EXODUS 3 - Ottawa New Testament Penteteuch and Psalms 1874

¹ Moses dush oogeguhnuhwanemaun oomahnishtahnishemene Jethroün, enewh oozhenisun, owh Midian duhzhe sahsahgewejega‐wenene, oogeëzhewenaun dush enewh mahnishtahnishun noopemeeng enuhkuhkayah buhgwuhduhkummig, keduhgwishing dush Kesha‐Muhnedoo oowahjewing, Horebing.

² Oogewahbuhmaun dush Jehovah oodangenemun emah misqwuhkoonanig metigoosun: keënahbe dush, benuh dush, owh metigoons kechahgezoo, kah dush ween owh metigoons kechahgahkezoose.

³ Moses dush oo‐oo keëkedoo, Ningahbuhkagahbowh, ninguhwahbundaun dush oo‐oo keche‐ezhenuhmoowin, wanjechahgahkezoosig owh metigoons.

⁴ Uhpe dush Jehovahun wuhyahbuhduhmenid ewh kebuhkagahbuhwid chewahbunjegad, Kesha‐Muhnedoon magwakoob oogeöonjebebahgemegoon, oo‐oo keëgood, Moses, Moses. Oo‐oo dush keëkedoo, Oomah ninduhyah.

⁵ Oo‐oo dush keëkedoowun, Kagoo pashoo peëzhahkan; keduhkezenan, ewh mahween emah nebuhweyun, kachetwahwandahgwuk uhkee ahwun.

⁶ Oo‐oo dush kuhya keëkedoowun, Neen suh nindow oo‐Kesha‐Muhnedoomun koos, oo‐Kesha‐Muhnedoomun Abraham, oo‐Kesha‐Muhnedoomun Isaac, kuhya oo‐Kesha‐Muhnedoomun Jacob. Moses dush oogekahdon oodangwuhy; kesageze mah cheguhnuhwahbuhmaud Kesha‐Muhnedoon.

⁷ ¶ Jehovah dush oo‐oo keëkedoo, Kagate ningewahbundaun ookooduhgetoowinewah nindahnishenahbamug Egypting ayahjig, kuhya ningenoondaun ookooduhgetahgoozewinewah oonje enewh ooduhnooke‐oogemahmewaun; ninkekandaun mah ookushkanduhmoowinewaun;

⁸ Ninpeëzhah dush cheëkoonugwah emahooninjening enewh Egyptianun, kuhya chesahgejewenugwah emah uhkeeng cheëzhewenugwah dush uhkeeng wanesheshing kuhya machaug, emah uhkeeng anduhne‐jewung ewh doodooshahboo kuhya ahmoo‐sinzebahquud: emah duhnuhkewaud egewh Canaanitug, kuhya egewh Hittitug, kuhya egewh Amoritug, kuhya egewh Perizzitug, kuhya Hivitug, kuhya egewh Jebusitug.

⁹ Benuh suh dush, ookooduhgetahgoozewinewah Israel oonejahnesun nindoödissegoon; kuhya dush ningewahbundaun ewh kooduhgetoowin azhekooduhjeëgoowaud enewh Egyptianun.

¹⁰ Umba suh dush, kegahezhenaunzhuhoon emah uhyaud owh Pharaoh, chesahgejewenudwah dush nah nindahnishenahbamug, oonejahnesun owh Israel, emah Egypting.

¹¹ ¶ Oo‐oo dush Moses oogeënaun enewh Kesha‐Muhnedoon, Ahwanan suh neen kanaunzekuhwugebun owh Pharaoh kuhya kasahgejewenugwahbun oonejahnesun owh Israel emah Egypting?

¹² Oo‐oo dush keëkedoowun, Ahbedakummig kegahwejewin; medush oo‐oo kekenuhwahjechegun kaöonjekekanduhmun keühnoonenaun: Uhpe kebesahgejewenudwah egewh ahnishenahbag emah Egypting, keguhbuhmeetuhwahwah Kesha‐Muhnedoo oomah wuhjewing.

