GENESIS 27 - Ottawa New Testament Penteteuch and Psalms 1874

¹ Kepuggummeahyahmahgud dush uhpe Isaac kakaud, kekuhkepeengwad, kewahbesig dush, kenundoomaud Esauun sasekesenejin oogwissun, oo‐oo dush keënaud, Ningwissa; oo‐oo dush keëgood enewh, Benuh oomah nindahyah.

² Oo‐oo dush oogeënaun, Benuh noongoom zhuhyegwah nekekah, kah dush nekekanduhse uhpe kaneboowaunan:

³ Noongoom suh dush kepahgoosanemin oodahpinun kedushwewinun, kepeendunwaun, kuhya kemetigwaub, ezhaun dush emuh mushkootang, kuhya nunduhwahbunduhmahweshin wahwaushkashe‐weyaus;

⁴ Kuhya oozhetoomahweshin manoopoogwuk meejim, ewh manwanduhmaun beeduhweshin dush, cheöonjeweseneyaun, kuhya cheshahwanemenaun chepwah nebooyaun.

⁵ Rebekah dush kenoondum uhpe Isaac ganoonaud enewh oogwissun Esauün. Esau dush keëzhah mushkoodang wenunduhwahbundung wahwaushkashe‐weyaus, kuhya webedood.

⁶ ¶ Rebekah dush oogeguhnoonaun enewh oogwissun Jacobun, oo‐oo keënaud, Benuh ningenoonduhwah koos kuhnoonaud kekahnisun Esau oo‐oo keënaud.

⁷ Peetuhweshin wahwaushkashe‐weyaus, kuhya oozhetuhmooweshin manoopoogwuk meejim, cheweseneyaun, cheshahwanemenaun dush anahsuhmid Jehovah chepwah ishquah‐bemahdezeyaun.

⁸ Benuh suh dush ningwissa, bezindun nindekedoowin debishkoo azheguhnoonenaun.

⁹ Ezhaun suh egewh mahnishtahnishug anduhzhe ahyahwaud, kuhya nauzh neezh mesahboozoonsug mesahboozoog oonejahnesewaun: ningahoozhetoomahwah dush koos ewh manoopoogwuk meejim, ewh manwandung:

¹⁰ Kegahmahjetuhwah dush koos cheöonjewesenid cheöonjeshahwanemik chepwah nebood.

¹¹ Jacob dush oo‐oo oogeënaun enewh Rebekahun oogeen, Benuh nekahnis Esau mesheze, neen dush ween nepushkooz:

¹² Koonemah noos ningahnundoojeenig, wuhyazhingashke ningahenanemig dush; ningahoondenuhmahdiz dush kuhgwahnesuggandahgoozewin, kahween ewh shahwandahgoozewin.

¹³ Oo‐oo dush oogeëgoon enewh oogeen, Neen suh ningahoodissegoon kekuhgwahnesuggandahgoozewin, ningwis, bezindun atuh nindekedoowin, Ahwenauzh dush egewh.

¹⁴ Kemahjah dush, kenahnaud, kemeenaud dush enewh oogeen: Oogeen dush oogeöozhetoone manoopoogwuk meejim, ewh manwanduhmenid oosun.

¹⁵ Rebekah dush oogeöodahpenaun wanesheshinenig oodahgwewinene sasekesenejin oogwissun Esau, kahahyaung emuh wegewauming, oogepesekoowaun dush enewh agahsheënejin oogwissun Jacobun;

¹⁶ Kuhya oogeähtuhwaun mesahboozoonse‐wuhyaunun emuh ooneenjeening kuhya ooquagunauning:

¹⁷ Kuhya oogeënenuhmoowaun enewh oogwissun Jacobun ewh manoopoogwuk meejim kuhya ewh bahquazhegun, kahoozhetood.

¹⁸ ¶ Oogenaunzekahwaun dush enewh oosun, oo‐oo dush keëekedoo, Noosa: oo‐oo dush oogeëgoon, oomah Nindahyah: ahwanan keen ningwissa?

