EXODUS 34 - Ottawa New Testament Penteteuch and Psalms 1874

¹ Jehovah dush oo‐oo oogeënaun enewh Mosesun, Taushkahbekuhuhmahzoon neezh uhsine‐tasahbikoon nahsaub enewh netum kahezhenahgwukkin: ningahoozhebeäunun dush emah tasahbikoong enewh ekedoowinun kahuhyahge-buneen emah tasahbikoong netum kahuhyahmun, enewh kahbegwuhuhmun.

² Oozhetaun dush uhpe kekezhabahwuhguk, kuhya beöogedahkewan uhpe kekezhabahwuhguk emah Sinai wuhjewing, mahnoo dush kegahwahbuhmin emah oogij wuhjewh.

³ Kah dush uhweyuh enene kegahbeweejewegoose, kag kuhya uhweyuh enene tahwahbuhmahse ingooje emah wuhjewing; kagoo kuhya egewh mahnishtahnishug kuhya egewh pezhekewug tahwesenesewug emah anahsuhmesing ewh wuhjewh.

⁴ ¶ Oogetaushkahbekuhwaun dush neezh uhsine‐tasahbikoon nahsaub enewh netum kahezhenahgwukkin; Moses dush kekezhab keöonishkah, Sinai wuhjewing dush keëzheoogedahkewad, kahezhekuhgaunzoomegood egoo enewh Jehovahun, oogetuhkoonaunun dush enewh neezh uhsine‐tasahbekoon.

⁵ Jehovahun dush kenaunzhewun emah ahnuhquudoong, keweejegahbuhwetahgood dush emah, kuhya keweenduhmene ewh oodezhenekahzoowin ewh Jehovah.

⁶ Jehovahun dush kebemesawun emah anahsuhmeühyaud, oo‐oo dush keëzhepepahgewun, Owh Jehovah, Owh Jehovah Kesha‐Muhnedoo, kademahganjegad kuhya shawanjegad, zahbishkahjegedahzood, kuhya wanzahmenuhdenig ookezhawahdezewin, kuhya oodabwawin.

⁷ Ganuhwanduhmuhwaud shahwanjegawin nebewun duhswauk, wuhyabenuhmahgad mujje‐ëzhechegawin, mujje‐doodahgawin kuhya pahtahzewin, kuhya kuhnuhga kapoonane-mahsig enewh maje‐ëzhewabezenejin; nuhyaunzekuhmuhwaud oomujje‐ezhewabezewinewaun egewh wayooseminjig oonejahnesewaun, kuhya egewh wanejahneseminjig oonejahnesewaun, nuhnaunzh egoo nesing kuhya newing cheuhneähneka‐bemahdezewaud.

⁸ Moses dush kewawebetah, kenuhwuhgequanid dush uhkeeng enuhkuhkayah, kuhya keshuhgushketaud.

⁹ Oo‐oo dush keëkedoo, Kishpin suh manwandahgoozewaunan emah anahsuhmeyun, O Tabaningayun, mahnoo owh tabanemid, kepuhgoosanemin, ningahweejewegoonaun; egewh mahween ahwewug egewh ahnishenahbag mashkuhwindebajig; kuhya dush ahbwayanemeshenaum kemujjeeëzhewabezeyaung kuhya kepahtahzeyaung, kuhya oodahpeneshenaum chetebanemeyaung edush.

¹⁰ ¶ Oo‐oo dush keëkedoowun, Benuh newahweenduhmahga: emah anahsuhmewaud kuhkenuh kedahnishenahbamug ningahmuhmaundahwechega, wekah nahsaub kahezhechegaseeng mezewa uhkeeng, kuhya emah uhyahwaud uhnooj azheweenzoojig ahnishenahbag: kuhkenuh dush egewh ahnishenahbag wahjewudjig oogahwahbundahnahwah Jehovah ooduhnookewin: kootahmegwud mahween ewh kadoodoonaun.

