EXODUS 28 - Ottawa New Testament Penteteuch and Psalms 1874

¹ Oodahpenuhmahzoon dush Aaron kesuhya, kuhya goo enewh oogwissun, emah magwaühyeëe uhyahwaud Israel onejahnesun, cheühnooketuhwid emah ooduhnookewining owh sahsahgewejega‐wenene owh goo Aaron, Nada bkuhya Abihu, Eleazar kuhya Ithamar, Aaron oogwissun.

² Kegahoozhetuhmuhwah dush owh Aaron kesuhya kachetwahwandahgwukkin ahgwewinun kapeshegandahgwukkin kuhya kaquuhnahjewungin.

³ Kegahguhnoonaug dush kuhkenuh nabwahkahjig, egewh kahenahkoonugwah chemooshkenashkahgoowaud enewh nebwahkahwine‐oojechaugoomaun, cheöozhetuhmuhwahwaud Aaronun oodahgwewinene cheöonjekechetwahweëmind, cheühnooketuhwid dush emah ooduhnookewining owh sahsahgewejega‐wenene.

⁴ Me suh dush oonoo ahgwewinun kaöozhetoowaud; asimeeg, kuhya ephod, kuhya peenzekuhwahgun, kuhya suhzagah peenzekuhwahgun, wewuhquaun, kuhya kejepezoon: oogahoozhetuhmuhwahwaun dush kachetwahwandahgwukkin ahgwewinun enewh Aaronun kesuhyayun, kuhya enewh oogwissun, cheühnooketuhwid dush emah ooduhnookewining owh sahsahgewejega‐wenene.

⁵ Oogahoodahpenahwaun dush oozahwe‐shooneyaun, kuhya ewh wazhahwushquaug, kuhya ewh mahnaundag, kuhya ewh masquaug kuhya wanesheshing puhpuhgewuhyahnegin.

⁶ ¶ Oozhetoowaud dush ewh ephod oogahahbuhjeähwaun oozahwe shooneyaun, ewh wazhahwushquaug, kuhya ewh mahnaundag, ewh masquaug, kuhya wanesheshing puhpuhgewuhyahnegin, cheöonjemuhmaundahwenahgwuk.

⁷ Enewh neenzh oodenemaunguhne‐muhnedoowagenoonsun dabandahgwukkin emah tahsuhgahquuhegahdawun emah neenzhing ezhetetebegwahdag ewh; me suh ewh kaëzhemah-muhwesing.

⁸ Kuhya ewh suhzagah kejepezoon ephoding dabandahgwuk, uhgwuhjühyeëe emah atag, me goo enewh nahsaub kaöonjeöozhechegahdag, anandahgwuk egoo ewh uhnookewin emah; oozahwe‐shooneyah suh goo, ewh wazhahwuhshquaug, kuhya ewh mahnaundag, kuhya ewh masquaug, kuhya wanesheshing puhpuhgewuhyahnegin.

⁹ Kegahoodahpenaug dush neenzh onyx uhsineensug, keahmunzenekoonaug dush chenahgwukkin dush emah enewh oodezhenekahzoowinewaun Israel oonejahnesun:

¹⁰ Ningoodwahswe enewh oodezhenekahzoowinewaun emah pazhig uhsineensing, kuhya enewh ahnind ningoodwahswe oodezhenekahzoowinewaun egewh ahnind emah menuhwah pazhig uhsineensing, kahezhenegewaud egoo:

¹¹ Azheühnookeed owh netahmunzenekoojegad uhsineensing, nindegoo ewh uhkookewuhsechegun‐ahbik manzenekoojegahdag, me ewh kaëzhemunzenekoonudwah egewh neenzh uhsineensug chenahgwukkin dush emah enewh oodezhenekahzoowinewaun Israel oonejahnesun: kegahuhnooke cheühsindwah oozahweshooneyah‐peenduhnoonekahjeguning.

¹² Kegahuhsaug dush egewh neenzh uhsineensug emah oodenemaungunewung ewh ephod, egewh uhsineensug cheöonjemequanemindwah Israel oonejahnesun: Aaron dush oogahbemewedoonun enewh oodezhenekahzoowinewaun anahsuhmenid Jehovahun emah neezh oodenemaunguning cheöonjemequanemindwah.

¹³ ¶ Kegahoozhetoonun dush oozahwe‐shooneyah‐peenduhnoonekahjegunun;

¹⁴ Kuhya neenzh wanjeduh oozahwe shooneyah‐tuhkoobe-jegunun emah wuhyaquahuhyahgin; bemenuhquauning kegahezhenahgwuhtoonun, kuhya kegahminjemoosedoonun enewh bahmuhtaëgahdagin tuhkoobejegunun emah peenduhnoonekahjeguning.

