GENESIS 32 - Ottawa New Testament Penteteuch and Psalms 1874

¹ Jacob dush keühnemahjah, oogepenuhquashkahgoon dush enewh oodangenemun owh Kesha‐Muhnedoo.

² Uhpe dush Jacob kahwahbuhmaud enewh, oo‐oo keëkedoo, Mesuh oonoo waqueenoonid Kesha‐Muhnedoo oodooshkenegemun; Mahanaim dush oogeëzhenekahdaun emuh.

³ Jacob dush oogeëzhenahzhahwaun ahnind oodooshkenegemun chenegaunenid chenaunzekahwahnid wekahnissun Esauun ewede Seiring, emuh Edoming duhzhe uhkeeng.

⁴ Oogekuhgaunzoomaun dush, oo‐oo keëkedood, Mesuh oo‐oo kaënag nindoogemaum Esau; Kebuhmeetahgun Jacob oo‐oo kedig, ningeweejeduhnuhkeemah owh Laban, kuhya ewede ningeduhniz nahnauzh egoo noongoom.

⁵ Nindahyahwaugedush pezhekewug, kuhya mamaungeshaüg, kuhya mahnishtahnishug, kuhya buhmeetahgun‐enenewug, kuhya buhmeetahgun‐equawug: ningeëzhenahzhahwaug dush ahnind cheweenduhmahwahwaud nindoogemaumun, cheminwandahgoozeyaun dush emuh anahsuhmeyun.

⁶ ¶ Egewh dush kahezhenahzhahoondjig kepiskahbewug emah uhyahnid Jacobun, oo‐oo dush oogeënahwaun, Ningeöodissahnaun kekahnis Esau, benuh dush kepenuhquashkaug, ahyahwaud newauk oodenenemun.

⁷ Me dush Jacob kekeche‐sagezid kuhya kenuhneenuhwandung: oogenanahweenaun dush oodahnishenahbamun wahjewegoojin, kuhya mahnishtahnishun, kuhya pezhekeewun kuhya paquahwegunenejin, neezhing edush oogeëzhenebuhweäun;

⁸ Oo‐oo dush keëkedoo, Kishpin Esau peöodissaud enewh nahgaunenejin megahnaud edush, egewh ahnind ishquayaung bamoosajig tahtaöozhemoowug.

⁹ ¶ Jacob dush oo‐oo keëkedoo, Oh Kesha‐Muhnedoo waKesha‐Muhnedoowemik noosebun Abraham, kuhya waKesha‐Muhnedoowemik noos Isaac, owh Jehovah oo‐oo kahezhid, Ezhekewan emuh keduhkeeming, kuhya anduhnuhkeewaud kedenuhwamahgunug, kegahmenoo‐doodoon dush:

¹⁰ Kahween netaähpeetandahgoozese kuhnuhga punge cheshahwanemeyumbun, kuhya kahezhedabwayun gagoo kewahweenduhmahwud kebuhmeetahgun; nesuhkuhoon suh atuh tahkoonuhmaun ningeähzhahwuhaun maunduh seebe Jordan; noongoom dush neneezhoodawiz.

¹¹ Bemahjeëshin kepuhgoosanemin, chenesegoosewaun nekahnis ooneenj, ooneenj owh Esau: nekoosah mah, koonemah ningahpenesig, kuhya enewh equawun kuhya enewh oonejahnesene.

¹² Kegeëkedoonahbun suh, Abetakummig kegahmenoo‐doodoon, kuhya ningahmeshenooäug kenejahnissug cheëshenoowaud ashenuk nagow cheguhbeeg atag tuhyaähginjegahdasenoog.

¹³ ¶ Kekuhbashe dush ewede ewh tebekuk; kuhya oogeöodahpenaun ahnind oodahyahahmun wemeenaud enewh wekahnissun Esauün;

¹⁴ Neezhwauk equa‐mesahboozoon, kuhya neezhtuhnuh ahyahba mesahboozoon, neezhwauk equa‐mahnishtahnishun, kuhya neezhtuhnuh ahyahba mahnishtahnishun.

¹⁵ Nesemeduhnuh noozha‐paquahwegunenejin kuhya enewh oomahnesheensemene, nemeduhnuh equa‐pezhekewun, kuhya metahswe ahyahba‐pezhekeewun, neezhtuhnuh equa‐mamaungeshaün, kuhya metauswe mahnesheensun.

