EXODUS 7 - Ottawa New Testament Penteteuch and Psalms 1874

¹ Jehovah dush oo‐oo oogeënaun enewh Mosesun, Benuh kegeënahkoonin cheöomuhnedoomemik Pharaoh: owh dush Aaron kekahnis kegahoodannwahchega‐wenenemenun.

² Keguhekid kuhkenuh azhekuhgaunzoomenaun: owh dush Aaron kekahnis oogahguhnoonaun Pharaohun, chesahgejenahzhuhwahnid Israel oonejahnesene emah ooduhkeemening.

³ Ninguhmushkuhwahtuhmuhwah dush Pharaoh ooda, kuhya ninguhbahtuhyenuhtoonun ninkekenuhwahjechegunun kuhya nemuhmaundahwechegunun emah Egypt duhzhe uhkeeng.

⁴ Pharaoh dush ween kahween kegahbezindahgoosewah, chepuhketaühmaun Egypt, kuhya chesahgejewenugwah neshemahguneshemug, nindahnishenahbamug Israel oonejahnesun, emah Egypt duhzhe uhkeeng, keche‐nahneboongayaun.

⁵ Egewh dush Egyptianug oogahkekandahnahwah ewh Jehovah ahweyaun, uhpe shebenekaneyaun chepuhketaühmaun Egypt kuhya sahgejewenugwah Israel oonejahnesun emah magwaühyeëe uhyahwaud.

⁶ Moses dush kuhya Aaron keëzhechegawug kahezhekuhgaunzoomegoowaud Jehovahun, mesuh kahezhechegawaud.

⁷ Moses dush shwahsemeduhnuh‐dussoo‐pepoon‐uhgezebun, kuhya Aaron shwahsemeduhnuh‐dusso pepoon‐uhgezebun uhshe neswe, uhpe kahguhnoonahwaud Pharaohun.

⁸ ¶ Jehovah dush oogeguhnoonaun Mosesun kuhya Aaronun, oo‐oo keënaud.

⁹ Uhpe Pharaoh guhnoonenag, oo‐oo enenag, Wahbunduheshenaum kekenuhwahjechegun: me dush oo‐oo cheënud Aaron, Oodahpenun metigoonsim, uhpuhgedun dush emah anahsuhmeed Pharaoh, me dush chegenabegoowung.

¹⁰ ¶ Moses dush kuhya Aaron oogepeendeguhwahwaun Pharaohun, me dush keëzhechegawaud kahezhekuhgaunzoomegoowaud Jehovaun: Aaron dush oogeühpuhgedaun oometigoonsim emah anahsuhmenid Pharaohun, kuhya anahsuhmenid oobuhmetahgunene, me dush kekenabegoowunenig.

¹¹ Me dush kuhya ween Pharaoh kenundoomaud enewh nebwahkah‐wenenewun kuhya enewh wahbunoo‐wenenewun: egewh suh dush Egypt duhzhe wahbunoo‐wenenewug kuhya wenuhwah nahsaub keëzhechegawug enewh oowahbunoowenenewaun.

¹² Kuhkenuh mah oogeühpuhgedahnahwaun oo‐metigoonsemewaun, kekenabegoowunenig dush: Aaron dush oo‐metigoonsim kegoonahne enewh oo‐metigoonsemewaun.

¹³ Oogemushkuhwahtuhmuhwaun dush Pharaoh ooda, kebezinduhwahsenid dush enewh; kahekedoopun egoo Jehovah.

¹⁴ ¶ Jehovah dush oo‐oo oogeënaun Mosesun, Pharaoh ooda mushkuhwahtuhmuhwah, kahween oowepuggedenahseen enewh ahnishenahban chemahjahnid.

¹⁵ Ezhaun owh Pharaoh uhpe kekezhahbahwuhguk; benuh, uhguhmeeng ezhah; keguhnebowh dush cheegesebe chepwah‐duhgwishing; ewh kuhya metigoon kahkenabegoowung kegahduhkoonaun.

¹⁶ Oo‐oo dush kegahenah, Owh Jehovah Hebrewug oo-Kesha‐Muhnedoomewaun ningeëzhenahzhuhoog emah uhyahyun, oo‐oo keëzhid, Puhgedin nindahneshenahbamug chemahjahwaud, chebuhmetuhwewaud dush emah puhgwuhduhkummig; benuh dush nuhnaunzh egoo noongoom kahween kewenoonduhse.

¹⁷ Me suh oo‐oo akedood Jehovah, Me suh oo‐mah kaöonjekekanduhmun ewh Jehovah ahweyaun: benuh, ewh metigoons takoonuhmaun ningahuhyoon ningahpuhketaähnun dush enewh nebeen sebeeng ayahgin, tuhmisquewechegahdawun dush.

¹⁸ Egewh dush gegooyug sebeeng ayahjig tuhneboowug, kuhya ewh sebe tuhmaunzhemahgwud; egewh dush Egyptianug kahween oogahkushketoosenahwah chemenequawaud ewh sebeeng duhzhe nebe.

¹⁹ ¶ Jehovah dush oo‐oo oogeënaun Mosesun, Oo‐oo ezhe Aaron, Oodahpenun kemetigoonsim, shebenekanin dush chepuhketaühmun enewh Egypt duhzhe nebeen, enewh oosebeweshaëmewaun, oosebemewaun, kuhya oowahzhebeyaunsemewaun, kuhya kuhkenuh oosahguhegaunsemewaun, chemisquewechegahdagin; kuhya misque cheduhgoomuhguk anegookookummegaug Egypt, emah metig‐oonahguning kuhya dush egoo emah uhsine‐oonahguning.

²⁰ Moses dush kuhya Aaron keëzhechegawug kahezhekuhgaunzoomegoowaud Jehovahun; oogeöombenaun dush ewh metigoons, kuhya oogepuhketaähnun enewh nebeen sebeeng ayahjin, emah anshsuhmenid Pharaohun, kuhya emah anahsuhmenid oobuhmetahgunene; kuhkenuh dush enewh nebeen sebeeng ayahgebuneen kemisquewechegahdawun.

²¹ Egewh dush gegooyug sebeeng ayahwahpun keneboowug; kuhya ewh nebe kemaunzhemahgud, egewh dush Egyptianug kahween oogekushketoosenahwah chemenequawaud ewh sebeeng duhzhe nebe; kuhya misque keduhgoomuhgud emah anegookookummegaug Egypt.

²² Egewh dush Egypt duhzhe wahbunoo‐wenenewug nahsaub keëzhechegawug enewh oowahbunoowewinenewaun; Pharaoh dush ooda kemushkuhwahtuhmuhwah, kah dush kuhya oogebezinduhwahseen; kahekedoopun egoo Jehovah.

²³ Pharaoh dush kequakegahbuhwe, kepeendegad dush oowegewauming, kah dush kuhya oo oo oogebuhbahmandunseen.

²⁴ Kuhkenuh dush egewh Egyptianug kewahnekawug kewetahsebe, cheöonjemenequawaud nebe; kah mah oogekushketoosenahwah chemenequawaud ewh sebeeng duhzhe nebe,

²⁵ Keneenzhwahsoogoonuhgud dush, uhpe Jehovah kahpuhketaüng ewh sebe.