EXODUS 8 - Ottawa New Testament Penteteuch and Psalms 1874

¹ Jehovah dush oo‐oo oogeëzheguhnoonaun Mosesun, Peendegowh owh Pharaoh, oo‐oo dush ezhe, Me suh oo‐oo akedood Jehovah, Puhgedin nindahneshenahbamug chemahjahwaud, chebuhmetuhwewaud dush.

² Kishpin dush enandunsewun chepuhgedenudwah, benuh, ningahenahkoonega cheöomuhguhkeekaug mezewa keduhkeeming:

³ Ewh dush sebe oogahkeche‐negeäun oomuhguhkeen, kakoopewaud kuhya kapeendegawaud kewegewauming kuhya emah koo anduhzhenebahyun, kuhya oogij kenebahguning, kuhya emah oowegewaumewaung kebuhmeetahgunug, kuhya kedahneshenahbamug, kuhya emah kekeboozeguning, kuhya kedoonuhdenega‐uhtoobauning:

⁴ Egewh dush oomuhguhkeeg kegahnaunzekahgoog keen, kuhya enewh kedahneshenahbamun, kuhya kuhkenuh enewh kebuhmetahgunun.

⁵ ¶ Jehovah dush oo‐oo oogeëzheguhnoonaun Mosesun, Oo‐oo ezhe Aaron, Shebenekanin, ewh kemetigoonsim uhyooyun, chepuhketaühmun enewh sebeweshayun enewh sebewun, kuhya enewh wahzhebeyaunsun, ezhechegan dush cheühgwah-yahduhgahwaud oomuhguhkeeg emah Egypt duhzhe‐uhkeeng.

⁶ Aaron dush kezhebenekane kepuhketaüng enewh Egypt duhzhe sebeen; me dush keühgwahtahwaud egewh oomuhguhkeeg, kuhya kemooshkenashkummoowaud ewh Egypt duhzhe uhke.

⁷ Egewh dush wahbunoo‐wenenewug nahsaub keëzhechegawug enewh oowahbunoowewinewaun, kekushketoowaud dush cheöomuhguhkekahnig emah Egypt duhzhe uhkeeng.

⁸ ¶ Me dush Pharaoh kenundoomaud Mosesun kuhya Aaronun, oo‐oo dush keënaud, Ahnuhmeätuhwik Jehovah, cheëkoonuhmuhwid enewh oomuhguhkeen, kuhya cheëkoonuhmuhwaud nindahneshenahbamun; ningahpuhgedenaug dush egewh ahneshenahbag chemahjahwaud, chesahsahgewenahwaud dush Jehovahun.

⁹ Moses dush oo‐oo oogeënaun Pharoohun, Kechetwahweëshin: ahneen suh uhpe kaähnuhmeätuhmoonaun keen, kuhya egewh kebuhmetahgunug; kuhya kedahneshenahbamug, cheüngoonuhmindwah egewh oomuhguhkeeg emah uhyahyun kuhya emah kewegewauming, cheühyahwaud dush atuh emah sebeeng?

¹⁰ Oo‐oo dush keëkedoowun, Wahbung. Oo‐oo dush keëkedoo, Tahezhewabud suh kahekedooyun: chekekanduhmun ahweyuh anandahgoozesig anandahgoozid Jehovah nin‐Kesha‐Muhnedoomenaun.

¹¹ Egewh dush oomuhguhkeeg tuhmahjahwug emah uhyahyun, kuhya emah kewegewauming, kuhya emah uhyahwaud kebuhmetahgunug, kuhya kedahneshenahbamug; tahuhyahwug atuh emah sebeeng.

¹² Moses dush kuhya Aaron kesahguhumoog emah uhyahnid Pharaohun: Moses dush oogepepahgemaun Jehovahun oonje enewh oomuhguhkeen kahezhenahzhuhuhmuhwahnid enewh Pharaohun.

¹³ Jehovah dush keëzhechega nahsaub kahekedoonid Mosesun; egewh dush oomuhguhkeeg kejahgenawug emah wegewauming, emah oodanaunsing, kuhya emah ketegauning.

¹⁴ Oogemahwundooshemahwaun dush, keühyookweshe-mahwaud: ewh dush uhke kemaunzhemahgwud.

¹⁵ Uhpe dush Pharaoh wuhyahbundung ewh kepooneïnd, kemushkuhwedaäedezoo, kebezinduhwahsig dush enewh; kahekedoopun egoo Jehovah.

¹⁶ ¶ Jehovah dush oo‐oo oogeënaun Mosesun, Oo‐oo ezhe Aaron, Shebenekanin takoonuhmun kemetigoonsim, puhketaün dush ewh uhkeeng duhzhe weyugguhsa, cheëquuhwungemuh anegook‐ookummegaug Egypt.

¹⁷ Me dush ewh kahezhechegawaud; Aaron mah keshebenekane tuhkoonung ewh oometigoonsim, kepuhketaüng ewh uhkeeng duhzhe weyugguhsa, me dush keëquuhwung ooweyowhing bamahdezid kuhya uhwahkaun; kuhkenuh ewh uhkeeng duhzhe weyugguhsa keëquuhwun emah anegookookummegaug Egypt.

