EXODUS 31 - Ottawa New Testament Penteteuch and Psalms 1874

¹ Jehovah dush oogeguhnoonaun enewh Mosesun, oo‐oo keënaud,

² Benuh, ningeweenah Bezaleel oogwissun owh Uri, oogwissun owh Hur, emah dabandahgoozid Judah oodenoodawezewining:

³ Ningeënahkoonah dush chemooshkenashkahgood Kesha‐Muhnedoo oojechaugwun, emah nebwahkahwining, kuhya nesedootuhmoowining, kuhya kekandahsoowining, kuhya uhnookewining uhnooj anandahgwuk,

⁴ Chenebwahkahwuhnookeed, cheühnookeed uhwaud oozahweshooneyaun, kuhya shooneyaun, kuhya oozahwahbik,

⁵ Kuhya mookoonaud uhsineensun, cheöozheshemaud, kuhya keeshkuhoondwah metigoog, uhnooj egoo uhnookewin chemekindung.

⁶ Benuh dush neen egoo ningemeenah chewedookahgood enewh Aholiabun, oogwissun owh Ahisamach, dabandahgoozid emah Dan oodenoodawezewining: kuhya emah oodaëwaung kuhkenuh egewh nabwahkahjig ningeühtoon nebwahkahwin, cheöonjeöozhetoowaud kuhkenuh ewh kahezhekuhgaunzoomenaun:

⁷ Ewh puhpuhgewuhyahne‐ahnuhmeäwegummig emah kaduhzhemahwunjeëding, kuhya owh debahjemoowine‐mukkuk, kuhya ewh shahwanjega‐uhgweduhbewin oogejuhyeëe emah azhesing, kuhya kuhkenuh enewh uhyahbuhjetoongin emah puhpuhgewubyahne‐ahnuhmeä‐wegummegoong.

⁸ Kuhya ewh uhdoopoowin kuhya enewh uhyahbuhjetoongin emah, kuhya ewh wanezheshing wahsuhkoonanjegun‐ahbik kuhya kuhkenuh enewh uhyahbuhjetoongin emah, kuhya ewh menoomuhgwahkezegune‐sahsahgewejegun‐ahbik,

⁹ Kuhya ewh chahgeda‐sahsahgewejegune‐sahsahgewejegunahbik kuhya kuhkenuh enewh uhyahbuhjetoongin emah, kuhya ewh kezebege‐oonahgun kuhya ewh emah oosidahwung.

¹⁰ Kuhya enewh uhgwuhnuhegunun uhyahbuhjetoongin, kuhya enewh ookechetwahahgwewinun owh Aaron owh sahsahgewejegawenene kuhya enewh ooduhgwewinene enewh oogwissun, cheühnookewaud emah ooduhnookewining owh sahsahgewejegawenene,

¹¹ Kuhya ewh noomenega‐pemeda, kuhya ewh manoomahgwuk menoomahgwahkezegun kadebandahgwuk emah kechetwahwandahgwuk: nahsaub suh goo kuhkenuh kahezhekuhgaunzoomenaun tuhezhechegawug.

¹² ¶ Jehovah dush oogeguhnoonaun enewh Mosesun, oo‐oo keënaud,

¹³ Kuhnoonzh dush kuhya Israel oonejahnesun, oo‐oo cheënudwah, Nindahnuhmeäkezhigudoomun ahbedakummig kegahguhnuhwandahnahwaun: me mahween ewh kekenuhwahjechegun nesuhwuhyeëe atag enandahgwuk emah uhyahyaun kuhya emah uhyahyag menik kaneähnekabemahdezeyag; chekekanduhmag dush ewh Jehovah ahweyaun, owh pahneënag.

¹⁴ Kegahguhnuhwandahnahwah suh dush ewh ahnuhmeäkezhig; me mahween ewh kakechetwahwanduhmag: anduhchewaud egewh banahjetoojig ahbedakummig tuhnesahwug: ahwagwan mahween anookegwan ewh uhpe, owh egoo tahnesah magwaühyeëe emah uhyahnid oodahnishenahbamun.

¹⁵ Ningoodwahsoogoon tahuhnookeem; uhpe dush ween neenzhwahsookezhiguk me ewh unwabewine‐ahnuhmeäkezhegud ewh kachetwahwandung Jehovah: ahwagwan anookegwan uhpe ahnuhmeäkezhigudenig, ahbedakummig tuhnesah.

¹⁶ Oogahguhnuhwandahnahwah suh dush Israel oonejahnesun ewh ahnuhmeäkezhegud, cheguhnuhwanduhmoowaud ewh ahnuhmeäkezhigud menik kaneähnekabemahdezewaud, kah genig dush cheduhgoomuhguk ewh wahweenduhmahgawin.

¹⁷ Me suh ewh kekenuhwahjechegun kahgenig atamuhguk enandahgwud nesuhwuhyeëe emah uhyahyaun kuhya emah uhyahwaud Israel oonejahnesun: ningoodwahsoogoon mahween Jehovah oogeduhzhekaun keöozhetood gezhig kuhya uhke, uhpe dush naunzhwahsookezhegudenig keünwabe, kuhya keünwashemoonoo.

¹⁸ Oogemeenaun dush Mosesun, uhpe kahishquahguhkuhnoonaud emah Sinai wuhjewing, neezh debahjemoowine tasahbikoon, uhsine‐tasahbikoon, wazhebeëgahdagin Kesha‐Muhnedoo ooninj keühyood.