¹⁹ Jacob dush oo‐oo oogeënaun enewh oosun, Nindow suh Esau kenetuhmoozhaun; ningeëzhechega debishkoo kahezheyun: puhsegween kepahgoosanemin, nuhmuhduhbin chemeejeyun newahwaushkashe‐weyausim cheöonjeshahwanemeyun.

²⁰ Isaac dush oo‐oo oogeënaun enewh oogwissun, Ahnish waweeb kahezhemekahmun, ningwissa? oo‐oo dush keëkedoowun, Ningenahdahmaug suh Jehovah ke Kesha‐Muhnedoom.

²¹ Isaac dush oo‐oo oogeënaun Jacobun, Pashoo penaunzekahweshin kepahgoosanemin, chekuhgwadenenaun, ningwissa, kishpin kagate ahyahwewunan ningwis Esau gamuh kuhya goo kah.

²² Jacob dush pashoo oogepenaunzekahwaun oosun Isaacun; oogekuhgwadenegoon dush oo‐oo keëkedoonid, Jacob oodinwawin mesuh anetuhmaun ewh inwawin, ooneenjemaun dush ween Esau ooneenjeen ahwunoon.

²³ Kah dush oogequuhyukwanemahseen, oonje kemesheneenjenid, debishkoo wekahnesun Esau: me suh kahezheshahwanemaud.

²⁴ Oo‐oo dush keëkedoo, Kagate enuh kedow ningwis Esau? oo‐oo dush oogeëgoon, Kagate suh nindow.

²⁵ Oo‐oo dush keëkedoo, Peeduhweshin pashoo, chemeejeyaun dush ningwis oowahwaushkasheweyausim, cheöoonje-shahwanemenaun. Oogepeetuhwaun dush pashoo, kewesenewun dush, oogepeetuhwaun dush shooweminahboo, me dush kemenequanid.

²⁶ Oo‐oo dush oogeëgoon enewh oosun Isaacun, Pashoo penaunzekahweshin, kuhya oojeemeshin, ningwissa.

²⁷ Pashoo dush oogenaunzekahwaun, kuhya oogeöojeemaun: kemenaunduhmoon dush oodahgwewin, kuhya oogeshahwanemegoon, oo‐oo dush keëkedood, Benuh ningwis ezhemahgooze debishkoo azhemahgwuk ewh ketegaun ewh kahshahwandung owh Jehovah.

²⁸ Mesuh Kesha‐Muhnedoo kaöonjemeenik mindookud ishpeming wanjebahmahguk kuhya uhkeeng azheweeninoowung, kuhya nebewah buhquazhegun kuhya shooweminahboo:

²⁹ Mahnoo ahnishenahbag kegahbuhmeetahgoog, mahnoo kuhya ahnooj azheweenzoojig ahnishenahbag kegahshahgushketahgoog: oogemahkundowh kekahnesug, mahnoo kuhya kegahshahgushketahgoog keguh oogwissun: tahkuhgwahnesuggandahgooze owh kakuhgwahnesugganemik, kuhya tahshahwanemah owh kashahwanemik.

³⁰ ¶ Kepuggummeähyahmahgud dush uhpe Isaac kahishquahshahwanemaud Jacobun, ahgahwah kedasahguhung owh Jacob oonje emuh ahyahnid Isaacun enewh oosun, wekahnesun Esauün kepeendegawun kahishquah‐keöosanid.

³¹ Kuhya ween suh oogeöozhetoon manoo‐poogwuk meejim, kuhya oogepeetuhwaun enewh oosun, oo‐oo dush keënaud enewh ooosun. Mahnoo tahpuhsegwe noos, kuhya oogahmeejin enewh oogwissun oowahwaushkashe‐weyausemene, cheöonjeshahwanemeyun.

³² Oo‐oo dush oogeëgoon enewh oosun Isaacun, Ahwanan keen? oo‐oo dush keëkedoo, Nindow kegwis kenetuhmoozhaun Esau.

