GENESIS 33 - Ottawa New Testament Penteteuch and Psalms 1874

¹ Jacob dush keöombishkinzhigwane, oogewahbuhmaun dush wekahnissun Esauün petahsuhmoosanid ahyahwahnid newauk enenewun. Oogenanuhwenaun dush enewh ahbenoojeün, ahnind oogemeenaun Leahun, kuhya ahnind Rachelun, kuhya ahnind enewh neezh buhmeetahgaëquan.

² Oogenegauneäun dush enewh buhmeetahga‐equawun kuhya oonejahnesenene, menuhwah dush Leahun kuhya oonejahnesenene, ishquayaung dush Rachelun kuhya Josephun.

³ Ween dush kenegaune, kuhya neezhwahching keshahgushketah metushkuhkummig enuhkayah, nahnauzh pashoo ketuhgwishing emuh uhyahnid enewh wekahnisun.

⁴ Esau dush kepemebuhtoo chenuhquashkuhwaud, kuhya oogeminjemenaun oonikaung, kuhya keühpuggezoo emuh ooquagunahning, kuhya oogeöojeemaun: kemuhwewug dush.

⁵ Esau dush keöombishkinzhegwane, oogewahbuhmaun dush enewh equawun kuhya ahbenoojeün; oo‐oo dush keëkedoo, Ahwananug oogoo wahjewikig? Oo‐oo dush keëkedoo Jacob, Mesuh enewh ahbenoojejeün kahezheshahwanemaud Kesha‐Muhnedoo enewh kebuhmeetahgunun.

⁶ Egewh dush buhmeetahgun‐equawug pashoo kepeëzhahwug, kuhya oodahbenoojeëmewaun, kuhya keshahgushketahwug.

⁷ Kuhya Leah mahmahwe oonejahnesun kepeëzhahwug, keshahgushketahwug: bahmah dush Joseph kepeëzhah kuhya Rachel, kuhya wenuhwah keshahgushketahwug.

⁸ Oo‐oo dush keëkedoo, Ahneen suh kuhkenuh oogoo ahwahkahnug kahnuhquashkahwugig? Jacob dush oo‐oo keëkedoo, Cheminwanemid nindoogemaum mesuh wanjeähyahwaud.

⁹ Esau dush oo‐oo keëkedoo, Ahzhe suh menoo‐menik nindahyahwaug nekahnis; keen guhnuhwanim egewh dabanemudjig.

¹⁰ Jacob dush oo‐oo keëkedoo, Kahween, kepahgoosanemin, kishpin manwandahgoozewaunan anahsuhmeyun, oodahpenuhmuhweshin nemeegewawin: mesuh wanjewahbunduhmaun kedangwuhy nindegoo ningewahbundaun oodangwuhy owh Kesha‐Muhnedoo nindenandum dush, kegeminwanim dush.

¹¹ Oodahpenuhmahweshin kepahgoosanemin nemeegewawin kahpeetooyaun; oonje keshahwanemid Kesha‐Muhnedoo, kuhya menoo‐menik ahyahmaun. Oogewekoojeäun dush cheöodahpenuhmenid, me dush keöodahpenuhmenid.

¹² Oo‐oo dush keëkedoo Esau, Umba mahjahdah, neen dush ningahnegaune.

¹³ Jacob dush oo‐oo oogeënaun, Nindoogemaum ookekandaun mushkuhwezesenig ahbenoojeün, kuhya mahnishtahnishug kuhya ahwahkaunug wanjegoojig nindahyahwaug: kishpin dush oonzaum keche bemenahzhahoondwah ningookezhig kuhkenuh ahwahkaunug tahneboowug.

¹⁴ Mahnoo nindoogemaum kepahgoosanemin uhnenegauneen: neen dush kebuhmeetahgun bakah ningahuhnemoosa, azhekushketoowaud egewh ahwahkahnug nahgaunejig kuhya egewh ahbenoojeyug, peenish tuhgwishenaun emuh ahyaud nindooogemaum emuh Seir.

¹⁵ Esau dush oo‐oo keëkedoo, Mahnoo kegahnuhguhduhmoon ahnind nindenenemug ayahwugig. Oo‐oo kush keëkedoo Jacob, Ahneen oo‐oo kaënahbuttuk? mahnoo ningahminwandahgooz anahsuhmid nindoogemaum.

¹⁶ ¶ Esau dush keëzhekewa ewh kezheguk ewede Seir.

¹⁷ Jacob dush kepahbahmahdeze peenish ketuhgwishing Succothing, kuhya keöozhetuhmahzoo wegewaum, kuhya oogeöozhetuhmahwaun enewh oodahwahkaunun wegewaumun: mesuh Succoth wanjeëzhenekahdag ewede.

¹⁸ ¶ Jacob dush ketuhgwishin ewede Shaleming, oodoodanow Shechem emuh Canaaning duhzhe uhkeeng, uhpe Padan‐araming kahoonjebaud; kuhya oogeöozhetoon oowegewaum anahsuhmeähyaug ewh oodanuh.

¹⁹ Kuhya oogekishpenuhtoon pazhik uhkeens, emuh kepuhduhkesetood oowegewaum, oonje ooneenjening oonejahnesun owh Hamor, oosun owh Shechem, ningoodwauk duswahbik oogetebahuhmahwaun.

²⁰ Oogeöozhetoon dush ewede sahsahgewejegun‐ahbik, El‐elohe‐Israel dush oogeëzhenekahdaun.