EXODUS 30 - Ottawa New Testament Penteteuch and Psalms 1874

¹ Kegahoozhetoon dush sahsahgewejegun‐ahbik emah dush chemenoomahgwahkezegayun: shittim metig kegahahbuhjeäh oozhetooyun.

² Ningoodoonik tahuhquahmuhgud, kuhya ningoodoonik tahenegookoodayahmuhgud; tahooshuhshuhwayah: neezhoonik kuhya tahuhpetahmuhgud; enewh emah oodashkunemuhguk nahsaub tahoonjeöozhechegahdawun.

³ Kegahoozahweshooneyahkahdaun dush wanezheshid oozahweshooneyah cheühwud, emah oogijuhyeëe, kuhya emah oopemaühyeëe kewetahuhyeëe, kuhya emah oodashkunewung; kegahoozhetoon dush emah kadebandahgwuk oozahweshooneyah‐suhzagahchegun washuhshuhwayaug kewetahuhyeëe kaëzhesing.

⁴ Neezh dush oozahweshooneyah‐wahweyayahbikudoon kegahoozhetoonun emah kadebandahgwukkin uhnahmuhyeëe emah suhzagahchegahdag, cheguhyeëe emah neezhing ezhenayaug, emah neenzhing ezheöopemaühyeëewung kegahoozhetoonun; me dush emah kaëzhesingin enewh metigoonsun kaöonjebemewejegahdag.

⁵ Shittim‐metig dush kegahahbuhjeäh oozhetooyun enewh metigoonsun, kuhya kegahoozahweshooneyahkahdaunun.

⁶ Kegahuhtoon dush emah anahsuhmuhgoodag ewh kebuhgoojegun cheguhyeëe debahjemoowine‐muhkuhkoong atag, emah anahsuhmesing ewh shahwanjega‐uhgweduhbewin oogij‐debahjemoowining atag, me emah kanuhquashkoonaun.

⁷ Aaron dush emah oogejuhyeëe oogahchahgezaun ewh manoomahgwuk menoomahgwahkezegun andussookekezhabahwuhguk: uhpe wawazhesedoojin enewh wahsuhkoonanjeguuun, tahmenoomahgwahkezega emah.

⁸ Uhpe kuhya Aaron sakuhungin enewh wahsuhkoonanjegunun wanahgooshegin, tuhmenoomahgwahkezega emah, ewh menoomahgwahkezegun kahgenig kachahgezuhming anahsuhmeühyaud Jehovah menik kaneähnekabemahdezeyag.

⁹ Kahween gagoo muhyugge‐menoomahgwahkezegun kegahpuhgedenunzenahwah oogijuhyeëe emah, kahween kuhya chahgeda‐sahsahgewejegun, kahween kuhya meejime‐puhgedenegun; kahween kuhya kegahsegenunsenahwah menequawine‐puhgedenegun oogijuhyeëe emah.

¹⁰ Aaron dush tahsahsahgewejega weähbwayanemegooyag, emah oodashkunewung ningooding ewh ningoopepoon, ewh misque cheühyood dabandahgwuk emah mujje‐ezhewabezewine‐puhgedeneguning ewh wanjeähbwayanemegooyag; ningooding ewh ningoopepoon, emah tahsahsahgejewejega weähbwayanemegooyag menik kaneähnekabemahdezeyag: ahpeche ewh ookechetwahwandaun Jehovah.

¹¹ ¶ Jehovah dush oogeguhnoonaun enewh Mosesun, oo‐oo keënaud,

¹² Uhpe wekekanemudwah Israel oonejahnesun anduhchewaud, me suh anduhchewaud egewh enenewug chemenahwaud enewh Jehovahun ewh kaöonjekeeshpenuhnahwaud oojechaugoowaun, uhpe uhgemudwah; cheduhgoomuhgussenoog dush nah gagoo mahnahdahpenawin magwaühyeëe emah uhyahwaud, uhpe uhgemudwah.

