EXODUS 5 - Ottawa New Testament Penteteuch and Psalms 1874

¹ Bahmah dush Moses kuhya Aaron kepeendegawug, oo‐oo dush keëezheweenduhmuhwahwaud Pharaohun, Me oo‐oo akedood Jehovah oo‐Kesha‐Muhnedoomun owh Israel, puhgedin nindahneshenahbamug chemahjahwaud, cheähnuhmeä-wekoongawaud dush anahsuhmeyaun emah puhgwuduhkummig.

² Oo‐oo dush keëkedoo Pharaoh, Ahwanan owh Jehovah, kanuhittuhwugebun chepuhgedenug Israel chemahjaud? kahween ningekanemahse owh Jehovah, kahween kuhya ningahpuhgedenahse Israel chemahjaud.

³ Oo‐oo dush keëkedoowug, Oo‐Kesha‐Muhnedoomewaun egewh Hebrewug ningenuhquashkahgoonaun: puhgedeneshenaum, kepuhgoosanemegoo, nessoogoon chebemoosayaung puhgwuhduhkummig enuhkuhkayah, chesahsahgewenungid dush Jehovah nin‐Kesha‐Muhnedoomenaun: koonemah gooshuh ninguhezhenahzhuhuhmahgoonaun ewh mahnahdahpenawin gamah kuhya ewh ahzhuhwashk.

⁴ Enewh dush Egypt duhzhe keche oogemaun oo‐oo oogeëgoowaun, Wagoonan suh kenuhwah, Moses kuhya Aaron, wanjeöonduhmeägwah egewh ahneshenahbag magwah uhnookewahpun? uhwenaunzekuhmook keduhnookewenewaun.

⁵ Pharaoh dush oo‐oo keëkedoo, Benuh egewh ahneshenahbag oomah uhkeeng ayahjig noongoom bahtuhyenoowug, kedoonduhmeähwaug dush magwah uhnookewahpun.

⁶ Pharaoh dush ewh goo kezhiguk oogekuhgaunzoomaun enewh ooduhnooke‐oogemahmewaun egewh ahneshenahbag kuhya enewh anookeëgoowahjin, oo‐oo keënaud.

⁷ Kahween menuhwah keguhmenahsewaug egewh ahneshenahbag ewh puhquazhegunushk cheöonjemisquusenekawaud, debishkoo kuhyet: mahnoo wenuhwah tuhuhwemahwunje-tuhmahzoowug ewh puhquazhegunushk.

⁸ Menik dush wazheähwahpueen misquuseneen kuhyet, kegahnunduhwanduhmuhwahwaug; kahween keguhpuhgedenuhmuhwahsewaug nuhwuj punge cheöozheähwaud: ketemishkewug mah; medush wanjepepahgewaud, oo‐oo ekedoowaud, Puhgedeneshenaum chemahjahyaung, chesahsahgewenungid dush nin‐Kesha‐Muhnedoomenaun.

⁹ Mahnoo nuhwuj nebewuh tuhuhnookeähwug egewh enenewug, chemekinduhmoowaud dush ewh anuhnookewaud; kagoo dush ween ooguhbuhbahmandunsenahwah kuhgebahje-kezhwawin.

¹⁰ ¶ Ooduhnookeöogemahmewaun dush egewh ahneshenahbag kesahguhuhmoon, kuhya enewh anookeëgoowahjin, oogekuhnoonahwaun dush enewh ahneshenahban, oo‐oo keënahwaud, Me oo‐oo akedood Pharaoh, Kahween keguhmene-senoonim buhquazhegunushk.

¹¹ Uhwemahwunjetooyook buhquazhegunushk tebe edoog kamekummoowagwan: kahween gooshuh keguhpuhgedenuhmahgooseem nuhwuj punge cheühnookeyag.

¹² Medush egewh ahneshenahbag kesuhswashkahwaud mezewa emah Egypt duhzhe uhkeeng, chemahwunjetoowaud enewh mezemine‐kishkuhnuhkudoonsun mashquud ewh puhquazhegunushk.

¹³ Egewh dush uhnooke‐öogemaug oogewaweebemahwaun oo‐oo keënahwaud, Kezhekuhmook keduhnookewinewaun, anduhsookezheguk koo azheühnookeyag, debishkoo goo ewh uhpe kemenegooyagoobun uhkoo puhquazhegunushk.

¹⁴ Egewh dush anookeëwajig anookeähwahjin enewh Israel oonejahnesun, kahuhnoonegoowaud Pharaoh ooduhnookeöogemahmun cheöogemahkunduhwahnid enewh, kepuhshunzhawahwug, oo‐oo keëzhekuhgwajemindwah, Wagoonan suh kahoonjekezhekunsewag keduhnookewinewah ewh misquusenekayag, pejenahgoo noongoom dush egoo kuhya debishkoo kuhyet?

¹⁵ ¶ Medush egewh anookeëwajig, anookeähwahjig enewh Israel oonejahnesun kebekezhekuhnoonahwaud enewh Pharaohun, oo‐oo keënahwaud, Wagoonan suh oo‐oo wanjedoodahwudwah kebuhmetahgunug?

¹⁶ Kahween puhquazhegunushk menahsewug kebuhmetahgunug, oo‐oo dush nindegoonahnig, Misquusenekayook; benuh, dush kebuhmetahgunug puhshunzhawahwug; medush ween egewh tatabenuhwa kedahneshenahbamug kaühnah-memindwahbun.

¹⁷ Oo‐oo dush keëkedoo, Keketemishkim, kegetemishkim: medush oo‐oo wanjeëkedooyag, Puhgedeneshenaum chemahjahyaung, chesahsahgewenungid dush Jehovah.

¹⁸ Noongoom suh dush mahjahyook, uhnookeeg; kah gooshuh gagoo buhquazhegunushk kegahmenegooseem, pooch dush egoo kegahoondenuhmahgam egewh misquuseneeg menik nandooduhmahgooyag.

¹⁹ Egewh dush anookeäwajig, anookeähwaud Israel oonejahnesun oogewahbundahnahwah ewh ketemahgezewaud, uhpe oo‐oo kahenindwah, Kahween keguhpuhgedenuhgooseem nuhwuj punge cheöozheägwah misquuseneeg anduhsookezheguk koo wazheägwah.

²⁰ ¶ Oogenuhquashkuhwahwaun dush Mosesun kuhya Aaronun, aneëzhahwaud nahbuhwenejin, anesahguhuhmoowaud emah anahsuhmenid Pharaohun:

²¹ Oo‐oo dush oogeënahwaun Mahnoo Jehovah kegahkuhnuhwahbuhmegoowah kuhya kegahtebahkoonegoowah; kegemaunzhemahgoozeëmin mahween emah anahsuhmeed Pharaoh, kuhya emah anahsuhmenid oobuhmetahgunun, chepuhgedenuhmuhwudwah ooninjewaung ahzhuhwashk chenesheyummingidwah.

²² Moses dush nayaub oogeëzhahnun Jehovahun, oo‐oo dush keënaud, Tabaningayun, wagoonan suh wanjekooduhgeüdwah oogoo ahneshenahbag? wagoonan kahoonjeühnoonzheyun?

²³ Puhuhkooëzhahyaun emah uhyaud owh Pharaoh, chekedooyaun emah kedezhenekahzoowining, oomuhjedooduhwaun oonoo ahneshenahban; kah dush egoo kuhya kuhnuhga kegebemahjeähseeg kedahnishenahbamug.