EXODUS 40 - Ottawa New Testament Penteteuch and Psalms 1874

¹ Jehovah dush oogekuhnoonaun enewh Mosesun, oo‐oo keënaud,

² Ewh kezheguk uhpe ooshkeühgoojing owh netum keezis kegahpuhduhkesedoon ewh puhpuhgewuhyahne‐ahnuhmeä-wegummig ewh agwuhnuhegahdag emah koo anduhzhemahwunjeëding.

³ Kegahuhtoon dush emah peendig ewh debahjemoowine‐mukkuk, kuhya kegahuhgwuhnuhaun ewh mukkuk ewh kebuhgoojegun cheühyooyun.

⁴ Kegahpeendeguhdoon dush ewh uhdoopoowin, kuhya kegahsuhguhkesedoonun enewh kasuhguhkesedoongin emah; kegahpeendeguhdoon dush ewh wahsuhkoonanjegunahbik, kuhya kegahsuhkuhaunun enewh wahsuhkoonanjegunun dabandahgwukkin emah.

⁵ Kegahuhtoon dush ewh oozahweshooneyah‐menoomahgwahkesegune‐sahsahgewejegunahbik emah anahsuhmesing ewh debahjemoowine‐mukkuk, kuhya kegahuhgoodoon ewh kakebuhgoodag emah ishquaundamewung ewh puhpuhgewuhyaunegine‐ahnuhmeäwegummig.

⁶ Kuhya kegahuhtoon ewh chahgeda‐sahsahgewejegune‐sahsahgewejegunahbik emah anahsuhmesing ewh ishquaundam dabandahgwuk emah puhpuhgewuhyaune‐ahnuhmeäwegummegoong ewh agwuhnuhegahdag emah koo anduhzhemahwunjeëding.

⁷ Kegahuhtoon dush ewh kesebege‐oonahgun nesuhwuhyeëe emah uhtag ewh agwuhnuhegahdag emah koo anduhzhemahwunjeëding, kuhya ewh sahsahgewejegunahbik, kuhya nebe kegahuhtoon emah.

⁸ Kuhya kegahpuhduhkesedoon ewh wuhyahkahkenegahdag kewetahuhyeëe, kuhya kegahuhgoodoon ewh uhgoobejegun emah ishquaundamewung ewh wuhyahkahkenegahdag.

⁹ Kuhya kegahoodahpenaun ewh noomenega‐pemeda, kegahnoomenaun dush ewh puhpuhgewuhyahne‐ahnuhmeä-wegummig, kuhya kuhkenuh ewh atag emah, kuhya kegahkechetwahwetoon, kuhya kuhkenuh enewh ahbuhjechegunun dabandahgwukkin emah: tahkechetwahwandahgwud dush.

¹⁰ Kegahnoomenaun kuhya ewh chahgeda‐sahsahgewejegune‐sahsahgewejegunahbik, kuhya kuhkenuh enewh oodahbuhjechegunun, kuhya kegahkechetwahwetoon ewh sahsahgewejegunahbik: tahahwun dush ewh sahsahgewejegun‐ahbik ahpeje kachetwahwandahgwuk.

¹¹ Kuhya kegahnoomenaun ewh kezebege‐oonahgun kuhya ewh oosid, kegahkechetwahwetoon dush.

¹² Kuhya kegahpeenah Aaron kuhya enewh oogwissun emah ishquaundamewung ewh puhpuhgewuhyahne‐ahnuhmeäwegummig, emah koo anduhzhemahwunjeëding, kegahkesebegenaug dush nebe cheühyooyun.

¹³ Kegahpesekoonah dush Aaron enewh kechetwah uhgwewinun, kuhya kegahnuhmuhkoonah, kuhya kegahkechetwahweäh; cheühnooketuhwid dush nah emah ooduhnookewining owh sahsahgewejega‐wenene.

