EXODUS 35 - Ottawa New Testament Penteteuch and Psalms 1874

¹ Moses dush oogemahwunzoomaun kuhkenuh enewh muhyahwunjeëdenejin Israel oonejahnesun, oo‐oo dush oogeënaun, Me suh oonoo ekedoowinun Jehovah kahezhekuhgaunzoongad, kenuhwah cheëzhechegayag.

² Ningoodwahsoogoon tahuhnookeem, uhpe dush ween neezh‐wahsookezhiguk tahkechetwah‐kezhigud, me suh ewh oodaunwabewine‐ahnuhmeäkezhigudoom owh Jehovah: ahwagwan ewh uhpe anookegwan tahnesah.

³ Kahween kegahbooduhwaseem kewegewaumewaung uhpe ahnuhmeäkezhiguk.

⁴ ¶ Moses dush oogeguhnoonaun kuhkenuh enewh muhyahwunjeëdenejin Israel oonejahnesun, oo‐oo keënaud, Me suh oo‐oo kahezhekuhgaunzoongad Jehovah, oo‐oo keëkedood.

⁵ Oodahpenuhmahzooyook magwaühyeëe emah uhyahyag ewh kapuhgedenuhmuhwag Jehovah: ahwagwanedoog kagate kaënanduhmoogwan, mahnoo oogahpeedoon, ewh pagedenuhmuhwaud Jehovahun; oozahweshooneyah, kuhya shooneyah, kuhya oozahwahbik.

⁶ Kuhya ewh wazhahwushquaug, kuhya ewh mahnaundag, kuhya ewh masquaug, kuhya wanezheshing puhpuhgewuhyahnegin, kuhya mesahboozoog oopewuhyewah.

⁷ Kuhya nahba‐mahnishtahnishewuhyahnug masquuhdesoonjig, kuhya missuhkuhkoojeeshewuhyahnug, kuhya shittim‐metig.

⁸ Kuhya pemeda cheöonjewahsuhkoonanjegang, kuhya menoomahgoochegunnn kaähbuhjetoong uhpe weöozhetoong noomenega‐pemeda, kuhya ewh manoomahgwuk menoomahgwahkezegun.

⁹ Kuhya onyx uhsineensug, kuhya uhsineensug kaühsindjig emah ephoding, kuhya emah asimeging.

¹⁰ Anduhchewaud dush egewh nebwahkahjig magwaühye e emah uhyahyag tahpeëzhahwug, oogahoozhetoonahwah dush kuhkenuh ewh Jehovah kahezhekuhgaunzoongad;

¹¹ Ewh puhpuhgewuhyahne‐ahnuhmeäwegummig, kuhya oonoo emah debandahgwukkin, ewh puhpuhgewuhyahnegummig, kuhya ewh uhgwuhnuhegun, enewh peendahbekesechegaunsun, kuhya egewh nuhbuhgesuhgoog, egewh metigoog bamedahkoosheminjig, enewh ahswahquuhegunun, kuhya enewh uhshoojesejegunun.

¹² Ewh muhkuk, kuhya enewh metigoonsun dabandahgwukkin emah, ewh shahwanjega‐uhgweduhbewin, kuhya ewh uhgwuhnuhegune‐kebuhgoojegun.

¹³ Ewh uhdoopoowin, kuhya enewh metigoonsun dabandahgwukkin emah, kuhya kuhkenuh enewh ahbuhjechegunun dabandahgwukkin emah, kuhya owh wahbunduhewawine‐buhquazhegun.

¹⁴ Ewh kuhya wahsuhkoonanjegunahbik cheöonjewahsuhkoonanjegang, kuhya enewh ahbuhjechegunun dabandahgwukkin emah, kuhya enewh wahsuhkoonanjegunun dabandahgwukkin emah, kuhya dush egoo ewh pemeda kaöonje-wahsuhkoonanjegang,

¹⁵ Kuhya ewh menoomahgwahkezegune‐sahsahgewejegunahbik, kuhya enewh metigoonsun dabandahgwukkin emah, kuhya ewh noomenega‐pemeda, kuhya ewh manoomahgwuk menoomahgwahkezegun, kuhya ewh kaühgoodag emah ishquaundaming anepeendegamoog ewh puhpuhgewuhyaune‐ahnuhmeäwegummig.

¹⁶ Ewh chahgeda‐sahsahgewejegune‐sahsahgewejegunahbik, kuhya dush egoo ewh oozahwahbikooühyeëe uhsuhbeeng azhenahgoochegahdag dabandahgwuk emah, enewh metigoonsun dabandahgwukkin emah, kuhya kuhkenuh enewh ahbuhjechegunun dabandahgwukkin emah, ewh kezebege‐oonahgun kuhya ewh emah oosidahwung,

¹⁷ Enewh uhgoobejegunun emah, menik wuhyahkahkenegahdag, enewh ahswahquuhegunun dabandahgwukkin emah, kuhya enewh uhshoojesejegunun dabandahgwukkin emah, kuhya ewh kaühgoodag emah ishquaundamewung ewh menik wuhyahkahkenegahdag.

¹⁸ Enewh suhgahquuhegunun emah puhpuhgewuhyahne‐ahnuhmeä‐wegummigoong, kuhya enewh suhgahquuhegunun emah ewh menik wuhyahkahkenegahdag, kuhya enewh pemenuhquaunun dabandahgwukkin emah.

¹⁹ Enewh uhgwuhnuhegunun uhyahbuhjetoong, kaähbuhjetoong emah kechetwahwandahgwuk, enewh kechetwah uhgwewinun kaühgwid Aaron owh sahsahgewejega‐wenene, kuhya enewh uhgwewinun kaühgwenid oogwissun, cheühnookewaud emah ooduhnookewining owh sahsahgewejega‐wenene.

