GALATIANUN 4 - Ottawa New Testament Penteteuch and Psalms 1874

¹ Benuh nindekid, owh wahdebandung oosun ooduhyeemene, menik egoo kaähbenoojeëwegwan, kahween pukkaun enandahgoozese dush ween owh buhmeetahgun, ahnooween goo kuhkenuh wahdebandung:

² Oodoogemahkundahmahgoon suh ween enewh kakenooähmahgoojin kuhya enewh ganuhwanemegoojin peenish egoo ewh uhpe debishkoosanig kahenahkooneganid oosun.

³ Mesuh kuhya kenuhwind, magwah ahbenoojeëweyungoobun, kegetebanemegoomin oomah uhkeeng duhzhe ooshke‐kekenooähmahdewinun:

⁴ Uhpe dush kahahpeche‐debishkoosag, Kesha‐Muhnedoo oogepeëzhenahzhahwaun enewh Oogwissun, kahnegeëgood enewh equawun, chenuhittung ewh tebahkoonegawin.

⁵ Chebemahjeäud enewh kahtebahkoonegahzoonejin, kenuhwind cheöodahpenuhmung oodezhetwahwinewah egewh wagwissemindjig.

⁶ Mesuh oogwissemegooyag, owh Kesha‐Muhnedoo kahoonje‐ezhenahzhahwaud Oojechaugwunene enewh Oogwissun emuh kedaëwaung, oo‐oo ahyahzhequang Abba, Noosa.

⁷ Kah suh dush kayahbe kebuhmeetahgunewese, kedoogwissemegoo suh goo; kishpin dush wagwissemegoowunan, me suh kaöonje‐tebanduhmun enewh ooduhyeemun owh Kesha‐Muhnedoo oonje owh Christ.

⁸ Benuh dush, magwah kekekanemahsewagoobun owh Kesha‐Muhnedoo, kegebuhmeetahwahwaug egewh Kesha‐Muhnedoowandahgoozesigoog.

⁹ Noongoom dush kakanemag Kesha‐Muhuedoo, ahwahshema nindahekid kakanemenag Kesha‐Muhnedoo, ahneeshwin ezheähzhasayag emuh shuhyahgwewemahguk kuhya ningood anahbuttussenook ooshke‐kekenooähmahgoowining, me emuh nunduhwanduhmag menuhwah chedebandahgoozeyag?

¹⁰ Keguhnuhwandahnahwah enewh kezhegudoon, kuhya enewh kezisoon kuhya kechetwah‐kezhegudoon, kuhya enewh kekenoonoowinun.

¹¹ Nesagiz dush kenuhwah oonje, koonemah ahneshah kegeähnooketuhmoonenim.

¹² Nejekewaëdoog, kepahgoosanemenim, ezheähyahyook debishkoo neen azheähyahyaun; neen muh nindezheahyah debishkoo kenuhwah azheähyahyag: kah ningood kegemujje‐doodahweseem.

¹³ Kekekanemim emuh azhenuhneenuhmuk neyausim kegeëzhedebahjemootuhmoonenim ewh minwahjemoowin wuhyashkud.

¹⁴ Ewh dush nekuhgwatebanemegoowin emuh neyausing kahduhgoomahguk kahween kegeneshebahpenuhdunsenahwah, kah kuhya kegewabenunsenahwah; kegeëzheoodahpenim debishkoo oodangenemun owh Kesha‐Muhnedoo, debishkoo Christ Jesusing.

¹⁵ Ahneende dush ewh shahwandahgoozewin kahduhzhinduhmag? oo‐oo muh kedenahjeminenim, kishpin kushketooyagoobun, kedahgekeejebetoonahwah tebenuhwa kishkinzhegoowaun, chegemeezheyagoobun.

¹⁶ Kedoonje‐wuhsittahwanemim nuh, ewh weenduhmoonenuhgoog ewh dabwawin?

¹⁷ Kekeche‐wekoojeëgoowaug, kah dush ween wawane; enanduhmoog suh chepukkawinenagwah cheöonje‐wedookahwagwah.

¹⁸ Oonesheshin sah moonzhug keche‐weedookahzoong kishpin oonesheshing ewh wahdookuhmag, kahween atuh uhpe waujewinenuhgoogin.

¹⁹ Nindahbenoojeëmedoog, kenuhwah wanje‐kooduggetooyaun menuhwah emuh negeähwuhsoowining nahnauzh kezheïnd Christ emuh kedaëwaung.

²⁰ Nindahgenunduhwandum noongoom cheweejewinenuhgoogebun, kuhya cheäunjetooyaunbaun ewh ninkekedoowin; kah suh kekekanemesenoonim azhewabezeyag.

²¹ Weenduhmahweshig, kenuhwah nanduhwanduhmag chebuhmeetuhmag ewh tebahkoonegawin, kah nuh ween kenoonduhsenahwah ewh tebahkoonegawin?

²² Ezhebeëgahda muh, Abraham keneezhenid oogwissun, pazhik buhmeetahgun‐equang keöonje‐neegewun, pazhik dush oowedegamahguning.

²³ Wah‐owh dush buhmeetahgun‐equa oogwissun weyahsemaung keöonje‐neegewun; owh dush oowedegamahguning kahoonjeähyaud wahweenduhmahgawining keöonje‐neege.

²⁴ Ahwachegun ahwunoon oonoo debahjemoowinun: me suh enewh neezh kekindewinun; pazhik Sinai wahjewing oonjeemahgud, ahnookeemahgud dush chebuhmeetahgang, me suh Agar.

²⁵ Wah‐owh muh Agar, me suh Sinai wahjewh emuh Arabiaïng, debishkoo enandahgwud anandahgwuk Jerusalem noongoom ayahmahguk, kuhya bameetahgamahguk mahmahwe oonejahnesun.

²⁶ Jerusalem dush ishpeming ayahmahguk kahween buhmeetahgamahgussenoon, owh kuhkenuh wageemung.

²⁷ Oo‐oo muh ezhebeëgahda, Moojegezin, keen wanejahnesesewun; bahpenandun kuhya menuhwaunegwandun, keen nahgeähwuhzoosewun: owh muh nazhekawezid oodahyahwaun nahwuj nebewah ahbenoojeün dush ween owh wanahbamid.

²⁸ Benuh dush, kenuhwind, nejekewaëdoog, kedoonejahnesemegoomin ewh wahweendahmahgawin debishkoo Isaac kahezheöonejahnesemind.

²⁹ Me dush goo nahsaub kahezhewabukebun, owh weyausemaung kahoonje‐neegid kekooduggeäud enewh oojechaugoomaung kahoonje‐neegenejin, me begoo azhewabuk noongoom.

³⁰ Ahneen dush akedoomahguk ewh oozhebeëgun? Sahgeje‐wabin owh buhmeetahgun‐equa kuhya enewh oogwissun: owh muh buhmeetahgun‐equang kahoonje‐neegid kahween oogahweeje‐debandahsoomahseen enewh weedegamahguning kahoonje‐neegenejin.

³¹ Me dush, nejekewaëdoog, kenuhwind kahween buhmeetahgun‐equa kedoonejahnesemegoosemin, weedegamahgun atuh.