¹⁴ Kuhya kegahpeenemaun enewh oogwissun, kegahpeesekoonaug dush puhpeenzekuhwahgunun:

¹⁵ Kuhya kegahnuhmuhkoonaug, kahezhenuhmuhkoonemud suh goo enewh oosewaun, cheühnooketuhwewaud dush nah emah ooduhnookewining owh sahsahgewejega‐wenene: ewh mahween nuhmuhkoonindwah ahbedakummig tahuhyahwug egewh kahgenig kasahsahgewejega‐wenenewejig menik kaneähnekabemahdezewaud.

¹⁶ Me suh oo‐oo kahezhechegad Moses: kuhkenuh goo kahezhekuhgaunzoomegood Jehovahun, me ewh kahezhechegad.

¹⁷ ¶ Kepuhgummeähyahmuhgud dush uhpe agoojing owh netum keezis ewh neezh pepoon, ewh kezhegud uhpe washkeühgoojing owh keezis, ewh puhpuhgewuhyaune‐ahnuhmeäwegummig kepuhduhkesejegahdag.

¹⁸ Moses dush oogepuhduhkesedoon ewh puhpuhgewuhyaune‐ahnuhmeäwegummig, kuhya oogeminjemoosedoonun enewh ooduhshoojesejegunemun, kuhya oogepuhduhkeshemaun enewh nuhbuhgesuhgoon dabandahgoozenejin emah, kuhya peenjuhyeëe oogeühtoonun enewh bemedahquuhegunun dabandahgwukkin emah, kuhya oogepuhduhkesedoonun enewh oodahswahkwuhegunemun.

¹⁹ Oogeduhzhwagesedoon dush ewh agwuhnuhegang emah puhpuhgewuhyaune‐ahnuhmeäwegummegoong, kuhya oogeühtoon uhgwuhnuhegun wuhgejuhyeëe emah ewh agwuhnuhegang; kahezhekuhgaunzoomaud suh goo Jehovah enewh Mosesun.

²⁰ ¶ Oogeöodahpenaun dush kuhya oogeühtoon ewh debahjemoowin emah mukkukkoong, kuhya oogeühtoonun enewh metigoonsun emah mukkukkoong, kuhya oogeühtoon ewh shahwanjega‐uhgweduhbewin oogejuhyeëe emah mukkukkoong.

²¹ Oogepeendeguhtoon dush ewh mukkuk emah puhpuhgewuhyaune‐ahnuhmeäwegummegoong, kuhya oogeühgoodoon ewh kebuhgoojegun dabandahgwuk emah uhgwuhnuheguning, kuhya oogeühgwuhnuhaun ewh debahjemoowine‐mukkuk; kahezhekuhgaunzoomaud suh goo Jehovah enewh Mosesun.

²² ¶ Oogeühtoon dush ewh uhdoopoowin emah puhpuhgewuhyaunegummegoong emah koo anduhzhe mahwunjeëding, emah kewadenoong enuhkuhkayah ewh puhpuhgewuhyaune‐ahnuhmeäwegummig, uhgwuhjeeng enuhkuhkayah ewh kebuhgoojegun.

²³ Oogesuhguhkeshemaun dush enewh buhquazhegunun emah anahsuhmeähyahnid Jehovahun; kahezhekuhgaunzoomaud suh goo Jehovah enewh Mosesun.

²⁴ ¶ Oogeühtoon dush ewh wahsuhkoonanjegunahbik emah puhpuhgewuhyaunegummegoong emah koo anduhzhemahwunjeëding, debishkoo emah uhtag ewh uhdoopoowin, emah shahwunoong enuhkuhkayah ewh puhpuhgewuhyahne‐ahnuhmeäwegummig.

²⁵ Oogesuhkuhaunun dush enewh wahsuhkoonanjegunun emah anahsuhmeähyahnid Jehovahun; kahezhekuhgaunzoomaud suh goo Jehovah enewh Mosesun.