¹⁵ ¶ Kegahmuhmaundahwenahgwuhtoon kuhya ewh tebahkoonegawine‐asimeeg: azhechegahdag ewh ephod me ewh kaëzhetooyun; uhpe oozhetooyun kegahahbahjeäh oozahweshooneyah, ewh wazhahwushquaug, kuhya ewh mahnaundag, kuhya ewh masquaug, kuhya wanesheshing puhpuhgewuhyahnegin.

¹⁶ Tahooshuhshuhwayah kebiskenegahdag; pazhigwahkooähgun tuhuhquahmuhgud, kuhya pazhigwahkooähgun tahenegooquuhdayahmuhgud.

¹⁷ Kegahpeenuhwaug dush emah uhsineensug, newing egoo cheëzhenebedashenoowaud egewh uhsineensug: emah netum nebedashenoowaud tahuhbe owh sardius, owh topaz, kuhya owh carbuncle: me oogoo netum kanebedashingig.

¹⁸ Emah dush neenzhing ezhenebedashenoowaud tahuhbeowh emerald, owh sapphire, kuhya owh diamond:

¹⁹ Emah dush nesing ezhenebedashenoowaud owh ligure, owh agate, kuhya owh amethyst.

²⁰ Emah dush newing ezhenebedashenoowaud owh beryl, kuhya owh onyx, kuhya owh jasper: tahpeenuhwahwug emah oozahwe‐shooneyahwung emah suh goo peenduhnoonekahjeguning.

²¹ Emah dush uhsineensing tahnahgwudoon enewh oodezhenekahzoowinewaun Israel oonejahnesun, tahmedahsweuhshe neenzhenoon, nahsaub egoo azhesenenig oodezhenekahzoowinewaun, dahbishkoo goo ewh uhkookewuhsejegun‐ahbik manzenekoojegahdag; emah tahnahgwudoon oodezhenekahzoowinewaun anduhchewaud egewh, azhemedahswe‐uhshe-neenzhwuhyuhgezewaud egoo egewh ahnishenahbag.

²² ¶ Kegahoozhetoonun dush emah asimeeging tuhkoobejegunun emah wuhyaquahuhyaug enewh wanjeduh shooneyah tuhkoobejegunun bamuhtaëgahdagin.

²³ Kegahoozhetoonun dush emuh asimeging neenzh oozahweshooneyah‐wahweyayahbekudoon, kegahuhtoonun dush enewh neezh wahweyayahbekudoon emah neenzhing ezhewuhyaquahuhyaug asimeeg.

²⁴ Kegahpeenjesedoonun dush enewh neenzh oozahweshooneyah tuhkoobejegunun bahmuhtaëgahdagin emah enewh neenzh wahweyayahbekudoon emah wuhyaquahuhyaug ewh asimeeg atagin.

²⁵ Enewh dush neenzh tuhkoobejegunun bahmuhtaëgahdagin emah ahzhuhwuhyeëe neenzhing ezhewuhyaquahuhyahgin kegahminjemoosedoonun emah enewh neenzh peenduhnoonekahjegunun, kuhya kegahuhtoonun emah oodenemaungunewung ewh ephod negaun enuhkuhkayah.

²⁶ ¶ Kegahoozhetoonun dush neezh oozahwe‐shooneyah‐wahweyayahbekudoon, kegahuhtoonun dush emah neezhing ezhewuhyaquahuhyaug ewh asimeeg emah ooshuhshuhwayaug, emah suh goo enuhguhkayah uhtag ewh ephod peenjuhyeëe.

²⁷ Neezh dush egoo menuhwah oozahwe‐shooneyah wahweyayahbekudoon kegahoozhetoonun, kegahuhtoonun dush emah neezhing ezheöopemaühyeëewung ewh ephod uhnaumuhyeëe anahsuhme‐uhyahmuhguk enuhkuhkayah, debishkoo ewh menuhwah pazhig emah ahnekatoong ewh, ishpeming enuhkuhkayah emah uhtag ewh suhzagah kejepezoon ephoding dabandahgwuk.

²⁸ Oogahminjemuhpedoonahwah dush ewh asimeeg chezhahbwahbegenuhming ewh oozhahwushkoo‐tuhkoobejegun emah wayweyayahbekudoong dabandahgwukkin emah kuhya emah wahweyayahbekudoong ephoding dabandahgwukkin ishpeming enuhguhkayah cheëzhesing emah uhtag ewh suhzagah kejepezoon ephoding dabandahgwuk, kuhya dush ewh asimeeg chekediskahsenoog emah ephoding.

²⁹ Aaron dush oogahgegezenun enewh oodezhenekahzoowinewaun Israel oonejahnesun emah debahkoonewawine‐asimeeging emah oodaïng, uhpe paundegajin emah kachetwahwandahgwudenig, cheöonjemequanjegang emah anahsuhmeed Jehovah kahgenig.