³³ Isaac dush kekeche‐nuhningishkah, oo‐oo dush keëkedood, Ahwanan? ahneende ayaud owh kahoodahpenung wahwaushkashe‐weyaus, kepeetuhwid edush, ningekedaun dush kuhkenuh chepwah tahgwishenun, kuhya ningeshahwanemah? aahe, kagate dush egoo tahshahwanemah.

³⁴ Uhpe dush Esau kahnoondung oodekedoowinene enewh oosun, kekeche‐wesuggedamoo, oo‐oo dush keënaud enewh oosun, Shahwanemeshin kuhya neen, O noosa.

³⁵ Oo‐oo dush keëkedoowun, Kepekuhkuhyaneze kekahnis, oogemuhkundwan dush keshahwandahgoozewin.

³⁶ Oo‐oo dush keëkedoo, Kahnuh ween quuhyuk Jacob ezhenekahzoose? neezhing mah ningewuhyazhemik: ningemuhkummik nesuhsekezewandahgoozewin; noongoom dush ningemuhkummik neshahwandahgoozewin. Oo‐oo dush keëkedoo, Kahnuhween kayahbe kedahyaunseen shahwandahgoozewin kaëzheshahwanemeyumbun?

³⁷ Isaac dush oogenuhquatuhwaun, oo‐oo dush keënaud Esauün, Benuh ningeënahkoonah cheöogemahkundauk, kuhya ningemeenah kuhkenuh wekahnisun cheöobuhmeetahgunid enewh, kuhya ningeähshummah buhquazhegun kuhya shooweminahboo: wagoonan edush kadoodoonaun ningwissa?

³⁸ Esau dush oo‐oo oogeënaun enewh oosun, Pazhigwun nuh atuh keshahwanjegawin, noosa? shahwanemeshin kuhya neen, O noosa. Kemahduhdamoo dush Esau.

³⁹ Oogenuhquatahgoon dush enewh oosun Isaacun, oo‐oo keëgood, Benuh kegahdah emuh akoo‐weeninoowung uhkee, kuhya akoo‐mindookuk ewh ishpeming wanjebahmahguk;

⁴⁰ Kedahzhahwashkoom dush kegahoonjebemahdiz, kegahbuhmeetuhwah dush kekahnis; tahpuhgummeähyahmahgud edush uhpe kaöogemahweyun, kegahpeegoobetoon oonahbek-oowahgun oonje kequagunaung.

⁴¹ ¶ Esau dush oogesheenganemaun Jacobun oonje ewh shahwandahgoozewin kahshahwanemegood enewh oosun: Esau dush oo‐oo keëkedoo emuh oodaïng, Gagah zhuhyegwah tahdebishkoosa uhpe kamuhwemind noos; mesuh ewh uhpe kanesug nekahnis Jacob.

⁴² Kedebahjemootuhwah dush Rebekah oonoo oodekedoowinene enewh sasekezenejin oogwissun Esau: keähnookee dush chenundoomemind agahsheenejin oogwissun Jacob, oo‐oo dush keënaud, Benuh kekahnis Esau, menoodaaëdezoo keen oonje wenesik.

⁴³ Umba suhnoo, ningwissa, bezindun nindekedoowin: kuhya puhsegween, ezhenezhemoon ewede Haraning anduhnuhkeed Laban nindahwamah;

⁴⁴ Ewede dush nahkuhwa duhnuhkeen, nahnauzh egoo chepoonekedahzood kekahnis.

⁴⁵ Nahnauzh poonanemik kekahnis, wuhnandung edush ewh kahdoodahwud: me dush uhpe cheähnookeyaun chenahnegooyun: wagoonan suh kaöonjewuneëenuhgoogebun nuhyazh kenuhwah pazhig kezheguk?

⁴⁶ Rebekah dush oo‐oo ogeënaun Isaacun, Nezhegahdandaun nebemahdezewin oonje oodahnissun owh Heth; kishpin Jacob wedegamaud pazhig Heth oodahnissun, azhewabezenejin debishkoo azhewabezewaud egewh wadahnesemindjig oomuh uhkeeng, ahneen kaënahbuduk nimbemahdezewin?