GENESIS 34 - Ottawa New Testament Penteteuch and Psalms 1874

¹ Dinah dush oodahnissun owh Leah, kahnegetuhmahwaud Jacobun, kesahguhum chepahbahwahbuhmaud enewh wadahnesememindjin emuh uhkeeng.

² Uhpe dush Shechem oogwissun Hamor owh Hivite, ewede uhkeeng duhzhe keche‐oogemah kahwahbuhmaud, oogeöodahpenaun, kuhya oogewepamaun, kuhya oogepezhegwahjeäun.

³ Kuhya ahpeche oogesahgeäun Dinahun Jacob oodahnissun, oogekeche‐nundahwanemaun enewh equazansun, kuhya oogemenoo‐guhnoonaun enewh equazansun.

⁴ Shechem dush oogeguhnoonaun enewh oosun Hamorun, oo‐oo keëkedood, Nundoodahmahgan cheweedegamug mahbuh equazans.

⁵ Jacob dush kenoondum kepezhegwahjeähnid oodahnissun Dinahun; oogwissun weejewahnegoobun oodahwahahkaunun emuh ketegauning: Jacob dush kepezauneähyah nahnauzh ketuhgwishenenid.

⁶ ¶ Hamor dush oosun owh Shechem kesahguhum cheguhnoonaud Jacobun.

⁷ Oogwissun dush owh Jacob kepekewawun oonje ketegauning uhpe kahnoonduhmenid: kekushkanduhmoog dush egewh enenewug, kuhya kekeche‐nishkahdezewug, oonje kekuhkebahjechegad emuh Israeling keweepamaud Jacob oodahnissun; ewh kageëzhechegasigoobun.

⁸ Hamor dush oogeguhnoonaun, oo‐oo keënaud, Ningwis Shechem ookeche‐nunduhwanemaun kedahnisewaun: kepahgoosanemenim chemeenag enewh cheöoweedegamahgunid.

⁹ Umba dush enahkoonegadah cheweedegandewaud kenejahnesenahnig, meezheshenaum kedahnisewaug, kuhya kenuhwah oodahpenik nindahnisenahnig.

¹⁰ Kegahduhnuhkeem edush emuh ninduhkeemenaung: ewh uhkee kewahbundahnahwah; duhnuhkeeyook emuh kuhya ahtahwayook, kegahdebenuhwawezeem dush emuh.

¹¹ Shechem dush oo‐oo oogeënaun enewh oosun kuhya wekahnesun owh equazans, Mahnoo ningahminwandahgooz emuh kiskkinzhegoowaung, ewh dush menik kaweenduhmag ningahmeegewan.

¹² Kishpin keche‐nebewah weedegandewine‐meegewawinun nundooduhmahweyag, pooch ningahmeegewanun nuhmunj menik kaëkedoowagwan: meezheshig dush ween egoo owh equazans cheweedegamug.

¹³ Oogwissun dush owh Jacob oogewuhyazhinga‐nuhqua-tuhwahwaun Shechemun kuhya oosene Hamorun, oo‐oo keëkedoowaud, oonje kepezhegwahje‐dooduhwaud oodahwamahwaun Dinahun;

¹⁴ Oo‐oo dush oogeënahwaun, Kahween nekushketoosemin oo‐oo chedooduhmaung, chemeenungid nindahwamahnaun ahweyah kakenoowahje‐kishkezhegahzoosig; nindahkuhgwahnesuggandahgoozemin suh ewh ezhechegayaungebun:

¹⁵ Oomah suh atuh kegahbezindahgoom: Kishpin ezheähyahyag debishkoo nenuhwind azheähyahyaung, kishpin kuhkenuh kenuhwah aneneweyag kekenoowahje‐kishkezbegahzooyag.

¹⁶ Kegahmeenegoom nindahnesenahnig kuhya nenuhwind ningahoodahpenahnahnig kedahnisewaug, kuhya kegahweeje-duhnuhkeemegoom, keguhpazhigoomin dush tuhenandahgwud ewh ahnishenahbaweyung.

¹⁷ Kishpin dush enanduhsewag chebezinduhweyaung, chekekenoowahje‐kishkezhegahzooyag, medush chemahjenungid nindahnisenaun, cheühnemahjahyaung edush.

¹⁸ Hamor dush kuhya Shechem oogemenootaunahwah oodekedoowinewaun.

