EXODUS 39 - Ottawa New Testament Penteteuch and Psalms 1874

¹ Ewh dush wazhahwushquaug, kuhya ewh mahnaundag, kuhya ewh masquaug, oogeöonjeöozhetoonahwaun uhnooke‐ahgwewinun, kaähbuhjetoong emah kechetwahwandahgwuk, keöozhetuhmuhwahwaud dush Aaronun enewh kechetwah ahgwewinun; kahezhekuhgaunzoomaud suh goo Jehovah enewh Mosesun.

² Oogeöozhetoon dush ewh Ephod oozahweshooneyaun keühwaud, ewh wazhahwushquaug, kuhya ewh mahnaundag kuhya ewh masquaug, kuhya ewh wanesheshing kapuhgeguk puhpuhgewuhyahnegin.

³ Oogenuhbuhguhduhahnahwah dush ewh oozahweshooneyah, kekeshkezhuhmoowaud dush cheühgahsahbeguhdenig, cheöonjeühnookahzoomuhguk dush uhpe duhzhekuhmoowaud ewh wazhahwushquaug, kuhya ewh masquaug, kuhya ewh wanesheshing puhpuhgewuhyahnegin, kuhgwaunesuhgewuh-weengazewaud.

⁴ Enewh oodenemaunguhnemaung kaühtagin oogeöozhetoonahwaun, cheduhkoobedagin nahyanzh: emah neezhing ezhetetebegwahdagin keduhkoobedawun.

⁵ Ewh kuhya quanahjewung kejepezoon dabandahgwuk emah Ephoding, oogejuhyeëe emah atag, nahsaub keöonjeöozhechegahda, anandahgwuk suh goo ewh uhnookewin; me ewh oozahweshooneyah, ewh wazhahwushquaug, kuhya ewh mahnaundag, kuhya ewh masquaug, kuhya ewh wanesheshing kapuhgeguk puhpuhgewuhyahnegin: kahezhekuhgaunzoomaud suh goo Jehovah enewh Mosesun.

⁶ ¶ Oogeöozheähwaun dush onyx uhsineensun aseminjin emah wuhweembekoonind oozahweshooneyah, manzenekooninjig, azhemunzenekoojegahdagin suh goo uhkookewuhsejegun-ahbikoon, kenahgwukkin dush emah enewh oodezhenekahzoowinewaun Israel oonejahnesun.

⁷ Oogeühsaun dush emah oodenemaungunewung ewh ephod, cheähwewaud dush uhsineensug Israel oonejahnesun kamequanemahwaud: kahezhekuhgaunzoomaud suh goo Jehovah enewh Mosesun.

⁸ ¶ Oogeöozhetoon dush ewh asimeeg muhmaundah azhe chegahdag, dahbishkoo suh goo azhechegahdag ephod; oonoo keühyood, oozahweshooneyah, ewh wazhahwushquaug, kuhya ewh mahnaundag, kuhya ewh masquaug, kuhya ewh wanesheshing kapuhgeguk puhpuhgewuhyahnegin.

⁹ Keöoshuhshuhwayahmuhgud; oogebiskegenahwah ewh asimeeg: ningoodwaukooähgun keuhquagud, kuhya ningoodwaukooähgun keënegooquuhdayegud, kebiskegenegahdag.

¹⁰ Oogeühsahwaun dush emah uhsineensun newing kenebedashenenid: emah netum nebedashenoowaud keühbe owh sardius, owh topaz, kuhya owh carbuncle: me suh netum kahnebedashenoowaud.

¹¹ Menuhwah dush nebedashenoowaud, owh emerald, owh sapphire, kuhya owh diamond.

¹² Nesing dush nebedashenoowaud, owh ligure, owh agate, kuhya owh amethyst.

¹³ Newing dush nebedashenoowaud, owh beryl, owh onyx, kuhya owh jasper; kepeenuhwahwug emah wuhweembekoonind oozahweshooneyah.

¹⁴ Egewh dush uhsineensug kemedahswe‐uhshe‐neezhewug nahsaub suh goo anandahgwudenig enewh oodezhenekahzoowinewaun Israel oonejahnesun, nahsaub goo anandahgwudenig oodezhenekahzoowinewaun, debishkoo azhemunzenekoojegahdag ewh uhkookewuhsejegunahbik, anduhchid ewh oodezhenekahzoowin, nahsaub suh goo anandahgoozewaud egewh medahswe‐uhshe‐neezh, uhnooj azheweenzoojig.

¹⁵ Oogeöozhetoonahwaun dush emah asemeging tuhkoobejegunun emah wuhwuhyaquahuhyaug, kahbemiskoonuhmoowaud, wanesheshenenejin oozahweshooneyaun keühwahwaud.

