GENESIS 12 - Ottawa New Testament Penteteuch and Psalms 1874

¹ Jehovah dush oo‐oo oogeënaun Abramun, Nuhguhdun keduhkeem, kuhya kedenuhwamahgunug, kuhya koos oowegewaum, ezhaun dush ewede uhkeeng kawahbundahenaun:

² Ningahenahkoonega dush chekechetwah‐ahnishenahbawewaud kenejahnesug, kuhya kegahshahwanemin, kuhya ningahkechetwahwetoon kedezhenekahzoowin; keen edush tahoonjeshahwandahgoozim:

³ Kuhya ningahshahwanemaug egewh shawanemikig kuhya ningahkuhgwahnesuggeäug egewh kagwahnesuggeïkig: keen edush tahoonjeshahwandahgoozewug kuhkenuh ahnooj azheweenzoojig ahnishenahbag oomah uhkeeng.

⁴ Abram dush keühnemahjah debishkoo kahegood Jehovahun; oogeweejewegoon dush Lotun: Abram dush keneezhwahse meduhnuh duhsoo‐pepoon‐uhgeze ahshe nahnun uhpe Haraning wanjemahjaud.

⁵ Abram dush oogeöodahpenaun Saraiun oowedegamahgunun, kuhya Lotun oodoozhemun, kuhya kuhkenuh ootebenuhwawezewinewah kahezhetebenuhwawezewaud, kuhya enewh bamahdezejin kahahyahwahwahnejin emuh Haraning; kemahjahwug dush cheëzhahwaud emuh Canaan uhkeeng; emuh dush Canaan uhkeeng kepetuhgwishenoog.

⁶ ¶ Abram dush oogeshahbooshkaun ewh uhkee peenish egoo ketuhgwishing emuh uhtag Sichem, emuh mushkootang Moreh. Owh dush Canaanite kayahbe duhnuhkegoobun ewede uhkeeng.

⁷ Abram dush oogewahbuhmaun Kesha‐Muhnedoon, oo‐oo dush oogeëgoon, Ningahmeenaug kenejahnesug maunduh uhkee: ewede dush oogeöozhetoomahwaun Jehovahun kahwahbuhmahjin ewh sahsahgewejegun‐ahbik.

⁸ Ewede dush keöonjekooze keëzhaud edush emuh wahjewing wahbunoong enuhkuhkayah oonje Betheling, kekuhbashe dush, Bethel dush apungishemoog keduhgoomahgudene, kuhya Ai wahbunoong keähyahmahgudene: me dush emuh keöozhetoomahwaud Jehovahun ewh sahsahgewejegun‐ahbik, kuhya oogenuhnaundoomaun Jehovahun.

⁹ Abram dush kepahbahmahdeze, kayahbe shahwunoong enuhkuhkayah keënoosad.

¹⁰ ¶ Kepukkuddakummegud ewede uhkeeng: Abram dush keëzhah emuh Egypting chenahkahwa‐duhnezid emuh: kekuhgwahnesugge‐keche‐pukkuddakummegud mah emuh uhkeeng.

¹¹ Kepuggummeähyahmahgud dush uhpe pashoo anetuhgwishing emuh Egypting, oo‐oo keënaud enewh Saraiün oowedegamahgunun, Benuh kekekanemin minwahbuhmenahgoozeyun equa.

¹² Oo‐oo dush tahezhewabud, uhpe wahbuhmikwah egewh Egyptianug, oo‐oo cheëkedoowaud, mesuh oonoo oowedegamahgunun: ningahnesigoog dush, keen dush ween kegahbemahjeëgoog.

¹³ Oo‐oo ekedoon kepahgoosanemin, oodahwamaun nindow: chemenooähyahyaun keen oonje; me dush keen kaöonjebemahdezeyaun.

¹⁴ ¶ Kepuggummeähyahmahgud dush uhpe Abram kahtuhgwishing emuh Egypting, egewh Egyptianug oogewahbuhmahwaun enewh equawun keche‐quahnaujewenid.

¹⁵ Oogewahbuhmegoon kuhya Pharaoh oodoogemaunsemun, kuhya oogeminwahjemegoon anahsuhmid Pharaoh: kepeendeguhnah dush owh equa emuh Pharaoh oowegewauming.

¹⁶ Oogemenoo‐doodahwaun dush Abramun oonje enewh equawun; Abram dush keöomahnishtahnisheme, kuhya keöopezhekeme, kuhya keöodahyahbamamaungeshaëme, kuhya keöo buhmeetahgunene, kuhya keöobuhmeetahgunequame, kuhya keöonoozha‐mamaungeshaëme, kuhya keöopegwahweguneme.

¹⁷ Jehovah dush oogekooduggeäun Pharaohun kuhya enewh oowegewauming ayahnejin keche ahkoosewinun keühyood, oonje Sarai Abram oowedegamahgunun.

¹⁸ Pharaoh dush oogemindoomaun Abramun, oo‐oo dush keënaud, Wagoonash suh oo‐oo kahdoodahweyun? ahnishween keweenduhmahwesewun kewedegamahgun ahwegoobunan?

¹⁹ Wagoonash kahoonjeëkedooyun, Nindahwamah ahwe? nindahgeöodahpenah dush neen chewedegamug: benuh dush owh kewedegamahgun, oodahpin, mahdaun dush.

²⁰ Pharaoh dush oogekuhgaunzoomaun enewh oodenenemun keduhzemaud Abramun: me dush kemahjenahzhahwahwaud, kuhya oowedegamahgunun, kuhya kuhkenuh ooduhyeemun.