EXODUS 4 - Ottawa New Testament Penteteuch and Psalms 1874

¹ Moses dush kenuhquatum oo‐oo keëkedood, Benuh suh, kahween ninguhdabwatahgooseeg, kahween kuhya ninguhbezindahgooseeg: oo‐oo mah tuhekedoowug, Jehovah kahween kegewahbuhmahse.

² Jehovahun dush oo‐oo oogeëgoon, Wagoonan ewh takoonuhmun keninjeeng? Oo‐oo dush keëkedoo, metigoons.

³ Oo‐oo dush keëkedoowun, Uhkeeng uhpuhgedun, Uhkeeng dush oogeühpuhgedaun, medush kekenabigoowunenig: Moses dush oogeöozhindaun.

⁴ Jehovah dush oo‐oo oogeënaun enewh Mosesun, Zhebenekanin, zuhgahnoowan dush. Kezhebenekane dush, kenuhwuhdenaud, medush kemetigoonsewunenig emah ooninjeeng:

⁵ Chedabwayanduhmoowaud dush kewahbuhmud owh Jehovah oo‐Kesha‐Muhnedoomewaun oosewahbuneen, oo‐Kesha‐Muhnedoomun Abraham, oo‐Kesha‐Muhnedoomun Isaac, kuhya oo‐Kesha‐Muhnedoomun Jacob.

⁶ ¶ Menuhwah dush oo‐oo oogeëgoon enewh Jehovahun, Ezheninjenin suh dush emah kebeendoomooning. Keëzheninjene dush emah oobeendoomooning: uhpe dush suhyahgeninjeed, benuh, keöomegeninje, debishkoo kooning keëzhenahgwudenig.

⁷ Oo‐oo dush keëkedoowun, Ezheninjenin menuhwah emah kebeendoomooning. Menuhwah dush keëzheninjene emah oobeendoomooning: medush keëkooninjeed emah oobeendoomooning, benuh dush, weyahsing menuhwah keëzhenahgwudene.

⁸ Tuhpuhgummeühyahmuhgud, kishpin wedabwatoosenook kuhya webezindunsigwah akedoomuhguk ewh netum kekenuhwahjechegun, chedabwayanduhmoowaud akedoomuhguk ewh menuhwah pazhig kekenuhwahjechegun.

⁹ Tuhpuhgummeühyahmuhgud dush, kishpin wedabwatunsigwah kuhya oonoo neezh kekenuhwahjechegunun, webezindoosenookwah, kuhya nebe cheöondenuhmun emah sebeeng, chesegenuhmun dush emah pangwuhkummegaug. Kuhya ewh nebe kaöondenuhmun emah sebeeng tahmisquewejegahda emah panggwuhkummegaug.

¹⁰ ¶ Moses dush oo‐oo oogeënaun enewh Jehovahun, O nindoogemaum, kahween nenetahkekedoose, kahween kuhyet, kahween kuhya akookahkuhnoonud kebuhmetahgun, nezebiskahjekekid suh goo, kuhya nebajegezhwa.

¹¹ Oo‐oo dush oogeëgoon enewh Jehovahun, Ahwanan kahoozhetuhmuhwaud enene oodoon? gamah kuhya ahwanan wazheäud enewh natahkekedoosenegoon, gamah enewh kagebeshanejin, gamah enewh wuhyaub enejin, gamah enewh kakepeengwanejin? kah nuh ween neen Jehovah uhyahweyaun?

¹² Mahjaun suh dush ninguhwedookaun dush kedoon, keguhkekenooühmoon kuhya ewh kaëkedooyun.

¹³ Oo‐oo dush keëkedoo, O nindoogemaum, kepuhgoosanemin, uhnoonzh owh wahuhnoonud.

¹⁴ Oogenishkeëgoon dush Jehovah enewh Mosesun, oo‐oo dush keëkedoo, Kah nuh ween Aaron owh Levite‐enene, kesuhya ahwese? ningekandaun ewh netahkekedood. Benuh dush kuhya peëzhah chenuhquashkauk; uhpe dush wahbuhmik, tuhmoojegedaä.

¹⁵ Kegahguhnoonah dush, kuhya kegahkekenooühmuhwah kaëkedood: kegahpahkedoonanin dush, kuhya ween ningahpahkedoonanah, kuhya kegahkekenooühmoonenim ewh kaëzhechegayag.

