GALATIANUN 3 - Ottawa New Testament Penteteuch and Psalms 1874

¹ Okakebahdezeyag Galatiaïng duhzhe enenewedoog, ahwanan kahkuhkebahdezeënag, chepahbahmetunsewag ewh dabwawin, kenuhwah anahsuhmeyag kahmezheshuh‐wahbunduhegooyag Jesus Christ, kahsuhsuhgahquahoond emuh anduhzhe ahyahyag?

² Maunduh atuh nenunduhwandum weweenduhmahweyag, Kegeöodahpenahwah nuh owh Keche‐Oojechaug oonje enewh tebahkoonegawine ahnookeewinun, gamuh oonje dabwayanduhmoowine noondahmoowin?

³ Oo‐oo nuh menik kekuhkebahdezeem? kemahjetahyag emuh Keche‐Oojechaugoong, noongoom nuh kekezheetaum emuh weyausemaung?

⁴ Ahnishah nuh oo‐oo menik kegekooduggetoom? kishpin kagate ahnishah kekooduggetooyag.

⁵ Owh dush pagedenuhmoonag Keche‐Oojechaugwun, kuhya mamaundah‐ahnookeed anduhzhe‐ahyahyag, doodum enuh oonje tebahkoonegawine ahnookeewinun, gamuh oonje dabwayanduhmoowine noonduhmoowin?

⁶ Debishkoo Abraham kahezhedabwayanemaud Kesha Muhnedoon, quuhyuk‐ezhewabezewin dush keënuhginduh-moowah.

⁷ Kekanduhmook edush egewh dabandahgoozejig emuh dabwayanduhmoowining, me suh egewh oonejahnesun Abraham ahyahwejig.

⁸ Kuhya dush Kechetwah‐oozhebeëgun, kezhah kekekanduhmoomahguk owh Kesha‐Muhnedoo weminwandah-goozeäud enewh mayuggezenejin oonje dabwayanduhmoowin, kezhah wahweendahmahwaud ewh minwahjemoowin enewh Abrahamun, oo‐oo keëkedoomahguk, Keen suh tahoonje‐shahwandahgoozewug kuhkenuh ahnooj azheweenzoojig ahnishenahbag.

⁹ Mesuh dush egewh dabandahgoozejig emuh dabwayanduhmoowining shahwandahgoozewug mahmahwe owh duhyabwayandung Abraham.

¹⁰ Kuhkenuh muh dabandahgoozejig emuh tebahkoonegawine ahnookeewining nahneboomahwug: oo‐oo muh ezhebeëgahda, Nahneboomahwug kuhkenuh uhpuhna mahkinduhsigoog kuhkenuh enewh uhyeëen wazhebeëgahdagin emuh tebakkoonegawine‐muzzeneëguning.

¹¹ Puggukkandahgwud suh kuhnuhga ahweyah quuhyuk‐ezhewabezeëgoozesig oonje ewh tebahkoonegawin emuh anahsuhmid owh Kesha‐Muhnedoo, ahneesh dabwayanduhmoowin tahoonje‐bemahdeze owh quuhyuk‐ezhewabezeegoozid.

¹² Kahween dabwayanduhmoowining oonjeemahgussenoon ewh tebahkoonegawin: Owh edush mahkindung enewh tahoonje‐bemahdeze.

¹³ Christ suh kegebemahjeëgoomin chenahneboomegoosewung ewh tebahkoonegawin, ween kenahneboomind kenuhwind oonje: ezhebeëgahda muh, nahneboomahwug kuhkenuh emuh metigoong kaähgoonindjig:

¹⁴ Chepuggummishkahgoowaud egewh mayuggezejig ewh ooshahwandahgoozewin Abraham oonje owh Christ Jesus, cheöodahpenahmung Keche‐Oojechaug kahezhewahweendahmahgooyaung, oonje ewh dabwayanduhmoowin.

¹⁵ Nejek ewaëdoog, eneneeng nindezhekekid; Ahnahween goo enene atuh ookekindewin ahwungebun, kishpin uhyeenjesechegahdag, kahween ahweyah oobuhnahjetooseen, gamuh nahwuj nebewah ootuhgoo‐ahtooseen.

