GENESIS 17 - Ottawa New Testament Penteteuch and Psalms 1874

¹ Uhpe dush Abram kahshaungusse‐meduhnuh dussoo‐pepoon‐uhgezid ahshe shaungusswe, oogewahbuhmaun Jehovahun, oo‐oo dush keëgood, Neen nindow owh mahyahmahwe‐mushkahwezid Kesha‐Muhnedoo; bemoosan anahsuhmeyaun, kuhya quuhyuk ezhewabezin.

² Ningahoozhetoon dush wahweendahmahdewin kaëzhewahweendahmahdeyung keen kuhya neen, kuhya kegahkeche‐meshenooïn.

³ Abram dush keähpuggezoo emuh metushkuhkummig: oogeguhnoonegoon dush Kesha‐Muhnedoon, oo‐oo keëgood.

⁴ Neen suh, benuh kedahyaun newahweendahmahgawin, kegahooyoosemigoog nebewah pukkaun azheweenzoojig ahnishenahbug.

⁵ Kahween kayahbe Abram kegahezhenekahzoose, Abraham suh kegahezhenekauz; kegeënahkoonin mah cheöoyoosemikwah nebewah pukkaun azheweenzoojig ahnishenahbag.

⁶ Kuhya kegahezheïn ahpeche chebahtuhenoowaud kenejahnesug, emuh dush keyowing tahoondahdezewug pukkaun azheweenzoojig ahnishenahbag, kuhya keche‐oogemaug tahoondahdezewug emuh keyowing.

⁷ Ningahuhyeenjesittoon newahweendahmahgawin azhewahweenduhmoonaun keen kuhya kenejahnesug kaähneka‐bemahdezejig kahgenig cheduhgoomahguk, cheöokesha‐Muhnedoomeyun keen, kuhya kenejahnesug kahgenig.

⁸ Kegahmeenin dush keen, kuhya kenejahnesug keïshquah‐bemahdezeyun ewh uhkee emuh anduhzhe mahyuggezeyun, anegookwaug Canaan uhkee, chekahgega debanduhmoowaud; kuhya ningahoo‐Kesha‐Muhnedoomigoog.

⁹ ¶ Kesha‐Muhnedoo dush oo‐oo oogeënaun Abrahamun, Kegahguhnuhwandaun suh newahweendahmahgawin, keen, kuhya kenejahnesug keïshquah‐bemahdezeyun menik kaähnekabemahdezewaud.

¹⁰ Mesuh maunduh newahweendahmahgawin kaguhnuhwanduhmag kahezhewahweenduhmoonenuhgoog keen kuhya kenejahnesug keïshquah‐bemahdezeyun; Kuhkenuh anduhchewaud quewezansug tahkekenoowahje‐kishkeezhegahzoowug.

¹¹ Kegahkishkezhahnahwah keyausewah emuh negaun ushkuttuhying: me dush ewh kaöonjekekenoowahduk kewahweendahmahdewinenaun kahezhewahweenduhmahdeyung neen kuhya kenuhwah.

¹² Owh dush ashwahsoogoon‐uhgezid kenejahnesewah tah kekenoowahje‐kishkizhwah, kuhkenuh queewezansug nahgejig emuh kewegewaumewaung, gamuh mahyahdahwezid kahkishpinuhnag keshooneyahmewah, wanejahnesesewun.

¹³ Owh nahgid emuh kewegewaumewaung, kuhya owh kahkishpenuhnag keshooneyahmewah, ahbetakummig tahkekenoowahje‐kishkishwah; newahweendahmahgawin dush tahduhgoomahgud emuh keyausewaung kahgega‐wahweendahmahdewin cheähwung.

¹⁴ Owh dush quewezanse kakenoowahje‐kishkizhcgahzoosig kakekenoowahje‐kishkizhegahdasenoonig weyaus emuh neg aun‐ishkuttuhying tahkahseeäh oonje ahyahwaud ahnishenahbag; oogepegoobetoon suh newahweendahmahdewin.