²⁶ ¶ Oogeühtoon dush ewh oozahweshooneyah sahsahgewejegunahbik emah puhpuhgewuhyaunegummegoong emah koo anduhzhemahwunjeëding anahsuhmesing ewh kebuhgoojegun:

²⁷ Oogechahgezaun dush emah ewh manoomahgwuk menoomahgwahkesegun; kahezhekuhgaunzoomaud suh goo Jehovah enewh Mosesun.

²⁸ ¶ Oogeühgoodoon dush ewh uhgoobejegun emah ishquaundamewung ewh puhpuhgewuhyaune ahnuhmeäwegummegoong.

²⁹ Oogeühtoon dush ewh chahgeda‐sahsahgewejegune‐sahsahgewejegunahbik cheguhyeëe emah ishquaundamewung ewh puhpuhgewuhyaune‐ahnuhmeäwegummig ewh agwuhnuhegahdag enah koo anduhzhemahwunjeëding, oogesahsahgewejegan dush emah chahgeda‐sahsahgewejegun kuhya ewh mejime‐sahsahgewejegun; kahezhekuhgaunzoomaud suh goo Jehovah enewh Mosesun.

³⁰ ¶ Oogeühtoon dush ewh kezebege‐oonahgun nesuhwuhyeëe emah uhtag ewh puhpuhgewuhyaunegummig emah koo anduhzhemahwunjeëding kuhya ewh sahsahgewejegunahbik, kuhya oogeühtoon emah nebe, kaöonjekezebegeeng.

³¹ Moses dush kuhya Aaron kuhya enewh oogwissun kekezebegeninjewug kuhya kekezebegesidanewug emah:

³² Uhpe paundegawaud emah puhpuhgewuhyaunegummegoong emah koo anduhzhemah wunjeëding, kuhya uhpe pashoo puhnaunzekuhmoowaud ewh sahsahgewejegunahbik, kekezebegewug; kahezhekuhgaunzoomaud suh goo Jehovah enewh Mosesun.

³³ Oogepuhduhkesedoon dush ewh wuhyahkahkenegahdag kewetahuhyeëe emah puhpuhgewuhyaune‐ahnuhmeäwegummegoong kuhya emah sahsahgewejegunahbikoong, kuhya oogeühgoodoon ewh uhgoobejegun dabandahgwuk emah ishquaundamewung ewn wuhyahkahkenegahdag. Me suh Moses kahezhekezhetood ewh uhnookewin.

³⁴ ¶ Ahnuhquud dush keühgwuhnesin emah puhpuhgewuhyaunegummegoong emah koo anduhzhemahwunjeëding, kuhya ewh oopeshegandahgoozewin owh Jehovah kemooshkenasin emah puhpuhgewuhyaune‐ahnuhmeäwegummegoong.

³⁵ Moses dush kahween oogekushketooseen chepeendegad emah puhpuhgewuhyaunegummegoong emah koo anduhzhemahwunjeëding, ewh mahween ahnuhquud keühyahmuhgud emah, kuhya ewh oopeshegandahgoozewin owh Jehovah kemooshkenasin emah puhpuhgewuhyaune‐ahnuhmeäwegummegoong.

³⁶ Uhpe dush ewh ahnuhquud wambenegahdag emah puhpuhgewuhyaune‐ahnuhmeäwegummegoong, Israel oonejahnesun keühnemahjahwug kuhkenuh emah oobuhbahmahdezewinewaung:

³⁷ Kishpin dush ween kahöombenegahdasenook ewh ahnuhquud, kahween dush kebuhbahmahdezesewug nuhnaunzh egoo ewh kezhegud keöombenegahdag.

³⁸ Ewh mahween Jehovah oodahnuhquudoom keühtane emah puhpuhgewuhyaune‐ahnuhmeäwegummegoong kahzhegukkin, kuhya ishkooda keühtane emah tabekukkin, anahsuhmeähyahwaud kuhkenuh egewh Israelitug, menik egoo kahbuhbahmahdezewaud.