EXODUS 9 - Ottawa New Testament Penteteuch and Psalms 1874

¹ Medush oo‐oo kahenaud Jehovah enewh Mosesun, Peendegowh owh Pharaoh, oo‐oo dush ezhe, Me suh oo‐oo akedood Jehovah oo‐Kesha‐Muhnedoomewaun egewh Hebrewug, Puhgedin nindahneshenahbamug, chebuhmetuhwewaud dush.

² Kishpin mah enanduhsewun chepuhgedenudwah, weminjemenudwah dush egoo atuh.

³ Benuh Jehovah oopuhketawaun keduhwuhkahnun ketegauning ayahnejin pahpazhigoogunzheen, mamaungeshayun, pakwahwegunenejin uhnooke‐pezhikewun, kuhya mahnishtahneshun: tuhkeche‐mahnahdahpenam.

⁴ Jehovah dush pekenoong oogohdooduhwaun enewh Israel ooduhwuhkaunun kuhya enewh Egypt duhzhe uhwuhkaunun: kah dush gagoo tuhneboomuhgussenoon ewh menik tabanduhmoowaud Israel oonejahnesun.

⁵ Jehovah dush oogeweendaun ewh uhpe kaëzhewabudenig, oo‐oo keëkedood, Wahbung Jehovah tuhezhechega oo‐oo emah uhkeeng.

⁶ Jehovah dush keëzhechega owh wuhyahbunenig, keneboonid dush kuhkenuh ooduhwuhkaunene enewh Egyptianun: enewh dush ween ooduhwuhkaunene enewh Israel oonejahnesun, kahween kuhnuhga pazhig keneboosewun.

⁷ Pharaoh dush keühnooke, benuh dush, kahween kuhnuhga pazhig ooduhwuhkaunene enewh Israelitun keneboosewaun Pharaoh dush ooda kemushkuhwahtuhmuhwah, kepuhgedenahsig dush enewh ahneshenahban.

⁸ ¶ Jehovah dush oo‐oo oogeënaun Mosesun kuhya Aaronun, Oodahpenuhmook keninjewaung chemooshkenag ewh pingwe ningahbekezheguning wandenegahdag, mahnoo dush Moses ooguhsuhswawabenaun kezhigoong enu kayah anahsuhmenid Pharaohun.

⁹ Tuhweyugguhsayewun dush emah anegookookummegaug Egypt, me dush ewh kaöonjeooshingebesimid bamahdezid kuhya uhwuhkaun, emah anegookookummegaug Egypt.

¹⁰ Oogeöodahpenahnahwah dush ewh pingwe ningahbekezeguning wandenegahdag, kenebuhwewaud dush emah anahsuhmenid Pharaohun; Moses dush oogesuhswawabenaun kezhigoong enuhkayah; me dush ewh kahoönjeöoshingebesimid bamahdezid kuhya ahwahkaun.

¹¹ Egewh dush wahbunoo‐enenewug kahween oogekushketoosenahwah chenebuhwewaud emah anahsuhmenid Mosesun, enewh shingebesun oonje; keöoshingebesimewug mah egewh wahbunoo‐eennewug, kuhya kuhkenuh egewh Egyptianug.

¹² Jehovah dush oogemushkuhwahtuhmuhwaun Pharaoh ooda kebezinduhwahsenig dush enewh; kahenahgoobunan goo Jehovah enewh Mosesun.

¹³ ¶ Jehovah dush oo‐oo oogeënaun Mosesun, Kekeshab oonishkaun, nebuhwin dush emah anahsuhmeed Pharaoh, oo‐oo dush ezhe, Me suh oo‐oo akedood Jehovah, oo‐Kesha‐Muhnedoomewaun egewh Hebrewug, Puhgedin nindahneshenahbamug, chebuhmetuhwewaud dush.

¹⁴ Me mah ween edush noongoom cheëzhenahzhuhuhmoonaun kuhkenuh ninkooduggeëwawinun emah kedaïng, kuhya egewh kebuhmeetahgunug, kuhya egewh kedahneshenahbamug; chekekanduhmun dush ahweyah enandahgoozesig neen anandahgoozeyaun emah anegookookummegaug uhkeeng.

¹⁵ Noongoom mah goo ningahshebenekan, chepuhketaöonaun kuhya egewh kedahneshenahbamug ewh mahnahdahpenawin; kegahungoonegoo dush emah uhkeeng.

¹⁶ Kagate dush egoo oo‐oo kegeöonjepuhsegwindenin, keen cheöonjewahbunduhewayaun nemushkuhwezewin; kuhya chewahweenjegahdag nindezhenekahzoowin emah anegookookummegaug uhkeeng.

¹⁷ Kayahbe nuh dush kedoombenediz chemujje‐dooduhwudwah nindahnishenahbamug, chepuhgedenahsewudwah dush?

¹⁸ Benuh, wahbung oo‐oo koonemah uhpe ningahezhechega ewh chekuhgwaunesuhge‐keche‐sasagung, ewh wekah azhewabussenoogebun emah Egypting, ewh uhpe muhyahje‐ähneshenahbakaug nuhnaunzh egoo noongoom.

