EXODUS 22 - Ottawa New Testament Penteteuch and Psalms 1874

¹ Kïshpin ahweyah kemoodid uhnooke‐pezhekewun, gamah kuhya mahnishtahnishun, nesaud dush, gamah kuhya uhdahwad; tahtebuhuhmahga nahnun uhnooke‐pezhekewun mashquud enewh uhnooke‐pezhekewun, kuhya newin mahnishtahnishun mashquud enewh mahnishtahnishun.

² ¶ Kïshpin owh kamoodishkid mekuhwind begoobedood wegewaum, puhketaöond dush, ewh dush egoo oonje‐nebood, kahweentuhsegwabenegahdasenoon misque owh oonje.

³ Kïshpin enewh keezisoon mookuhuhmenid wahsashkahgood e‐dush, misque tuhsegwabenegahda ween oonje; ezhesenene mah kuhkenuh chetebuhuhmahgad; kïshpin gagoo debanduhsig, me suh cheühdahwaug ewh weyowh oogemoodewin oonje.

⁴ Kïshpin suh enewh kahkemoodejin kagate egoo mekuhmoomind emah uhyaud bemahdezenid, uhnooke‐pezhekewun ahyahwenegwan, gamah kuhya mamaungeshayun, gamah kuhya mahnishtahnishun; neenzhing menik tahtebuhuhmahga.

⁵ ¶ Kïshpin ahweyah ezhechegad ketegauning gamah kuhya shoowemene‐ketegauning chewesening, puhgedenaud dush kuhya emah ooduhwuhkaunun, cheduhzhesenenid dush bakahnezenejin enenewun ooketegaunening; ewh muhyahmuhwe‐oonezheshinenig emah ooketegauning, kuhya ewh muhyahmuhwe‐oonezheshinenig emah ooshoowemene‐ketegauning, tahtebuhuhmahga.

⁶ ¶ Kïshpin ishkooda biskahkoonamuhguk, nuhwuhduh-koonawaud dush egewh menansuhgahwunzheeg, enewh dush kahmahwundoowabuhegahdagin buhquazhegunushkehahgah-kedagin, gamah kuhya owh buhquazhegunushk paduhkezood gamah kuhya ewh ketegaun uhowh kahsuhkuhegad ahbedakummig tuhtebuhuhmahga.

⁷ ¶ Kïshpin ahweyah puhgedenuhmuhwaud enewh weejduhnuh‐kewamahgunun shooneyaun gamah kuhya debenuh-wawezewin cheguhnuhwanduhmahgood, kemooding dush ewh emah oowegewaumening enewh enenewun; kïshpin owh kahkemoodid mekuhwind, mahnoo neenzhing menik tuhtebuhuhmahga.

⁸ Kïshpin owh kahkemoodid mekuhwahsewind, me dush owh dabandung ewh wegewaum cheëzhewenind emah uhyahnid enewh tebahkoonega‐wenenewun, chekekanduhming dush keöodahpenuhmuhwahgwan ooduhyeëemene enewh weejduhnuhkewamahgunun.

⁹ Nuhmunj edoog anandahgwudoogwan ewh mujje‐ezhechegawin, pezheke oonje‐mujje‐ezhechegang, mamaungesha, mahnishtahnish, uhgwewin, gamah kuhya uhnooj egoo ewh kahwuhnetoong, ewh pakahnezid ahpeche wahdabwad ween debandung, nuhyanzh egewh ooguhtebahkoonegoowaun enewh tebahkoonega‐wenenewun; owh dush kaënahkoonegood enewh tebahkoonega‐wenenewun chetebuhuhmahgad, neenzhing menik oogahezhetebuhuhmuhwaun enewh weej-duknuhkewamahgunun.

¹⁰ Kïshpin ahweyah puhgedenuhmuhwaud enewh weejduhnuh‐kewumahgunun mamaungeshayun, gamah kuhya uhnooke‐pezhekewun, gamah kuhya mahnishtahnishun, gamah kuhya uhnooj egoo ahweyah uhwuhkaunun, cheguhnuhwanduhmahgood; neboonid dush, gamah kuhya mahkegunahmëmind, gamah kuhya mahjenaunzhuhoomind, ahweyah wahbungasig:

¹¹ Me suh nuhyanzh chemushkuhwe‐kekedoowaud wahweenahwaud enewh Jehovahun, ewh keöodahpenuhmuhwahsig enewh weejduhnuhkewamahgunun ooduhwuhkahnene; owh dush dabanenaud enewh oogahoodahpenuhmuhwaun ewh, kahween dush oogahtebuhuhmahgooseen.