¹⁸ Egewh dush wahbunoo‐wenenewug nahsaub keëzhechegawug, enewh oowahbunoowewinewaun, cheëquuhkaug, kah dush oogekushketoosenahwah; keöodikoome suh dush bamahdezid kuhya uhwuhkaun.

¹⁹ Me dush egewh wahbunoo‐wenenewug oo‐oo keënahwaud Pharaohun, Me suh oo‐oo Kesha‐Muhnedoo ooninj; kemushkuhwetuhmuhwah dush Pharaoh ooda, kebezinduhwahsig dush enewh; kahekedoopun egoo Jehovah.

²⁰ ¶ Jehovah dush oo‐oo oogeënaun Mosesun, Kekezhab oonishkaun, nebuhwin dush emah anahsuhmeed Pharaoh: benuh, uhguhmeeng ezhah; oo‐oo dush ezhe, Me suh oo‐oo akedood Jehovah, Puhgedin nindahneshenahbamug chemahjahwaud, chebuhmetuhwewaud dush.

²¹ Kishpin dush ween enandunsewun chepuhgedenudwah nindahneshenahbamug, benuh, kegahezhenaunzhuhmoon kache‐uhyooquenoojig suhgemag, kuhya ninguhezhenaunzhuhuhmuhwaug kebuhmetahgunug kuhya kedahneshenahbamug, kuhya emah kewegewauming: emah dush oowegewaumewaung egewh Egyptianug tuhmooshkenawug kache‐uhyooquenoojig suhgemag, kuhya dush uhkeeng emah uhyahwaud.

²² Ningahnanahwenaun dush ewh uhpe kezhiguk, ewh Goshen duhzhe uhke, emah anduhnuhkewaud nindahneshenahbamug, chesuhgemakahsenoog emah; cheöonjekekanduhmun ewh neen Jehovah ahweyaun emah nahwuhyeëe uhkeeng.

²³ Pekenoong dush ninguhdooduhwaug egewh nindahneshenahbamug kuhya egewh kedahneshenahbamug: wahbung oo‐oo tuhezhekekenuhwahjechegam.

²⁴ Jehovah dush oo‐oo keëzhechega; kepeendegasawug dush quatahmegwenoojig suhgemag emah oowegewauming Pharaoh, kuhya oowegewaumening oobuhmetahgunene, kuhya mezewa emah Egypt duhzhe uhkeeng: ewh uhke kebuhnahjechegahda oonje egewh wayooquenoojig suhgemag.

²⁵ ¶ Pharaoh dush oogenundoomaun Mosesun kuhya Aaronun, oo‐oo dush keënaud, Mahjaug, sahsahgewenik ke‐Kesha‐Muhnedoomewah emah uhkeeng.

²⁶ Moses dush oo‐oo keëkedoo, Kahmahmindah oo‐oo cheëzhechegangebun; ningahsahsahgewejegamin mah ewh kagwahuesuhgandahgwudenig egewh Egyptianug, chesahsahgewenungid Jehovah nin‐Kesha‐Muhnedoomenaun: benuh, ningahsahsahgewejegamin enuh ewh kagwahnesuhgandahgwudenig egewh Egyptianug emuh anahsuhmiskeenzhegwawaud, kah nuh dush ningahpemwuhsenuhegoosenahnig?

²⁷ Ningahpemoosamin nessoogoon puhgwuhduhkummig, ningahsahsahgewenahnaun dush Jehovah nin‐Kesha‐Muhnedoomenaun, kaëzhekuhgaundwad egoo.

²⁸ Pharaoh dush oo‐oo keëkedoo, Keguhpuhgedenenim suh, chesahsahgewenag dush nah owh Jehovah ke‐Kesha‐Muhnedoomewah puhgwuhduhkummig; me dush atuh goo keche wahsuh cheëzhahsewag: ahnuhmeätuhmuhweshig.

²⁹ Moses dush oo‐oo keëkedoo, Benuh, nesahguhum emah uhyahyun, ningahahnuhmeätuhwah dush Jehovah, egewh wayooquenoojig suhgemag chenuhguhnahwaud Pharaohun, enewh oobuhmetahgunun kuhya enewh oodahneshenahbamun wahbung: kagoo dush ween Pharaoh kakuaguhyanezingin tuhezhechegase menuhwah ewh wepuhgedenahsig enewh ahneshenahban chemahjahnid, chesahsahgewenahnid dush enewh Jehovahun.

³⁰ Moses dush kesahguhum emah uhyahnid Pharaohun, keähnuhmeätuhwaud dush Jehovahun.

³¹ Jehovah kush keëzhechega nahsauh kahekedoonid Mosesun; oogeëkoonuhmuhwaun dush enewh wayooquenoonejin suhgeman, enewh Pharaohun, enewh oobuhmeetahgunene, kuhya enewh oodahneshenahbamene; kahween kuhnuhga pazhig keïshkoonahse.

³² Pharaoh dush kemushkuhwedaäedezoo oo‐oo uhpe kuhya, kah dush keënandunse chepuhgedenaud enewh ahneshenahban.