¹⁹ Uhnookeen suh dush noongoom, kuhya mahwunje keduhwuhkaunug, kuhya kuhkenuh ayahmun emah ketegauning; kuhkenuh mah egewh ahneshenahbag kuhya uhwuhkaunug kamekuhwindjig emah ketegauning, kabekewawenah-sewindjig dush, tahsasagunene emah uhyahwaud, tuhneboowug dush.

²⁰ Owh kahkootung oodekedoowin Jehovah menik kahduhchenid Pharaoh oobuhmeetahgunun oogeëzhenezhemooäun oobuhmeetahgunun kuhya ooduhwuhkaunun emah wegewauming.

²¹ Owh dush ween kahbuhbahmanduhsig oodekedoowin Jehovah, oogenuhgunaun oobuhmeetahgunun kuhya ooduh wuhkaunun emah ketegauning.

²² ¶ Jehovah dush oo‐oo oogeënaun Mosesun, Shebenekanin kezhigoong enuhkayah, chesasagung dush emah anegookookummegaug Egypt, emah uhyaud owh ahnishenahba, kuhya uhwuhkaun kuhya emah anduhzhe‐netahwegingin nwahkushkukkin ketegauning, emah anegookookummegaug Egypt.

²³ Moses dush keshebenekane kezhigoong enuhkayah tuhkoonung oometigoonsim: Jehovah dush keënandum chenoondahgoozenid uhnemekeen kuhya chesasagunenig, ishkooda kuhya kebemebedamuhgud wuhgedahkummig; Jehovah dush keënandum chesasagunenig emah Egypt duhzhe uhkeeng.

²⁴ Me suh dush kesasagung, kuhya ishkooda keduhgoo-pungesing ewh kesasagung kekeche‐gootahmegwuk, ewh wekah nahsaub azhewabussenoogebun emah anegookookummegaug Egypt, ewh goo uhpe muhyahje‐ähnishenahbakaug emah.

²⁵ Emah dush anegookookummegaug Egypt, kuhkenuh anduhchewahpun emah ketegauning keneboowug oonje ewh sasagun, owh ahnishenahba kuhya dush egoo owh uhwuhkaun; kuhkenuh kuhya nwahkushkukkin emah ketegauning kenishwuhnahdudoon ewh kesasagung, kuhya kuhkenuh metigoog emah ketegauning baduhkezoopuneeg kepookooshkoozoowug.

²⁶ Emah atuh Goshen duhzhe uhkeeng, emah keduhnezewaud Israel oonejahnesun, kahween kesasagunsenoon.

²⁷ ¶ Pharaoh dush keühnooke, kenundoomaud Mosesun kuhya Aaronun, oo‐oo dush keënaud, Ningemujjeëzhechega noongoom; Jehovah quuhyuk‐ezhewabeze, neen dush ween kuhya nindahneshenahbamug nemujje‐ezhewabezemin.

²⁸ Ahnuhmeätuhwik Jehovah (me mahween menoomenik) menuhwah chekootahmegoo‐uhnemekekahsenoog kuhya chesasagunsenoog: kegahpuhgedenenim dush, kah kuhya kayahbe kegahduhnezeseem oomah.

²⁹ Moses dush oo‐oo oogeënaun, Uhpe goo kesahguhuhmaun emah keche oodanaung, ningahshebenekatuhwah Jehovah, tahishquahuhnemekekah dush, kah kuhya menuhwah tuhsasagunsenoon; chekekanduhmun dush ewh uhke tebandung Jehovah.

³⁰ Keen dush ween kuhya egewh kebuhmeetahgunug, ninkekandaun chekoosahsewag muhshe owh Jehovah Kesha‐Muhnedoo.

³¹ Ewh dush uhsuhbaub kategahdag kuhya ewh mameshuhnuhguk minzemenans kebuhnahdudoon: ewh mah mameshuhnuhguk minzemenans uhnewahbedabun, ewh kuhya uhsuhbaub kategahdag kagah zhegwuh kezhegenoobun.

³² Ewh dush ween minzemin kuhya ewh rie kahween kebuhnahdussenoowun: kah mahween kekezheginsenoon.

³³ Moses dush kesahguhum emah uhyahnid Pharaohun, uhgwuhjeeng keche‐oodanaung keëzhaud, oogeshebenekatuhwaun dush Jehovahun: keïshquahuhnemekekah dush kuhya keïshquahsasagun, kah kuhya kekemewunsenoon emah uhkeeng.

³⁴ Uhpe dush Pharaoh wuhyahbundung ewh keïshquah‐kemewunenig kuhya keïshquah‐sasagunenig kuhya keïshquah-uhnemekekahnig, kayahbe menuhwah kemujje‐ëzhechega, kuhya oogemushkuhwahtoon ooda, ween kuhya enewh oobuhmeetahgunun.

³⁵ Pharaoh dush ooda kemushkuhwahtuhmuhwah, kah dush kuhya keënandunse chepuhgedenaud Israel oonejahnesun; kahenahgoobunan egoo Jehovah enewh Mosesun.