GALATIANUN 2 - Ottawa New Testament Penteteuch and Psalms 1874

¹ Bahnemah dush kahmetahsoo‐pepoonahguk ahshe‐newin menuhwah ningeëzhah emuh Jerusaleming, keühneweejewug Barnabas, kuhya dush Titus ningeühneweejewik.

² Oowahbundahewawin suh Kesha‐Muhnedoo ningeöonje‐ezhah, ningewahweenduhmoowaug dush ewh minwahjemoowin kahpahbahdebahjemootuhwugwah egewh mayuggezejig, keemooj dush ningewahweenduhmahwaug egewh kahnegaunandahgoozejig, koonemah suh ahneshah nindahgepemebuhtoo, gamuh ahzhuhyee ahneshah ningepemebuh-toonahbun.

³ Kah kuhya owh Titus, kahpemeweejewug, kenunduhwanemahse chekekenoowahje‐kishkezhoond keGreekewid oonje.

⁴ Oonje egewh wuhyazhinga‐wejekewaëmaug, keemooj kahpeendeguhnindjig, cheähkahwahbunduhmoowaud nindebanindezoowinenaun kahahyahmaung emuh Christ Jesusing, ahwahkaune eneneeng cheëzheähyahyaung.

⁵ Kahween dush ningepuggedenuhmahwahsewahnahnig chedabwawaud, kah kuhnuhga ningoo tebahegun; uhpuhna cheduhgoomahguk ewh dabwawine‐minwahjemoowin anduhzhe‐ahyahyag.

⁶ Egewh dush kache‐enandahgoozejig, (nuhmunj kahenandahgoozewahgwan, kahween neen nebahbahmanduhse; kah muh Kesha‐Muhnedoo pekinoong ooduhyenanemahseen enewh bamahdezenejin:) kah muh nahwuj nebewah kekandahsoowin ningemeenegooseeg egewh kache‐enandahgoozejig.

⁷ Uhpe dush kahwahbunduhmoowaud kepuhgedenuh-mahgooyaun oominwahjemoowinewah egewh kakenoowahje‐kishkezhegahzoosigoog, debishkoo kahezhepuggedenuhmahwind owh Peter oominwahjemoowinewaun egewh kakenoowahje‐kishkezhegahzoojig,

⁸ (Owh muh kahkeche‐ahnookeed emuh Petering cheoodahpostleëmegood enewh kakenoowahje‐kishkezhegahzoonejin, me suh owh kahmushkahwezid emuh neyowing cheöonje‐kuhgeekemindwah egewh mayuggezejig:)

⁹ Uhpe dush James kuhya Cephas, kuhya John, egewh kahoonje‐soongung ahnuhmeähwin, kahkekanduhmoowaud ewh shahwandahgoozewin kahmeenegooyaun, ningemeenegoo neen kuhya Barnabas ewh weejekewaïnde‐ookeche-neenjemah; nenuhwind cheëzhahyaung egewh mayuggezejig wenuhwah dush cheëzhahwaud enewh kakenoowahje‐kishkezhegahzooonejin.

¹⁰ Keënanduhmoog atuh chemequanemungidwah egewh katemahgezejig: ewh nahsaub uhpena kahenanduhmaun kuhya neen cheëzhechegayaun.

¹¹ Uhpe dush Peter kahpetuhgwishing emuh Antioching, ningeähgoonwatahwah anahsuhmishkinzhegwad, kah muh kemenoochegase.

¹² Chepwah muh tugwishenoowaud ahnind kahoonjeejig ewede ahyaud owh James, oogeweedoopuhmaun enewh mahyuggezenejin: uhpe dush tagwishenoowaud oogenuhguhnaun puhkayeëe dush keëzhah, kekoosaud enewh kakenoowahje‐kishkezhegahzoonejin.

¹³ Kuhya ahnind egewh Jewyug oogeweedookahwahwaun Peterun emuh oowuhyazhinga‐ezhechegawining; apeech keëzhechegawaud owh Barnabas oogewuhyazhemegoon oowuhyazhingawinewah.

¹⁴ Uhpe dush kahwahbunduhmaun ewh quuhyuk kebe‐moosasigwah debishkoo anandahgwuk minwahjemoowine dabwawin, oo‐oo ningeënah Peter anahsuhmewaud kuhkenuh, Kishpin keen, Jewweyun, ezhebemahdezeyun azhebemahdezewaud egewh mayuggezejig kah dush azhebemahdezewaud egewh Jewyug, ahneeshwin wekoojeüdwah egewh mayuggezejig cheëzhebemahdezewaud nahsaub azhebemahdezewaud egewh Jewyug?

¹⁵ Kenuhwind Jew‐enahdezewining kahezhenegeyung, kuhya ahyahwesewung maje‐ezhewabezejig mayuggezejig.

¹⁶ Kekanduhmung owh enene oonje‐quuhyuk‐ezhewabezeähsewind enewh tebahkoonegawine ahnookeewinun, oonje atuh oodabwayanduhmoowin Jesus Christ, kenuhwind egoo kegedabwayanemahnaun Jesus Christ cheöonje-quuhyuk‐ezhewabezeëgoozeyung ewh oonje dabwayanemung owh Christ, kahween oonje tebahkoonegawine‐ahnookeewinun: enewh muh tebahkoonegawine ahnookeewinun kahween ahweyah wahyausewid tahoonje‐quuhyuk‐ezhewabezeähse.

¹⁷ Kishpin muh, magwah nunduhwanduhmung chequuhyuk‐ezhewabezeëgoozeyung oonje owh Christ, kenuhwind tebenuhwa mekahgooyung mujje‐ezhewabezeyung, oobuhmeetaun enuh Christ ewh mujje‐ezhewabezewin? Kah bah bahpish ezhewabussenoon.

¹⁸ Kishpin nayaub oozhetooyaun enewh uhyeëen kahbahnahjetooyaunin, nindezheëdiz chemujje‐ezhewabezeyaun.

¹⁹ Neen muh oonje ewh tebahkoonegawin nenebootaun ewh tebahkoonegawin, cheöonje‐bemahdezetahwug Kesha‐Muhnedoo.

²⁰ Neweeje‐suhsuhgahkwahoomah Christ: pooch nebemahdiz; kahween ahnahwe neen, owh atuh Christ bemahdeze peenjenuh emuh neyowing: ewh dush bemahdezewin noongoom azhebemahdezeyaun emuh weyausemaung, nebemahdiz oonje oodabwayanduhmoowin enewh Oogwissun owh Kesha‐Muhnedoo, kahsahgeïd, kuhya kahpuggenedezood neen oonje.

²¹ Kahween nebuhnahjetooseen ooshahwanjegawin Kesha‐Muhnedoo: kishpin muh quuhyuk‐ezhewabezeëgoozewin oonjeemahguk emuh tebahkoonegawining, me dush ahneshah kenebood owh Christ.