EXODUS 24 - Ottawa New Testament Penteteuch and Psalms 1874

¹ Oo‐oo dush oogeënaun enewh Mosesun, Penaunzekuhwik owh Jehovah oogedahkewayag, keen, kuhya Aaron, Nadab kuhya Abihu, kuhya neenzhwahsemeduhnuh ahkewazeyug Israelitug: wahsuh dush ween kenuhwah oonjeähnuhmeähyook.

² Moses dush atuh pashoo oogahnaunzekuhwaun enewh Jehovahun; egewh dush ween kahween pashoo tahpeëzhahsewug; kahween kuhya egewh ahnishenahbag oogahweejewahsewaun enewh.

³ ¶ Moses dush kepeëzhah, keweenduhmuhwaud dush enewh ahnishenahban kuhkenuh enewh oodekedoowinene Jehovahun, kuhya kuhkenuh enewh enahkoonegawinun: kuhkenuh dush egewh ahnishenahbag kepazhigwunene kahezhenuhquatuhmoowaud oo‐oo keëkedoowaud, Kuhkenuh enewh ekedoowinun Jehovah kahekedood, ningahezhechegamin.

⁴ Moses dush oogeöozhebeähnun kuhkenuh enewh oodekedoowinun owh Jehovah, ahpeche dush kakezhabahwuhgudenig keöonishkah, keöozhetood dush sahsahgewejegun‐ahbik emah nesahke wuhjewing, kuhya medahswe‐ahshe‐neenzh uhsine-ahswahkwuhegunun, anduhswayuhgezid egoo owh Israel ewh medahswe‐ahshe‐neenzhwuhyuhgezid.

⁵ Oogeëzhenahzhuhwaun dush enewh washkenuhwawenejin emah uhyahwaud Israel oonejahnesun, kahsahsahgewejeganid chahgida‐sahsahgewejegunun, kuhya kahpuhgedenuhmuhwahnid enewh Jehovahun pezauneëwa‐meegewawinun uhnooke‐pezhekewun suh goo.

⁶ Moses dush ahbetuh ewh misque oogeöodahpenaun, oonahguning dush oogeühtoon; ahbetuh dush kuhya ewh misque oogeühyoon kesuhswabeguhundung ewh sahsahgewejegun‐ahbik.

⁷ Oogeöodahpenaun dush ewh wahweenduhmahgawine-muhzenuhegun, keühginduhmuhwaud dush enewh ahnishenahban: oo‐oo dush keëkedoowun, Kuhkenuh kahekedood owh Jehovah ningahezhechegamin, kuhya ningahnuhittuhwahnaun.

⁸ Moses dush oogeöodahpenaun ewh misque, kesuhswabeguhunduhwaud dush enewh ahnishenahban, oo‐oo dush keëkedood, Benuh ewh misque dabandahgwuk emah wahweenduhmahgawining, ewh kahoozhetuhmoonenag owh Jehovah, kuhkenuh oonoo ekedoowinun oonje.

⁹ ¶ Me dush keoogedahkewad Moses, kuhya Aaron, Nadab, kuhya Abihu, kuhya neenzhwahsemeduhnuh egewh akewazeyewe Israelitug.

¹⁰ Oogewahbuhmahwaun dush Israel oo‐Kesha‐Muhnedoomun: ahnaum oositauning dush kenahgwud ewh nindego azhenekahdag sapphire uhsin ühwind, kuhya nindego ewh kezhig uhpe ahpeche mazhuhkwukkin.

¹¹ Egewh dush nahgahnandahgoozejig emah uhyahwaud Israel oonejahnesun kahween oogepuhketaöogoosewaun enewh: oogewahbuhmahwaun dush kuhya enewh Kesha‐Muhnedoon, kewesenewaud dush kuhya kemenequawaud.

¹² ¶ Jehovah dush oo‐oo oogeënaun enewh Mosesun, Penaunzekuhweshin emah oojewing wuhgedahkewayun, uhyaun dush emah: kegahmeenin dush tasahbikoon, kuhya enahkoonegawin, kuhya kuhgequawinun enewh kahoozhebeühmaunin; chekekenooühmuhwudwah dush.

¹³ Moses dush kepuhzegwe, kuhya enewh oomezhenuhwamun Joshuaün: Moses dush Kesha‐Muhnedoo oowuhjewing keëzheöogedahkewa.

¹⁴ Oo‐oo dush oogeënaun enewh uhkewazeyun, Peëshenaum oomah, nuhnaunzh egoo menuhwah peöodesegooyag: benuh dush, Aaron kuhya Hur keweejewegoowaug: kïshpin ahweyah nunduhwandung tebahkoonegawin, mahnoo oogahezhahnun enewh.

¹⁵ Moses dush emah wuhjewing keëzheoogedahkewa, ahnuhquud dush keühgwuhnesin emah wuhjewing.

¹⁶ Oopeshegandahgoozewin dush owh Jehovah keduhnezemuhgudene emah Sinai wuhjewing, kuhya keningwahnuhquud emah ningoodwahsoogoon: uhpe dush naunzhwahsoo‐kezhiguk emah nahwahnuhquudoong oogeöonjenundoomaun enewh Mosesun.

¹⁷ Oopeshegandahgoozewin dush owh Jehovah nindegoo ewh chuhyahgahkezoowamuhguk ishkooda, keëzhenahgwudene emah oogij‐wuhjewing, emah anahsuhmishkeenzhegwanid enewh Israel oonejahnesun.

¹⁸ Moses dush nahwahnuhquudoong keëzhah, kuhya emah wuhjewing keoogedahkewa: Moses dush keduhneze emah wuhjewing nemeduhnuh dussoogoon kuhya nemeduhnuh dussoo tebik.