GENESIS 19 - Ottawa New Testament Penteteuch and Psalms 1874

¹ Neezh edush angenug kepetuhgwishinoog emuh Sodoming wanahgooshig; Lot dush kenuhmuhduhbe emuh ishquandamewung Sodom: uhpe dush Lot kahwahbuhmaud enewh kepuhsegwe chenuhquashkahwaud; kuhya oogeshahgushketuhwaun metushkuhkummig enuhkuhkayah:

² Oo‐oo dush keëkedoo, Benuh nindoogemahmedoog, pepeendegag kepahgoosaneminim emuh kebuhmeetahgunewah oowegewauming, kuhya duhnezeyook kuhpa tebik, kuhya kesebegesittayook, mahnoo dush kekezhab kegahkooshkooseem, cheühnemahjahyag. Oo‐oo dush keëkedoowug, Kahween; meekunaung suh ningahahyahmin kuhpa tebik.

³ Ween dush ahpeche oogewekoojeäun; oogepeendegahgoon dush emuh oowegewauming; oogeöozhetuhmahwaun dush wekoongawin, kuhya oogeëozhetoon wambejishkewuggesinsenook buhquazhegun, kewesenewug dush.

⁴ ¶ Chepwah dush kuhwishemoowaud, egewh enenewug, wahdatoojig emuh Sodoming, oogekewetah‐kahbahwetahnahwah ewh wegewaum, katezejig kuhya washke‐bemahdezejig, kuhkenuh ahnishenahbag minzee wanjebahjig.

⁵ Kuhya oogepepahgemahwaun Lotun, oo‐oo dush keënahwaud, Ahneende ahyahwaud egewh enenewug noongoom tebekuk kahpeendigookwah? sahgejeweeduhweshenaum chekekanemungidwah.

⁶ Lot dush kesahguhum emuh ishquanndaming, kuhya oogekebahquahaun ishquandam oobikwuhnaung enuhkayah.

⁷ Oo‐oo dush keëkedoo, kepahgoosanemenim, nekahnesedoog, oo‐oo cheëzhemujje‐ezhechegasewag.

⁸ Benuh nindahyahwaug neezh nindaunisug muhshe kakanemahsigoog enenewun; mahnoo ningahsahgejeweenaug cheähyahwagwah, doodahwik dush wagoodoogwan ananduhmoowagwan; kah ningood kegahdoodahwahsewaug oogoo enenewug; me mah kahoonjepeendegawaud emuh newegewauming.

⁹ Oo‐oo dush keëkedoowug, Ekookahbahwin. Menuhwah dush oo‐oo keëkedoowug, Mahbuh pazhig enenewish kepeëzhah oomah wanebik cheähyaud, noongoom dush enandum chetebahkoonenung; noongoom dush ahwahshema kegahmujje‐doodahgoo wenuhwah dush ween. Oogequaushkoonoodahwahwaun dush enewh enenewun Lotun, pashoo dush kepeëzhahwug wepugooshkahmoowaud ishquaundam.

¹⁰ Egewh dush enenewug kesahgenikanewug, kuhya oogepeendega‐weekoobenahwaun Lotun, oogekebahquahahnahwah dush ishquandam.

¹¹ Oogekuhkepeengwaähwaun dush enewh enenewun ishquaundaming nahbahwenejin, agahsheënejin kuhya kache‐ahyahahwenejin: oogegwenuhwe‐nunduhwandahnahwah dush ishquaundam.

¹² ¶ Egewh dush enenewug oo‐oo oogeënahwaun Lotun, Ahweyah nuh bakahnezid kedahyahwah oomah? keningwunug, kuhya kegwissug, kuhya kedahnissug, kuhya wagoodoogwan, ayahmoowunan, emuh oodanaung sahgejeweezh.

¹³ Ningahbahnahjetoomin mah maunduh oodanah, oonje keche‐oombegezewaud anahsuhmid Jehovah; ningeëzhenahzhahoogoonaun dush Jehovah chebahnahjetooyaung.

¹⁴ Lot dush kesahguhum keähwekuhnoonaud enewh ooningwunun, kahwedegamahnejin oodahnissun, oo‐oo keëkedood, Puhsegweeg, nuhguhduhmook maunduh oodanah Jehovah mah oogahbahnahjetoon maunduh oodanah; Debishkoo dush pazhig buhyahpenwad oogeühyenanemegoon ooningwunun.

¹⁵ ¶ Uhpe dush kahwahbunenig, egewh augenug oogeënahwaun Lotun chewaweebetahnid, oo‐oo keëkedoowaud, Puhsegween, oodahpin kewedegamahgun, kuhya nuhyazh kedahnissug, oomah ayahjig; koonemah kuhya keen kegahtahgwahkiz emuh azhemujje‐ezhewabuk oodanah.

¹⁶ Magwah dush kecheekahzood, egewh enenewug oogenahwuddenahwaun emuh ooneenjening, kuhya ooneenjening wewun, kuhya ooneenjeening neezh oodahnissun; oonje keshahwanemegood Jehovahun: oogesahgejewenahwaun dush, keähsahwaud ahgwahjeëng oodanaung.

¹⁷ ¶ Kepuhgummeahyah dush uhpe kahsahgejewenahwaud, oo‐oo keënaud, Oozhemoon suh cheneboosewun; kagoo ween ahbahnahbekan, kagoo kuhya ningooche duhnezekan anegookwaug mushkoota; ezhenezhemoon ewede wahjewing, chechahgezoosewun.