¹¹ Guhnuhwandun ewh azhekuhgaunzoomenaun noongoom kezheguk: benuh, nesahgejenaunzhuhwah anahsuhmeyun owh Amorite, kuhya owh Canaanite kuhya owh Hittite, kuhya owh Perizzite, kuhya owh Hivite, kuhya owh Jebusite.

¹² Aungwahmezin, gagoo cheëzhewahweenduhmuhwahsewudwah egewh anduhnuhkeejig emah uhkeeng azhahyun, cheöonjenuhgwahnegoosewun dush nahwuhyeëe emah uhyahyun:

¹³ Kegahbuhnahjetuhmuhwahwaug dush ween enewh oosahsahgewejegun‐ahbekoomewaun, kegahpegwuhuhmuhwahwaug enewh oomuzzenenemewaun, kuhya kegahguhwuhuhmuhwahwaug enewh oometigoomewaun:

¹⁴ Kah mah ahweyah bakahnezid muhnedoo kegahahnuhmeätuhwahsewah: owh mahween Jehovah, Kahzhahwanje-gashkazhenekahzood, ahwe owh kazhahwanjegashkid Kesha‐Muhnedoo:

¹⁵ Gagoo dush cheëzhewahweenduhmuhwahsewudwah egewh anduhnuhkeejig emah uhkeeng, kuhya egewh pashegwahdezingin cheühyindooduhwahsigwah enewh oomuhnedoomewaun, kuhya chesahsahgewenahsigwah enewh oomuhnedoomewaun, ahweyah dush chenundoomesenoog, chemejesewun dush ewh suhyahsahgewejegad;

¹⁶ Kuhya cheöodahpenuhmuhwahsewudwah oodaunewaun kegwissun oonje, enewh dush oodaunewaun peshegwahdezewining uhyindooduhwahnid enewh oomuhnedoomewaun, chekushkeähsenig kegwissun peshegwahdezewining cheühyindooduhwahnid enewh oomuhnedoomewaun.

¹⁷ Kahween kegahoozhetuhmahzoose ahweyah nangahbekezoond muhnedoo.

¹⁸ ¶ Ewh wambesejegahzoosig‐buhquazhegune‐wekoondewin kegahguhnuhwandaun. Neenzhwahsoogoon kegahaumwah wambesejegahzoosig buhquazhegun, kahezhekuhgaunzoomenaun egoo, uhpe uhgoojing owh Abib keezis: uhpe mahween agoojing owh Abib keezis Egypting kegeöonjesahguhaum.

¹⁹ Kuhkenuh enewh wanjepahkahkooshkaug ewh oopuhyowemah neen nindebandahnun; kuhya anduhchewaud egewh netumoonzhahnug emah uhyahwaud keduhwuhkaunug, pazhekewewahgwan gamah kuhya muhyahnishtahneshewewahgwan, nuhyahbaühyuhahwejig.

²⁰ Onetumoonzhahnun dush ween owh mamaungesha kegahkeeshpenuhnah mahnishtahnesheens mashquud chepuhgedenud: kishpin dush keeshpenuhnahsewud, me suh chebookoogwaguhnahmud. Kuhkenuh menik natumoonzhahnewewaud kegwissug kegahkeeshpenuhnaug. Kahween kuhya ahweyah pezheshig tuhnahgoozese emah anahsuhmeyaun.

²¹ ¶ Ningoodwahsoogoon kegahuhnooke, uhpe dush ween neenzhwahsookezhiguk kegahaunwab: uhpe koo pemeboojegang kuhya, kuhya uhpe koo keeshkushkezhegang kegahaunwab.

²² ¶ Kegahguhnuhwandaun kuhya ewh ahnuhmeäkezhigudoo‐wekoondewin, ewh uhpe suhguhkenind owh netum kahzhegid buhquazhegunushk kaushkushkezhegangin, kuhya ewh wekoondewin uhpe paundegayahwuhjegayagoon uhpe zhegwuh wahishquahsamuhgukkin ewh kekenoonoowin.

