EXODUS 36 - Ottawa New Testament Penteteuch and Psalms 1874

¹ Me dush keühnookeed Bezaleel kuhya Aholiab, kuhya anduhchewaud egewh nabwahkahjig enenewug, egewh kahmenegoowahjin Jehovahun ewh nebwahkahwin kuhya nesedootuhmoowin chekekanduhmoowaud kaënuhnookewaud uhnooj egoo gagoo oozhetoowaud ewh kaähbuhjetoong emah kechetwah wegewauming, kuhkenuh goo kahezhekuhgaunzoongapun owh Jehovah.

² Moses dush oogenundoomaun Bezaleelun kuhya Aholiabun, kuhya anduhchenid enewh nabwahkahnejin enenewun, egewh kahuhtuhmahgoowahjin oodaëwaung enewh Jehovahun ewh nebwahkahwin, anduhchenid suh goo enewh kagate egoo kahenanduhmenid chepeühnookenid:

³ Oogemenegoowaun dush enewh Mosesun kuhkenuh ewh puhgedenegawin, ewh Israel oonejahnesun kahpeedoowahpun ewh kaöonjeuhnookahzoong kaähbuhjetoong emah kechetwah wegewauming, kaöonjeoozhetoong edush. Kepeduhwemaun dush kayahbe enewh ahneshah kahmegewang anduhsookekezhabahwuhguk.

⁴ Kuhkenuh dush egewh nabwahkahjig enenewug, kahmekindungig kuhkenuh ewh uhnookewin emah kechetwah wegewauming, keöonjemahjahwug anduhchewaud emah ooduhnookewinewaung kahmekinduhmoowaud;

⁵ ¶ Oogeguhnoonahwaun dush enewh Mosesun, oo‐oo keënahwaud, egewh ahnishenahbag nuhwuj nebewah oopeedoonahwah ewh dush ween menik kaëzhedabesagebun kaähbuhjetoong emah uhnookewining, ewh Jehovah kahkuhgaunzoongapun chemekinduhming.

⁶ Moses dush kekuhgaunzoonga, keënahkoonegawug dush ewh chewahweenduhming emah anegookoosing ewh kuhbashewin, oo‐oo cheëkedoong, Kagoo ween ahweyah enene gamah kuhya equa gagoo menuhwah oogahoozhetooseen chepuhgedenung emah kechetwah wegewauming. Me suh egewh ahnishenahbag kahezheöonjeïndwah gagoo chepeedoowaud.

⁷ Ewh mahween kahpeedoong kahuhyahmoowaud kedabesamuhgud cheöonjeöozhetoowaud kuhkenuh ewh wahoozhetoowaud, oonzaum pooch nebewuh keühtamuhgud.

⁸ ¶ Anduhchewaud dush egewh nabwahkahjig enenewug kahühyahwaud magwauhyeëe emah uhyahnid kahuhnooketungig ewh puhpuhgewuhyahne‐ahnuhmeäwegummig, oogeöozhetoonahwaun medahswe uhgoobejegunun keähbuhjetoowaud ewh wanesheshing puhpuhgewuhyahnegin, kuhya ewh wazhahwushquaug, kuhya ewh mahnaundag, kuhya ewh masquaug: oogemunzenishtuhaunun kenahgoozenid dush emah cherubun muhmaundah kahezhechegahzoonejin.

⁹ Ewh pazhig uhgoobejegun neeshtuhnuh uhshe shwahswe dussoonik keühquagud: kuhya ewh pazhig uhgoobejegun newoonik ënegookoodayegud: enewh uhgoobejegunun kuhkenuh nahsaub keënegooquagudoon.

¹⁰ Oogemahmoogwahdaunun dush enewh nahnun uhgoobejegunun: kuhya enewh ahnind nahnun uhgoobejegunun oogemahmoogwahdaunun.

¹¹ Oogeöozhetoonun dush tuhkoobejegunun wazhahwush quaugin emah dedebegwahdag enandahgwuk ewh pazhig uhgoobejegun emah goo kaduhkoobejegahdagin enewh uhgoobëjegunun: me goo nahsaub kahezhechegad emah uhgwuhjühyeëe ewh menuhwah pazhig uhgoobejegun, emah kaduhkoobejegahdag ewh menuhwah pazhig

¹² Nahnemeduhnuh tuhkoobejegunun oogeöozhetoonun, emah pazhig uhgoobejeguning, kuhya nahnemeduhnuh tuhkoobejegunun, oogeöozhetoonun emah dedebegwahdag enandahgwuk ewh uhgoobejegun emah chetahkoobejegahdag ewh menuhwah pazhig: enewh tuhkoobejegunun keöonjeähne-kapedoom ewh pazhig uhgoobejegun emah ewh menuhwah pazhig.

