GENESIS 15 - Ottawa New Testament Penteteuch and Psalms 1874

¹ Kahishquahahyaug oonoo Abram oogeöodissegoon oodekedoowin owh Jehovah emuh wazhebahbunduhmoowining, oo‐oo keëgood, Kagoo sagezekan, Abram; neen mah nindow kepuhkuhahquaun, kuhya kekeche‐tebahahmahgoowin.

² Abram dush oo‐oo keëkedoo, Jehovah Kasha‐Muhnedooweyun, wagoonash kameezheyun, oonje oonejahnesesewaun, kuhya owh ganuhwandung newegewaum me suh mahbuh Eliziezer Damascusing duhzhe wenene?

³ Abram dush oo‐oo keëkedo Benuh kahween kegemeezhese kaöonejahneseyaun: pazhig dush nahgid emuh newegewauming oogahdebandaun netebenuhwawezewin.

⁴ Benuh dush oogeöodissegoon oodekedoowin owh Jehovah, oo‐oo keëgood, Kahween mahbuh oogahdebanduhseen ketebenuhwawezewin; owh atuh kasahguhung oonje kenuhgezheeng mesuh owh kadebandung ketebenuhwawezewin.

⁵ Oogesahgejewenaun dush ewede ahgwahjeeng, oo‐oo dush keënaud, Ishpeming enuhkuhkayah enahbin, ughim dush egewh ahnungoog, kishpin kushketooyun cheühgemudwah: oo‐oo dush oogeënaun, Mesuh kaëshenoowaud kenejahnesug.

⁶ Oogedabwayanemaun dush Jehovahun; mesuh minwandahgooze kahoonjeënanemind.

⁷ Oo‐oo kuhya oogeënaun, Neen nindow owh Jehovah kahsahgejewenik oonje Uring Chaldœanong anduhgoog, chemeen enaun maunduh uhkee chedebanduhmun.

⁸ Oo‐oo dush keëkedoo Abram, Jehovah Kasha‐Muhnedooweyun, wagoonash kaöonjekekanduhmaun kagate wedebanduhmaun?

⁹ Oo‐oo dush oogeënaun, Oodahpenuhmahweshin noozha pezhekee nasoo‐pepoon‐uhgezid, kuhya noozha mesahbooz nasoo‐pepoon‐uhgezid, kuhya ahyahba‐mahnishtahnish nasoo‐pepoon‐uhgezid, kuhya keche‐oomeemee; kuhya oomeemeense.

¹⁰ Oogeöodahpenuhmoowaun dush kuhkenuh oonoo, kuhya oogetaushkezhwaum, kuhya dadebishkoo oogepuhgedenaun: kah ween oogetaushkezhwahseen enewh penasheeün.

¹¹ Uhpe dush pahjesawaud penasheyug emuh ahtagin weyowemaun, Abraham oogeëkoonahzhahwaun.

¹² Uhpe dush pangeshemook keezis, kekeche‐nebah Abram; kuhya oogeähpuggezekahgoon gwatahmegwuk paeuhgishkaug.

¹³ Kesha‐Muhnedoo dush oo‐oo oogeënaun Abramun, Kekandun kagate wemahyuggezewaud kenejahnesug emuh uhkeeng debanduhsigwah, kuhya oogahbuameetahwahwaun anduhnuhkeenejin emuh; kuhya oogahkooduggeëgoowaun enewh newauk duhsoo pepoon;

¹⁴ Kuhya egewh ahnishenahbag, kabuhmeetahwahwahjin, ningahtebahkoonaug; bahmah dush tahsahguhuhmoog keche-tebenuhwawezewaud.

¹⁵ Keen dush kegahezhahnaug koosebuneeg emuh pezaunezewining; kuhya kegahpuggedanemegoo uhpe kekeche‐kekahyun.

¹⁶ Uhpe newing keähneka‐bemahdezewaud kenejahnesug menuhwah tahpeëzhahwug oomah: kahmah muhshe mooshkenasinene oomujje‐ezhewabezewinewah egewh Amoritug.

¹⁷ Kepuggummeähyahmahgud dush, kahpungeshemoog, kuhya kahkushke‐tebekuk, benuh ningahpekezegun baquanag, kuhya sakittag wahsuhkoonanjegun azhahmahguk emuh nesuhwuhyeëe atagin enewh kahtaushkezhegahdagin.

¹⁸ Me ewh uhpe kezheguk Jehovah kewahweenduhmahwaud Abrahamun, oo‐oo keënaud, Ningemeenaug kenejahnesug maunduh uhkee, oonje Egypt duhzhe seebeeng peenish ewh keche‐sebe Euphrates azhenekahdag.

¹⁹ Enewh Kenitun, kuhya enewh Kenizzitun, kuhya enewh Kadmonitun.

²⁰ Kuhya enewh Hittiteün, kuhya enewh Perizzitun, kuhya Raphaimun,

²¹ Kuhya enewh Amoritun, kuhya enewh Canaanitun kuhya Girgashitun, kuhya Jebusitun.