GENESIS 25 - Ottawa New Testament Penteteuch and Psalms 1874

¹ Menuhwah dush Abraham oogeöodahpenaun equawun, Keturah azhenekahzoonejin.

² Oogenegetuhmahgoon dush enewh Zimramun, kuhya Jokshanun, kuhya Medanun, kuhya Midianun, kuhya Ishbakun, kuhya Shuahun.

³ Kuhya Jokshan oogeöogwissenun Shebaün, kuhya Dedanun. Kuhya Dedan oogeöogwisenun Asshurimun, kuhya Letushimun, kuhya Leummimun.

⁴ Kuhya Midian oogeöogwissenun Ephahun, kuhya Epherun, kuhya Hanochuh, kuhya Abidahun, kuhya Eldaähun. Kuhkenuh suh oonoo oogeöonejahnesenun Keturah.

⁵ ¶ Abraham dush oogepuggedenuhmahwaun enewh Isaacun kuhkenuh ootebenuhwawezewinun.

⁶ Oogwissewaun dush ween egewh noondaush apetandahgoozejig equawug, kahahyahwahjin Abraham, Abraham oogemeenaun meegewawinun, kuhya oogemahjenahzhahwaun, magwah kayahbe bemahdezid, cheähyahsenig anduhzhe ähyahnid oogwissun Isaacun wahbunoong enuhkakummig keëzhenahzhahwaud.

⁷ Abraham dush keningoodwauk duhsoo pepoon‐uhgeze ahshe neezhwahsemeduhnuh ahzhe nahnun, me menik kahbemahdezid.

⁸ Keïshquahnahmoo dush Abraham, kuhya keneboo kahkeche‐kekaud, kahuhkewanzeëwid, kuhya nebewah kahduhsoo-pepoon‐uhgezid; keëzhewenah dush anduhzhe ähyahnid enewh oodahnishenahbamun.

⁹ Oogepuggedanemegoon dush enewh oogwissun Isaacun, kuhya Ishmaelun emuh Machpelah weembahbikaug, emuh ooketegauning owh Ephron oogwissun owh Zohar Hittite, debishkoo Mamreing ayahmahguk;

¹⁰ Ewh ketegaun Abraham kahkishpenuhtuhwahpuneen enewh oogwissun owh Heth: me emuh kepuhgedanemind Abraham, kuhya enewh wewun Sarahun.

¹¹ ¶ Kepuhgummeähyah dush kahnebood Abraham Kesha‐Muhnedoo keshahwanemaud oogwissun Isaacun; Isaac dush keduhnuhkee emuh oondahebauning Lahairoi.

¹² ¶ Mesuh oo‐oo oodahneka‐bemahdezewinun owh Ishmael, oogwissun owh Abraham, Hagar, Egypting duhzhe equa, Sarah oobuhmeetahga‐equamun, kahnegetahmahwahjin Abrahamun:

¹³ Mesuh oonoo oodezhenekahzoowinene oogwissun owh Ishmael azhenekahzoonid, debishkoo kahezheahneka‐bemahdezenid: Ishmael oonetumoozhaunun, Nebajoth; kuhya Kedar, kuhya Adbeel, kuhya Mibsam,

¹⁴ Kuhya Mishma, kuhya Dumah, kuhya Massa,

¹⁵ Hadar, kuhya Tema, Jetur, Naphish, kuhya Kedemah:

¹⁶ Me suh oogoo kahooyoosemahjig Ishmaelun, mesuh kuhya oonoo oodezhenekahzoowinewaun, kahezheöodatoowaud, kuhya kahezheöowahkahegunewaud; metauswe ahshe neezh oogemaug, pukkaun keëzheweenzoowun oodahnishenahbamewaun.

¹⁷ Mesuh oo‐oo menik kahbemahdezid Ishmael, keningoodwauk duhsoo‐pepoon‐uhgeze ahshe nesemeduhnuh ahshe neezhwahswe: keïshquahnahmoo dush kuhya keneboo; me dush keëzhaud emuh ahyahnid oodahnishenahbamun.

¹⁸ Keöonjeduhnuhkewug dush Havilaing nahnauzh Shuring debishkoo Egypting anduhgoog, ahweyah ahneëzhaud Assyriaing enuhkuhkayah; keduhpena dush anahsuhmenid enewh wekahnesun.

