EXODUS 20 - Ottawa New Testament Penteteuch and Psalms 1874

¹ Kesha‐muhnedoo dush oogeëkedoonun kuhkenuh oonoo ekedoowinun, oo‐oo keëkedood.

² Neen suh nindowh Jehovah ke‐Kesha‐Muhnedoom, Egypt duhzhe uhkeeng kahoonjesahgejewenik, emah kahduhzhe-goodugge‐ähnookeyumbun.

³ Kahween ahweyah pakahnezid kegahoomuhnedoomesenun neen atuh.

⁴ Kahween kegahoozhetuhmahdezoose muhzenene, gamah kuhya gagoo azhenahgwuk ishpeming kezhigoong, gamah kuhya uhkeeng duhbuhzheesh, gamah kuhya nebekaung ahnaumuhkummig;

⁵ Kahween kegahoojejeengwuhnetuhwahseeg, kahween kuhya kegahbuhmeetuhwahseeg; neen mah Jehovah keKesha‐Muhnedoom ningezhahwanjegashk Kesha‐Muhnedooweyaun, naunzekuhmuhwugwah oomujje‐ezhewabezewinewah egewh wayoosemindjig oonejahnesewaun, nuhnaunzh nesing kuhya newing cheühneähneka‐bemahdezewaud egewh shaunganemejig;

⁶ Shahwanemugwah dush ween medahswauk egewh suhyahgeëjig, kuhya ganuhwandungig ninguhgekwawinun.

⁷ Kahween wuhnishquauch kegahwahweendunseen oodezhenekahzoowin Jehovah ke‐Kesha‐Muhnedoom; Jehovah mah kahween oogahmenwanemahseen enewh wuhnishquauch kawahweenduhmenid oodezhenekahzoowin.

⁸ Guhnuhwandun ewh ahnuhmeä‐kezhigud, wawane cheguhnuhwanduhmun.

⁹ Ningoodwahsoogoon kegahahnooke, cheëzhechegayun kuhkenuh wahenuhnookeyun:

¹⁰ Ewh dush ween neenzhwahsookezhigud, me ewh oodahnuhmeäkezhigudoom Jehovah ke‐Kesha‐Muhnedoom: ewh uhpe kahween ningooduhnoo kegahenuhnookese, keen, kuhya kegwis, kuhya kedaun, kebuhmeetahga‐weneneem, kuhya kebuhmeetahga‐equam, kuhya keduhwuhkaunug, kuhya owh mayuggezid paundegook:

¹¹ Ningoodwahsoogoon mah Jehovah oogeduhzhekaun keöozhetood kezhig kuhya uhke, kechegumme, kuhya kuhkenuh enewh emah ayahnejin, keäunwabid dush naunzhwahsookezhegudenig: me suh dush ewh Jehovah kahoonjeshahwandung ewh neenzhwahsookezhigud, kuhya kekechetwahwetood.

¹² ¶ Kechetwahwanim koos kukya keguh: cheöonjekuhgaunwaug kekezhigudoomun emah uhkeeng, ewh Jehovah ke‐Kesha‐Muhnedoom mahnik.

¹³ Kahween kegahneshewase.

¹⁴ Kahween kegahpeshegwahdezese.

¹⁵ Kahween kegahkeemoodese.

¹⁶ Kahween kegahkuhkenuhwishke‐bahtahmahse keejduhnuhkewamahgun.

¹⁷ Kahween kegahzhoobeëgooseen keejduhnuhkewamahgun oowegewaum, kahween kegahzhoobeëgooseen keejduhnuhkewamahgun wewun, kuhya oobuhmeetahga‐wenenemun, kuhya oobuhmeetahgaquamun, kuhya oopezhekeemun, kuhya oomamaungeshaëmun, kuhya gagoo menik dabandung keejduhnuhkewamahgun.

¹⁸ ¶ Kuhkenuh dush egewh ahnishenahbag oogewahbundahnahwah kahezhenoondahgoozenid uhnemekeen, kuhya kahezhewahwahsuhmoonid, kuhya kahezhemuhdwawanig ewh poodahjegun, kuhya kahezhepuhquananig wuhjewh; uhpe dush egewh ahnishenahbag kahwahbunduhmoowaud, keëkoogahbuhwewug, wahsuh dush keöonjegahbuhwewaud.

¹⁹ Oo‐oo dush oogeënahwaun Mosesun, Keen egoo guhnoonzheshenaum, ningahbezindahgamin dush: kagoo dush ween Kesha‐Muhnedoo ningahguhnoonegoosenaun, cheneboosewaung dush nah:

²⁰ Moses dush oo‐oo oogeënaun enewh ahnishenahban, Kagoo sakezekagoon: Kesha‐Muhnedoo mah peëzhah chekuhgwajeënag, kuhya chekoosag, chemujje‐ezhewabezesewag dush nah.

²¹ Egewh dush ahnishenahbag wahsuh keöonjegahbuhwewug, Moses dush pashoo oogenaunzekaun ewh pesuhgeeshkebik, emah uhyahnid Kesha‐Muhnedoon.

²² ¶ Jehovah dush oo‐oo oogeënaun Mosesun, Me suh oo‐oo kaënudwah Israel oonejahnesun, Kegewahbundahnahwah ishpeming kezhigoong keöonjeguhnoonenuhgoog.

²³ Kahween kegahoozheähsewaug shooneyah‐muhnedoog cheweej‐oo‐Kesha‐Muhnedoowemewaud, kahween kuhya kegahoozhetuhmahdezooseem oozahweshooneyah‐muhnedoog.

²⁴ ¶ Kegahöozhetuhmowh uhke‐sahsahgewejegun‐ahbik, oogejuheëe dush emah kegahsahsahgewejega kejahgedasahsahgewejegunun, kuhya kepezauneëwa‐meegewawinun, kemahnishtahnesheemug, kuhya kepezhekeemug: tebe kaühtoowaunan nindezhenekahzoowin me emah chenaunzekoonaun, kuhya cheshahwanemenaun.

²⁵ Kishpin dush kuhya wahoozhetuhmuhwewunan uhsine‐sahsahgewejegunahbik, kahween kegahuhwahseeg uhsin-neeg tataushkahbekuhegahzoojig uhpe weöozhetooyun: kishpin mah oombenahmun kedahnookahzoowin weöozhetooyun, keweenetoon suh.

²⁶ Kahween kuhya kegahezhetooseen nesahsahgewejegun‐ahbikoom, cheühkwaunduhwayun emah kepengwahshah-gedewin dush chewahbunjegahdasenoog emah.