¹³ Me suh oo‐oo kameegewawaud, anduhchewaud egewh ageminjig, papazhig ahbetuh shekel, me owh shekel tabuhegang awind emah kechetwah‐wegewauming: (owh shekel neeshtuhnuh gerahug uhpetandandahgooze:) ahbetuh shekel suh tahpuhgedenuhmuhwah Jehovah.

¹⁴ Ahduhchewaud egewh ageminjig, neshtuhnuhandussoo-pepoonuhgezejig, egewh dush kuhya nuhwuj kacheähneshenahbawejig, oogahmenahwaun Jehovahun ewh meegewawin.

¹⁵ Egewh wuhyahnuhdezejig kahween uhwahshema tahmeegewasewug, kuhya egewh kademahgezejig kahween nuhwuj punge tahmeegewasewug ewh dush ahbetuh shekel, uhpe meenahwaud Jehovahun ewh meegewawin, cheöonje‐ahbwayanemindwah kejechaugoowaug.

¹⁶ Kegahoodahpenuhmuhwaug dush Israel oonejahnesun enewh ahbwayaninga‐shooneyaun, kegahenahkoonah dush owh cheühnookahzoong emah puhpuhgewuhyahne‐ahnuhmeäwegummegoong emah koo anduhzhe mahwunjeëding; ewh dush nah chemequanduhmoowaud Israel oonejahnesun anahsuhmeühyahnid Jehovahun, wanjeahbwayanememindwah kejechaugoowaug.

¹⁷ ¶ Jehovah dush oogeguhnoonaun enewh Mosesun, oo‐oo keënaud,

¹⁸ Kegahoozhetoon dush kuhya kezebege‐oonahgun, oozahwahbik cheühyooyun oozhetooyun, kuhya dush ewh emah oosidahwung oozahwahbik kegahuhyoon, cheöonjekezebegeeng: kegahuhtoon dush nesuhwuhyeëe emah uhtag ewh puhpuhgewuhyahne‐ahnuhmeäwegummig emah koo anduhzhemahwunjeëding kuhya ewh sahsahgewejegunahbik, kuhya nebe kegahuhtoon emah.

¹⁹ Aaron mahween kuhya enewh oogwissun tuhkezebegeninjewug kuhya tahkezebegezedawug emah;

²⁰ Uhpe paundegawahjin emah puhpuhgewuhyahne‐ahnuhmeäwegummegoong emah koo anduhzhemahwunjeëding, tahkezebegewug, cheneboosigwah dush nah; gamah kuhya uhpe pazhoo nuhyaunzekuhmoowahjin ewh sahsahgewejegnu-ahbik cheühnookewaud, chechahgezuhmoowaud ewh pagedenuhmuhwind Jehovah ishkooda uhyoong:

²¹ Me suh chekezebegeninjewaud kuhya chekezebegezedawaud, cheneboosigwah dush nah: me dush oo‐oo kaöodenahkoonegawinewaud kahgenig, ween egoo kuhya enewh oonejahnesun menik kaneähnekabemahdezewaud.

²² ¶ Menuhwah dush egoo Jehovah oogeguhnoonaun enewh Mosesun oo‐oo keënaud,

²³ Oodahpenuhmahzoon dush kuhya nahgahnandahgwukkin menoomahgoochegunun, ewh wanezheshing myrrh naunwauk dussoo shekel menik, kuhya owh manoomahgoozid misquuhnuhgak ahbetuh ewh menik, neezhwauk suh goo uhshe nahnemeduhnuh dussoo shekel, kuhya ewh manoomahgwuk calamus neenzhwauk uhshe nahnemeduhnuh dussoo shekel menik,

²⁴ Kuhya cassia naunwauk dussoo shekel menik me owh shekel tabuhegang uhyahbuhjeïnd kechetwah wegewauming, kuhya metigoo‐pemeda pazhig hin menik:

²⁵ Kegahoozhetoon dush ewh pemeda kechetwah noomenegun, ewh noomenegun muhyahgooguhnaunjegahdag azheühnookeed owh manoomahgwudenegin pemedan mahkindung: ewh kechetwah noomenega‐pemeda tahahwun ewh.