²⁰ ¶ Kuhkenuh dush egewh muhyahwunjeëdejig Israel oonejahnesun emah uhyahnid Mosesun, keöonjemahjahwug.

²¹ Kepeëzhahwug dush, kuhkenuh egewh kazhawahjeuhyahjig, kuhya kuhkenuh egewh kagate kahenandungig, kepeetuhwahwaud enewh Jehovahun ewh puhgedenegawin kaöonjeuhnookahzoong emah puhpuhgewuhyaune‐ahnuhmeäwegummigoong emah anduhzhemahwunjeëding, kuhya kuhkenuh enewh kaähbuhjetoong emah, kuhya enewh kaähbuhjetoong uhpe oozhetoong enewh kechetwah uhgwewinun.

²² Kepeëzhahwug dush, enenewug kuhya equawug, menik egoo kagate kahenandungig, kepeedoowaud uhnaunun, kuhya nahbeshabezoonun, kuhya tetebeninjebezoonun, kuhya shooneyahwuhyeëen quanahjewungin, kuhkenuh oozahweshooneyah suhsagahchegun: kuhya anduhchewaud egewh enenewug kahpuhgedenegajig oogepuhgedenuhmuhwahwaun enewh Jehovahun ewh oozahwe‐shooneyah puhgedenegawin.

²³ Anduhchewaud dush egewh enenewug kahühyahmoowaud ewh wazhahwushquaug, kuhya ewh mahnaundag, kuhya ewh masquaug, kuhya wanezheshing puhpuhgewuhyaunegin, kuhya mesahboozoog‐oopewuhyewah, kuhya miskoonahba‐mahnishtahnishewuhyahnug, kuhya mesuhkuhkoojeeshewuhyaunug, oogepeedoonahwaun.

²⁴ Anduhchewaud egewh kahpuhgedenungig shooneyah kuhya oozahwahbik oogepeeduhwahwaun enewh Jehovahun ewh puhgedenegawin: kuhya anduhchewaud egewh enenewug, kahuhyahwahwahjin shittimmetigoon enewh uhnooj kaënahbuhjeëmindebun emah uhnookewining, oogepeedoonahwah.

²⁵ Kuhkenuh kuhya egewh equawug nabwahkahjig kebemuhtaëgawug ooninjewaun keühyoowaud, oogepedoonahwah dush ewh kahbemuhtaühmoowaud, ewh wazhahwushquaug, kuhya ewh mahnaundag, ewh masquaug, kuhya ewh wanezheshing puhpuhgewuhyahnegin.

²⁶ Kuhkenuh dush egewh equawug kahwuhjape‐ühnookejig oogebemuhtaähnahwah mesahboozoopewuhy.

²⁷ Kuhya egewh wagemahwejig oogepenahwaun onyx uhsineensun, kuhya uhsineensun cheühsemind, emah ephoding, kuhya emah asimeeging;

²⁸ Kuhya menoomahgoochegun, kuhya pemeda kaöonje-wahsuhkoonanjegang, kuhya kaühyoong oozhetoong ewh noomenega‐pemeda, kuhya ewh manoomahgwuk menoomahgoochegun.

²⁹ Israel oonejahnesun oogepeduhwahwaun enewh Jehovahun, kagate enanduhmoowaud, ewh puhgedenegawin, anduhchewaud egewh enenewug kuhya equawug, kagate egoo kahenandungig chepeedoowaud uhnooj egoo gagoo kaühnookahzoong, ewh Jehovah kahkuhgaundwad cheöozhetoong keguhnoonaud Mosesun.

³⁰ ¶ Moses dush oo‐oo oogeënaun Israel oonejahnesun, Benuh, Jehovah oogenundoomaun kewenaud Bezaleelun oogwissun owh Uri, oogwissun owh Hur, dabandahgoozid emah Judah oodenoodawezewining;

³¹ Oogeënahkoonaun dush chemooshkenashkahgoonid Kesha‐Muhnedoo oojechaugwun, nebwahkahwining, nesedootahgawining, kuhya kekandahsoowining, kuhya chekushketoonid uhnooj egoo cheënuhnookenid;

³² Kuhya chemekuhwahshetood muhyahmuhkahdandahgwukkin uhnookewinun, chemekemaud oozahweshooneyaun, kuhya shooneyaun, kuhya oozahwahbik,

³³ Kuhya taushkahbekuhoondwah uhsineensug, cheöozheshemaud, kuhya uhnooj ezheguhoond metig, uhnooj egoo muhyahmuhkahdandahgwuk uhnookewin chemekindung.

³⁴ Oogepuhgedenuhmuhwaun kuhya chekekenooühmahganid, ween, kuhya Aholiabun, oogwissun owh Ahisamach, dabandahgoozid emah Dan oodenoodawezewining.

³⁵ Keënahkoonega enewh chemooshkenashkahgoonid nebwahkahwin, uhnooj cheühyenuhnookenid, anuhnookeed owh manzenekoojegad, kuhya owh wajape‐uhnookeed, kuhya owh manzenishtuhegad, emah ewh wazhahwushquahnig, kuhya ewh mahnaundanig, ewh masquahnig, kuhya emah puhpuhgewuhyahneginoong wanezheshenenig, kuhya owh bamedahbeginegunekad, egewh suh goo uhnooj ayenuhnookejig, kuhya egewh makuhwahshetoojig muhyahmuhkahdandahgwuk uhnookewin.