GALATIANUN 1 - Ottawa New Testament Penteteuch and Psalms 1874

¹ Paul, Apostle ahyahwid (kahween oonje enenewun, kah kuhya enene nindahnoonegoose, me atuh Jesus Christ, kuhya Kesha‐Muhnedoo Wayoosemind, kahahbejebahaud enewh oonje neboong;)

² Kuhya kuhkenuh egewh wejekewaëmaug wahjewejig, nemahjebeühmahwahnahnig egewh anuhmeähjig emuh Galatiaïng ayahjig:

³ Shahwanjegawin kegahahyahnahwah kuhya pezaunewawin oonje owh Kesha‐Muhnedoo Wayoosemind, kuhya oonje Tabanemenung Jesus Christ.

⁴ Owh kahpuggedenedezood kemujjeëzhewabezewinenahnin oonje, chebemahjeënung oomah oonje majeëzhewabuk uhkeeng, debishkoo kahenandung owh Kesha‐Muhnedoo kuhya Koosenaun:

⁵ Me suh owh kapezhegandahgooïnd kahgenig uhpuhna kahgenig. Amen.

⁶ Nemahmahkahdandum ewh wuhyebah kenuhguhnag owh kahnundoomenag emuh Christ ooshahwanjegawining keëzhequakeëgooyag emuh pukkaun minwahjemoowining:

⁷ Kahween pukkaun minwahjemoowiu ahwunsenoon; ahnind suh kemegooshkahjeëgoowah wepukkaunesittoowaud ewh oominwahjemoowin owh Christ.

⁸ Ahnahween goo nenuhwind, gamuh keche‐kezhegoong wanjeed angen, pukkaun minwahjemoowin debahjemootuhmoonenag ewh dush ween atuh kahdebahjemootuhmahgooyagoobun, mahnoo tahkuhgwahnesuggandahgooze.

⁹ Debishkoo ahzhuh kahekedooyaung, me suh noongoom nahsaub menuhwah akedooyaun, Kishpin ahweyah debahdoodung pakaunuk minwahjemoowin dush ween ewh kahoodahpenuhmagoobun, mahnoo tahkuhgwahnesuggandahgooze.

¹⁰ Noongoom edush nuh newekoojeäug chebezindahwewaud enenewug, gamuh Kesha‐Muhnedoo? gamuh nenunduhwandum enuh cheminwanduhmeügwahpun enenewug? kishpin muh kayahbe minwanduhmeügwahpun enenewug, kahween nindahgeöobuhmeetahgunemegoose Christ.

¹¹ Keweenduhmoonenim, nejekewaëdoog, ewh minwahjemoowin kahdebahdooduhmaun kahween eneneeng keöonjeemahgussenoon.

¹² Kah muh enene ningemeenegoose, kah kuhya ningekekenooähmahgoose, me suh owh Jesus Christ kahmezheshuh‐wahbunduhid.

¹³ Kegenoondahnahwah suh kahezhewabezeyaun kuhyet emuh egewh Jewyug oodahnuhmeähwinewaung, ewh kekuhgwahnesugge‐kooduggeügwah egewh dabandahgoozejig emuh oodahnuhmeähwining owh Kesha‐Muhnedoo, kuhya kebuhnahjeügwah:

¹⁴ Kuhya ahwahshema ningekeche‐ahnookeetaun ewh ooduhnuhmeähwinewaun egewh Jewyug dush ween nebewah neeje‐Jewyug nahsaub kahahpeetezejig neen kahahpeetezeyaun, ahwahshema dush ningeminwawiz keweedookahzooyaun emuh oodekekoowinewaung noosebuneeg.

¹⁵ Uhpe dush kahenandung Kesha‐Muhnedoo, owh kezhah kahwuhwanahbuhmid magwah kekishkahwid ninguh, kuhya kahnundoomid oonje ooshahwanjegawin.

¹⁶ Chewahbundahid enewh oogwissun emuh neyowing, cheöonje‐pahbahdebahjemug emuh anduhzhe‐ahyahwaud egewh mayuggezejig; kazhetena kahween ningepahbah-metunseen ewh weyausemah kuhya ewh misque:

¹⁷ Kah dush ningeëzhahse emuh Jerusaleming cheodissugwahpun egewh kahahpostleëwejig chepwah neen kemahje‐ahpostleëweyaun; ningeëzhah dush emuh Arabiaïng, menuhwah dush ningepeëzhekewa emuh Damascusing.

¹⁸ Kahnesoo‐pepoonuhguk ningeëzhah ewede Jerusaleming ahwewahbuhmug Peter, andaud edush ningeweedeganga metahswe ahshe naunoogoon.

¹⁹ Ahnind dush egewh Apostleüg kahween ahweyah ningewahbuhmahse, me atuh James wejekewaün Tabaningad.

²⁰ Benuh dush, enewh uhyeëen mahyahjebeühmoone-nuhgoog, emuh anahsuhmid owh Kesha‐Muhnedoo, kahween nekuhkeenuhwishkese.

²¹ Nahguj edush ningepeëzhah emuh Syriaïng kuhya Ciliciaïng duhzhe duhnuhkeewining;

²² Kah dush ningekekanemegooseeg azhenahgoozeyaun egewh anuhmeähjig ewede Judeaïng dabandahgoozejig emuh Christing:

²³ Me suh atuh kahezhenoonduhmoowaud, wah‐owh kahkooduggeënung kuhyet, noongoom oobahbahdebahdoodaun ewh dabwayanduhmoowin kuhyet kahkooduggetood.

²⁴ Oogepeshegandahgooähwaun enewh Kesha‐Muhnedoon neen oonje.