¹⁵ ¶ Kesha‐Muhnedoo dush oo‐oo oogeënaun Abrahamun, Sarai dush ween kewedegamahgun kahween Sarai kegahezhenekahnahse, Sarah suh tahezhenekahzoo.

¹⁶ Ningahshahwanemah dush, kuhya kegahmeenin cheöogwisseyun oonje weyowing: kagate ningahshahwanemah, kuhya oogahoogeemegoon pukkaun azheweenzoonejin ahnishenahban; weyowing tahoondahdezewug kaöogemahkundahwahjig pukkaun azheweenzoonejin ahnishenahban.

¹⁷ Me dush Abraham keähpuggezood emuh metushkuhkummig, kuhya kebahpid, oo‐oo dush keëkedoo emuh oodaïng, Kagate enuh tahoonejahnese owh nangoodwauk dussoo‐pepoon‐uhgezid? kuhya Sarah, shuhyaungusse‐meduhnuh duhsoo pepoon‐uhgezid oogahahyahwaun enuh ahbenoojeün?

¹⁸ Abraham dush oo‐oo oogeënaun Kesha‐Muhnedoon, Ahpagish bemahdezepun Ishmael emuh anahsuhmeyun!

¹⁹ Oo‐oo dush keëkedoo Kesha‐Muhnedoo, Sarah kewedegamahgun kagate oogahahyahwaun quewezansun; Isaac dush kegahezhenekahnah: kuhya ningahuhyeenjesittuhmoowah newahweendahmahgawin kahkenig cheähyaung, kuhya oonejahnesun kaähneka‐bemahdezenejin ween keïshquah‐bemahdezid:

²⁰ Keduhzhemud dush ween Ishmael kegebezindoon: Benuh, ningeshahwanemah, kuhya ningahmeshenooäh, cheähpeche‐bahtuhyenid; oogahoonejahnesenun metauswe ahshe neezh oogemaun, kuhya ningahenahkoonah kachetwahwezenid ahnishenahban cheöonejahnesid.

²¹ Isaac suh kaühyeenjesittuhmoowug newahweendahmahgawin, mesuh enewh kaähyahwahjin Sarah uhpe oo‐oo ahpeeche‐pepoong menuhwah peepoong.

²² Mesuh kepoone‐guhnoonaud, ishpeming dush keëzhemahjah Kesha‐Muhnedoo kahnuhguhnaud Abrahamun.

²³ ¶ Abraham dush oogeöodahpenaun oogwissun Ishmaelun kuhya kuhkenuh enewh kahnegenejin emuh oowegewauming, kuhya enewh kahkishpenuhnahpuneen ooshooneyahmun, kuhkenuh enenewun emuh Abram oowegewauming; oogekekenoowahje‐kishkizhahmoowaun dush ewh weyausene emuh negaun‐ushkuhtuhying ewh kezheguk, debishkoo kahegood enewh Kesha‐Muhnedoon.

²⁴ Abraham dush keshaungusse meduhnuh pepoon‐uhgeze ahshe shaungusswe uhpe kahkekenoowahje‐kishkezhoond emuh azheweyausewunenig oonegaun‐ushkuhtuhy.

²⁵ Kuhya oogwissun Ishmael kemetausoo‐pepoon‐uhgeze ahshe neswe uhpe kahkekenoowahje‐kishkezhoond emuh azheweyausewunenig oonegaun‐ushkuttuhy.

²⁶ Ewh nahsaub kezheguk Abraham kekekenoowahje‐kishkishwah, kuhya enewh oogwissun Ishmael.

²⁷ Kuhya kuhkenuh emuh oowegewauming ayahjig enenewug, kahnegejig emuh wegewauming, kuhya mayuggezenejin kahkishpenuhnahpuneen ooshooneyahmun, kuhya wenuhwah kekekenoowahje‐kishkishwahwug.