¹⁶ Me owh Abraham kuhya enewh oonejahnesun kahwahweenduhmoowindjig oonoo wahweendahmahgawinun. Kahween ekedoose, menekaunun, ewh chebahtuheïnewahpun; oo‐oo suh atuh pazhikwung, ewh kemenekaun, mesuh owh Christ.

¹⁷ Oo‐oo dush nindekid, ewh tebahkoonegawin newauk ahshe nesemeduhnuh duhsoo‐pepoonewung kahoozhechegahdag, kahween oobuhnahjetooseen ewh wahweendahmahgawin kezhah kahuhyeenjesetood owh Kesha‐Muhnedoo emuh Christing, chedebishkoosasenoogebun.

¹⁸ Kishpin dush ewh tebandahsoowin emuh tebahkoonegawining oonjeemahguk, kah suh kayahbe emuh wahweenduhmahgawining oonjeemahgussenoon: Kesha‐Muhnedoo oogemeenaun Abrahamun emuh wahweendahmahgawining.

¹⁹ Ahneen dush anahbuttuk ewh tebahkoonegawin? Enewh mujjeëzhewabezewinun keöonje‐duhgoo‐uhchegahdag, peenish egoo tuhgwishenoomahguk ewh menekaun me suh owh kahwahweenduhmoowindebun ewh wahweendahmahgawin; egewh dush angenug oogeähtoonahwah emuh ooneenjeeng guhnooduhmahga‐wenene.

²⁰ Kah suh dush pazhegoosewun enewh ganooduhmahwahjin owh ganoonduhmahgad, owh dush ween Kesha‐Muhnedoo pazhegoo.

²¹ Oobahnahjetoonun enuh ewh tebahkoonegawin enewh oowahweendahmahgawinun Kesha‐Muhnedoo? Kah bahbahpish ezhewabussenoon: kishpin muh ahyahmahgukkebun ewh tebahkoonegawin kagebemahjeëwamahgukebun, kagate nungwuhnuh quuhyuk‐ezhewabezeëgoozewin tebahkoonegawining tahgeöonjeemahgud.

²² Ewh nuh kechetwah‐oozhebeëgun ekedoomahgud kuhkenuh mujjeëzhewabezewaud, egewh dush duhyabwayandungig chemeenindwahpun ewh wahweendahmahga in oonje dabwayanemind Jesus Christ.

²³ Chepwah kahtuhgwishenoomahguk ewh dabwayanduhmoowin, kegeminjemenegoomin kebahquahegahzooyung emuh tebahkoonegawining, nahnauzh tuhgwishenoomahguk ewh dabwayanduhmoowin wahyahweenjegahdagebun.

²⁴ Benuh dush debishkoo kekekenooähmahga‐wenenemenaun keëzheähyahmahgud ewh tebahkoonegawin cheezhewenegooyaung emuh owh Christ, chequuhyuk‐ezhewabezeëgoozeyung, oonje dabwayanduhmoowin.

²⁵ Uhpe dush kahtuhgwishenoomahguk ewh dabwayanduhmoowin, kahween kayahbe kekekenooähmahgoosemin owh kekenooähmahga‐wenene.

²⁶ Kuhkenuh mahween kedoonejahnesemegoowah Kesha‐Muhnedoo oonje dabwayanemag owh Christ Jesus.

²⁷ Kuhkenuh muh kahbaptizooëgoozeyag emuh Christing kegepesekahwahwah Christ.

²⁸ Kahween puhkaunezesewug Jewyug gamuh Greekug, egewh bameetahgajig gamuh egewh tabanindezoojig, kah kuhya egewh enenewug gamuh egewh equawug: kuhkenuh muh kepazhegoom emuh Christ Jesusing.

²⁹ Kishpin dush tebandahgoozeyag emuh Christing, me suh kaöonejahnesemenag Abraham, wedebandahsooyag debishkoo akedoomahguk ewh wahweendahmahgawin.