GENESIS 3 - Ottawa New Testament Penteteuch and Psalms 1874

¹ Kenabig dush ahwahshema kekuhkuhyaneze kuhkenuh dush ween mushkootang duhzhe ahwaseeün Jehovah Kesha‐Muhnedoo kahoozheähpuneen. Oo‐oo dush oogeënaun enewh equawun, Kagate enuh keëkedoo Kesha‐Muhnedoo, cheäumwahsewagwah azhemenewewaud kuhkenuh metigoog ketegaunansing padukkezoojig?

² Owh dush equa oo‐oo oogeënaun kenabigoon; Nindahaumwahnahnig azhemenewewaud metigoog padukkezoojig emuh ketegaunansing.

³ Owh dush ween metig nahweketegaunanse oo‐oo keëkedoo Kesha‐Muhnedoo, kahween kegahaumwahsewah azhemenewid, kah kuhya kegahtaungenahsewah, koonemah kedahneboom.

⁴ Kenabig dush oo‐oo oogeënaun equawun, kahween ahbetakummig kegahnebooseem.

⁵ Kesha‐Muhnedoo mah ookekandaun ewh kezheguk uhpe kaäumwag azhemenewid, chepahkahkoonegahdag keshkinzhegowaun, kuhya Kesha‐Muhnedoong cheëzhewabezeyag, kekanduhmag ewh wanesheshing kuhya ewh mujjeuhyeëewish.

⁶ Uhpe dush owh equa kahwahbundung chemenoopoogoozenid enewh metigoon, kuhya minwahbuhmenahgoozenid, kuhya metigoon nanduhwandahgoozenejin chenebwahkahewang, oogeöodahpenaun azhemenewenid, kuhya oogeäumwaun kuhya dush oogemeenaun enewh ooweedegamahgunun; kuhya ween oogeäumwaun.

⁷ Kepahkahkoonegahdenewun dush nuhyanzh ooshkeenzhegoowaun, kuhya oogekekandahnahwah chepingwahshahgedewaud; kuhya oogeähnekoogwahdahnahwah figoominahgahwunzhe‐ahnebeeshun, cheöozhetuhmahzoowaud enuhpezoowinun.

⁸ Oogenoondahnahwah dush oodinwawin owh Jehovah Kesha‐Muhnedoo pabahmoosad emuh ketegaunansing ewh ahpeeche kezheguk kahmenootuhkahsing; Adam dush kekahzoo emuh magwa metigookaug ketegaunansing kuhya oowedegamahgunun chewahbuhmegoosigwah Jehovahun Kesha‐Muhnedoon.

⁹ Jehovah Kesha‐Muhnedoo dush oogepepahgemaun Adamun, oo‐oo dush keënaud, Ahneende ahyahyun.

¹⁰ Oo‐oo dush keëkedoo, Ningenoondaun kedinwawin emuh ketegaunansing, kuhya ningesagiz, oonje kepingwahshahgedeyaun; ningekauz edush.

¹¹ Me dush oo‐oo kahekedood Kesha‐Muhnedoo, Ahwanan kahweenduhmauk chepingwahshahgedeyun? kahnuhween kegeäumwahse azhemenewid owh metig, kahenenaumbaun cheäumwahsewud.

¹² Enene dush oo‐oo keëkedoo, Owh equa kahmeezheyun chewedegamug, ningemeenik ewh azhemenewid owh metig ningeäumwah dush.

¹³ Jehovah Kesha‐Muhnedoo oo‐oo oogeënaun equawun, Wagoonan oo‐oo kahzhechegayun? Equa dush keëkedoo, Ningewuhyazhemig owh kenabig, ningeäumwah dush.

¹⁴ Jehovah Kesha‐Muhnedoo oo‐oo oogeënaun kenabigoon, Oonje oo oo keëzhechegayun, ahwahshema kegahkuhgwahnesuggandahgooz kuhkenuh dush ween ahwuhkaunug kuhya kuhkenuh mushkoodang duhzhe ahwaseeüg; emuh kemesudaung kegahpemooda, weyuggessa dush kegahmeejin menik kabemahdezewunan.

¹⁵ Kuhya ningahenahkoonega chesheenganindeyag keen kuhya equa, kuhya chesheenganindewaud keen kenejahnesug kuhya ween oonejahnesun; ween egoo kegahshahshahgoondebashkaug, kuhya keen kegahshahshahgoodoondenashkahgoon.

¹⁶ Oo‐oo dush oogeënaun equawun, Ningahkeche‐meshenuhtoonun kekooduggetoowinun kuhya kedahbenoojeëkawinun; emuh kooduggetoowining kegahezhenegeäug ahbenoojeüg; kegahnunduhwanemah kenahbam, kuhya ween kegahoogemahkundaug.

¹⁷ Oo‐oo dush oogeënaun enenewun, Oonje kebezinduhwud kewedegamahgun, kuhya keäumwud azhemenewid owh metig, keënenaun cheäumwahsewud; kuhgwahnesuggandahgwud uhkee keen oonje; emuh nuhneenuhwanduhmoowining kegahmeejin ewh emuh kaöonjeging menik kabemahdezeyun;

¹⁸ Tahsahgukkewug menasuhgah wunzheeg kuhya muzzaunushkoon; kegahmeejin ewh uhkeeng kaöonjeging.

¹⁹ Ahbwazoomahguk kedangwuhy me suh kaöonjeweseneyun amwud buhquazhegun, peenish uhkeeng ezhekewayun; uhkeeng mah kegeöondenegoo; keweyuggussayewh mah, kuhya emuh weyuggussaying kegahezhekewa.

²⁰ Adam dush Eve oogeëzhenekahnaun enewh wewun; oonje weöogeemegood kuhkenuh bamahdezenejin.

²¹ Jehovah Kesha‐Muhnedoo oogeöozhetuhmahwaun Adamun kuhya enewh oowedegamahgunun pushguaginoo puhpesekoowahgunun kepesekoonaud dush.

²² ¶ Me dush uhpe oo‐oo kahekedood Jehovah Kesha‐Muhnedoo, Benuh, enene anandahgoozeyung enandahgooze, oonje kekandung ewh wanesheshing kuhya mujje‐uhyeëewish; koonemah tahzhebenekane, cheöodahpenung azhemeenewid bemahdezewine metig, oodahaumwaun dush chekahgega bemahdezid.

²³ Me dush Jehovah Kesha‐Muhnedoo kahoonjesahgejenahzhahwaud emuh ketegaunansing Eden, cheketegahduhmenid uhkee emuh kahoondenegahzoonid.

²⁴ Oogesahgejenahzhahwaun dush enenewun; kuhya wahbunoong enuhkuhkayah ketegaunansing Eden oogeähsaun Cherubimun, kuhya ishkoota‐ahzhahwashk kewetuhyeë azhequaquakahbikesag, cheguhnuhwanduhmenid ewh meekun aneënuhmok emuh pahdukkezood bemahdezewine‐metig.