GENESIS 11 - Ottawa New Testament Penteteuch and Psalms 1874

¹ Anegookookummegaug dush uhkee kepazhigwun inwawin, kuhya nahsaub keëzhekekedoom.

² Kepuhgummeähyahmahgud dush, magwah uhnepemoosawaud wahbunoong keöonjebahwaud, oogemekahnahwah mushkooda emuh Shinar duhzhe uhkeeng; me dush emuh keduhnuhkewaud.

³ Pazhig dush enene oo‐oo oogeënaun enewh weejeduhnuhkewamahgunun, Umba oozhetoodahnin miskwuhsineen, kuhya wahweenga shahbwahbekezindahnin. Kuhya ahsineeng oogenahbujjetoonahwah miskwuhsineen, kuhya shegwahbeketang oogeënahbujjetoonahwah pegewh.

⁴ Oo‐oo dush keëkedoowug, Umba oozhetahmahdezoodah keche‐oodanah kuhya kache‐ishpaug wahkahegun, ishpeming katabahquahquuhmook; oozhetuhmahdezoodah dush ezhenekahzoowin, cheöonjesuhswashkahsewung emuh anegookookummegaug uhkeeng.

⁵ Jehovah dush ishpeming kepeöonjeëzhah chewahbundung ewh keche‐oodanah kuhya wahkahegun, kahoozhetoonid enene oonejahnesun.

⁶ Oo‐oo dush keëkedoo Jehovah, Benuh, pazhigwunene azheweenzoowaud oogoo ahnishenahbag, kuhya pazhigwunene oodinwawinewah; oogemahje‐ahnooketahnahwah dush oo‐oo ahnookeewin; kah suh dush gagoo oogahpwahnuhwetoosenahwah, menik ananduhmoowaud cheëzhechegawaud.

⁷ Umba, uhkeeng ezhahdah chenishwuhnauzinwaüngwah, chenesittootahdesigwah.

⁸ Me dush Jehovah kahezhesuhswashkahwaud ewede oonje emuh anegookookummegaug uhkeeng: oogepoonetoonahwah dush oozhetoowahpun keche‐oodanah.

⁹ Mesuh Babel wanjeëzhekahdag; me mah emuh Jehovah kahnishwuhnahzinwaäud kuhkenuh enewh abeetuhmenejin uhkee, Mesuh kuhya ewede Jehovah kahoonjesuhswashkahwaud emah anegookookummegaug uhkee.

¹⁰ ¶ Mesuh oo‐oo kahezheähneka‐bemahdezenid oonejahnesun owh Shem: keningoodwauk duhsoo pepoon‐uhgeze Shem, kuhya oogeöogwissenun Arphaxadun nauzhoopepoonuhguk kahishquah‐mooshkuhung uhkee;

¹¹ Shem dush kebemahdeze kahoondahdezenid Arphaxadun naunwauk duhsoo pepoon, oogeähyahwaun oogwissun kuhya oodahnissun.

¹² Arphaxad dush kenesemeduhnuh‐dussoo‐pepoon‐uhgeze ahshe nahnun, oogeöogwissenun dush Salahun.

¹³ Arphaxad dush kebemahdeze kahoondahdezenid Salahun newauk duhsoo‐pepoon ahshe neswe, oogeähyahwaun dush oogwissun kuhya oodahnissun.

¹⁴ Salah dush kenesemeduhnuh dussoo pepoon‐uhgeze, kuhya oogeöogwissenun Eberun.

¹⁵ Salah dush kebemahdeze kahoondahdezenid Eberun newauk duhsoo pepoon ahshe neswe, oogeähyahwaun dush oogwissun kuhya oodahnissun.

¹⁶ Eber dush kenesemeduhnuh duhsoo‐pepoon‐uhgeze ahshe newin, kuhya oogeöogwissenun Pelegun:

¹⁷ Eber dush kebemahdeze kahoondahdezenid Pelegun newauk duhsoo‐pepoon ahshe nesemeduhnuh, oogeähyahwaun dush oogwissun kuhya oodahnissun.

¹⁸ Peleg dush kenesemeduhnuh‐duhsoo‐pepoon‐uhgeze, kuhya oogeöogwissenun Reuün:

¹⁹ Peleg dush kebemahdeze kahoondahdezenid Reuün neezhwauk duhsoo‐pepoon ahshe shaungusswe, oogeähyahwaun dush oogwissun kuhya oodahnissun.

²⁰ Reu dush kenesemeduhnuh dussoo pepoon‐uhgeze ahshe neezh, kuhya oogeöogwissenun Serugun:

²¹ Reu dush kebemahdeze kahoondahdezenid Serugun neezhwauk duhsoo pepoon ahshe neezhwahswe, kuhya oogeähyahwaun oogwissun kuhya oodahnissun.

²² Serug dush kenesemeduhnuh‐duhsoo‐pepoon‐uhgeze, kuhya oogeöogwissenun Nahorun:

²³ Serug dush kebemahdeze kahoondahdezenid Nahorun neezhwauk‐duhsoo‐pepoon, oogeähyahwaun dush oogwissun kuhya oodahnissun.

²⁴ Nahor dush keneezhtuhnuh‐duhsoo‐pepoon‐uhgeze ahshe shaungusswe, kuhya oogeöogwissenun Terahun:

²⁵ Nahor dush kebemahdeze kahoondahzenid Terahun ningoodwauk‐duhsoo‐pepoon ahshe metauswe ahshe shaungusswe, oogeähyahwaun dush oogwissun kuhya oodahnissun.

²⁶ Terah dush keneezhwahsemeduhnuh‐duhsoo‐pepoon‐uhgeze, kuhya oogeöogwissenun Abramun, kuhya Nahorun, kuhya Haranun.

²⁷ ¶ Mesuh oo‐oo kahezheähneka‐bemahdezenid Terah oonejahnesun: Terah oogeöogwissenun Abramun, kuhya Nahorun, kuhya Haranun; kuhya Haran oogeöogwissenun Lotun.

²⁸ Haran dush keneboo chepwah neboonid oosun Terah emuh uhkeeng kahoondahdezenid, keduhpena suh Uring egewh Chaldeeüg ooduhkeemewah.

²⁹ Abram dush kuhya Nahor oogeöodahpenahwaun equawun: Sarai keëzhenekahzoowun Abram oowedegamahgunun; kuhya Milcah keëezhenekahzoowun Nahor oowedegahmahgunun, oodahnun owh Haran, oosun ewh Milcah, kuhya oosun owh Iscah.

³⁰ Kah dush kenetahnegeëwase Sarai; kah ween keöonejahnesese.

³¹ Terah dush oogeöodahpenaun enewh oogwissun Abramun, kuhya Lotun oozheshayun, kuhya Sarai oosemeen, oogwissun Abram oowedegamahgunene; kesahguhumoog dush emuh Uring ewh Chaldeeüg ooduhkemewah Canaaning duhzhe uhkeeng weëzhahwaud, kepeëzhahwug dush ewede Haraning, keduhnuhkeewug dush emuh.

³² Kuhkenuh dush ookezhegudoomun owh Terah menik kahbemahdezid mesuh neezhwauk duhsoopepoon ahshe nahnun; emuh dush Haraning keduhpena Terah.