¹⁶ Oogeöozhetoonahwaun dush neezh oozahweshooneyah weembahbekudoon, kuhya neezh oozahweshooneyah wahweyayahbekudoon; oogeühtoonahwaun dush enewh neezh wahweyayahbekudoon emah neezhing ezhewuhyaquahuhyaug ewh asimeeg.

¹⁷ Oogepeenjesedoonahwaun dush enewh neezh bahmiskoonegahdagin oozahweshooneyah tuhkoobejegunun emah enewh neezh wahweyahbekudoon emah wuhwuhyaquahuhyaug ewh asimeeg.

¹⁸ Enewh dush neezh bahmiskoonegahdagin tuhkoobejegunun emah neezhing ezhewuhyaquahuhyahgin oogeminjemuhpedoonahwaun emah enewh neezh weembekoojegunun, keühtoowaud dush emah oodenemaungunewung ewh ephod, emah enahsuhmesing.

¹⁹ Oogeöozhetoonahwaun dush neezh oozahweshooneyah wahweyayahbekudoon, keühtoowaud dush emah neezhing ezhewuhyaquahuhyaug ewh asimeeg, emah tetebegwahdag enandahgwuk, emah peenjuhyeëe enuhkuhkayah ewh ephod.

²⁰ Oogeöozhetoonahwaun dush neezh menuhwah ahnind oozahweshooneyah wahweyayahbekudoon, keühtoowaud dush emah neezhing ezheöopemaühyeëewung ewh ephod uhnaumuhyeëe, emah negaun enuhkuhkayah, debishkoo emah ewh menuhwah pazhig ayahmuhguk neezh tuhkoobedagin, oogejuhyeëe ewh quanahjewung kejepezoon dabandahgwuk emah ephoding.

²¹ Oogeminjemuhpedoonahwah dush ewh asimeeg emah oowahweyayahbekudooming kuhya emah oowahweyayahbekudooming ewh ephod, wazhahwushquaug tuhkoobejegun keühyoowaud, cheühtag dush emah ishpeming ewh quanahjewung kejepezoon ephoding dabandahgwuk, ewh dush kuhya asimeeg chegechegookahsenoog emah ephoding; kahezhekuhgaunzoomaud suh goo Jehovah enewh Mosesun.

²² ¶ Oogeöozhetoon dush ewh puhpeenzekuhwahgun ephoding dabandahgwuk kebemedahbegenegunekad, kuhkenuh keöozhahwushquahmuhgud.

²³ Kepuhgoonachegahda dush ewh puhpeenzekuhwahgun emah nahwuhyeëe, azhepuhgoonayaug ewh megahzoowine-puhpeenzekuhwahgun, kuhya ketetebegwahda kewetahuhyeëe emah puhgoonayaug, cheöonjedahdooshkahsenoog.

²⁴ Oogeöozheähwaun dush emah tetebegwahdanig ewh puhpeenzekuhwahgun pomegranatun, keühyoowaud ewh wazhahwushquaug, kuhya ewh mahnaundag, kuhya ewh masquaug, kuhya ewh kapuhgeguk puhpuhgewuhyahnegin.

²⁵ Oogeöozhetoonahwaun dush kedootahgunun wanesheshenenejin oozahweshooneyaun keühwahwaud, oogeühtoonahwaun dush enewh kedootahgunun emah nesuhwuhyeëe uhgoojenoowaud egewh pomegranatug emah tetebegwahdag ewh puhpeenzekuhwahgun, kewetahuhyeëe nesuhwuhyeëe emah uhgoojenoowaud egewh pomegranatug;

²⁶ Pazhig kedootahgun kuhya pazhig pomegranate, pazhig kedootahgun kuhya pazhig pomegranate, kewetahuhyeëe emah tetebegwahdag ewh puhpeenzekuhwahgun kaöonjeühnookeeng uhpe ahnuhmeäung: kahezhekuhgaunzoomaud suh goo Jehovah enewh Mosesun.

²⁷ ¶ Oogeöozhetuhmuhwahwaun dush Aaronun, kuhya enewh oogwissun, puhpeenzekuhwahgunun wanseheshing puhpuhgewuhyahnegin keühyoowaad.

²⁸ Kuhya wewuhquaun wanesheshing puhpuhgewuhyahnegin keühyoowaud, kuhya wanesheshingin wewuhquaunun wanesheshing puhpuhgewuhyahnegin keühyoowaud, kuhya puhpuhgewuhyahnegine‐keboodeyagwahzoonun wanesheshing kapuhgeguk puhpuhgewuhyahnegin keühyoowaud.

²⁹ Kuhya kejepezoonun wanesheshing kapuhgeguk puhpuhgewuhyahnegin keühyoowaud, kuhya ewh wazhahwushquaug, kuhya ewh mahnaundag, kuhya ewh masquaug, shahboonegun keühnookahzoowaud; kahezhekuhgaunzoomaud suh goo Jehovah enewh Mosesun.

