GENESIS 13 - Ottawa New Testament Penteteuch and Psalms 1874

¹ Abram dush kesahguhum emuh Egypting, ween kuhya oowedegamahgunun, kuhya kuhkenuh oodahyahaumun, Lot dush oogeweejewegoon, shahwunoong enuhkuhkayah keëzhaud.

² Abram dush kekeche‐bahtuhyenoowun oodahwahkaunun, kuhya ooshooneyaum, kuhya oodoozahwah‐shooneyaum.

³ Keühnepahbahmahdeze shahwunoong keöonjemahjaud peenish Betheling, keduhgwishing emuh wahyashkud kekahbashegoobunan nahwuhyeëe ahtag Bethel kuhya Hai;

⁴ Emuh ahtagebun ewh sahsahgewejegun‐ahbik, ewh wuhyashkud kahoozhetoopun: ewede dush Abram oogenuhnaundoomaun enewh Jehovahun.

⁵ ¶ Kuhya Lot, kahwejewaud Abramun, keöomahnishtahnisheme, kuhya keöopezhekeme, kuhya keoowegewaume.

⁶ Kah dush ketabesasenoon uhkee, nuhyazh cheähyahwahpun cheweejeduhkeendewahpun; kekeche‐bahtuhyenudenewun mah ooduhyeemewaun, kah dush oogekushketoosenahwah cheweejduhnuhkeendewaud.

⁷ Kemegahdewun dush Abram oodahwahkaunenemun kuhya Lot oodahwahkaun‐enenemun: egewh dush Canaanitug kuhya egewh Perizzitug keduhnuhkeewug emuh uhkeeng.

⁸ Abram dush oo‐oo oogeënaun Lotun, Kah ween kedahmegahdesemin, kah kuhya tahmegahdesewug kedahwahkaun-enenenahnig; kedoowekahnesendemin gooshah.

⁹ Kahnuh ween anegookookummegaug uhkee ahyahsenoon anahsuhmeyung? benuh nuhguhzheshin; kishpin keen kenuhmunjenikaung enuhkuhkayah wahezhahwunan, neen nekeche nikaung enuhkuhkayah ningahëzhah; kishpin dush kuhya kekechenikaung enuhkuhkayah wahezhahwunan, neen nenuhmunjenikaung ningahëzhah.

¹⁰ Lot dush keöombishkinzhegwane, oogewahbundaun dush kuhkenuh anegookwaug ewh mushkoota chegeseebe Jordan, minzee menoo‐nebekahnig chepwah Jehovah bahnahjetood Sodom kuhya Gomorrah, debishkoo Jehovah ooketegaunansim, kuhya debishkoo Egypting duhzhe uhkee, ahnëezhaung emuh Zoaring.

¹¹ Me dush Lot keöonahbundung kuhkenuh ewh mushkoota chegeseebe Jordan atanig; wahbunoong dush enuhkuhkayah keëzhepahbahmahdeze Lot: me dush kahezhepukkaëdewaud.

¹² Abram dush keduhnuhkee emuh Canaan uhkeeng, Lot dush ween keduhnuhkee emuh mushkoodang duhzhe keche‐oodanaung, kekuhbashe dush ewede Sodoming.

¹³ Egewh dush ween Sodoming duhzhe enenewug kekuhgwahnesugge‐mujjeëzhewabezewug kuhya kukuhkebahjeche-gawug anahsubmid Jehovah.

¹⁴ ¶ Jehovah dush oo‐oo oogeënaun Abramun, kahmahjahnid Lotun, Benuh oombishkinzhegwanin, anduhzheähyahyun oonzahbin dush kewadinoong enuhkuhkayah, kuhya shahwunoong, kuhya wahbunoong, kuhya apungishemoog;

¹⁵ Kuhkenuh mah menik wuhyahbunduhmun uhkee, kegahmeenin, kuhya kenejahnesug uhpena kahgenig.

¹⁶ Ningahezhenooäug kuhya kenejahnesug debishkoo ashenuk uhkeeng duhzhe weyuggussa: kishpin dush enene kushketood chetaähgindung uhkeeng duhzhe weyuggussa me uhpe kuhya kenejahnesug chetaühgemindwah.

¹⁷ Puhsegween, shahbooshkun ewh uhkee akoosing kuhya anegookoodasing; kegahmeenin suh goo.

¹⁸ Kekooze dush Abram, kuhya kekuhbashe emuh Mamreïng duhzhe mushkootang ewede Hebroning ayaug, ewede dush oogeöozhetoomahwaun Jehovahun ewh sahsahgewejegun‐ahbik.