GALATIANUN 6 - Ottawa New Testament Penteteuch and Psalms 1874

¹ Nejekewaëdoog, kishpin ahweyah enene uhdemenegood ewh mujje‐ezhewabezewin, kenuhwah kakishkahwag owh Keche‐Oojechaug, nayaub ezhekewawenik emuh shahwanjegawin‐oojechaugoomaung; nahnahgahdahwanindezoon koonemah kuhya keen kegahkuhgwatebanemegoo.

² Nahdahmahdeyook mamashquaud uhpe pwahyah‐wunayag, me suh kaëzheguhnuhwanduhmag Christ ootebahkoonegawin.

³ Kishpin suh enene enanindezood ningood cheähpeetandahgoozid, uhpe ningood ahpeetandahgoozesig, wuhyazhindezoo.

⁴ Mahnoo anduhshid enene oogahnahnahgahdahwandaun tebenuhwa oodahnookeewin me dush kaöondenung moojegezewin emuh tebenuhwa ooweyowing atuh, kahween bakahnezenejin ooweyowening.

⁵ Anduhshid muh enene oogahpemoondaun tebenuhwa oomewunekaun.

⁶ Mahnoo owh kakenooahmahwind ewh ekedoowin oogahmeenaun enewh kakenooähmahgoojin kuhkenuh wanisheshingin uhyeëen.

⁷ Kagoo wuhyazhindezookagoon; kahween Kesha‐Muhnedoo enandahgoozese chebahpenoodahwindebun: wagoodoogwan enene kaketegahduhmoogwan, mesuh ewh kasuggukkenung.

⁸ Owh muh kategahdung ewh azhenunduhwanduhmoomahguk ooweyaus, weyausemaung oogahoondenaun ewh nishewahnahdezewin; owh dush kategahdung ewh azheminwandung owh Oojechaugoomah, Oojechaugoomaung ogahooondenaun ewh kahgega bemahdezewin.

⁹ Kagoo kuhya ahnezheetunsedah emuh menoo‐dooduhmoowining: uhpe muh debiskoosag chekishkezhegayungoobun kegahkezhkezhegamin, kishpin ahnezheetunsewung.

¹⁰ Umba dush, menik kushketooyung menoo‐doodahwahdwahnig kuhkenuh enenewug, mamwach edush egewh dabandahgoozejig emuh dabwayanduhmoowining.

¹¹ Kewahbundahnahwah azhemechaug mahjebeëgun tebenuhwa neneenjeeng kahmahjebeühmoonenuhgoog.

¹² Kuhkenuh menik nanduhwandungig menoo‐ezhewabezing cheëzhenahgoozewaud emuh weyausemaung, ketwa kekuhgaunzoomegoowaug chekekenoowahje‐kishkezhegahzooyag, me atuh cheöonje‐kooduggeähsewindwah oonje ewh oodahzhedayahtikoom owh Christ.

¹³ Kah suh dush wenuhwah kakenoowahje‐kishkezhegahzoojig ooguhnuhwanduhsenahwah ewh tebahkoonegawin; kenunduhwanemegoog dush chekekenoowahje‐kishkezhegahzooyag ewh chemuhmequahzoowaud oonje enewh keweyausewah.

¹⁴ Kah bahpish neen ningahoonje‐muhmequahzoose gagoo, me atuh oodahzhedayahtegoom Tabanemenung Jesus Christ, owh wanje‐netummahgooyaun ewh uhkee kuhya neen wanje‐netooyaun uhkee.

¹⁵ Kah muh emuh Christ Jesusing ningood enahbuttussenoon ewh kekenoowahje‐kishkezhegahzoowin, gamuh kekenoowahje‐kishkezhegahzoosewin, ewh atuh aunje‐bemahdezewin.

¹⁶ Menik edush kadishk oo‐oo enahkoonegang anoosajig, mahnoo oogahahyahnahwah ewh pezaunewawin, kuhya shahwanjegawin, kuhya kuhkenuh oodIsraelemun Kesha‐Muhnedoo.

¹⁷ Kagoo dush menuhwah ahweyah ningahmegooshkahjeëgoose, nepahbahmewetoonun muh emuh neyowing ootahahpissahbahwawinun Tabaningad Jesus Christ.

¹⁸ Nejekewaëdoog, ooshahwanjegawin Tabanemenung Jesus Christ kegahweejewegoonahwah emuh kejechaugoowaung. Amen.