¹³ Oogeöozhetoonun dush nahnemeduhnuh oozahweshooneyah peendahbekesejegannsun oogekeboobedoonun dush enewh uhgoobejegunun oonje enewh peendahbekesejegannsun: me suh kahezhepazhigwung ewh puhpuhgewuhyaune‐ahnuhmeäwegummig.

¹⁴ ¶ Oogeöozhetoonun dush mesahboozoopewuhye‐uhgoobejegunun cheöonjeühgwuhnuhegahdag ewh puhpuhgewuhyahne‐ahnuhmea‐wegummig: medahswe‐uhshe pazhig uhgoobejegunun oogeöozhetoonun.

¹⁵ Ewh pazhig uhgoobejegun nesemeduhnuh dussoo‐nik keühquagud, kuhya newoonik keënegookoodayegud ewh pazhig uhgoobejegun: enewh medahswe uhshe pazhig uhgoobejegunun dadebishkoo keënegooquagudoon.

¹⁶ Oogemahmuhoogwahdaunun dush nahnun uhgoobejegunun pazhigwuhnoong, kuhya ningoodwahswe uhgoobejegunun pazhigwuhnoong.

¹⁷ Oogeöozhetoonun dush nahnemeduhnuh tuhkoobejegunun emah uhgwuhjühyeëe dedebegwahdag enandahgwuk ewh uhgoobejegun emah tuhkoobejegahdag, kuhya nahnemeduhnuh tuhkoobejegunun oogeöozhetoonun emah dedebegwahdag enandahgwuk ewh uhgoobejegun ewh suh goo wanjeahnekasing ewh menuhwah pazhig.

¹⁸ Oogeöozhetoonun dush nahnemeduhnuh oozahwahbikoo peendahbekesejegaunsun cheöonjemahmuhoopedag ewh uhgwuhnuhegun, chepazhigwung dush.

¹⁹ Oogeöozhetoon dush ewh kaöonjeühgwuhnuhegahdag ewh puhpuhgewuhyaune‐ahnuhmeäwegummig keühwud nahba‐mahnishtahnishewuhyaunun masquuhdesoonejin, kuhya ewh mesuhguhkoojeeshewuhyaune‐uhgwuhnuhegun wuhgijuhyeëe ewh.

²⁰ ¶ Oogeöozheäun dush nuhbuhgesuhgoon shittim metig doowug ewh puhpuhgewuhyaune‐ahnuhmeäwegummig oonje, kepuhduhkeshemaud.

²¹ Pazhïg nuhbuhgesug medahsoonik keühquahkooze, kuhya pazhig nuhbuhgesug ningoodoonik uhshe ahbetuh keënegookoodaze.

²² Pazhig nuhbuhgesug keneenzhenenewun ooninjeen enandahgwud, dadebishkoo keühneühtawun ewh nebedasingin: me suh oo‐oo kahdooduhwaud kuhkenuh enewh nuhbuhgesuhgoon emah puhpuhgewuhyahne‐ahnuhmeäwegummegoong.

²³ Oogeöozheäun dush nuhbuhgesuhgoon kaühyahnid emah puhpuhgewuhyahne‐ahnuhmeäwegummegoong; neeshtuhnuh nuhbuhgesuhgoon emah shahwuhnoong enuhkuhkayah:

²⁴ Kuhya nemeduhnuh shooneyah‐uhshoojesejegunun oogeöozhetoonun uhnaumuhyeëe emah enewh neeshtuhnuh nuhbuhgesuhgoon; neezh uhshoojesejegunun uhnaumuhyeëe pazhig nuhbuhgesug enewh oonje neezh ooninjeeng azhenahgwukkin, kuhya neezh uhshoojechegunun uhnaumuhyeëe menuhwah pazhig nuhbuhgesug enewh oonje neezh ooninjeeng azhenahgwukkin.

