EXODUS 23 - Ottawa New Testament Penteteuch and Psalms 1874

¹ Kahween kegahkuhkenuhwishke‐duhzhingase: kahween kegahwedookuhwahse owh maje‐ezhewabezid chemujje‐debahjemooyun.

² ¶ Kahween kegahnoopenuhnahseeg egewh muhyahmuhwenoojig chemujje‐ezhechegayun; kahween kuhya, uhpe kekedooyun, tebahkooneding, kegahwedookuhwahseeg egewh nuhwuj buhyahtuhyenoojig, buhkaun dush cheëzhetebahkoonegang:

³ ¶ Kahween kuhya kegahkedemahganemahse owh kademahgezid uhpe tebahkoonind.

⁴ ¶ Kïshpin nuhquashkuhwemud owh shaunganemik ooduhnooke‐pezhekeemun gamah kuhya oomamaungeshaëmun wuhneshenenid, ahbedakummig nayaub kegahkewawe-duhmuhwah.

⁵ Kïshpin wahbuhmemud oomamaungeshaëmun owh shaunganemik noondapungeshenenid ewh bemewuhnanid, shahgwanemooyun dush cheweedookuhwud, ahbedakummig kegahweedookuhwah.

⁶ Kahween kegahweekoojetooseen quuhyuk chetebahkoonahsewind owh kedahneshenahbam kademahgezid uhpe tebahkoonind.

⁷ Mewetoon kuhkenuhwishke‐debahjemoowin; owh kuhya maje‐ezhewabezesig manoo‐ëzhewabezid kahween kegahnesahse: kahmahween quuhyuk ezhewabeze ningahenanemahse owh maje‐ezhewabezid.

⁸ ¶ Kahween kuhya kegahoodahpenunseen gagoo meegewawin; ewh mah meegewawin ookuhgebeengwashkahgoonahwah egewh nabwahkahjig, kuhya oonje nishwuhnahjekeezhwawug egewh quayuk‐ezhewabezejig.

⁹ ¶ Kahween kuhya kegahgooduggeähse owh mayuhgezid; kekekandahnahwah mah ayenandung owh mayuggezid, kuhya kenuhwah mahween kegemuhyuggezim emah Egypt duhzhe uhkeeng.

¹⁰ Ningoodwahsoo‐pepoon kuhya kegahsuhswawabenega keduhkeeming, kuhya kegahmahwunjetoonun enewh natahwegingin emah:

¹¹ Neenzhwahsoo‐pepoonuhguk dush ween kegahpoonetoon chepezaunesing edush; egewh dush katemahgezejig emah uhyahwaud kedahnishenahbamug chewesenewaud: ewh dush ashquunduhmoowaud egewh mushkooda‐ahwaseyug oogahmeejenahwah. Me goo nahsaub kadooduhmun ewh keshoowemene‐ketegaun, kuhya ewh kedoliveëminuhgahwunzhe‐ketegaun.

¹² Ningoodwahsoogoon kegahuhnooke, uhpe dush neenzhwahsoo kezhiguk kegahaunwab: owh dush keduhnooke pezhekeem kuhya owh kemamaungeshaïm cheäunwabewaud, kuhya dush oogwissun owh kebuhmeetahgunequam, kuhya owh mayuggezid cheäunwabid.

¹³ Emah dush menik kahuhyenenuhgoog aungwahmezeyook: kagoo dush wahweendunkan oodezhenekahzoowinewah egewh bakahnezejig muhnedoog, kagoo kuhya kedooning ewh tahoonjenoondunseem.

¹⁴ ¶ Nesing ewh ningoo‐pepoon kegahahnuhmeä‐weekoondim emah anahsuhmeyaun.

¹⁵ Kegahkuhnuhwandaun ewh wambesejegahzoosig‐buhquazhegune‐weekoongawin: (kegahaumwah owh wambesejegahzoosig buhqwazhegun neenzhwahsoogoon, kahezhekuhgaunzoomenaun egoo, ewh goo uhpe kahenahkoonegahdag, uhpe uhgoojing owh Abib keezis; me mahween ewh uhpe kahoonjesahguhuhmag Egypting: kahween kuhya pezheshig ahweyah oogahwahbunduhewaseen weyowh emah anahsuhmeyaun:)

¹⁶ Kuhya ewh keeshkushkezhegawine‐weekoongawin, uhpe kemahwunjetooyun enewh netum kahzhegingin kahuhnookahtuhmun, kahsuhswawabenuhmumbun emah ketegauning: kuhya ewh mahwunjechegawine‐weekoongawin, uhpe zhegwuh wahkuhbekoosag ewh kekenoonoowin, uhpe kesahgeje-wetooyun emah ketegauning enewh kahuhnookahduhmunin.