¹⁶ Keguhkuhnooduhmaug e‐dush uhpe wahguhnoonuhdwahnin egewh ahnishenahbag: ween dush egoo tuhahwe tahnahsug kedoon, keen dush kegahdowh tahnahsug oo‐Kesha‐Muhnedoomun.

¹⁷ Kegahtuhkoonah dush oo‐oo metigoons, kaöonjemuhmaundahwechegayun.

¹⁸ ¶ Medush Moses kemahjaud, nayaub keëzhaud enewh Jethroün, oozhenesun, oo‐oo dush oogeënaun, Puhgedeneshin, kepuhgoosanemin, nayaub cheëzhahyaun nekahnesug Egypting ayahjig, chewahbunduhmaun dush kayahbe bamahdezewahgwan. Jethro dush oo‐oo oogeënaun enewh Mosesun, Pezaun suh mahjaun.

¹⁹ Jehovah dush oo‐oo oogeënaun enewh Mosesun emah Midianing, Mahjaun, nayaub ezhaun ewede Egypting: kuhkenuh mahween egewh enenewug keneboowug nanduhwanduhmoowahpun kebemahdezewin.

²⁰ Moses dush oogeöodahpenaun wewun kuhya oogwissun, kebemoomegoonid mamaungeshayun, nayaub dush keëzhekewa emah Egypting: Moses dush oogetuhkoonaun Kesha‐Munhedoo oometigoonsim.

²¹ Jehovah dush oo‐oo oogeënaun enewh Mosesun, Uhpe nayaub ezhahyun ewede Egypting, aungwahmezin kuhkenuh cheëzhemuhmaundahwechegayun emah anahsuhmeühyaud Pharaoh, kahezhepuhgedenuhmoonaun: ningahmushkuhwahtuhmuhwah dush ween ooda, chepuhgedenahsig dush enewh ahneshenahban.

²² Oo‐oo dush kegahenah Pharaoh, Me suh oo‐oo akedood Jehovah, Israel ahwe ningwis, nenetumoonzhaun:

²³ Oo‐oo dush kedenin, Puhgedin ningwis chemahjaud, chebuhmetuhwid e‐dush: kishpin dush enandunsewun chepuhgedenud chemahjaud, benuh, ninguhnesah kegwis, kenetumoonzhaun.

²⁴ ¶ Kepuhgummeühyahmuhgud dush, magwakunuh, emuh uhshunde‐wegummegoong, Jehovah kenuhquashkuhwaud, kenunduhwandung dush chenesaud.

²⁵ Me dush Zipporah keöodahpenaud kahnahbekezenid uhsineen kekekenuhwahjekeeshkezhwaud dush oogwissun, kuhya keühpuhgedung ewh kahpuhquazhung emuh oosedahning, oo‐oo dush keëkedood, Keen wanahbamenaun kagate wanjemisquewid ningwis.

²⁶ Medush kepuhgedenaud: oo‐oo dush keëkedoo, Keen wanahbamenaun wanjemisquewid ningwis, ewh kekenuhwahjekeeshkezhegahzoowin oonje.

²⁷ ¶ Jehovah dush oo‐oo oogeënaun enewh Aaronun, Ezhaun emah puhgwuhduhkummig chenuhquashkuhwud Moses. Keëzhahwun dush, kuhya kenuhquashkuhwahnid emah oowuhjewing Kesha‐Muhnedoo, kuhya keöojeemahnid.

²⁸ Moses dush oogeweenduhmuhwaun Aaronun kuhkenuh enewh oodekedoowinun Jehovah enewh kahuhnoonegoojin, kuhya kuhkenuh enewh kekenuhwahjechegunun kahegood.

²⁹ ¶ Moses dush kuhya Aaron oogeühwemahwunzoomahwaun kuhkenuh enewh akewazeyewenejin oonejahnesun Israel:

³⁰ Aaron dush keëkedoo kuhkenuh enewh ekedoowinun kahweenduhmuhwahnepun Jehovahun enewh Mosesun, kuhya kemuhmaundahwechega emuh anahsuhmenid enewh ahneshenahban.

³¹ Egewh dush ahneshenahbag kedabwayanduhmoog uhpe dush nwaunduhmoowaud Jehovah kemuhwuhdesaud oonejahnesun Israel, kuhya kewahbundung ookooduhgetoowine, kenuhwuhgequasawug kuhya keöojejeengwuhnetahwug.