EXODUS 37 - Ottawa New Testament Penteteuch and Psalms 1874

¹ Bezaleel dush oogeöozhetoon ewh muhkuk shittimmetigoon keühwaud: neenzhoo‐nik uhshe ahbetuh keühquahmuhgud, kuhya ningoodoo‐nik uhshe ahbetuh keënegookoodayahmuhgud, kuhya ningoodoo‐nik uhshe ahbetuh keühpetahmuhgud:

² Oogeöozahweshooneyahkahdaun dush wanesheshenenig oozahweshooneyaun keühwaud peenjuhyeëe kuhya uhgwuhjeühyeëe, oogesuhsagahtoon dush kewetahuhyeëe, oozahweshooneyah‐suhsagahchegun emah keühtood.

³ Oogeöozhetoonun dush newin oozahweshooneyah‐wahweyayahbekudoon kadebandahgwukkin emah, kaühchegahdagin emah newing ezhenayaug; neezh suh goo wahweyayahbekudoon emah ingooding ezheöopemaühyeëewung, kuhya neezh wahweyayahbekudoon emah menuhwah pazhig oopemaühyeëewung.

⁴ Oogeöozhetoonun dush metigoonsun shittim‐metigoon keühwaud, kuhya oogeöozahweshooneyahkahdaunun.

⁵ Oogepeenjesetoonun dush enewh metigoonsun emah wahweyayahbekudoong emah uhyoopemaühyeëewung ewh muhkuk, cheöonjepemewejegahdag ewh muhkuk.

⁶ ¶ Oogeöozhetoon dush ewh shahwanjega‐uhgweduhbewin wanesheshenejin oozahweshooneyaun keühwaud: neezhoo‐nik uhshe ahbetuh keühquahmuhgud, kuhya ningoodoonik uhshe ahbetuh keühquahmuhgud, kuhya ningoodoonik uhshe ahbetuh keënegookoodayahmuhgud.

⁷ Neezh dush cherubun oogeöozheäun oozahweshooneyaun keühwaud, kenuhbuhguhduhwaud, keminzewasin ewh kahuhyood, emah neezhing ezhewuhyaquahuhyaug ewh shahwanjega‐uhgweduhbewin;

⁸ Pazhig cherub emah wuhyaquahuhyaug oondaus enuhka, kuhya menuhwah pazhig cherub emah wuhyaquahuhyaug uhwus enuhka: emah shahwanjega‐uhgweduhbewining oogeöonjeöozheäun enewh cherubun emah neezhing ezhewuhyaquahuhyahnig ewh.

⁹ Egewh dush cherubug ishpeming keëzheduhzhwageningwewug, keühgwuhnuhuhmoowaud ewh shahwanjega‐uhgweduhbewin enewh ooningwegunewaun, kuhnuhwahbundewaud; emah suh goo shahwanjega‐uhgweduhbewining enuhkuhkayah keënahbewug egewh cherubug.

¹⁰ ¶ Oogeöozhetoon dush ewh uhdoopoowin shittim‐metigoon keühwaud: neenzhoo‐nik keühquahmuhgud, kuhya ningoodoonik keënegookoodayahmuhgud, kuhya ningoodoo‐nik uhshe ahbetuh keühpetahmuhgud:

¹¹ Oogeöozahweshooneyahkahdaun dush wanesheshenenejin oozahweshooneyaun keühwaud, kuhya oozahweshooneyah‐suhzagahchegun oogeühtoon emah kewetahuhyeëe.

¹² Kuhya dush oogeöozhetoon emah ewh kahwetahsing ningoodwaukooähgun anegookoodayaug kewetahuhyeëe; kuhya oogeöozhetoon oozahweshooneyah‐suhsagahchegun kaähtag emah kewetahuhyeëe.

¹³ Oogeöozhetoonun dush newin oozahweshooneyah‐wahweyayahbekudoon kadebandahgwukkin emah, keühtood enewh wahweyayahbekudoon emah newing ezhenayaug emah newing ezheöozidahwung.

¹⁴ Emah anahsuhmesing ewh kahwetahsing keühtawun enewh wahweyayahbekudoon, me emah kapeenjesing enewh metigoonsun kaöonjepemewejegahdag ewh uhdoopoowin.

¹⁵ Oogeöozhetoonun dush metigoonsun shittim‐metigoon keühwaud, kuhya oogeöozahweshooneyah‐kahdaunun, kaöonjepemewejegahdag ewh uhdoopoowin.

¹⁶ Oogeöozhetoonun dush enewh ahbuhjechegunun, uhdoopoowining atagin, enewh oonahgunun, kuhya enewh emiquaunansun, kuhya oonahgaunsun kuhya enewh uhgwuhnuhegunun kaoonjeühgwuhnuhegang, wanezheshenenejin oozahweshooneyaun keühwaud.

