GENESIS 18 - Ottawa New Testament Penteteuch and Psalms 1874

¹ Abraham dush oogewahbuhmaun Jehovahun emuh pahdukezood metigoomeezh emuh Mamreing: kahnuhmuhduhbepun dush emuh ishquaundamewunenig oowegewaum magwah kezhahtanig.

² Keöombishkinzhegwane dush kuhya keënahbe, benuh neswe enenewun pashoo kenebahwewun: uhpe dush kahwahbuhmaud, keähputtoo ahwenuhquashkahwaud enewh oonje ishquandame wung wegewaum, kuhya keshahgushketuhwaud metushkuhkummig anuhkayah.

³ Oo‐oo dush keënaud, Nindoogemaum; kishpin noongoom manwahbuhmewunan, kagoo nuhguhnahkan kebuhmeetahgun kepahgoosanemin:

⁴ Mahnoo punge nebe tahnahjegahda, chekesebegesittayag, kuhya aunwabeyook emuh ahgahwahtaähyaug uhnaume metigoong:

⁵ Ningahnahtin dush punge buhquazhegun, menoodaäedezooyook dush; me dush uhpe chemahjahyag: me mah wanjepenaunzekahwag kebuhmeetahgunewah. Oo‐oo dush oogeëgoon enewh, Mahnoo ezhechegan ewh kahekedooyun.

⁶ Abraham dush waweeb oogeëzhahnun Sarahun peendig wegewauming, oo‐oo dush keënaud Waweeb nesoo‐tebuhegun pahseboodag buhquazhegun wahwazhetoon, oonahdenun dush, kuhya oozheeh buhquazhegaunsug emuh chegishkooda.

⁷ Abraham dush, oogeähbuttoonun enewh ahwahkaunun, kuhya oogepeenaun pezhekeensun nwahkewuggezenejin kuhya wanesheshenejin, oogemeenaun dush ooshkenuhwan; waweeb dush oogepahkoonaun.

⁸ Oogeöodahpenaun dush doodoosh‐pemeda, kuhya doodooshahboo, kuhya enewh pezhekeensun kahpahkoonahjin, kepuggedenuhmahwaud edush; ween dush kenebahwe pashoo ahyahnid emuh ahgahwahtaähyahnig uhnaume metigoong, me dush kewesenenid.

⁹ ¶ Oo‐oo dush oogeënahwaun, Ahneende ahyaud Sarah kewedegamahgun? Oo‐oo dush kekeëdoo Abraham, Benuh, peendig ahyah emuh wegewauming.

¹⁰ Oo‐oo dush oogeënaun, Ahbetakummig kegahpenaunzekoon uhpe debishkoosag chebemahdezing; Sarah dush kewedegamahgun oogahahyahwaun quewezansun. Sarah dush kedabetum ahyaud emuh ishquaundamewung wegewaum emuh oopequunauning ayahmahguk.

¹¹ Abraham dush kuhya Sarah ahzhe kekeche‐kekahwug; Sarah dush kepooneëzhe‐ahyah azheähyahwaud equawug.

¹² Mesuh Sarah kahoonjebahpid peenjenuh; oo‐oo keëkedood, Kagate enuh ningahahyaun wahwezhanduhmoowin neen katezeyaun, kuhya ketezid owh tabanemid?

¹³ Jehovah dush oo‐oo oogeënaun Abrahamun, Wagoonash kahoonjebahpid Sarah, oo‐oo keëkedood Kagate enuh ningahoonejahnis neen katezeyaun?

¹⁴ Gagoo nuh oobawhnuhwetoon owh Jehovah? Uhpe debishkoosag ewh kahekedooyaun menuhwah kegahoodissin, nhpe debishkoosag chebemahdezing, kuhya Sarah oogahahyahwaun quewezansun.

¹⁵ Sarah dush keähgoonwatum, oo‐oo ekedood, Kahween ningebahpese; kesageze mah. Ween dush keëkedoo, Kagate kegebaup.

¹⁶ ¶ Kahpuhsegwewaud dush egewh enenewug emuh, Sodoming enuhkuhkayah keënahbewug; Abraham dush oogeuhneweejewaun chemizzesekahwaud.

¹⁷ Jehovah dush oo‐oo keëkedoo, Nindahkahduhmahwah nuh Abraham ewh wahezhechegayaun?

¹⁸ Kekanduhmaun kagate wekeche‐enandahgoozid kuhya wekeche‐meshenood Abraham, ween dush tahoonjeshahwandahgoosewug kuhkenuh ahnooj azheweenzoojig ahnishenahbag.