²⁵ Kuhya ahzhuhwuhyeëe emah puhpuhgewuhyaune‐ahnuhmeäwegummegoong, kewadenoong enuhkuhkayah, oogeöozheäun neeshtuhnuh nuhbuhgesuhgoon,

²⁶ Kuhya enewh nemeduhnuh ooshooneyah‐uhshoojeseje-gunewaun; neezh uhshoojesejegunun uhnaumuhyeëe pazhig nuhbuhgesug, kuhya neenzh uhshoojesejegunun uhnaumuhyeëe menuhwah pazhig nuhbuhgesug.

²⁷ Kuhya emah uhyoopemaühyeëewung ewh puhpuhgewuhyahne‐ahnuhmeä‐wegummig apungeshemoog enuhkuhkayah oogeöozheäun ningoodwahswe nuhbuhgesuhgoon.

²⁸ Kuhya neezh nuhbuhgesuhgoon oogeöozheäun kapuhduhkezoonid emah nuhnayaug ewh pahpuhgewuhyaune‐ahnuhmeäwegummig emah neezhing ezheöopemaühyeëewung.

²⁹ Keminjemuhpenahwug dush duhbuhzheesh, kuhya keminjemuhpenahwug oogejuhyeëe emah uhyaug pazhig wahweyayahbekud: me suh oo‐oo nuhyanzh enewh kahdooduhwaud emah neezhing ezhenayahmuhguk.

³⁰ Keühyahwug dush shwahswe nuhbuhgesuhgoog; kuhya enewh ooduhshoojesejegunewaun kamedahswe uhshe‐ningoodwahchenenewun enewh shooneyah uhshoojesejegunun, uhnaumuhyeëe papazhig egewh nuhbuhgesuhgoog neezh uhshoojesejegunun.

³¹ Oogeöozhetoonun dush shittim‐metigoo‐bemedahkoonegunun; nahnun kaühchegahdagin emah nuhbuhgesuhgoong egewh abejig emah oopemaühyeëewung ewh puhpuhgewuhyahne‐ahnuhmeewegummig.

³² Kuhya nahnun bemedahkoonegunun emah nuhbuhgesuhgoong egewh abejig emah azhuhwuhyeëe oopemaühyeëewung ewh puhpuhgewuhyaune‐ahnuhmeäwegummig, kuhya nahnun bemedahkoonegunun emah nuhbuhgesuhgoong egewh dabandahgoozejig emah puhpuhgewuhyaune‐ahnuhmeäwegummegoong emah apungeshemoog enuhkuhkayah.

³³ Ewh dush bemedahkoonegun nesuhwuhyeëe atanig oogeshahbwahkoosedoon emah nuhbuhgesuhgoong emah ishquaühyeëe nuhnaunzh egoo ewede nuhpauj enuhkuhkayah.

³⁴ Oogeöozahweshooneyahkahnaun dush enewh nuhbuhgesuhgoon, kuhya enewh oowahweyayahbekudoomewaun oozahweshooneyaung oogeöonjeöozhetoonun emah dush chepeendahkoosingin enewh bemedahkoonegunun, kuhya oogeöozahweshooneyahkahdaunun enewh bemedahkoonegunun.

³⁵ Oogeöozhetoon dush kebahgoojegun keühyood ewh wazhahwushquaug, kuhya ewh mahnaundag, kuhya ewh masquaug, kuhya ewh wanesheshing puhpuhgewuhyahnegin: oogemunzenishtuhaun kenahgoozewaud dush emah cherubug muhmaundah azhechegahzoojig.

³⁶ Oogeöozhetoonun dush ewh oonje newin shittim‐metigoo-ahswahquuhegunun, kuhya oogeöozahweshooneyahkahdaunun: enewh ahjebejegunun emah dabandahgwukkin keöozahweshooneyahwewunoon; oogeöozhetoonun kuhya enewh oonje newin shooneyah‐uhshoojesejegunun.

³⁷ ¶ Oogeöozhetoon dush ewh kakebuhgoodag emah ishquaundamewung ewh puhpuhgewuhyaune‐ahnuhmeäwegummig, keähbuhjetood ewh wazhahwushquaug, kuhya ewh mahnaundag, kuhya ewh masquaug, kuhya ewh wanesheshing puhpuhgewuhyahnegin, shahboonegun keühnookahzood.

³⁸ Kuhya enewh nahnun ahswahquuhegunun dabandahgwukkin emah kuhya enewh oodahjebejegunemewaun: oogeöozahweshooneyahkahdaunun dush enewh emah ooshtegwaunewungin enandahgwuk kuhya enewh kahwetahpedagin emah: enewh dush ween nahnun ooduhshoojesejegunemewaun keöozahwahbikoowunoon.