¹⁷ Nesing ewh ningoo‐kekenoonoowin kuhkenuh kedenenemug oogahwahbunduhewanahwaun weyowewaun emah anahsuhmeühyaud Jehovah Kesha‐Muhnedoo.

¹⁸ Kahween kegahduhgoo‐sahsahgewejegaseen owh wambesejegahzood buhquazhegun, uhpe sahsahgewejegayun ewh nesahsahgewejegune‐misque; kahween kuhya ewh wenin emah nesahsahgewejeguning tuhuhtasenoon nuhnaunzh egoo chewahbung.

¹⁹ Enewh ahpeche goo netum kahzhegingin keduhkeeming kegahpeendeguhdoonun emah oowegewauming owh Jehovah keKesha‐Muhnedoom. Kahween kegahkuhbahshemahse mesahboozoons emah oodoodooshahboomening oogeen.

²⁰ ¶ Benuh, nindezhenaunzhuhwah Angen emah anahsuhmeyun, cheguhnuhwanemik emah kaneëzhahyun, kuhya chepeendegunik emah kahwuhwazhetuhmoonaun.

²¹ Nahnahguhduhwahbum, kuhya nuhittow, kagoo nishkeähkan: kah mah kegahahbwayanemegoose kemujje‐dooduhwud: ooduhyaun mah nindezhenekahzoowin.

²² Kïshpin dush ween kagate nuhittuhwud, kuhya ezhechegayun kuhkenuh akedooyaun: me suh chemegahnugwah egewh mahgahnikig, kuhya chesheenganemugwah egewh shaunganemikig.

²³ Owh mah nindAngenim tahnegahne, emah kaneëzhahyun kegahezhewenig dush emah uhyahwaud egewh Amoritug, kuhya egewh Hittitug, kuhya egewh Perizzitug, kuhya egewh Canaanitug, egewh Hivitug, kuhya egewh Jebusitug: ningahnishwuhnahjeäug dush.

²⁴ Kahween kegahoojecheengwuhnetuhwemahseen oomuhnedoomewaun, kahween kuhya kegahbuhmeetuhwemahseen, kahween kuhya kegahkekenuhwahbuhmahseeg azhechegawaud: kegahwuhweenga‐nishwuhnahjeemaun atuh, kuhya kegahwuhweenga‐pegwuhuhmuhwaug enewh oomuzzenenemewaun.

²⁵ Kegahbuhmeetuhwahwah dush owh Jehovah Ke‐Kesha‐Muhnedoomewah, kegahshuhwanduhmauk dush enewh kebuhquazhegunemun, kuhya ewh kenebeem; kegahekoonuhmoon kuhya ahkoozewin emah nahwuheëe uhyahyun.

²⁶ ¶ Kahween ewh neshewin tahkekandahgwuhsenoon, kahween kuhya ewh oonejahneseseeng, emah keduhkeeming: ningahdebishkoosedoonun anduhchingin kekezhigudoomun.

²⁷ Kegahnegahnenahzhuhuhmoon nesageëwawin, ningahnishwuhnahjeäug dush kuhkenuh egewh ahnishenahbag kaëzhahyunig, ningahenahkoonega kuhya kuhkenuh egewh shaunganemikig cheöozhemikwah.

²⁸ Kegahnegaunenahzhuhuhmoon kuhya ahmoog, kasahgejenahzhuhwahjig enewh Hivitun, enewh Canaanitun, kuhya enewh Hittitun, emah anahsuhmeyun oonje.

²⁹ Kahween emah anahsuhmeyun ningahoonjesahgejenah-zhuhwahseeg ningoo‐pepoonuhguk; chebuhgwuhduhkumme-gahsenoog emah uhkeeng, kuhya chebahtuhyenoosigwah egewh mushkooda‐uhwaseyug chemuhmaunzheësenoowagwah.

³⁰ Papunge egewh kegahsahgejenahzhuhuhmoon emah anahsuhmeyun, nuhnaunzh egoo ashkum pahtuhyenoowun kuhya tebanduhmun ewh uhke.

³¹ Ningahenahkoonega kuhya oo‐oo cheënegooquaug, keduhkeem emah misquahgumme‐kechegummeeng cheöonjemahduhkummegesing ewede dush ookechegummemewah egewh Philistinug chewuhyaquahyaug, kuhya emah buhgwuhduhkummig ewede dush sebeeng kegahpuhgedenuhmoon mah egewh wahdatoojig emah uhkeeng; kegahsahgejenahzhuhwaug dush emah anahsuhmeyun.

³² Kahween gagoo kegahwahweenduhmuhwahseeg, kahween kuhya enewh oomuhnedoomewaun.

³³ Kahween tahduhnuhkesewug emah keduhkeeming, chekushkeësenookwah dush chemujje‐dooduhweyun: kïshpin mahween buhmeetuhwemudwah oomuhnedoomewaun, me emah ahbedik kaöonjenuhgwahnegooyun.