¹⁹ Nekekanemah mah kagate wekahgaunzoomaud oonejahnesun kuhya oowegewauming ayahnejin keïshquah‐bemahdezid, cheguhnuhwanduhmenid oodezhetwahwin Jehovah, cheëzhecheganid ewh quayukwuk kuhya manooëzhewabuk; chedoodahwaud dush owh Jehovah enewh Abrahamun ewh kahenaud.

²⁰ Jehovah dush oo‐oo keëkedoo, Oonzaum suh oombege-zeem ewede Sodoming kuhya Gomorahing, kuhya kuhgwahnesugge‐mujje‐ezhewabud;

²¹ Noongoom ningahezhah, cheähwewahbunduhmaun kishpin kagate kahezhechegawahgwan debishkoo anandahgwudenig oodoombegezewinewah wadissegooyaun; kishpin dush azhewabussenoogwan ningahkekandaun.

²² Emuh dush keöonjequakekahbahwewug egewh enenewug, kuhya keëzhahwug Sodoming enuhkuhkayah: Abraham dush ween kayahbe kenebahwe anahsuhmid Jehovah.

²³ Abraham dush pashoo kepenebahwe, oo‐oo dush keëkedood, Kegahnesaug nuh kuhya egewh manoo‐ezhewabezejig uhpe nasudwah egewh maje‐ezhewabezejig?

²⁴ Kishpin nahnemeduhnuhwawaud egewh manoo‐ezhewabezejig emuh oodanaung, kegahduhgoo‐nesaug nuh egewh? kahnuhween kegahshahgwanemoose webahnuhjetooyun oodanah oonje nahnemeduhnuhwawaud egewh manoo‐ezhewabezejig emuh wahdatoojig?

²⁵ Kahbah bahpish kedahezhechegase, chenesudwah egewh manoo‐ezhewabezejig uhpe nesudwah egewh maje‐ezhewabezejig: kuhya manoo‐ezhewabezejig cheëzheähyahwaud debishkoo azheähyahwaud egewh maje‐ezhewabezejig, kahween kedahezhechegase, Kahnuh ween tahquuhyukoochegase owh kadebahkoonung uhkee?

²⁶ Jehovah dush oo‐oo keëkedoo, Kishpin mekahwugwah emuh Sodoming nahnemeduhnuh manoo‐ezhewabezejig, ningahbemahjetoon kuhkenuh ewh oodanuh oonje egewh nahnemeduhnuh.

²⁷ Abraham dush oogeguhnoonaun, oo‐oo keëkedood, Benuh neen wahyuggussaëweyaun kuhya pangweeweyaun, ningeöodahpenuhmahdiz cheguhnoonug Jehovah:

²⁸ Koonemahnahnun tahnoonda‐duhchewug egewh nahnemeduhnuh manoo‐ezhewabezejig; kegahbahnahjetoon nuh kuhkenuh anegookwaug ewh oodanah oonje nahnun noondaduhchewaud? Oo‐oo dush keëkedoo, Kishpin mekahwugwah nemeduhnuh ahshe nahnun kahween ningahbahnahjetoose.

²⁹ Menuhwah dush oogeguhnoonaun, oo‐oo keënaud, Kishpin dush nemeduhnuh mekahwindwah emuh: Oo‐oo keëkedoowun, Kahween ningahezhechegase kishpin nemeduhnuhwawaud.

³⁰ Oo‐oo dush oogeënaun, Kagoo tahnishkahdezese Jehovah, kishpin menuhwah kekedooyaun: kishpin nesemeduhnuh mekahwindwah emuh. Oo‐oo dush keëkedoowun, Kahween ningahezhechegase kishpin mekuhwugwah nesemeduhnuh emuh.

³¹ Oo‐oo dush keëkedoo, Benuh ningeöodahpenuhmahdiz cheguhnoonug Jehovah; Kishpin nishtuhnuh mekahwindwah emuh. Oo‐oo dush keëkedoowun, Kahween ningahbahnahjetooseen kishpin nishtuhnuhwawaud.

³² Oo‐oo dush keëkedoo, Kagoo tahnishkahdezese Jehovah, kayahbe ningooding atuh ningahkekid: Kishpin metauswe mekahwindwah emuh. Oo‐oo dush keëkedoowun, Kahween ningah‐bahnahjetooseen, kishpin metahchewaud.

³³ Kemahjah dush Jehovah, kahishquah‐guhnoonegood Abrahamun: Abraham dush keëzhekewa emuh andaud.