¹⁹ ¶ Mesuh oonoo oodahneka‐bemahdezewinun owh Isaac, oogwissun owh Abraham: Abraham oogeöonejahnesenun Isaacun:

²⁰ Isaac dush kenemeduhnuh duhsoo pepoon‐uhgeze uhpe wahdegamaud Rebekahun, oodahnun owh Bethuel Syriaing duhzhe enene Padan‐Araming anduhnuhkeed, kuhya oodahwawamaun Laban owh Syriaing duhzhe enene.

²¹ Isaac dush oogeähnuhmeätuhwaun Jehovahun kekuhnooduhmahwaud oowedegamahgunun, oonje oonejahnesesenig: oogebezindahgoon dush Jehovahun, me dush oowedegamahgunun Rebekahun keünjekoonid.

²² Kemegahdewun dush enewh ahbenoojeyun emuh oopahyowing; oo‐oo dush keëkedoo, Kishpin kagate azhewabudoogwan, wagoonash suh oo‐oo wanjeëzheähyahyaun? oogeähwe-kuhgwajemaun dush enewh Jehovahun.

²³ Oo‐oo dush oogeëgoon Jehovahun, nauzhwahyuggezejig ahnishenahbag emuh kepuhyowing ahyahwug, kuhya pukkaun azheweenzoojig ahnishenahbag tahsahguhuhmoog oonje kemesudaung; ningoodwahyug dush ahnishenahbag nahwuj tahmushkahwezewug egewh dush ween pukkaun azheweenzoojig; owh dush saseekezid oogahbuhmeetuhwaun enewh ooshemayun.

²⁴ ¶ Uhpe dush dabishkoosanig chenegeähwuhsood benuh oogeähyahwaun neezhoodayun emuh oopuhyowing.

²⁵ Kemishquuhzha suh owh netum kahbesahguhung, debishkoo mashkeguk ahgwewin keëzhenahgwudenig anegookwahnig weyow, Esau dush oogeëzheweenahwaun enewh;

²⁶ Nahguj dush kebesahguhuhmoon ooshemayun, oogesuhgedoondahnanaun dush enewh Esauün; me dush Jacob keëzhenekahzood: keningoodwahse‐meduhnuh duhsoo‐pepoon‐uhgeze dush owh Isaac uhpe Rebekah nahgeäud enewh.

²⁷ Kemahjegewug dush egewh quewezansug: Esau dush kenetah‐keösa, moonzhug kuhya kepahpahduhneze emuh mushkootang; Jacob dush kebakahdeze, moonzhug dush wegewauming keähyah.

²⁸ Isaac dush oogesahgeäun Esauün, oonje kemeejid oowahwaushkasheweyausemene: Rebekah dush ween oogesahgeaun Jacobun.

²⁹ ¶ Jacob dush kemishkoodeseminahbooka: Esau dush kepeendega mushkootang keöonjebaud, kebwahnuhwetoo dush:

³⁰ Esau dush oo‐oo oogeënaun Jacobun, Ahshummeshin kepahgoosanemin ewh masquahgummeeg miskooteesminahboo nimpwahnuhwetoo mah: mesuh Edom kahoonjeëzhenekahzood;

³¹ Jacob dush oo‐oo oogeenaun, Ahtahmeshin noongoom kezheguk kesuhsekezewine‐enandahgoozewin.

³² Esau dush oo‐oo keëkedoo, Benuh gagah nenib: ahneen dush kaënahbujjetooyaun maunduh suhseekezewine‐enandah-goozewin?

³³ Jacob dush oo‐oo keëkedoo, mushkahwe‐wahweenduhmuhweshin noongoom kezheguk; oogemushkahwe‐wahweendahmahgoon dush: Me suh Esau kahezheähtahmaud Jacobun oosuhsekezewine‐enandahgoozewin.

³⁴ Jacob dush oogeähshummaun Esauün buhquazhegun kuhya miskoodeesemin‐ahboo; me dush kewesenid kuhya kemenequad, kepuhsegwe dush, keühnemahjaud: me suh Esau kahezheneshe‐bahpenoodung oosuhsekezewine‐enandahgoozewin.