¹⁹ Kah dush keshahgwanemoose owh ooshkenuhwa cheëzhechegad ewh, oonje kesahgeäud Jacob oodahnisun: ahwahshema dush ween kemenoo‐ezhewabeze kuhkenuh dush ween emuh oosun oowegewaumening ayahnejin.

²⁰ ¶ Hamor dush kuhya oogwissun Shechem kepeëzhahwug emuh ishquaundamewunenig oodoodanahwewah, kuhya oogeguhnoonahwaun enewh enenewun wahdatoonejin emuh oodoodanahwewaung, oo‐oo keëkedoowaud.

²¹ Oogoo enenewug pezaun‐bemahdezewug anduhzhe ahyahyung; mahnoo suh dush tahduhnuhkeewug oomah, kuhya tahahtahwawug taënegooquah mah oo‐oo uhkee cheähyahwahpun; mahnoo kegahoodahpenahnahnig kedahnisewaun chewedegamungwah, kuhya mahnoo kegahmeenahnahnig kedahnisenahnig.

²² Oo‐oo atuh ezhechegayung kegahbezindahgoonahnig oogoo enenewug cheweeje‐duhnuhkeemenungwah, chepazhigooyung, kishpin kuhkenuh anduhcheyung aneneweyung kekenoowahje‐kishkezhegahzooyung, debishkoo wenuhwah azhekenoowahje‐kishkezhegahzoowaud.

²³ Kahnuhween kegahdebanemahsenahnig oodahwahkahnewaun kuhya ooduhyeemewaun kuhya kuhkenuh oodahwuh gaunewaun? mahnoo kegahbezindahwahnahnig, medush che weeje‐duhnuhkeemenungwah.

²⁴ Kuhkenuh dush egewh suhyahguhungig oonje ishquandamewung owh oodanah oogebezinduhwahwaun Hamorun kuhya Shechemun oogwissene; kekekenoowahje‐kishkezhwahwug dush kuhkenuh anenewejig, menik kahsahguhungig oonje ishquaundamewunenig oodoodanow.

²⁵ ¶ Kepuhgummeähyahmahgud dush nasoogoonuhguk, magwah ahkoosewaud egewh kahkekenoowahje‐kizhkezhoondjig, neezh oogwissun owh Jacob, Simeon kuhya Levi, Dinah oodahwamaun, oogeöodahpenahnahwah oodahzhuhwashkoomewaun, kuhya oogeöodissahnahwah oodahnah, kuhnuhga sagezesigwah, kuhya oogenesahwaun kuhkenuh enenewun.

²⁶ Kuhya oogenesahwaun Hamorun kuhya Shechemun oogwissene ewh ahzhahwashk keähyoowaud, kuhya oogesahgeche‐weenahwaun Dinahun oonje Shechem oowegewauming, kesahguhuhmoog dush.

²⁷ Oogwissun dush owh Jacob oogepenaunzekahwahne enewh kahneseminjin, kuhya oogemuhkundwane oodanaung duhzhe uhyeëen, oonje kemujje‐dooduhwemind oodahwamahwaun.

²⁸ Oogemuhkummahwaun oomahnishtahnishemene, kuhya ooduhnooke‐pezhekemene, kuhya oomamaungeshaëmene, kuhya kuhkenuh gagoo emuh oodanaung atagebun, kuhya kuhkenuh gagoo emuh ketegauning atagebun.

²⁹ Kuhya kuhkenuh ootebenuhwawezewinene, kuhya kuhkenuh oodahbenoojeëmene, kuhya enewh oodequamene oogetuhkoonahwaun kuhya oogeöodahpenahnahwah kuhkenuh gagoo emuh wegewauming atagebun.

³⁰ Jacob dush oo‐oo oogeënaun enewh Simeonun kuhya Leviün, Kegemegooshkahjeïm chekuhgwahnesuggandahgoozeyaun anahsuhmewaud anduhnuhkeejig oomah uhkeeng, egewh Canaanitug kuhya egewh Perizzitug: ewh dush pungeshawuggizeyaun, tahmahwunjeëdewug chemegahzhewaud, kuhya cheneshewaud; ningahbahnahdiz dush, kuhya kuhkenuh emuh newegewauming ayahjig.

³¹ Oo‐oo dush keëkedoowun, Oodahgedooduhwahwaun nuh nindahwamahnaun debishkoo andooduhwindwah pazhigwahdezejig equawug?