¹⁸ Lot dush oo‐oo oogeënaun, Kahween oo‐oo tahezhewabussenoon kepahgoosanemin, nindoogemaum:

¹⁹ Benuh ningeminwandahgooz anahsuhmeyun, kegekechetwahwetoon dush keshahwanjegawin, ewh keshahwanemeyun kebemahjeëyun; kahween nekushketoose wahjewing cheëzhenezhemooyaun, koonemah nindahnoonda‐uhdemenegoon mujjeuhyeëewish, chenebooyaunbaun dush:

²⁰ Benuh suh, maunduh oodanah pashoowud cheëzhenezhemooyaumbaun emuh, ahgahsin suh kuhya: mahnoo puggedenuhmahweshin cheëzhenezhemooyaun emuh, (kah nuh ween ahgahsinsenoon) chebemahdezeyaun.

²¹ Oo‐oo dush oogeënaun, Benuh kegebezindoon kuhya maunduh nandoodahmahweyun, kahween ningahbahnahjetoose maunduh oodanah, kenundoodahmahweyun.

²² Waweeb ezhenezhemoon emuh; kah mah nindahkushketoose gagoo cheëzhechegayaun, bahmah goo atuh ketuhgwishenun emuh. Me suh Zoar wanjeëzhenekahdag ewh oodanah.

²³ ¶ Kemookesa dush keezis emuh uhkeeng uhpe Lot paundegad emuh Zoaring.

²⁴ Me dush uhpe Jehovah kekemewunoodung wazhahwushkookunag ishkooda emuh Sodoming kuhya emuh Gomorrahing oonje ishpeming kezhigoong anduhnuhkeed Jehovah;

²⁵ Kuhya oogebahnahjetoonun enewh oodanahwun, kuhya kuhkenuh anegookwaug mushkoota, kuhya kuhkenuh wahdatoopuneen emuh oodanaung, kuhya kuhkenuh mahyahjeginge-buneen emuh uhkeeng.

²⁶ ¶ Keähbahnahbewun dush ween oowedegamahgunun kahnoopenuhnegoojin, keshewetahgun‐ahbikoowewun dush.

²⁷ ¶ Kekezhab dush keöonishkah Abraham keëzhah dush ewede kahduhzhe nebahwid anahsuhmid Jehovah.

²⁸ Sodoming dush kuhya Gomorrahing enuhkuhkayah keënahbe, kuhya enuhkukkayah kuhkenuh mushkoota uhkeeng, benuh dush, oogewahbundaun bahquananig uhkee debishkoo ningahpekezegun azhebuhquanag.

²⁹ ¶ Kepuhgummeähyah dush uhpe Kesha‐Muhnedoo kahbahnahjetood mushkoodang duhzhe oodanahwun, Kesha‐Muhnedoo oogemequanemaun Abrahamun kesahgejenahzhahwaud dush Lotun oonje oodanaung kahbahnahjetood, uhpe banahjetood enewh oodanahwun emuh wahdatoopun owh Lot.

³⁰ ¶ Lot dush oogenuhguhdaun Zoar, kedah dush emuh wahjewing, ween kuhya enewh neezh oodahnissun; kesageze mah weähyaud emuh Zoaring; kedah dush emuh weembahbikahnig, ween kuhya enewh neezh oodahnissun.

³¹ Owh dush sasekezid oo‐oo oogeënaun enewh ooshemayun, Kekah koosenaun, kah dush enene ahyahse oomuh uhkeeng kawedegamenungoobun debishkoo azhewabuk anegookookummegaug uhkeeng:

³² Umba, menahahdah koosenaun shooweminahboo, kegah wepamahnaun dush, cheöonejahneseyung dush oonje koosenaun.

³³ Oogemenahahwaun dush oosewaun shooweminahboo ewh tebekuk, owh dush sasekezid kepeendega, kuhya oogewepamaun oosun; kah dush oogekekanemegooseen enewh oosun uhpe kawishemood, kuhya uhpe wanishkaud.

³⁴ Kepuhgummeähyah dush wahyahbunenig, owh sasekezïd oo‐oo keënaud enewh agahsheënejin, Benuh tebikoong ningewepamah noos: umba menahahdah shooweminahboo noongoom kuhya tebekuk; peendigow dush kuhya wepam chëoonje oonejahneseyung oonje koosenaun.

³⁵ Menuhwah dush ewh tebekuk oogemenahahwaun oosewaun shooweminahboo: owh dush agahsheïd keoönishkah, kuhya oogewepamaun; kah dush oogekekanemegooseen uhpe kawishemood kuhya uhpe wanishkaud.

³⁶ Mesuh nuhyazh oodahnissun owh Lot keähyahwahnid ahbenoojeün, oosewaun suh kahoonjeähyahwahwaud.

³⁷ Owh dush sasekezid oogenegeäun quewezansun, Moab dush oogeëzhenekahnaun: Mesuh owh wayoosemegood enewh Moabitun noongoom kezheguk.

³⁸ Kuhya owh agahsheïd oogenegeäun quewezansun, Ben‐ammi dush oogeëzhenekahnaun: me suh owh wayoosemegood enewh Ammonitun penish noongoom kezheguk.