¹² Kïshpin kuhya kemoodemind enewh, oogahtebuhuhmuhwaun enewh dabanemahnejin enewh.

¹³ Kïshpin pesebenemind, mahnoo oogahpeenaun chekekanjegahdag, kah dush tahtebuhuhmahgase mashquud enewh kahpesebenemind.

¹⁴ ¶ Kïshpin kuhya ahweyah uhdahwuhmaud enewh weejduhnuhkewamahgunun ahweyah: mahkegunahmëmind dush, kamah kuhya neboonid, weejeëwasenid enewh waduhyuhahmenejin, ahbedakummig tahtebuhuhmahga.

¹⁵ Kïshpin dush ween enewh waduhyuhahmenejin weej-eëwanid, kahween tahtebahuhmahgase: kïshpin keühnoonaud, kepeëzhahwun ooduhnoonegoowine oonje.

¹⁶ ¶ Kïshpin kuhya ahweyah enene wekoohzoomaud ooshkenegequan kahwahweenduhmuhwahsewemind cheweedegamind, wepamaud e‐dush, ahbedakummig oogahmeenaun weedega‐meegewawin kaöonjeweedegamaud edush.

¹⁷ Kïshpin oosene kagate egoo dabwatunsenid chemeenegood enewh, shooneyaun tahtebuhuhmahga menik egoo koo azhemeenindwah ooshkenegequag.

¹⁸ ¶ Kahween kegahpuhgedenahse equa chahsuhkeed chebemahdezid.

¹⁹ ¶ Ahwagwan wahpamahgwan uhwuhkaunun, ahbedakummig tahnesah.

²⁰ ¶ Owh suhyahsahgewenaud uhnooj egoo Muhnedoon, Jehovahun atuh kahween, tahwuhweenga‐nishwuhnahjeäh.

²¹ ¶ Kahween kegahmujje‐dooduhwahse owh mayuggezid, kahween kuhya kegahgooduggeähse: kegemuhyuggezim mahween emah Egypt duhzhe uhkeeng.

²² ¶ Kahween kegahgooduggeähsewah ahweyah shegah, gamah kuhya owh kahwezid uhbenooje.

²³ Kïshpin ningooduhnoo ezhegooduggeüdwah, pepahgemewaud dush egoo, ahbedakummig ningahnoondaun oogooduggetahgoozewinewah;

²⁴ Ningahguhgwaunesuhgegedauz edush, kuhya dush kegahnesenenim ahshuhwashk uhyooyaun; egewh kuhya kewedegamahgunewaug tahsheegahwewug, kuhya egewh kenejahnesewaug tahkewezewug.

²⁵ ¶ Kïshpin uhweüd shooneyah ahweyah egewh nindahnishenahbamug katemahgezid waujduhnuhkeemik, kahween owh kegahoonjeoondezesenun gagoo, kahween kuhya kegahenahse chemeenik ewh kaöondezeyun.

²⁶ Kïshpin oodahpenuhmuhwud keejduhnuhkewamahgun ooduhgwewin cheühpuhzenuhegad, kegahmeenah nayaub ewh chepwah pungeshemood keezis:

²⁷ Me mahween atuh ewh agwuhnuhoodezood, me ewh agwuhzhad: wagoonan kaühyoopun chenebaud? tahpuhgum meähyahmuhgud dush uhpe pepahgemïd, chenoonduhwug; ninkedemahganjega mahween.

²⁸ ¶ Kahween kegahmujje‐kuhnoonahseeg egewh tahbahkoogajig kahween kuhya kegahmujje‐kuhnoonahse owh wagemahkunduhwaud kedahnishenahbamun.

²⁹ ¶ Kahween kegahbuhbakahdanduhse chepuhgedenuhmun enewh netum mahnewungin kahzhegingin dabanduhmun, kuhya enewh uhnooj anahguhmegin: owh natumoonzhahnewid kegwissug kegahmeenzh.

³⁰ Me goo nahsaub kaühyindooduhwudwah keduhnooke‐pezhekeemug, kuhya kemahnishtahnishug: neenzhwahsoogoon oogahweejewaun oogeen; uhpe shwahsookezhiguk kegahmeenzh wahowh.

³¹ ¶ Kegahpeenezim kuhya oonje buhmeetuhweyag: kahween kuhya kegahmeejesenahwah gagoo weyaus bahsebe-doojig uhwaseyug emah ketegahning; kegahuhpuhgeduhwahwaug ewh ahnemooshug.