³⁰ ¶ Kegahuhtoonun kuhya peenjuhyeëe emah debahkoonewawine‐asimeeging ewh Urim kuhya ewh Thummim; tuhuhtawun dush oogejuhyeëe Aaron oodaïng, uhpe paundegajin emah anahsuhmeühyahnid Jehovahun: Aaron kuhya oogahbemewedoon ewh oodebahkoonegoowinewah Israel oonejahnesun emah oodaïng anahsuhmenid Jehovahun kahgenig.

³¹ ¶ Kegahoozhetoon dush ewh peenzekuhwahgun ephoding dabandahgwuk pezheshig ewh wazhahwushquaug cheühyooyun.

³² Tahbuhgoonayahmuhgud dush emah oogejuhyeëe, emah goo nahwuhyeëe: tahbemedahbegenegunekahda kewetahuhyeëe emah buhgoonayaug chededebegwahdag enandahgwud, nindegoo ewh megahzoo‐peenzekuhwahgun emah buhgoonayaug, chedahdooshkahsenoog.

³³ ¶ Duhbuhzheesh dush emah dedebegwahdag kegahoozheäug pomegranatug cheähbuhjetooyun ewh wazhahwushquaug, kuhya ewh mahnaundag, kuhya ewh masquaug, kewetahuhyeëe emah dedebegwahdag; kuhya oozahwe‐shooneyah kedootahgaunsun nanesuhwuhyeëe kewetahuhyeëe:

³⁴ Oozahwe shooneyah kedootahgauns kuhya pomegranate, oozahwe‐shooneyah kedootahgauns kuhya pomegranate, emah dedebegwahdag ewh peenzekuhwahgun kewetahuhyeëe.

³⁵ Aaron dush oogahahgwin ewh uhpe anookejin uhnuhmeä‐wegummegoong: tahnoonduhwah dush uhpe paundegajin emah kachetwahwandahgwudenig anahsuhmeühyahnid Jehovahun, kuhya uhpe suhyahguhungin, cheneboosig dush nah.

³⁶ ¶ Kegahoozhetoon dush nuhbuhgahbik, wanezheshid oozahwe‐shooneyah cheühwud oozhetooyun, kegahwahweembekoodaun edush, debishkoo azhewahweembekoojegahdag ewh uhkookewuhsejegunahbik, oo‐oo dush chenahgwuk, TAHKECHETWAHWANDAHGOOZE JEHOVAH.

³⁷ Kegahuhtoon dush emah oozhahwushquagenoong agahsuhdayeguk cheühtag dush emah wewuhquauning; tahuhtamuhgud emah anahsuhmemuhguk.

³⁸ Tahuhta dush Aaron ookuhtegoong, Aaron dush chebemoondung ewh mujje‐ezhewabezewin wanjesing emah enewh kachetwahwandahgwukkin, enewh Israel oonejahnesun kakechetwahwetoowahjin kuhkenuh emah oomeegewawinewaung pahnuhkin; moonzhug dush tahuhtamuhgud ookuhtegoong, cheöodahpenindwah dush emah anahsuhmeühyaud Jehovah.

³⁹ ¶ Kegahzuhzagahtoon dush ewh peenzekuhwahgun wanezheshing puhpuhgewuhyahnegenoong wanjeöozhechegahdag, kuhya wanezheshing puhpuhgewuhyahnegin kegahahbuhjetoon uhpe oozhetooyun ewh wewuhquaun, kuhya kegahmunzenishtuhwah owh kejepezoon.

⁴⁰ ¶ Kuhya Aaron oogwissun kegahoozhetuhmuhwaug peenzekuhwahgunun, kuhya kegahoozhetuhmuhwaug kejepezoonun, kuhya wewuhquaunun kegahoozhetuhmuhwaug, cheöonjekechetwahwandahgoozewaud kuhya cheminwahbuhmenahgoozewaud.

⁴¹ Kegahpezekoonah dush Aaron kesuhya enewh, kuhya goo enewh oogwissun: kegahnoomenaug edush, kuhya kegahkechetwahweäug, chebuhmeetuhwewaud dush emah ooduhnookewining owh sahsahgewejega‐wenene.

⁴² Kegahoozhetuhmuhwaug kuhya puhpuhgewuhyahnegine‐keboodeyagwahzoonun cheöonjeühgwuhnuhegahdanig oobingwahshahgedewinewah; emah oomesuhdahmaung nuhnaunzh egoo emah ookaudemaung me ewh kaühquagezewaud:

⁴³ Oogahahgwenun dush Aaron, kuhya enewh oogwissun, uhpe paundegawahjin puhpuhgewuhyahne‐ahnuhmeä‐wegummigoong anduhzhemahwunjeëding, gamah kuhya uhpe pashoo nuhyaunzekuhmoowahjin ewh sahsahgewejegunahbik cheühnookewaud emah kachetwahwandahgwudenig; cheühyaunsigwah mujje‐ezhewabezewin, kuhya cheneboosigwah: me suh oo‐oo kahgenig kaënahkoonind kuhya enewh oonejahnissun kanebemahdezenid.