²⁶ Ewh dush kegahoonjenoomenaun ewh puhpuhgewuhyahne‐ahnuhmeäwegummig emah koo anduhzhemahwunjeëding, kuhya ewh debahjemoowine‐mukkuk,

²⁷ Kuhya ewh uhdoopoowin kuhya kuhkenuh enewh oodahbuhjechegunun, kuhya ewh wahsuhkoonanjegun‐ahbik kuhya enewh oodahbuhjechegunun kuhya ewh menoomahgwahkezegune‐sahsahgewejegunahbik,

²⁸ Kuhya ewh chahgeda‐sahsahgewejegune‐sahsahgewegunahbik kuhya kuhkenuh enewh oodahbuhjechegunun, kuhya ewh kezebege‐oonahgun kuhya ewh emah oosidahwung.

²⁹ Kegahkechetwahwetoonun dush, cheahpechekeche-twahwandahgwukkin dush nah: wagoodoogwan edoog kadaungesenoogwan emah tahkechetwahwandahgwud.

³⁰ Kegahnuhmuhkoonah dush Aaron kuhya enewh oogwissun, kuhya kegahkechetwahweäug, cheühnooketuhwewaud dush emah ooduhnookewining owh sahsahgewejega‐wenene.

³¹ Kegahguhnoonaug dush Israel oonejahnesun, oo‐oo cheënudwah, Me suh oo‐oo kachetwahwandahgwuk kaöonoo-menenega‐pemedameyaun menik kaneähnekabemahdezeyag.

³² Enene oozhuhguhuhying kahween tuhsegenegahdasenoon, kahween kuhya kegahoozhetoosenahwah bakahnuk nahsaub oo‐oo azhenahgwuk, azhechegahdag suh goo: kechetwahwandahgwud suh, kuhya dush kegahkechetwahwandahnahwah.

³³ Ahwagwan kaneguhwenegagwan oo‐oo oozhetood nahsaub e‐ewh azhenahgwuk, gamah ahwagwan atuhmuhwah gwan punge ewh enewh mayuggezenejin emah ooweyowening, tahnishwuhnahjeäh goo emah uhyahnid oodahnishenahbamun.

³⁴ ¶ Jehovah dush oo‐oo oogeënaun enewh Mosesun, Oodahpenuhmahzoon manoomahgwukkin menoomahgoochegunun, stacte, kuhya onycha, kuhya galbanum; oonoo manoomahgwukkin menoomahgoochegunun kuhya dush ewh wanezheshing menoomahgwahkezegun: papazhig dadebishkoo tahuhpetenegwudoon:

³⁵ Kegahoozhetoon dush ewh manoomahgwuk, muhyahgooguhnaunje nahsaub azheühnookeed owh mahkindung menoomahgoochegunun, ewh kaneguhwenegahdag, ewh pahnuk kuhya kachetwahwahdahgwuk:

³⁶ Ahnind dush ewh kegahpeseguhnaundaun, kuhya keguhuhtoon emah anahsuhmesing ewh debahjemoowin emah puhpuhgewuhyahne‐ahnuhmeä‐wegummegoong emah koo anduhzhemahwunjeëding, emah kanuhquashkoonaun: ahpeche kegahkechetwahwandahnahwah.

³⁷ Ewh dush ween manoomahgwuk kaöozhetooyun, kahween kegahoozhetuhmahzooseem nahsaub egoo azhekeneguh-wenuhming: kegahkechetwahwanduhmuhwah ewh owh Jehovah.

³⁸ Ahwagwan kaöozhetoogwan nahsaub ewh azhenahgwuk cheöonjemenaundung, tahnishwuhnahjeäh goo emah uhyahnid oodahnishenahbamun.