GALATIANUN 5 - Ottawa New Testament Penteteuch and Psalms 1874

¹ Soongekahbahwik dush emuh puggedenegahzoowining kahezhepuggedenenung Christ, kagoo kuhya menuhwah nahbekahedezookagoon ewh ahwahkaune‐nahbekahwahgun.

² Benuh, neen Paul keweenduhmoonenim, kishpin kekenoowahje‐kishkezhegooyag, kah ningood kegahoondezeseem oonje Christ.

³ Menuhwah dush neweenduhmuhwaug kuhkenuh egewh enenewug kahkekenoowahje‐kishkezhoondjig, nunduhwandahgoozewaud cheguhnuhwanduhmoowaud kuhkenuh anegookwaug tebahkoonegawin.

⁴ Kahween gagoo kegahoondezeseem oonje Christ, ahwagwan menik anduhsheyag wanje‐quuhyuk‐ezhewabeze-goozegwan emuh tebahkoonegawining; kegeöonje‐punge-shinim emuh shahwanjegawining.

⁵ Nenuhwind suh oonje Keche‐Oojechaugoong nebee toomin ewh ahpanemoowin wanjeebahmahguk emuh dabwayanduhmoowinequuhyuk‐ezhewabezeëgoozewining.

⁶ Emuh suh Jesus Christing kah ningood enahbuttussenoon ewh kekenoowahje‐kishkezhegahzoowin, kuhya ewh kakenoowahje‐kishkezhegahsenook; me atuh dabwayanduhmoowin anookeemahguk chesahgeëwang.

⁷ Kegemenoo‐pemebuhtoom; ahwanan owh kahkebishkuhmoonenag chenuhittunsewag ewh dabwawin?

⁸ Maunduh doowah dabwatuhmoowin kahween oonjeemahgussenoon ewede anduhzhe ahyaud owh nandoomenag.

⁹ Punge sewesechegun wanje‐sewesechegahzood kuhkenuh buhquazhegun.

¹⁰ Kedahpanemoonenim oonje owh Tabaningad, pukkaun weënanduhsewag: owh dush magooshkahjeënag oogahpemoondaun tebenuhwa oonahneboomegoowin ahwagwanewegwan ahyahwegwan.

¹¹ Neen dush, nejekewaëdoog, kishpin kayahbe debahdoodahmaun ewh kekenoowahje‐kishkezhegahzoowin, ahneeshwin kayahbe kooduggeëgooyaun? medush kaöonje-ishquah‐wuhsittahwanjegahdag ewh ahzhedayahtik.

¹² Ahpakish sahgeje‐wabenegahzoowahpun egewh magooshkahjeënagoog.

¹³ Benuh, nejekewaëdoog, kegeëzhenundoomegoom emuh puggedenegahzoowining; kagoo ahbujjetookagoon kepuggedenegahzoowinewah cheöonje‐buhmeetuhmag ewh weyausemah, emuh atuh sahgeëdewining buhmeetahdeyook mamashquaud.

¹⁴ Kuhkenuh muh ewh tebahkoonegawin guhnuhwanjegahda emuh pazhik ekedoowining, me suh oo‐oo. Debishkoo azhesahgeëdezooyun kegahezhesahgeäh keeje‐duhnuhkeewamahgun.

¹⁵ Kishpin dush tuhquundeyag kuhya ahmoondeyag, nahnahgahdahwanindezooyook koonemah kegahahpeche‐bahnahjeëdim mamashquaud.

¹⁶ Nindekid suh dush, Bemoosag emuh Keche‐Oojechaugoong, kah dush kegahezhechegaseem ewh manwanduhmoomahguk ewh weyausewe‐enanduhmoowin.

¹⁷ Ewh suh weyausemah oosheenganemaun enewh Oojechaugoomaun, kuhya owh Oojechaugoomah oosheengandaun weyausewemah: megahdewug mamashquaud: me dush wanje‐kushketoosewag weëzhechegayag azheminwanduhmag.

¹⁸ Kishpin dush suhgahbegenenag owh Keche‐Oojechaug, kahween ketebandahgoozeseem emuh tebahkoonegawining.

¹⁹ Benuh, puggukkandahgwudoon weyausemah oodahnookeewinun, mesuh oonoo keche‐peshegwahdezewin, peshegwahdezewin, weenezewin, peshegwahdanduhmoowin,

²⁰ Muzzenenekawin, metawin, sheenganindewinun, wuhsittahwanindewinun, kuhgahwanindewinun, nishkahdezewinun, kekaundewinun, megahdewinun, pukkaëdewinun.

²¹ Keshahwanindewinun, nesedewinun, kewushquabishkewinun, mujje‐wekoondewinun, mesuh oonoo doowun; oonoo dush duhzhinduhming kezhah kewahweenduhmoonenim, nahsaub mawezhah kahezhewahweenduhmoonenuhgoog, oonoo azhechegajig, kahween tahmeenahsewug Kesha‐Muhnedoo oodoogemahwewin.

²² Owh dush Oojechaugoomah menekahnewid, sahgeëdewin, oonahnegwanduhmoowin, pezaunekummegezewin, zebishkahje‐kedahzoowin, bakahdezewin, keshawahdezewin, dabwayanduhmoowin.

²³ Nookahdezewin, nesahdezewin; kahween emuh tebahkoonegawining tebahkoonegahdasenoon oonoo doowun.

²⁴ Egewh dabandahgoozejig emuh Christing oogenetoonahwah ewh weyausemah kuhya kuhkenuh azhesahgeewamahguk kuhya azhenunduhwanduhmoomahguk.

²⁵ Kishpin bemahdezeyung emuh Oojechaugoomaung, mahnoo bemoosadah emuh Oojechaugoomaung.

²⁶ Kagoo dush nunduhwandunsedah ewh muhmequahzoowin, kagoo kahkaunjeësedah, kuhya keshahwanindesedah.