¹⁷ ¶ Oogeöozhetoon dush ewh wahsuhkoonanjegun‐ahbik wanesheshenenejin oozahweshooneyaun keühwaud: nabuhguhduhegahdag oogeühyoon keöozhetood ewh wahsuhkoonanjegunahbik; ewh nahwuhyeëe paduhkesing, kuhya ewh wuhdequuhning azhenahgwuk, enewh oonahgaunsun, enewh babuhbekoomenuhgahgin, kuhya enewh wahwahsuhkoonan azhenahgwukkin, nahsaub keöonjeöozhechegahdawun:

¹⁸ Kuhya ningoodwahswe wuhdequuhnun wanjesahgah-koosingin emah uhyoopemaühyeëewung; neswe oowuhdequuhnun ewh wahsuhkoonanjegunahbik emah ingooding ezheöopemauhyeëewung, kuhya neswe oowuhdequuhnun ewh wahsuhkoonanjegun‐ahbik emah menuhwah ingooding oopemaühyeëewung.

¹⁹ Neswe oonahgaunsun kechebuhgaunug azhenahgoozewaud azhechegahdagin emah pazhig wuhdequuhning, pazhig bakoomenuhguk kuhya pazhig wahwahsuhkoona; kuhya neswe oonahgaunsun kechebuhgaunug azhenahgoozewaud azhechegahdagin emah menuhwah pazhig wuhdequuhning, pazhig bakoomenuhguk kuhya pazhig wahwahsuhkoona: me goo nahsaub enewh ningoodwahswe wuhdequuhnun wandahquuhmoogin emah wahsuhkoonanjegunahbikoong.

²⁰ Emah dush wahsuhkoonanjegunahbikoong keühtawun newin oonahgaunsun keche buhgauning azhechegahdagin, enewh bakoomenuhgaugin, kuhya enewh wahwahsuhkoonan.

²¹ Kuhya pazhig bakoomenuhguk uhnaumuhyeëe emah neezhing ezhewuhdikwuhnewung, ewh kuhya pazhig bakoomenuhguk uhnaumuhyeëe emah neezhing ezhewuhdikwunewung ewh, kuhya pazhig bakoomenuhguk uhnaumuhyeëe emah neezhing ezhewuhdikwunewung ewh, nahsaub suh goo enewh ningoodwahswe wuhdikwunun emah wandahquuhmoogin.

²² Enewh bakoomenuhgukkin kuhya enewh oowuhdequuhnemewaun nahsaub keöonjeöozhechegahdawun: kuhkenuh ewh kenuhbuhguhduhegahda wanesheshid oozahweshooneyah keühwind, kemezewasin kuhya ewh kahuhyoong.

²³ Oogeöozhetoonun dush enewh neezhwahswe oowahsuhkoonanjegune‐uhtahsoowinansun, kuhya enewh ookeeshkunzhakoojegunun, kuhya enewh oonahgaunsun, wanesheshenenejin oozahweshooneyaun keühwaud.

²⁴ Pazhig talent wanesheshid oozahweshooneyah oogeühwaun keöozhetood ewh, kuhya kuhkenuh enewh ahbuhjechegunun dabandahgwukkin emah.

²⁵ ¶ Oogeöozhetoon dush ewh menoomahgwahkezegune‐sahsahgewejegunahbik shittim‐metigoon keühwaud: ningoodoo‐nik keühquahmahgud, kuhya ningoodoo‐nik keënegookoodayahmuhgud; keöoshuhshuhwayah; kuhya neezhoo-nik keühpetahmuhgud; enewh oodashkunun nahsaub keöonjeoozhechegahdawun.

²⁶ Oogeöozahweshooneyahkahdaun dush wanesheshenenejin oozahweshooneyaun keühwaud, emah oogijuhyeëe, kuhya emah uhyoopemaühyeëewung kewetahuhyeëe, kuhya emah oodashkunewung: kuhya dush oogeöozhetoon emah ewh oozahweshooneyah‐suhzagah chegauns kewetahuhyeëe.

²⁷ Kuhya oogeöozhetoonun neezh oozahweshooneyahwahweyayahbekudoon emah uhnaumuhyeëe uhtag ewh suhzagahchegauns, emah goo cheguhyeëe neezhing ezhenayaug, emah neezhing ezheöopemaühyeëewung, emah kapeenjesingin enewh metigoonsun ewh kaöonjepemewejegahdag.

²⁸ Oogeöozhetoon dush enewh metigoonsun shittimmetigoon keühwaud, kuhya oogeöozahweshooneyahkahdaunun.

²⁹ ¶ Oogeöozhetoonun dush ewh kechetwah‐noomenegapemeda, kuhya ewh pahnuk menoomahgwahkezegun manoomahgwuk menoomahgoocheguning kahoonjeöozhechegahdag, azheühnookeed suh goo mahkindung menoomahgoochegunun.