²³ ¶ Nesing ewh ningoo kekenoonoowin kuhkenuh kequewezansemewaug tahpeëzhahwug emah anahsuhmeühyaud Jehovah Kesha‐Muhnedoo, Israel oo‐Kesha‐Muhnedoomun.

²⁴ Ningahsahgejewabenaug mahween egewh ahnishenahbag anahsuhmeyun, kuhya ningahmechahtoon kedinduhnuhkewin: kahween kuhya ahweyah enene oogahnunduhwandunseen keduhkeem, uhpe ezhahyun emah anahsuhmeühyaud Jehovah ke‐Kesha‐Muhnedoom nesing ewh ningoo kekenoonoowin.

²⁵ Kahween kegahduhgoosahsahgewejegaseen oombesejegun, uhpe suhyahsahgewejegayunin ewh misque nesahsahgewejeguning wanzekahmuhguk; kahween kuhya ewh sahsahgewejegun ayahming uhpe kuhbekoosa‐wekoonding tahuhtasenoon nuhnaunzh egoo chewahbung.

²⁶ Ewh netum kahzheging keduhkeeming sahgukenuhming kegahezhewedoon emah oowegewauming owh Jehovah ke‐Kesha‐Muhnedoom. Kahween kegahguhbahshemahse mesahboozoons emah oodoodooshahboomening oogeen.

²⁷ Jehovah dush oo‐oo oogeënaun enewh Mosesun, Oozhebeün oonoo ekedoowinun: azhesingin mahween oonoo ekedoowinun kegeöozhetuhmoon ewh wahweenduhmahdewin azhewahweenduhmoonaun kuhya Israel.

²⁸ Oogeweejewaun dush emah enewh Jehovahun nemeduhnuh dussoogoon kuhya nemeduhnuh dussoo tebik; kahween oogeäumwahseen buhquazhegunun, kahween kuhya oogemenequaseen nebe. Oogeöozhebeäunun dush emah tasahbekoong enewh wahweenduhmahdewine‐ekedoowinun medahswe kuhgequawinun.

²⁹ ¶ Kepuhggummeähyahmuhgud dush, uhpe Moses nahsahkewad Sinai wuhjewing, enewh neezh debahjemoowine tasahbekoon Moses minjemenung, uhpe nahsahkewad wuhjewing, Moses kekekandunsig kewahsayeengwad magwah kekuhkuhnoonaud.

³⁰ Uhpe dush Aaron kuhya kuhkenuh Israel oonejahnsun wuhyahbuhmahwaud Mosesun, benuh, kewahsayeengwawun; kesagezewug dush pashoo chenaunzekuhwahwaud.

³¹ Moses dush oogenundoomaun; Aaron dush kuhya kuhkenuh egewh wagemahkunduhwahjig enewh muhyahwunjeëdenejin nayaub oogeëzhahnahwaun: Moses dush oogeguhnoonaun.

³² Bahmah dush kuhkenuh Israel oonejahnesun pashoo keëzhahwun: oogeëzhekuhgaunzoomaun dush kuhkenuh kahuhyegoopun Jehovahun emah Sinai wuhjewing.

³³ Nuhnaunzh dush egoo Moses keïshquahguhnoonaud, keühgweengwabezoo.

³⁴ Uhpe dush ween Moses paundegad emah anahsuhme uhyahnid Jehovahun weguhnoonaud, oogekeechegoonaun ewh uhgweengwabezoon, nuhnaunzh egoo kebesahguhung, Kesahguhum dush oogeweenduhmuhwaun dush Israel oonejahnesun ewh kahezhekuhgaunzoomind.

³⁵ Egewh dush Israel oonejahnesun oogewahbundahnahwah Moses oodangwuhy, ewh kewahsayeengwanid Mosesun: Moses dush menuhwah oogeühyoon ewh uhgweengwabezoon oodangwuhying, nuhnaunzh egoo kepeendegad cheguhnoonaud.