

⁷ Oogeöozhetoon dush sahsahgewejegun ahbik ewede, kuhya El‐beth‐el oogeëzhenekahdaun: oonje kewahbuhmaud Kesha‐Muhnedoon emuh uhpe kahoozhemaud wekahnesun.

⁸ Deborah dush owh ganuhwanemahpun Rebekahun magwah ahbenoojewenid keneboo, kuhya kepuggedanemah emuh nesahke Betheling ahnahmeëe puhdukkezood metigoomeezh: Allon‐Bachuth dush keëzhenekahda emuh.

⁹ ¶ Menuhwah dush Jacob oogewahbuhmaun Kesha‐Muhnedoon, uhpe kahoonjemahjaud emuh Padan‐Araming, kuhya oogeshahwanemaun.

¹⁰ Kesha‐Muhnedoo dush oo‐oo oogeënaun, Jacob suh kedezhenekauz; kahween kayahbe Jacob kegahezhenekahzoose, Israel suh kegahezhenekauz; Israel dush oogeëzhenekahnaun.

¹¹ Kesha‐Muhnedoo dush oo‐oo oogeënaun, Neen nindow Kesha‐Muhnedoo Mahyahmahwe‐mushkahwezid: pahtuhyenoon kuhya ashkum meshenoon; nebewah papukkaun azheweenzoojig ahnishenahbag keyowing tahoondahdezewug, keche oogemaug kuhya keyowing tahoonjeewug;

¹² Kegahmeenin dush ewh uhkee kahmeenugwah Abraham Kuhya Isaac, kuhya kenejahnesug ningahmeenaug ewh uhkee keïshquah bemahdezeyun.

¹³ Kesha‐Muhnedoo dush ishpeming keëzhah kenuhguhnaud Jacobun emuh kahduhzheguhnoonaud.

¹⁴ Jacob dush oogepuddukkeshemaun ahsineen emuh kahduhzheguhnoonegood; kuhya oogesegenaun menequawine‐meegewawin emuh ahsineeng, kuhya oogesegenaun pemeda emuh.

¹⁵ Jacob dush Bethel oogeëzhenekahdaun ewede kahduhzheguhnoonegood Kesha‐Muhnedoon.

¹⁶ ¶ Betheling dush keöonjemahjahwug; kepahbahmahdezewaud gagah kahtuhgwishenoowaud Ephrathing, kenegeähwuhsoo Rachel, kekeche‐ahnemeze dush.

¹⁷ Kepuggummeähyahmahgud dush magwah keähnemezid negeähwuhsood, oo‐oo keëgood kahdenewaquan, Kagoo sagezekan: mahbah kuhya quewezanse kegahahyahwah.

¹⁸ Kepuggummeähyahmahgud dush magwah mahjahnid oojechaugwun, (keneboo mah) Benoni keëzhenekahnaud enewh ahbenoojeün: Benjamin dush ween oogeëzhenekahnegoon enewh oosun.

¹⁹ Rachel dush keneboo, kuhya, kepuggedanemah mahyahwekunah aneëzhaung ewede Ephrathing, mesuh ewh Bethlehem.

²⁰ Jacob dush oogepuddukkeshemaun ahsineen emuh oochebaguhmigooning: mesuh owh ahsin padukkeshing emuh Rachel oochebaguhmigoong noongoom kezheguk.

²¹ ¶ Kepahbahmahdeze dush Israel, kuhya oogepuhduhke-sittoon oowegewaum ahwus‐enuhkayah emuh Edaring duhzhe keche‐wahkaheguning.

²² Kepuggummeähyahmahgud dush magwah ewede uhkeeng keduhnuhkeed Jacob, Reuben keähwewepamaud Bilhahun oosun oodequamene: Israel dush kenoondahga kahezhecheganid. Kemetauswe‐ahshe neezhewun dush Jacob oogwissun.

²³ Oogwissun owh Leah, Reuben, Jacob oonetumoozhaunun, kuhya Simeon, kuhya Levi, kuhya Judah, kuhya Issachar, kuhya Zebulun:

²⁴ Oogwissun owh Rachel; Joseph, kuhya Benjamin:

²⁵ Oogwissun dush owh Bilhah, Rachel oobuhmeetahga‐equamun; Dan, kuhya Naphtali:

²⁶ Kuhya oogwissun owh Zilpah, Leah oobuhmeetahgunequamun; Gad, kuhya Asher: mesuh oonoo oogwissun owh Jacob, kahnegetuhmahwind emuh Padan‐Araming.

²⁷ ¶ Jacob dush oogenaunzekahwaun oosun Isaacun ewede Mamreing, ewh oodanuh Arbah azhenekahdag, mesuh ewh Hebron azhenekahdag, kahduhnuhkeewaud Abraham kuhya Isaac.

²⁸ Isaac dush kebemahdeze ningoodwauk uhshe shwahsemeduhnuh duhsoo pepoon.

²⁹ Keïshquanahmoo dush Isaac, kuhya keneboo, kuhya keähsah emuh anduhzheähyahnid ooketezemun zhuhyegwah kahkekaud kuhya nebewah kezhegudoon kahbemahdezid: oogepuggedanemegoon edush enewh oogwissun Esauün kuhya Jacobun.