¹⁶ Oogepuggedenaun dush emuh ooneenjeening oobuhmeetahgunun, naningoodwawaun; oo‐oo dush oogeënaun enewh oobuhmeetahgunun, Uhnenegaunahzhahwahook, wawahsuh dush tahbemoosawug egewh naningoo‐dwawaunuhgezejig.

¹⁷ Oogekuhgaunzoomaun dush enewh nahgaunenejin, oo‐oo keënaud, Uhpe nuhquashkook nekahnis Esau, kuhya kuhgwajemik, oo‐oo enik, Ahwanan dabanemik? kuhya ahneende azhahyun? ahwanan dush wadahyuhahmid oonoo nahgaunenejin?

¹⁸ Oo‐oo dush kegahekid, Kebuhmetahgun Jacob oodebanemaun; oomeenaun dush nindoogemaumun Esau oonoo: ishquayaung suh kuhya beühyah.

¹⁹ Me nahsaub kahezhekuhgaunzoomaud menuhwah pazhik, kuhya menuhwah pazhik, kuhya kuhkenuh enewh nwahpenuhnahnejin ahwahkaunun, oo‐oo keënaud, me suh oo‐oo kaëzhekuhnoonag Esau, uhpe mekuhwag.

²⁰ Menuhwah dush oo‐oo enik, Benuh nenoopenuhnegoonaun kebuhmeetahgun Jacob. Oo‐oo mah keëkedoo, ningahmenoonuhwaäh oonje ewh meegewawin nahgaunemahguk; nahguj dush neen ningahwahbundaun oodahgwuhy; koonemah ningahminwanemig.

²¹ Mesuh kahezhenegaunemahguk ewh meegewawin: ween dush kekuhbahshe ewh tebikuk emah anduhzhe‐kuhbashenid oodenenemun.

²² Magwah dush tebikudenig keöonishkah, kuhya oogeöodahpenaun nuhyazh oowedegamahgunun, kuhya nuhyazh oobuhmeetahgun‐equamun, kuhya enewh metauswe ahshe pazhig oogwissun, oogeähzhahwahaun dush ewh Jabbok seebeens.

²³ Oogeöodahpenaun dush, kuhya oogeënaun cheähzhahwahuhmenid ewh seebeens, kuhya uhgauming oogeëzhenahzhuhaun ewh ayaung.

²⁴ ¶ Jacob dush kenuhguhnah nezheka; oogekuhgwajewahnegoon dush pazhik enenewun nahnauzh kepetahbunenig.

²⁵ Uhpe dush owh wahyahbundung kemahmauzheähsig Jacobun, oogetaungenuhmahwaun oobwaumene; keähchahoosa dush Jacob, magwah kuhgwajewahnegood.

²⁶ Oo‐oo dush keëkedoo owh enene, Puhgedeneshin, ahzhegwah mah petahbun. Oo‐oo dush oogeëgoon enewh, Kahween kegahpuggedenesenoon, bahmah atuh keshahwanemeyun.

²⁷ Oo‐oo dush oogeënaun, Ahneen azhenekahzooyun? Oo‐oo dush oogeëgoon, Jacob suh.

²⁸ Oo‐oo dush keëkedoo, Kahween kayahbe Jacob kegahezhenekahzoose, Israel suh kegahezhenekauz; debishkoo mah keche‐oogemaung kedezhekushkeäwiz anahsuhmid Kesha‐Muhnedoo kuhya anahsuhmewaud enenewug, kuhya kegemahmauzheëwa.

²⁹ Jacob dush oogekuhgwajemaun oo‐oo keënaud, Weenduhmooweshin azhenekahzooyun kepahgoosanemin. Oo‐oo dush oogeëgoon, Wagoonash wanjekuhgwajemeyun nindezhenekahzoowin? Oogeshahwanemegoon dush emuh.

³⁰ Jacob dush Peniel oogeëzhenekahdaun ewh uhkee: ningemechewahbuhmah mah Kesha‐Muhnedoo, kayahba dush ninbemahdiz.

³¹ Kemookesa dush keezis uhpe ahyahzhahwuhung Peniel; keähchahoosa dush oobwauming.

³² Mesuh Israel oonejahnissun wanjemeejesigwah ewh oojeetudahmah kahoodahpishkaug, emuh oobwaumemaung atag, nahnauzh noongoom kezheguk: oonje ketaungenuhmahwaud Jacobun oobwaumene emuh oojeetudahmaung kahoodahpishkaug.