³⁰ ¶ Oogeöozhetoonahwah dush ewh nahbuhgahbekuk dabandahgwuk emah kechetwah wewuhquauning, wanesheshenenejin oozahweshooneyaun keühwahwaud, oogeöozhebeähnahwah dush emah ewh oozhebeëgun, debishkoo suh goo azhemunzenekoojegahdag uhkookewuhsejegunahbik, TAHKECHETWAHWANEMAH JEHOVAH.

³¹ Oogeduhkoobedoonahwah dush emah ewh oozhahwushkoo‐tuhkoobejegun, cheminjemuhpejegahdag ishpeming emah wewuhquauning; kahezhekuhgaunzoomaud suh goo Jehovah enewh Mosesun.

³² ¶ Me suh kuhkenuh ewh uhnookewin emah puhpuhgewuhyahnegine‐ahnuhmeäwegummegoong emah koo anduhzhemahwunjeëding kekezhechegahdag: Israel dush oonejahnesun keëzhechegawun kuhkenuh kahezhekuhgaunzoomaud Jehovah enewh Mosesun, me ewh kahezhechegawaud.

³³ ¶ Oogepeduhwahwaun dush Mosesun ewh puhpuhgewuhyahne‐ahnuhmeäwegummig, ewh uhgwuhnuhegun, kuhya kuhkenuh uhyahbuhjetoongin emah, enewh oosuhgahquuhegunemun, oonuhbuhgesuhgoomun, oobemedahkoonegunemun, kuhya oodahswahquuhegunemun, kuhya oodahshoo-jesejegunemun.

³⁴ Kuhya ewh agwuhnuhegang nahba‐mahnishtahnishewuhyaunug masquuhdesoonjig, kuhya ewh agwuhnuhegang mesuhkuhkoojeeshewuhyaunug, kuhya ewh kebuhgoojegun agwuhnuhegang,

³⁵ Ewh debahjemoowine‐mukkuk, kuhya enewh oometigoonsemun, kuhya ewh shahwanjega‐uhgweduhbewin,

³⁶ Ewh uhdoopoowin, kuhya kuhkenuh enewh oodahbuhjechegunun, kuhya ewh wahbunduhewawine‐puhquazhegun.

³⁷ Ewh wanesheshing wahsuhkoonanjegunahbik, kuhya enewh wahsuhkoonanjegune‐uhtahsoowinansun dabandahgwukkin emah, enewh suh goo wahsuhkoonanjegune‐uhtahsoowinansun cheöozhesetoongin, kuhya kuhkenuh enewh ahbuhjechegunun dabandahgwukkin emah, kuhya ewh pemeda kawahsuhkoonanjegang,

³⁸ Kuhya ewh oozahweshooneyah sahsahgewejegunahbik, kuhya ewh noomenega‐pemeda, kuhya ewh manoomahgwuk menoomahgwahkezegun, kuhya ewh kabuhgoodag emah ishquaundamewung ewh puhpuhgewuhyaune‐ahnuhmeäwegummig,

³⁹ Ewh oozahwahbikoo‐sahsahgewejegun‐ahbik, kuhya ewh oozahwahbik uhsubeeng azhechegahdag, enewh oometigoonsemun, kuhya kuhkenuh enewh oodahbuhjechegunun, ewh kezebege‐oonahgun kuhya ewh emah oosidahwung,

⁴⁰ Enewh uhgoobejegunun dabandahgwukkin emah ewh wuhyahkahkenegahdag, enewh oodahswahquuhegunemun, kuhya enewh ooduhshoojesegunemun, kuhya ewh kabuhgoodag emah ishquaundamewung ewh wuhyahkahkenegahdag, enewh ooduhkoobejegunemun, kuhya enewh oosuhgahquuhegunemun, kuhya kuhkenuh enewh ahbuhjechegunun uhyahbuhjetoong emah puhpuhgewuhyaune‐ahnuhmeäwegummegoong, emah puhpuhgewuhyaunegummegoong, emah koo anduhzhemahwunjeëding,

⁴¹ Enewh uhgwewinun uhyahbuhjetoong emah kechetwahwandahgwuk, kuhya enewh kechetwah uhgwewinun kaühgwid Aaron owh sahsahgewejega‐wenene, kuhya enewh ooduhgwewinewaun oogwissun, kaähbuhjetoowaud uhpe uhnookewaud azheühnookeed owh sahsahgewejega‐wenene.

⁴² Nahsaub suh goo kuhkenuh Jehovah kahezhekuhgaunzoomaud enewh Mosesun, me Israel oonejahnesun kuhkenuh kahezheuhnookewaud.

⁴³ Moses dush oogekuhnuhwahbundaun kuhkenuh ewh uhnookewin, benuh dush, oogeëzhetoonahwah debishkoo Jehovah kahezhekuhgaundwapun, me soo goo ewh kahezhetoowaud: Moses dush oogemenookuhnoonaun.