¹³ Moses dush oo‐oo oogeënaun enewh Kesha‐Muhnedoon, Benuh, uhpe oodissugwah Israel oonejahnesun, oo‐oo dush enugwah, Oo‐Kesha‐Muhnhdoomewaun koosewahbuneeg ningeëzhenaunzhuhoog emah uhyahyag; oo‐oo dush ezhewaud, Ahneen azhenekahzood? ahneen kaënugwah?

¹⁴ Kesha‐Muhnedoo dush oo‐oo oogeënaun enewh Mosesun, Neen nindow uhyahweyaun: oo‐oo dush keëkedoo, oo‐oo suh keguhezhekuhnoonaug oonejahnesun owh Israel, Neen nindow ningeëzhenaunzhuhoog emah uhyahyag.

¹⁵ Oo‐oo dush menuhwah Kesha‐Muhnedoo oogeënaun enewh Mosesun, Oo‐oo suh kegahezheguhnoonaug oonejahnesun owh Israel, Jehovah oo‐Kesha‐Muhnedoomewaun koosewahbuneeg, oo‐Kesha‐Muhnedoomun Abraham, oo‐Kesha‐Muhnedoomun Isaac, kuhya oo‐Kesha‐Muhnedoomun Jacob, ningeëzhenaunzhuhoog emah uhyahyag: mesuh oo‐oo azhenekahzooyaun kahgegakummig mesuh oo‐oo kuhya kaöonje-mequanemewaud kuhkenuh kaneähnekabemahdezejig.

¹⁶ Ahwemahwunzoom suh egewh kache‐ahnishenahbawejig emah Israeling, oo‐oo dush ezheh, Jehovah Oo‐Kesha‐Muhnedoomewaun koosewahbuneeg, oo‐Kesha‐Muhnedoomun Abraham, Isaac, kuhya Jacob ningewahbuhmah, oo‐oo dush ningeïg, Kagate kegemuhwuhdesenim, kuhya ningewahbundaun andoodahgooyag Egypting.

¹⁷ Oo‐oo dush ningeëkid emah Egypting kegahoonjesahgejewenenim emah kooduhgetooyag, keguhezhewenenim dush emah ooduhkemewaung egewh Canaanitug, kuhya egewh Hittitug, kuhya egewh Amoritug, kuhya egewh Perizzitug, kuhya egewh Hivitug, kuhya egewh Jebusitug, emah uhkeeng anduhnejewung doodooshahboo kuhya ahmoo‐seenzebahquud.

¹⁸ Keguhbezindahgoog dush: keen dush kuhya egewh kache‐ähnishenahbawejig emah Israeling, kegahezhahnahwah owh Egypt duhzhe keche oogemah, oo‐oo dush kegahenahwah, Jehovah oo‐Kesha‐Muhnedoomewaun egewh Hebrewug ningenuhquashkahgoonaun; umba suh dush buhgedene-shenaum, kepuhgoosanemegoo, nessoogoon chepemoosayaung buhgwuhduhkummig, chesahsahgewenungid dush owh Jehovah nin‐Kesha‐Muhnedoomenaun.

¹⁹ ¶ Ninquuhyuhkwandaun dush owh Egypt duhzhe keche oogemah chepuhgedenesenoowag, kahween ahnuhwe goo mushkuhwenekaneyag.

²⁰ Ningahzhebenekan dush, kuhya ninguhpuhketaäun ewh Egypt kuhkenuh enewh nemuhmaundahwechegunun uhyooyaun kaëzhechegayaun emah nahwuhyeëe: medush chepuhgedenenag.

²¹ Ningahenanemaug dush oogoo ahnishenahbag chemenwanemegoowaud enewh Egypptianun: tuhpuhgummeühyahmuhgud dush uhpe mahjahyag, pezheshig cheëzhemahjahsewag:

²² Anduhchewaud dush egewh equawug ooguhuhdahwuhmahwaun enewh bameganejin pashoo emah uhyahwaud, kuhya enewh kahbeendegahgoowahjin emah oowegewaumewaung shooneyah, suhsayahchegunun, kuhya oozahwah‐shooneyah‐suhsagahchegunun, kuhya uhgwewin: kegahpesekoonahwaug dush enewh kegwissewaug kuhya kedaunewaug; keguhoodahpenuhmuhwahwaug dush egewh Egyptianug enewh ooduhyeëemewaun.